ព័ត៌មានចាស់ៗ
ពិធីបញ្ចុះបឋមសិលាបើកការដ្ឋានសាងសង់ឆអគារសេនាធិការដ្ឋាននៃស្នងការដ្ឋាននគរបាលខេត្តត្បូងឃ្មុំ
ខេត្តត្បូងឃ្មុំ ៖ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង តំណាងដ៏ខ្ពង់ខ្ពស់ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ កាលពីព្រឹកថ្ងៃទី៧ខែវិច្ឆិការឆ្នាំ២០១៨នេះ បានអញ្ជើញជាគណអធិបតីក្នុងពិធីបញ្ចុះបឋមសិលា បើកការដ្ឋាន សាងសង់អគារសេនាធិការ នៃស្នងការដ្ឋាននគរបាលខេត្តត្បូងឃ្មុំ ដែលមានការអញ្ជើញចូលរួម ពីលោកស្នងការនគរបាលខេត្ត ជាប់ព្រំប្រទល់និងនាយកមន្ទីរនគរបាល មេបញ្ជាការកងទព័ការពារព្រំំដែន ខេត្តតៃនិញ និងខេត្តប៑ិនភឿកនៃសារធារណរដ្ឋសង្គមនិយមវៀតណាម។
លោកឧត្តមសេនីយ៍ទោ បែន រត្ន័ ស្នងការនគរបាលខេត្តត្បូងឃ្មុំ បានអោយដឹងថា ខេត្តត្បូងឃ្នុំត្រូវបានប្រកាសអោយដំណើរការរដ្ឋបាលជាផ្លូវការនៅថ្ងៃទី២ខែមិថុនាឆ្នាំ២០១៤ ហើយក្នុងអន្តរកាលកន្លងមក ស្នងការដ្ឋាន ត្រូវបានខ្ចីអគារសាលាស្រុកពញាក្រែក ធ្វើការបណ្តោះអាសន្នអស់រយះពេល៤ឆ្នាំមកហើយ នៅពេលនោះឯកឧត្តម ប្រាជ្ញចន្ទអតីតអភិបាលខេត្តត្បូងឃ្មុំបានផ្តល់ដី៦. ៥ហិចតា សម្រាប់កសាង ស្នងការដ្ឋាន តែពុំទាន់ទទួលបានថវិការដ្ឋនៅឡើយ។
លោកស្នងការបានបន្តថា បច្ចុប្បន្ននេះ ក្រោមការដឹកនាំរបស់សម្តេចក្រឡាហោម ស ខេង ឩបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនិងជាពិសេសមានការចង្អុលដឹកនាំផ្ទាល់ពីឯកឧត្តមនាយឧត្តមសេនិយ៍ នេត សាវឿន អគ្គស្នងការនគរបាលជាតិបានផ្តល់មូលនិធិសប្បុរសនិងបានកំណត់គោលដៅដល់ស្នងការនគរបាលខេត្តត្បូងឃ្មុំដើម្បីស្វះស្វែងរកមូលនីធិសប្បុរសជននានា ដើម្បីសាងសង់អគារសេនាធិការដ្ឋាន នៃស្នងការដ្ឋាននគរបាលខេត្តត្បូងឃ្មុំ ដែលមានទំហំ១.៨០០ម កំពស់២ជាន់ ធ្វើអំពីបេតុង ប្រក់ក្បឿង ។ អានបន្ត
ប្រសាសន៏ទាំងស្រុងសម្តេចតេជោហ៊ុន សែនអញ្ជើញជួបសួរសុខទុក្ខសំណេះសំណាលជាមួយកម្មករ កម្មការិនីជាង ២ម៉ឺន នាក់នៅក្នុងខេត្តតាកែវ
នៅព្រឹកថ្ងៃពុធ ១៤រោច ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៧ ខែវិច្ឆិកា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តអញ្ជើញចុះជួបសំណេះសំណាលជាមួយកម្មករ កម្មការិនី ២៣,៤៦៦នាក់ មកពីរោងចក្រ សហគ្រាសចំនួន២០មកតាមស្រុកនានានៅក្នុងខេត្តតាកែវ។ ពិធីសំណេះសំណាលនេះបានធ្វើឡើង នៅភូមិថ្នល់ទក្សិណ ឃុំក្រាំងធ្នង់ ស្រុកបាទី ខេត្តតាកែវ។
រោងចក្រសហគ្រាសទាំង២០ ដែល អនុញ្ញាតឲ្យកម្មករ កម្មការិនីជួបសំណេះសំណាលជាមួយ សម្តេចតេជោ គឺមានរោងចក្រកាត់ដេរ សម្លៀកបំពាក់១៣, រោងចក្រផលិតស្បែកជើងចំនួន៦ និងបោះពុម្ពលើសម្លៀកបំពាក់ចំនួន១។ ផលិត ផលទាំងអស់ត្រូវបាននាំចេញទៅកាន់ទីផ្សារអន្តរជាតិ និងផ្គត់ផ្គង់ទីផ្សារក្នុងប្រទេស។សម្តេចតេជោបានថ្លែងអំណរគុណយ៉ាងជ្រាលជ្រៅផងដែរចំពោះកូនក្មួយទាំងអស់ដែលបានផ្តល់ការគោរព ស្រលាញ់ ដល់សម្តេចតេជោរហូតមក។
ទន្ទឹមនឹងនេះដែរ សម្តេចតេជោ ក៏បានអរគុណ ម្ចាស់រោងចក្រទាំងអស់ដែលបានអនុញ្ញាតឲ្យកូនក្មួយកម្មករបានឈប់សំរាកនៅល្ងាចថ្ងៃនេះដោយមានប្រាក់ឈ្នួលពេញ។ នេះគឺបានបង្ហាញពីក្តីស្រឡាញ់និងយកចិត្តទុកដាក់ ព្រមទាំងសាមគ្គីភាពល្អរវាង កម្មករ និងម្ចាស់រោងចក្រ។
ថ្ងៃនេះ សម្តេចតេជោ ហ៊ុន សែន សប្បាយរីករាយជាខ្លាំងដែលបានអញ្ជើញជួបសំណេះ សំណាល ជាមួយកូនក្មួយកម្មករ កម្មការិនី ជាថ្មីម្តងទៀតនៅក្នុងខេត្តតាកែវ។ សម្តេចតេជោ បានមានប្រសាសន៍ ថា នៅខេត្តតាកែវ មានការផ្លាស់ប្តូរ និងមានភាពរីកចម្រើនជាច្រើនហើយ លើកលែងតែផ្លូវជាតិលេខ២ ដែលតភ្ជាប់ពីព្រែកហូតាខ្មៅទៅផ្លូវជាតិលេខ៣ នៅមានសភាពដដែលគឺមិនទាន់បានអនុវត្ត។ សម្តេច តេជោនាយករដ្ឋមន្ត្រី សូមឲ្យក្រសួងសាធារណការ និងដឹកជញ្ជូនពិនិត្យឡើងវិញហើយ ធ្វើយ៉ាងណា ឲ្យការកសាងសង់ផ្លូវជាតិលេខ២ បានដំណើរការឆាប់រហ័ស ព្រោះប្រជាពលរដ្ឋត្រូវការធ្វើដំណើរ។
សម្តេចតេជោ ហ៊ុន សែន បានរំលឹកពីសម័យមុនឆ្នាំ១៩៧៩ កម្ពុជាទទួលរងនូវភាពខ្ទីចខ្ទាំង ហេដ្ឋាចរនាសម្ព័ន្ធខូចខាតស្ទើទាំងស្រុង តែក្រោយពីបញ្ចប់សង្គ្រាមក្រោមនយោបាយឈ្នះ-ឈ្នះរបស់ សម្តេចតេជោ បានធ្វើឲ្យប្រទេសកម្ពុជាមានការីកចម្រើនយ៉ាងខ្លាំងដូចសព្វថ្ងៃនេះ។
ទាំងអស់នេះបាន មកពីការចូលរួមពីឪពុកម្តាយ និងពីជីដូនជីតារបស់ក្មួយៗ ដែលបានសម្រេចនូវកិច្ចការទាំងឡាយ ដើម្បីបានមកវិញនូវសន្តិភាព និងការអភិវឌ្ឍន៍ដូចបានឃើញស្រាប់នៅពេលនេះ។ ទទ្ទឹមនឹងនេះដែរ សម្តេចតេជោ ហ៊ុន សែន ស្នើសុំឲ្យកូនក្មួយកម្មករកម្មការនីទាំងអស់ រួមគ្នាថែរក្សាសន្តិភាពដែលជាមូលដ្ឋានគ្រឹះចំបងក្នុងការជំរុញការអភិវឌ្ឍប្រទេសជាតិឲ្យរីកចម្រើនបន្តទៀត។
សម្តេចតេជោនាយករដ្ឋមន្ត្រីបាន សន្យាជាមួយកូនក្មួយកម្មករថានឹងបន្តដំណើជាមួយកូនក្មួយកម្មករក្នុងរយៈពេល១០ឆ្នាំទៀត ដើម្បីនៅមើលថែ និងរួមសុខរួមទុក្ខជាមួយកូនក្មួយកម្មករកម្មករនី និងប្រជាពលរដ្ឋទាំងអស់។ ជាថ្មីម្តងទៀត សម្តេចតេជោនាយករដ្ឋមន្ត្រី រំឮកដល់ម្ចាស់រោងចក្រត្រូវមានការគោរពស្រលាញ់ គិតគូ និងយកចិត្តទុក្ខដាក់ឲ្យបានដិតដល់ចំពោះកម្មករ។
ចំពោះកម្មករវិញគឺត្រូវខិតខំបំពេញតួនាទី ការងារឲ្យបានល្អត្រលប់មកវិញដើម្បីបង្កើតបានសាមគ្គីភាពរវាងម្ចាស់រោងចក្រនិង កម្មករ។
ទន្ទឹមនឹង នេះម្ចាស់រោងចក្រត្រូវខិតខំកសាងបន្ថែមទៀតនូវអ្វីដែលខ្វះខាតនៅតាមរោងចក្រខ្លួនដូចជា គិលាន ដ្ឋាន កន្លែងទទួលទានអាហារ ដើម្បីបង្កភាពងាយស្រួលដល់កម្មករពេលទទួលទានអាហារ និងនៅ ពេលសង្គ្រោះបន្ទាន់។
សម្តេចតេជោ ចង់អោយរោងចក្រទាំងអស់ ដែលបានវិនិយោគនៅក្នុង ប្រទេស កម្ពុជាក្លាយទៅជាសហគមន៍ដ៏សុខសាន្តមួយ។ នៅឆ្នាំ ២០១៩ ខាងមុខនេះ តម្លៃអគ្គិសនីនឹងមាន តម្លៃទាបដើម្បីផ្តល់ភាពងាយស្រួលដល់ម្ចាស់រោងចក្រ និងសម្រាប់បងប្អូនប្រជាពលរដ្ឋប្រើប្រាស់ ។ សម្តេចតេជោនាយករដ្ឋមន្ត្រី បានមានប្រសាសន៍ថា នៅថ្ងៃសុក្រ ទី៩ ខែវិច្ឆិកា ឆ្នាំ២០១៨ ខាងមុខនេះ ប្រជាពលរដ្ឋទូទាំងប្រទេសនឹងចូលរួមអបអរសាទរ ថ្ងៃទិវាបុណ្យឯករាជជាតិ ដែលជាស្នារព្រះហស្ថ របស់អតីតព្រះមហាកត្រកម្ពុជា ព្រះបាទសម្តេចព្រះ នរោត្តម សីហនុ ដែលបានយកឯករាជ្យជូនជាតិ និងប្រជាពលរដ្ឋទាំងអស់។
ទន្ទឹមនឹងនេះផងដែរ សម្តេចតេជោបានរឹលឹកជាថ្មីម្តងទៀត ថាកម្ពុជានឹង រៀបចំពិធីបុណ្យដ៏ធំមួយដើម្បីដើម្បីសម្ពោធវិមានឈ្នះឈ្នះរំលឹកខួប ២០ឆ្នាំ ដែលមានរយៈពេល៣ថ្ងៃ គឺនៅថ្ងៃទី២៩-៣១ ខែធ្នូ ២០១៨ ខាងមុខនេះ។
ដើម្បីជំរុញការអនុវត្តការងារអោយមានប្រសិទ្ធភាព សម្តេចតេជោ ហ៊ុន សែន នាយករដ្ឋមន្ត្រី បានបន្តដាក់ចេញនូវអនុសាសន៍សំខាន់ៗ១០ចំណុចដូចខាងក្រោមៈ
១)ត្រូវអនុវត្តបើកប្រាក់ខែអប្បបរិមាដល់កម្មករក្នុងឆ្នាំ ២០១៨ គឺ ១៧០ ដុល្លារ បើក្រុមហ៊ុនផ្តល់ជូនកម្មករលើសនេះគឺរិតតែល្អប្រសើរ។ ប៉ុន្តែចាប់ពីឆ្នាំ២០១៩ ទៅ គឺប្រាក់ខែអប្បបរិមាកម្មករគឺ ១៨២ ដុល្លារសហរដ្ឋអាមេរិក។
២)ត្រូវអនុវត្តការចុះពិនិត្យនៅតាមមន្ទីពេទ្យរដ្ឋចំពោះការពិនិត្យសុខភាព និងការព្យាបាល កម្មករកម្ម ការិនី រោងចក្រ រួមទាំងកីឡាករ កីឡាការិនី ក្រុមប្រឹក្សាភូមិ ឃុំ ក៏ត្រូវបានអនុវត្តដូចគ្នាជា ពិសេសរដ្ឋមន្ត្រីក្រសួងសុខាភិបាល និងក្រសួងការងារត្រូវធ្វើអោយបានម៉ត់ចត់។
៣)ត្រូវអនុវត្តចំពោះស្ត្រីមានផ្ទៃពោះសំរាលកូនគឺនឹងទទួលបានពេលវេលាឈប់សម្រាក ពីការងាររយៈ ពេល៣ខែ ហើយទទួលបានប្រាក់ខែ ១២០% (៥០% ដោយក្រុមហ៊ុន និង ៧០%ដោយបេឡាជាតិ) ក្រសួងពាក់ព័ន្ធត្រូវតាមដានការងារឲ្យបានដិតដល់ចំពោះការអនុវត្តសកម្មភាពនេះ។
៤)ត្រូវអនុវត្តចំពោះកម្មការិនីសម្រាលបានកូន(១)គឺទទួលថវិកា៤០ម៉ឺនរៀលនិងពិនិត្យផ្ទៃពោះដោយឥតគិតថ្លៃ។ បើសម្រាលបានកូនភ្លោះ (២) គឺទទួលបានថវិកា៨០ម៉ឺនរៀល។ បើសម្រាលបាន កូន(៣)គឺទទួលបានថវិកា១លាន២សែនរៀលហើយបូកប្រាក់ឧបត្ថម្ភចំនួន៥លានរៀលទៀតពីសម្តេចតេជោ និងសម្តេចកិត្តិព្រឹទ្ឋបណ្ឌិត។ សម្តេចតេជោនាយករដ្ឋមន្ត្រីបានជម្រាបផងដែរថា នៅពេលដ៏ខ្លី ខាងមុខនេះ ចំពោះកូនក្មួយកម្មការិនីក្រីក្របំផុតនោះគឺនឹងទទួលបាននូវប្រាក់ឧបត្ថម្ភប្រមាណ ៧៦០,០០០៛ (១៩០ដុល្លារ)។
ឮ៥)ត្រូវអនុវត្តចំពោះរបបសន្តិសុខសង្គម ដោយចាប់ពីថ្ងៃទី១ ខែមករា ឆ្នាំ២០១៨ តទៅ កម្មករកម្មករនី មិនចាំបាច់បង់ទៀតទេ គឺម្ចាស់ក្រុមហ៊ុនជាអ្នកបង់ជំនួស ១០០%។
៦)អនុវត្តតាមដានមើលបញ្ហា ទឹក ភ្លើង គឺត្រូវខិតខំបន្ត តទឹកតភ្លើងដល់ផ្ទះរបស់កម្មករយើង ដែលនៅ ឆ្ងាយដែលមិនទាន់ទៅដល់ឲ្យបានគ្រប់គ្រាន់ និងតំលៃផ្ទះជួលដល់កម្មករកម្មការិនីកុំ អោយមានការ ឡើងថ្លៃក្នុងឆ្នាំ២០១៨ ពីព្រោះកន្លងមកយើងមានកំណត់រួចរាល់ហើយ។
៧)អនុវត្តប្រាក់សោធននិវត្តន៍ ចាប់ពីឆ្នាំ ២០១៩ ទៅក្មួយកម្មករ និងទទួលបានប្រាក់ ចូលនិវត្តន៍(ប្រាក់រឺត្រែត)ដូចច្នេះក្នុងរយៈពេល១ឆ្នាំ(២០១៨)ត្រូវត្រៀមរៀបចំអោយហើយដើម្បីឲ្យដំណើរការបានល្អនៅក្នុងឆ្នាំ២០១៩នូវរបបសោធននិវត្តន៍នេះ។
៨)អនុវត្តចូលរួមបន្តយកចិត្តទុកដាក់និងដោះស្រាយបញ្ហាផ្សេងៗដែលបងប្អូនពលករទៅក្រៅប្រទេសជួយសម្រួលនូវបែបបទលិខិតបទដ្ឋានផ្លូច្បាប់នានា និងដើម្បីទទួលបាននូវល័ក្ខខ័ណ្ឌការងារល្អ ប្រសើរ។
៩)ក្រសួងការងារត្រូវចុះអនុវត្តតាមដានភ្លាមៗឲ្យបានដិតដល់ និងចូលរួមដោះស្រាយបញ្ហាប្រឈម នានាចំពោះកម្មករនៅពេលដែលម្ចាស់រោងចក្ររត់ចោល។ ក្នុងនោះគឺត្រូវដោះស្រាយផ្តល់ប្រាក់ឈ្នួល ជាបន្ទាន់ដល់កម្មករដែលបានធ្វើការក្នុងពេលដែលថៅកែរោងចក្របានរត់ចោល ហើយត្រូវបន្តដោះ ស្រាយបញ្ហានានាជាមួយម្ចាស់រោងចក្រដោយផ្ទាល់។ ទន្ទឹមនឹងនោះដែរ គឺត្រូវជួយរកការងារធ្វើដល់ក ម្មករ កម្មការិនីអោយបានឆាប់បំផុត។ ក្នុងឱកាសនេះ សម្តេចតេជោ ហ៊ុន សែន បានអំពាវនាវឲ្យ បង្កើនការយកចិត្តទុកដាក់ខ្ពស់ចំពោះសុខសុវត្ថិភាពកម្មកក្នុងពេលធ្វើដំណើរតាមរថយន្តម៉ៅការដឹកកម្មករ។ រថយន្តស៊ីឈ្នួល ដឹកកម្មករ ទាំងអស់ត្រូវតែមានការប្រុង ប្រយ័ត្នខ្ពស់ក្នុងការធានាដល់ សុវត្ថិភាព កម្មកររួមដំណើរក្នុងពេលបើកបរ។
១០)ត្រូវបន្តដោះស្រាយជួយពលករដែលកំពុងធ្វើការនៅក្រៅប្រទេសធ្វើយ៉ាងណាអោយកម្មករធ្វើការបានស្របច្បាប់។ សូមបងប្អូនកុំយល់ច្រឡំឬគិតថាខុស ក្នុងពេលដែលបងប្អូនកូនក្មួយទៅធ្វើការនៅ ប្រទេសគេ។
សូម្បីប្រទេសថៃក៏គេបញ្ជូនកម្មករទៅធធ្វើការនៅបរទេសដូចជានៅប្រទេសកូរ៉េ ជប៉ុន រីឯប្រទេសហ្វីលីពីនក៏បានបញ្ជូនពលរដ្ឋអោយទៅធ្វើការនៅបរទេសដូចជានៅកម្ពុជា និងនៅសហរដ្ឋ អាមេរិកជាដើម។
ពលរដ្ឋគេបាននាំមកវិញនូវប្រាក់ចំណូលជាច្រើនសម្រាប់ប្រទេសគេ គឺមិនមែនជា ការខ្មាសអៀនឬអាក្រក់អ្វីទេ។បច្ចុប្បនេះរាជរដ្ឋាភិបាលកម្ពុជាកំពុងបានខិតខំស្វែករកទីផ្សាការងារក្រៅប្រទេសផងដែរដូចជាកូរ៉េ ជប៉ុន និងប្រទេសមជ្ឍឹមបូពា ដូចជាប្រទេសអារ៉ាប់ជាដើមដើម្បីផ្តល់ការងារដល់បងប្អូនខ្មែរឥស្លាមបានទៅធ្វើការនៅទីនោះ។
កន្លងរាជរដ្ឋាភិបាលក៏បានជួយដោះស្រាយនឹងនាំយកកាន់ប្រទេសវិញចំពោះបងប្អូនកម្មករមួយវចំនួនដែលចាញ់បោកមេខ្យល់បោកយកទៅធ្វើការងារដោយខុសច្បាប់ ។ មុននឹងបញ្ចប់ សម្តេចតេជោ ហ៊ុន សែន នាយករដ្ឋមន្ត្រី បានជូនពរដល់បងប្អូនកូនក្មួយកម្មករ កម្មការិនី និយោជកទាំងអស់ ជួបតែសេចក្តីសុខចម្រើនគ្រប់ៗគ្នា។
ទន្ទឹមនឹងនោះដែរ សម្តេចតេជោ នាយករដ្ឋមន្ត្រីបានឧបត្ថម្ភនូវប្រាក់លើកទឹកចិត្តមួយចំនួនដល់កូនក្មួយកម្មការិនីមានផ្ទៃពោះចំនួន (១,០៤១) នាក់ផងដែរ ៕ អានបន្ត
រដ្ឋមន្ត្រីក្រសួងកសិកម្ម អញ្ជើញជាអធិបតីក្នុងពិធីបើកវេទិកាថ្នាក់ តំបន់ស្តីពី «កសិកម្មអេកូ ឡូស៊ីនាពេលអនាគត»
សៀមរាប នាព្រឹកថ្ងៃទី៦ ខែវិច្ឆិកា ឆ្នាំ២០១៨ ឯកឧត្តម វេង សាខុន រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីបើក វេទិកាថ្នាក់តំបន់ស្តីពី «កសិកម្មអេកូឡូស៊ីនាពេលអនាគត» ដែលបាន រៀបចំឡើងដោយអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទ ក្រោមកិច្ចសហការយ៉ាងល្អប្រសើរជាមួយមជ្ឈមណ្ឌល CIRAD និងអង្គការ GRET។
ក្នុងឱកាសនោះ គឺមានដៃគូជាច្រើនផងដែរបានចូលរួមដូចជា របស់ លោកស្រី Naomi Noel តំណាងទីភ្នាក់ងារបារាំងសម្រាប់ការអភិវឌ្ឍ (AFD) លោកបណ្ឌិត Philippe Girard តំណាងមជ្ឈមណ្ឌល CIRAD និងជានាយកប្រចាំតំបន់អាស៊ីអាគ្នេយ៍ លោក Dominique Violas តំណាងអង្គការ GRET ព្រមទាំង លោក លោកស្រី នាងកញ្ញា ភ្ញៀវ កិត្តិយសជាតិ-អន្តរជាតិ ដែលជាតំណាងនៃបណ្តា ប្រទេសជាច្រើន នៅអាស៊ី និងស្ថាប័នពាក់ព័ន្ធនានាដូចជាមជ្ឈមណ្ឌលស្រាវជ្រាវកសិកម្ម បារាំងសម្រាប់ការអភិវឌ្ឍអន្តរជាតិ (CIRAD) ទីភ្នាក់ងារបារាំងសម្រាប់ ការអភិវឌ្ឍ (AFD) អង្គការ GRET មជ្ឈមណ្ឌលគ្រឿងយន្ត កសិកម្ម សមស្របរបស់គណៈកម្មការសេដ្ឋកិច្ច និងសង្គមសម្រាប់តំបន់អាស៊ី ប៉ាស៊ីហ្វិក(UN-ESCAP/CSAM)ទីភ្នាក់ងារអភិវឌ្ឍន៍សហរដ្ឋអាមេរិក (USAID) អង្គការស្បៀង និងកសិកម្មនៃសហប្រជាជាតិ(FAO) សម្ព័ន្ធ គ្រឿងយន្តកសិកម្មសមស្រប(ASMC) បណ្តាញអភិរក្សកសិកម្មនៅអាស៊ី អាគ្នេយ៍ (CANSEA) និងអង្គការ Swisscontact ដើម្បីចូលរួមក្នុងវេទិកា នាពេលនោះផងដែរ។
ឯកឧត្តមដ្ឋមន្ត្រី វេង សាខុន បានបញ្ជាក់ថា ការរៀបចំវេទិកានេះគឺ ជាព្រឹត្តិការណ៍មួយដ៏វិសេសវិសាល ដែលរៀបចំឡើងស្របពេលដែល កំណើនសេដ្ឋកិច្ច ព្រមទាំងទំនើបកម្ម និងនាវានុវត្តសង្គម ក្នុងតំបន់កំពុង តែមានលក្ខណៈប្រទាក់ក្រឡាគ្នាយ៉ាងល្អប្រសើរ ហើយក៏ជាសក្ខីកម្មមួយ ដែលយើងរំពឹងថា នឹងផ្តល់នូវលទ្ធផលល្អនាពេលខាងមុខ សម្រាប់ បណ្តាប្រទេសក្នុងតំបន់ដើម្បីផ្សារភ្ជាប់ ជាមួយយុទ្ធសាស្ត្រ អភិវឌ្ឍន៍ថ្នាក់ តំបន់មួយយ៉ាងល្អប្រសើរសម្រាប់ជាចក្ខុវិស័យក្នុងការបង្កើនផលិតភាពកសិកម្មប្រកបដោយសុវត្ថិភាព ភាតរបរិស្ថាន និងភាពរីកចម្រើនរបស់ ប្រជាជនយើងទាំងអស់គ្នានៅក្នុងតំបន់នេះ។
ឯកឧត្តម វេង សាខុន បានគូសបញ្ជាក់ថា ក្នុងគោលបំណងដើម្បីចូលរួម ជំរុញការងារ «កសិកម្មអេកូឡូស៊ីនាពេលអនាគត» លោករដ្ឋមន្ត្រី បានចូលរួមផ្តល់នូវសារគន្លឹះមួយចំនួនជូនអង្គពិធីទាំងមូលដើម្បីពិចារណាដូចតទៅ៖
ទី១. ជំរុញការអនុវត្តកសិកម្មល្អប្រកបដោយចីរភាព និងមានភាពធន់ ទ្រាំនឹងការប្រែប្រួលអាកាសធាតុ ដោយដាក់បញ្ចូលគោលការណ៍ ប្រព័ន្ធអេកូឡូស៊ីជាមូលដ្ឋាន ដោយត្រូវកំណត់អត្តសញ្ញាណ និងផ្សព្វផ្សាយអំពីការអនុវត្តកសិកម្មល្អ ប្រកបដោយភាពឆ្លាតវៃ ស្របតាមវិធានការ និងគោលការណ៍របស់ប្រទេសនីមួយៗ និងគោលការណ៍រួមរបស់អាស៊ាន ធានាឱ្យមានការផ្លាស់ប្តូរបទ ពិសោធន៍ពីប្រទេសមួយទៅប្រទេសមួយ និងត្រូវធ្វើឲ្យប្រសើរឡើង ដល់ការកំណត់ និងការគ្រប់គ្រងហានិភ័យធម្មជាតិ និងសមត្ថភាព ទាំងឡាយឱ្យស្របទៅនឹងការផ្លាស់ប្តូរលក្ខខណ្ឌអាកាសធាតុនៅគ្រប់កម្រិត។
ទី២. ត្រូវអនុវត្តរាល់វិធានការនានា ដើម្បីកាត់បន្ថយការបំផ្លាញ គុណភាពដី ការប្រើប្រាស់ដីគ្មាននិរន្តរភាព និងការបំផ្លាញប្រព័ន្ធអេកូ ឡូស៊ី ដោយត្រូវបន្តសហការគ្នា រៀបចំកំណត់តំបន់ដីកសិកម្មឱ្យបាន សមស្របសម្រាប់ទិសដៅប្រើប្រាស់យូរអង្វែង និងត្រូវអនុវត្តគោល ការណ៍ពាក់ព័ន្ធដើម្បីឈានដល់ការគ្រប់គ្រងធនធានធម្មជាតិ ដែលកើតចេញពីវិធានការអភិវឌ្ឍប្រកបដោយចីរភាព ដោយប្រមូលផ្តុំ នៅក្នុងប្រព័ន្ធគ្រប់គ្រងអេកូឡូស៊ី និងការអភិវឌ្ឍផ្អែកលើមូល ដ្ឋានជីវៈចម្រុះ។
ជាមួយគ្នានេះ ក៏ត្រូវលើកកម្ពស់គោលនយោបាយប្រើប្រាស់ដីធ្លី ដើម្បីជួយដល់កសិករដែលមានដីស្រែចម្ការតិចតួច ប្រកបដោយសមធម៌ និងរក្សាបាននូវស្ថិរភាពនៃការប្រើប្រាស់ដី និងប្រភពធនធានធម្មជាតិ តាមរយៈការធ្វើកសិកម្មចម្រុះឱ្យអស់លទ្ធភាពឆ្លើយតបទៅនឹងតម្រូវការទីផ្សារជាក់ស្តែង។
ទី៣. គ្រប់បណ្តាប្រទេស និងអ្នកពាក់ព័ន្ធទាំងអស់ ត្រូវសហការគ្នា ឱ្យបានល្អដើម្បីចូលរួមការពារស្តារ និងអនុវត្តការប្រើប្រាស់ដោយ និរន្តរភាពនូវធនធានធម្មជាតិ និងប្រព័ន្ធបរិស្ថាន ជាពិសេស គឺចូលរួមទប់ស្កាត់ការអនុវត្ត ឬសកម្មភាពដែលបង្កឱ្យមានរហោស្ថានកម្ម ឬការធ្លាក់ចុះគុណភាពដី ពោលគឺត្រូវបង្វែរពីការរស់នៅដោយពឹង អាស្រ័យ លើផល និងអនុផលព្រៃឈើ ព្រមទាំងការអនុវត្តធ្វើកសិកម្ម តាមទម្លាប់ មកធ្វើកសិកម្មតាមបែបប្រពលវប្បកម្មទំនើប ចម្រុះ ទាន់សម័យ និងសមស្រប ហើយចូលរួមគ្រប់គ្រងដីឱ្យមាននិរន្តរភាព ដើម្បីលើកកម្ពស់ជីវភាពរស់នៅ ពោលគឺត្រូវរក្សា ស្តារ ឬកែប្រែទឹក និងដី ឱ្យមានភាពបៃតងស្រស់ មានភាពមនោរម្យយូរអង្វែង សម្រាប់ជីវិត របស់យើងគ្រប់ៗគ្នា៕
អានបន្ត
ពិធីផ្ទេរភារកិច្ច តែងតាំងមុខតំណែង នាយប៉ុស្តិ៍ នគរបាលអន្តោប្រវេសន៍ថ្មី ច្រកទ្វារព្រំដែនអន្តរជាតិ ព្រំ
ខេត្តប៉ៃលិន ៖ កាលពីព្រឹក ថ្ងៃទី២ ខែវិច្ឆិកា ឆ្នាំ២០១៨ នៅស្នាក់ការប៉ុស្តិ៍នគរបាល ច្រកទ្វារព្រំដែនអន្តរជាតិព្រំ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ មាន រៀបចំពិធីប្រកាសតែងតាំង មុខតំណែងនិងផ្ទេរភារកិច្ច នាយប៉ុស្តិ៍នគរបាលច្រកទ្វារព្រំ ដែនអន្តជាតិព្រំ ក្រោមអធិបតី ភាព ឯកឧត្តម ផាន់ ចាន់ធុល អភិបាលខេត្តប៉ៃលិន និងលោក ឧត្តមសេនីយ៍ឯក ជា ធា អគ្គនាយករងអន្តោប្រវេសន៍ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គៀត ច័ន្ទ ថារិទ្ធ អគ្គនាយកនៃអគ្គនាយក ដ្ឋានអន្តោប្រវេសន៍ និងមាន ការអញ្ជើញចូលរួមពីគណៈ ប្រតិភូអគ្គនាយកដ្ឋានអន្តោ ប្រវេសន៍ នាយការិយាល័យ មន្ត្រីចំណុះនាយកដ្ឋានច្រក ទ្វារទី១ និងគ្រប់បណ្តាអង្គភាពពាក់ព័ន្ធក្នុងខេត្ត ព្រម ទាំងភាគីថៃ អញ្ជើញមកជា ច្រើននាក់ដែរ ។
ក្នុងឱកាសផ្លាស់ប្តូរមុខ តំណែងនេះត្រូវបានប្រកាស់ លោក ផាត់ វិរៈ នាយរងប៉ុស្តិ៍ នគរបាលអន្តោប្រវេសន៍ច្រក ទ្វាអន្តរជាតិដូង ខេត្តបាត់ដំបង មកផ្លាស់ប្តូរជានាយប៉ុស្តិ៍នគរ បាលអន្តោប្រវេសន៍ច្រកទ្វាព្រំ ដែន អន្តរជាតិព្រំ ខេត្តប៉ៃលិន ជំនួសលោក សួស សុខដារ៉ា នាយប៉ុស្តិ៍នគរបាលអន្តោប្រវេសន៍ច្រកទ្វាព្រំដែនអន្តរជាតិ ព្រំចាស់ដែលត្រូវទៅកាន់ តំណែងថ្មី ។
ប្រកាសមកចូលកាន់មុខ តំណែងនេះ ឯកឧត្តម ផាន់ ចាន់ធុល អភិបាលខេត្តប៉ៃលិន លោកបានមានប្រសាសន៍ផ្តាំ ផ្ញើរដល់លោកនាយប៉ុស្តិ៍ថ្មី ត្រូវរក្សាឱ្យបានល្អនូវក្រម សិលធម៌ វិជ្ជាជីវ៉ ក្នុងនាម ថ្នាក់ដឹកនាំយកចិត្តទុកដាក់ ខ្ពស់បំផុតដែលថ្នាក់ដឹកនាំបាន ប្រគល់នៅតួនាទីភារកិច្ចថ្មីជា នាយប៉ុស្តិ៍នគរបាលច្រកទ្វារ អន្តជាតិច្រកព្រំប៉ៃលិននិង គោរពតាមគោលការ ព្រម ទាំងអនុវត្តឱ្យបាននៅគោល នយោបាយ និងយុទ្ធសាស្ត្រ ចតុកោណរបស់រាជរដ្ឋាភិបាល នៃព្រះរាជាណាចក្រកម្ពុជា ក្នុងនេះដែរត្រូវជំរុញការផ្តល់ សេវាសាធារណៈជូនប្រជាពលរដ្ឋឱ្យទទួលបានឆាប់រហ័ស ទាន់ចិត្តស្របតាមអភិក្រម ៤យ៉ាង (ឆ្លុះកញ្ចក់ មុជទឹក ដុសក្អែល និងព្យាបាល) និង អភិក្រម៣យ៉ាងចុងក្រោយ (ធ្វើឱ្យបាន ធ្វើឱ្យលឿន និង ធ្វើឱ្យមានតម្លាភាព)ផងដែរ។
ក្នុងឪកាសនោះដែរលោក ឧត្តមសេនីយ៍ឯក ជា ធា អគ្គ នាយករងអន្តោប្រវេសន៍ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ គៀត ច័ន្ទ ថារិទ្ធ អគ្គនាយកនៃអគ្គនាយក ដ្ឋានអន្តោប្រវេសន៍ក៏មាន ប្រសាសន៍ផ្តាំផ្ញើឱ្យលោក ផាត់ វិរៈ ដែលត្រូវបានផ្លាស់ប្តូរ និងតែងតាំងជាមុខតំណែងថ្មី ត្រូវចេះគោរពតួនាទីរបស់ខ្លួន ហើយស្រឡាញ់កូនចៅ ដែល នៅក្រោមឱវាទផ្តល់នៅមតិ មួយចំនួនពាក់ព័ន្ធនៃដំណើរ ការការងារជាប្រចាំថ្ងៃ ខែ, នៅក្នុងរង្វង់វិសាលភាពច្រក ទ្វារព្រំដែនអន្តរជាតិព្រំដើម្បី ធានាឱ្យបានប្រសិទ្ធភាពនិង សកម្មភាពការងារទាក់ទង ទៅនឹងតួនាទីភារកិច្ចរបស់ អង្គភាពជំនាញនិមួយៗជា មួយគ្នានេះត្រូវពង្រឹងនិងខិតខំ រឹតចំណងសាមគ្គីភាព ឯក ភាពឱ្យបានល្អៗព្រមទាំងការ ទំនាក់ទំនងនិងកិច្ចសហប្រតិ បត្តិការល្អជាមួយស្ថាប័ន ជំនាញពាក់ព័ន្ធអាជ្ញាធរគ្រប់ លំដាប់ថ្នាក់ ជាពិសេសសម គួរភាគីថៃជាប្រទេសជិតខាង ហើយនិងត្រូវរាយការណ៍ ភ្លាមៗទៅថ្នាក់ដឹកនាំខាងលើ។
បញ្ជាក់ផងដែរថា ច្រក ទ្វារព្រំដែនអន្តរជាតិព្រំ ខេត្ត ប៉ៃលិន រយៈពេលកន្លងមក មានការពង្រឹងនិងមានការ ត្រួតពិនិត្យរកចំណូលពន្ធ ទំនិញចូលរដ្ឋនៅតាមមាត់ ច្រកទ្វារព្រំដែនមួយនេះ មាន ភាពល្អប្រសើរ ដែលជាច្រក អន្តរជាតិព្រំ បានរកចំណូល ពន្ធគយក្នុងមួយខែចន្លោះពី ៤ពាន់លានរៀល ទៅ ៥ពាន់ លានរៀល ដោយមានការ បង្កើននូវសេដ្ឋកិច្ចជាតិទាំង នេះ ដោយសារតែមានកិច្ច សហការរវាងមន្ត្រីនៃច្រកទ្វារ ព្រំដែននិងសមភាគីប្រទេស ថៃផងដែរ ៕ អានបន្ត
ផ្លូវចូលភូមិអូរឫស្សីផ្ជាប់ពីផ្លូវ៥៨ ប្រវែង៣២០០ម៉ែត្រ ត្រូវបាន លោក គាត ហ៊ុល ចៅសង្កាត់ផ្សារកណ្ដាល គៀរកិនបង្ហាប់ !!!
សង្កាត់ផ្សារកណ្ដាល ៖ នៅថ្ងៃព្រហស្បតិ៍. សុក្រ សៅរ៍ ១០ រោច ខែអស្សុជ ឆ្នាំចសំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី៣ ខែវិច្ឆិកា ឆ្នាំ២០១៨ ។
លោក គាត ហ៊ុល ចៅសង្កាត់ផ្សារកណ្ដាល និងជាប្រធានគណបក្សប្រជាជនកម្ពុជានៃសង្កាត់ផ្សារកណ្ដល បានរៀបចំក្រុមការងារនិងដឹកនាំគ្រឿងចក្រផ្ទាក់ខ្លួនរបស់លោកចុះគៀរកិនបង្ហាប់ជួសជុលផ្លូវ ៣ខ្សែ ចំនួនសរុបប្រវែង ៣២០០ម៉ែត្រ ជូនប្រជាពលរដ្ឋ ស្ថិតនៅក្នុងភូមិអូរឫស្សី សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
សូមបញ្ជាក់ងដែរថា ចំពោះថវិការក្នុងកាចំណាយគៀរកិន ទាំងអស់នេះ គឺបានការឧបត្ថម្ភទាំងអស់គឺ ទាំងគ្រឿងចក្រ ទាំង ថវិការផ្ទាល់ ខ្លួនរបស់លោក គាត ហ៊ុល ចៅសង្កាត់ផ្សារកណ្ដាល តែម្ដង ក្នុងឱកាសនោដែរ ក៏មានយុវជន បានយកឡាន មកជួយដឹកដី ដែលដីបានកាឧបត្ថម្ភ ពីលោក គាត ហ៊ុល មកចាក់បំពេញជង្ហុក ផងដែរ ៕
អានបន្ត
រដ្ឋបាលខេត្តកែបប្រារព្ធទិវាអន្តរជាតិរំលឹកដល់ជនរងគ្រោះ ដោយគ្រោះថ្នាក់ចរាចរណ៍ផ្លូវគោកលើកទី១៣
ខេត្តកែប ៖ កាលពីព្រឹកថ្ងៃសៅរ៍១០រោច ខែអស្សុជ ឆ្នាំចសំរិទ្ធស័ក ព.ស២៥៦២ ត្រូវនិងថ្ងៃទី០៣ ខែវិច្ចិកា ឆ្នាំ២០១៨ រដ្ឋបាលខេត្តកែបប្រារព្ធទិវាអន្តរជាតិរំលឹកដល់ជនរងគ្រោះ ដោយគ្រោះថ្នាក់ចរាចរណ៍ផ្លូវគោកលើកទី១៣ក្រោមអធិបតីភាព ឯកឧត្ដម កែន សត្ថា អភិបាល នៃគណៈអភិបាលខេត្តកែប ឯកឧត្ដម សំ សារីន ប្រធានក្រុមប្រិក្សាខេត្ត ។
ពិធីនេះ មានការអញ្ជើញចូលពីឯកឧត្ដម លោកជំទាវ អភិបាលរងខេត្ត សមាជិកក្រុមប្រឹក្សាខេត្ត លោកស្នងការនគរបាល លោកមេបញ្ជាតំបន់ប្រត្តិបការសិករងខេត្ត លោកមេកងរាជវុធហត្ថខេត្ត លោកប្រធាន អនុប្រធានមន្ទីរអង្គភាពជំវិញខេត្ត ប្រធានក្រុមប្រឹក្សា អភិបាល អភិបាលរងក្រុង ស្រុក ព្រះសង្ឃ មន្ត្រីរាជការ កង្លាំងប្រដាប់អាវុធទាំងបីអង្គភាព លោកគ្រួ អ្នកគ្រួ យវជនកាយរិទ្ធិ យវជនស្ម័កចិត្តកាកបាទក្រហម ក្មួយៗសិស្សានុសិស្ស សិស្សដុនបូស្កួ និងបងប្អូនប្រជាពលរដ្ឋសរុប់ចំនួន ៣៩៧នាក់ នៅសាលប្រជុំសាលាខេត្តកែប ។ អានបន្ត
ភ្ញាក់ផ្អើលប្លន់ទូមាសថៃនៅផ្សាររុងក្លឿយកអស់មាស28បាតគិតជាប្រាក់ជិត5សែន
បន្ទាយមានជ័យ ៖ ហាងលក់មាសនិងទទួលបញ្ចាំរបស់ជារបស់ថៃមួយកន្លែងត្រូវជនសង្ស័យម្នាក់ប្រើប្រាស់កាំភ្លើងជ័រចូលប្លន់យកអស់មាស28បាតគិតជាប្រាក់4សែន8ម៉ឺនបាតភ្ញាក់ផ្អើលទាំងកណ្តាលថ្ងៃ។
ករណីប្លន់នេះកើតឡើងកាលពីវេលាម៉ោងជាង2រសៀលថ្ងៃទី01វិច្ឆិការ2018ជិតធនាគារកសិករជាប់ផ្សាររុងក្លឿក្នុងស្រុកអារញ្ញខេត្តស្រះកែវប្រទេសថៃ។
អំពើប្លន់នេះសមត្ថកិច្ចថៃប្រាប់សមត្ថកិច្ចកម្ពុជាថា ជនសង្ស័យរាងស្គមខ្ពស់ ពាក់អាវខ្មៅ ពាក់មួកក្រណាត់បិទមុខ ប្រើប្រាស់កាំភ្លើងខ្លីជ័រ ពណ៌ខ្មៅ ម៉ាកបេយ៉ាតា ភ្ជុងស្ត្រីអ្នកលក់ក្នុងហាងG99ប្រម៉ូលយកមាសអស់28បាតគិតជាប្រាក់ស្មើនិង4សែន8ម៉ឺនបាត។
ក្រោយអំពើរភ្ជុងប្លន់នេះជនសង្ស័យបានរត់គេចខ្លួនដោយគ្រវែងចោលកាំភ្លើងជ័រនោះត្រូវសមត្ថកិច្ចថៃរកឃើញ។
យ៉ាងណាក៏ដោយមកទល់និងម៉ោង5ល្ងាចថ្ងៃដដែល គេមិនទាន់ដឹងថា ជនសង្ស័យជាជនជាតិអ្វីនៅឡើយទេ ហើយពេលនេះ សមត្ថកិច្ចថៃកំពុងប្រម៉ាញ់តាមរកនិងពង្រឹងការត្រួតពិនិត្យតាមដងផ្លូវនានានិងផ្លូវចេញចូលផ្សាររុងក្លឿក៌ដូចជាតាមបន្ទាត់ព្រំដែន។
ភាគីថៃក៏បានទំនាក់ទំនងសុំឲ្យសមត្ថកិច្ចកម្ពុជាទាំងនៅមាត់ច្រកទ្វារអន្តរជាតិប៉ោយប៉ែតនិងតាមបន្ទាត់ព្រំដែនជួយទប់ស្កាត់និងស្វែងរកជនសង្ស័យដូចដែលបានប្រាប់ភិនភាគ៕ អានបន្ត
លោក ជាវ តាយអភិបាលខេត្ត អញ្ជើញបើកបវេសនកាលឆ្នាំសិក្សាថ្មី ២០១៨-២០១៩នៅវិទ្យាល័យមិត្តភាពកម្ពុជា-ជប៉ុន កំពតក្រុង
(ខេត្តកំពត)៖ នៅព្រឹកថ្ងៃទី ០១ ខែវិច្ចិកា ឆ្នាំ២០១៨ លោក ជាវ តាយអភិបាលនៃគណៈអភិបាលខេត្តកំពត បានអញ្ជើញជាអធិបតីក្នុងពិធីបើកបវេសនកាលឆ្នាំសិក្សាថ្មី ២០១៨-២០១៩នៅវិទ្យាល័យមិត្តភាពកម្ពុជា-ជប៉ុន កំពងក្រុង។
អង្គពិធីបន្ទាប់មានរបាយការណ៍របស់លោកនាយកសាលានិងលោក ប្រធានមន្ទីរអប់រំយុវជននិងកីឡាខេត្ត បានឱ្យដឹងអំពីវឌ្ឍនភាពរីកចម្រើនលើវិស័យអប់រំយុវជននិងកីឡានៅក្នុងសាលាក៏ដូចក្នុងទូទាំងខេត្តរួចមក លោក ជាវ តាយអភិបាលខេត្ត បានអាននូវសារលិខិតសម្ដេចតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងឱកាស បើកបវេសនកាលឆ្នាំសិក្សា ២០១៨-២០១៩នេះ ដោយក្នុងខ្លឹមសារលិខិតមានជាអាទិថា៖ ថ្ងៃទី០១ ខែវិច្ចិកា ឆ្នាំ២០១៨នេះ គឺជាថ្ងៃដ៏មានអត្ថន័យយ៉ាងជ្រាលជ្រៅបំផុតរបស់ក្មួយៗជាសិស្សានុសិស្សចំណេះទូទៅទាំងអស់ដែលជាកុលបុត្រ កុលធីតាជាទីស្រឡាញ់របស់យើងគ្រប់ៗគ្នា មានឱកាសទទួលបាននូវការអប់រំ ឱកាសក្នុងការបន្តការសិក្សារៀនសូត្រនិងជាថ្ងៃចាប់ផ្ដើមនៃជីវិតសិក្សាដំបូងរបស់កុមារតូចៗដែលទើបនឹងដល់អាយុត្រូវចូលសាលារៀន។
សារលិខិតបានបន្តទៀតថា ៖កន្លងមករាជរដ្ឋាភិបាលកម្ពុជា បានវិនិយោគយ៉ាងសន្ធឹកសន្ធាប់លើវិស័យអប់រំ ទាំងការកសាងហេដ្ឋារចនាសម្ពន្ធ័ ការយកចិត្តទុកដាក់លើសិស្សជួបការលំបាក ការលើកកម្ពស់ លក្ខខណ្ឌការងារនិងលក្ខខណ្ឌរស់នៅរបស់គ្រូបង្រៀនជាបន្តបន្ទាប់និងសាលិខិតបាន ថ្លែងអំណរគុណចំពោះលោកគ្រូ អ្នកគ្រូបង្រៀនទាំងអស់នៅទូទាំងប្រទេស ដែលបានលះបង់កម្លាំងកាយ ប្រាជ្ញា ស្មារតី បង្ហាត់បង្រៀនសិស្សឱ្យទទួលបានចំណេះដឹង ជំនាញ សីលធម៌ និងកាយសម្បទារឹងមាំ ដើម្បីក្លាយជាពលរដ្ឋល្អ ដែលជាសសរទ្រូងរឹងមាំក្នុងការអភិវឌ្ឍន៍ប្រទេសជាតិឱ្យសំបូររុងរឿង។
ជាមួយឱកាសនោះ លោកអភិបាលខេត្យក្នុងនាមរដ្ឋបាលខេត្ត ក៏បានសំដែងការអបអរសាទរនិងក្ដីសោមនស្សរីករាយនៅក្នុងឱកាសបើកបវេសនកាលនាឆ្នាំសិក្សាថ្មី ២០១៨-២០១៩នេះដែរ។ លោកអភិបាលខេត្ត ក៏បានបញ្ជាក់ថា៖ ការប្រារព្ធពិធីបើកបវេសនកាលនាឆ្នាំ២០១៨-២០១៩ នាថ្ងៃនេះសម្រាប់ខេត្តកំពតគឺបានធ្វើព្រមៗគ្នានៅតាមបណ្ដាគ្រប់ក្រុង-ស្រុកក្នុងខេត្តនិងនៅទូទាំងប្រទេសកម្ពុជា។ លោក ជាវ តាយ ក៏បានផ្ដាំផ្ញើដល់សិស្សានុសិស្ស លោកគ្រូ អ្នកគ្រូ ឪពុកម្ដាយអាណាព្យាបាលសិស្ស ត្រូវចូលរួមជៀសឱ្យឆ្ងាយពីគ្រឿងញៀនខុសច្បាប់ និង ចូលរួមគោរពច្បាប់ចរាចរណ៍ដើម្បីអនាគតសង្គមនិងគ្រួសាររបស់យើងទាំងអស់គ្នា៕ អានបន្ត
ហ៊ូវ ជីវ៉ៃ ដឹកជញ្ជូនប្រណីតចេញពីព្រៃសហគមន៏បាន ដោយសេរី អត់ឃើញអាជ្ញាធរចុះទប់ស្កាត់
តនគិរី ៖ តាមសេចក្តីរាយការណ៏ពីប្រជាសហគមន៏ក្នុងឃុំញ៉ាងស្រុកអណ្តូងមាសខេត្តរតនគិរីបានអោយ ដឹងថានៅយប់ថ្ងៃទី២៣ ខែតុលាឆ្នាំ២០១៨មេឈ្មួញឧក្រឹដ្ឌកម្មព្រៃឈើឈ្មោះ ហ៊ូវជីវៃ និងបក្សពួកកំពុងប្រមូលឈើចេញពីព្រៃសហគមន៏តាមត្រាក់ទ័រ ប្រហែល១០គ្រឿងកំពុងអូសឈើចេញពីព្រៃសហគមន៍ភូមិបាដលឃុំញ៉ាងស្រុកអណ្តូងមាសខេត្តរតនះគិរី ចេញយកទៅប្រទេសវៀតណាម តាមផ្លូវទឹកយ៉ាងរលូនដោយមិនមានការភ័យបារម្មណ៏អ្វីទាំងអស់ដោយសារសមត្ថកិច្ចនិងអាជ្ញាធរមួយចំនួនក្នុងខេត្តរតនះគិរី មិនខ្វល់នឹងការព្រមានរបស់ សម្ដេចក្រឡាហោម សខេង ហ៊ាន បើកដៃ អោយមានការកាប់ឈើទ្រង់ទ្រាយធំ តាម បន្ទាត់ព្រំដែនកម្ពុជាវៀតណាមយ៉ាងរង្គាសដោយមិនមានទប់ស្កាត់និងបង្ក្រាប?
តែផ្ទុយទៅវិញអាជ្ញាធរនិងសមត្ថកិច្ចឈរជើងនៅក្នុងខេត្តរតនះគិរីបានទទួលផលប្រយោជន៏យ៉ាងក្រាស់ក្រែងពីមេឈ្មួញជនជាតិវៀតណាមឈ្មោះ ហ៊ូវជីវៃមេឧក្រឹដ្ឌកម្មព្រៃឈើប្រចាំភូមិភាគឦសាន្តជាងនេះទៅទៀតបានជាមេឈ្មួញឈើជនជាតិវៀតណាមឈ្មោះហ៊ូវជីវៃអាចគៀងគរមនុស្សនិងបក្សពួកចូលកាប់នៅក្នុងតំបន់ហាមឃាត់ក្នុងដែនព្រៃសហគមន៏បានប្រជាពលរដ្ឌដាក់ការសង្ស័យទៅលើអាជ្ញាធរខេត្តនិងលោកគឹមរស្មី មេប៉េអឹមខេត្តរតនះគិរីនិងសមត្ថកិច្ចជាអ្នកនៅពីក្រោយខ្នងមេឧក្រឹដ្ឌកម្មព្រៃឈើឈ្មោះហ៊ូវជីវៃទេីបមេឈ្មួញជនជាតិវៀតណាមរូបនេះជាន់ផ្អៀងខេត្តមួយនេះ។
សេចក្ដីរាយការណ៏បានបន្តទៀតថា ក្នុង ឃុំ ញ៉ាង ស្រុកអណ្ដូងមាសខេត្តរតនះគិរីមានឈ្មួញ កំពុងកាត់ប្រមូលឈើ យ៉ាងអនាធិបតេយ្យ និងមានជនជាតិវៀតណាម រាប់រយនាក់និងគ្រឿងចក្រ វៀតណាមរាប់រយគ្រឿង កំពុង កាត់ប្រមូលឈើឆ្លងដែន ខុសច្បាប់ជារាងរាល់ថ្ងៃនិងរាល់យប់ហើយបន្តដឹកតាមក្បួនអូសឈើទៅប្រទេសវៀតណាមរាប់រយទូកនិងក្បួន ស្ថិត នៅ ចន្លោះ បង្គោល លគ្គ លេខ ១៤ និង ១៥ ក្នុង ភូមិភិលើ ឃុំ ញ៉ាង ស្រុកអណ្ដូងមាសខេត្តរតនគិរីជារាងរាល់ថ្ងៃ ។
ចំណែកប្រភពពីប្រជាសហគម្មន័ ជនជាតិដើមភាគតិច ចារ៉ាយ ក្នុង ភូមិ ប៉ាដល ឃុំសេសាន្ត ស្រុកអូយ៉ាដាវ ខេត្តរតះគិរី បានលើកឡើងដែរថា ឈ្មួញ ឈ្មោះ ស៊ីនឿន នឹងឈ្មោះ ប៊ិក ជានាក់ទិញព្រៃ សហគម្មន៍ ព្រៃកាពារ អោយវៀតណាម ចូលកាត់ឈើ ជារៀងរាល់ថ្ងៃ ព្រោះសមត្ថកិច្ចនិងអាជ្ញាធរខេត្តគាត់គ្មានឆន្ទះបង្ក្រាបនិងទប់ស្កាត់បើទោះបីមានការស្តីបន្ទោសយ៉ាងធ្ងន់ៗពីសំណាក់សម្តេចក្រឡាហោមសខេងយ៉ាងណាក៏អាជ្ញាធរខេត្តនិងសមត្ថកិច្ចមេព្រៃរឹតតែផ្គើននិងប្រសាសន៏សម្តេចក្រឡាហោមយ៉ាងងើល ?
បើតាមការផ្ដល់ ព័តមានពី មន្ត្រីមួយរូប ក្នុងវិរះការពារព្រំដែន គោក លេខ៦២៣. សុំមិនបញ្ចេញឈ្មោះ បានអោយដឹងថា ឈ្មួញ ហូវជីវៃ ជានាក់ ផ្ដល់លុយ អោយឈ្មោះ ស៊ីនឿន និងឈ្មោះ ប៊ិក រត់ការទិញព្រៃខាងលើ។ និងឈ្មោះហូវជីវៃជាអ្នករត់កាផ្ទាល់បង់លុយអោយ គ្រប់ជំនាញ និងស្ថាប័នពាក់ពន្ធ័ក្នុងខេត្តរតនះគិរី ទាំងអស់ ។ បញ្ហាបទល្មើសព្រៃឈើនៅតែជាចំណុចរេសីបដែលថ្នាក់ដឹកនាំត្រូវតែគិតគូរនិងអភីរក្សនិងអភិវឌ្ឃន៏ប្រកបដោយចេរភាព .
បញ្ហាខាងលើនេះ គឺ មានមន្ត្រីជាច្រើនរូប សង្ស័យ កំពុងឃុបឃិតជាមួយឈ្មួញ បើកដៃអោយមាន ការកាប់ឈើទ្រង់ទ្រាយធំ នៅចំណុចខាងលើ គឺមានដូចជាលោក ស្នងការ ងួន គឿន លោកស្នងការង វ៉ាន សង្វាតទទួលផែនប្រឆាំងបទលល្មើសសេដ្ធកិច្ច លោក ជាតារា ប្រធានការិយាល័យ ប្រឆាំង បទលល្មើសសេដកិច្ច លោក ហេង រតនះ ស្នងការងទទួលបន្ទុកការពារនិងបង្ក្រាបទល្មើសតាមព្រំដែន
លោក ងួនសុវណ្ណា មេវិរះកាពាព្រំដែនគោកលេខ៦២៣ លោកនង ដាមេប៉ុស្តិ៍ របៀងភូមិភិលើចំណុះអោយវិរះកាពាព្រំដែនគោកលេខ៦២៣ លោក សូសំណាង អធិកាស្រុកអូយាដាវ និងលោកអភិបាលស្រុកអូយ៉ាដាវ សង្ស័យទទួលលបានលាភសាការះ ច្រើនពីឈ្មោះហូវជីវៃ ឬយ៉ាងណាបានជាមិនមានវិធានការបង្ក្រាប ។ ចំណែក លោក គឹមរស្មី មេមញ្ជាការកងរាជអាវុធហត្តខេត្ត ក៏សំងំឈឹងដែរ ។
បញ្ហាខាងលើនេះ គួរតែឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយមេត្តាបើកការស៊ើប អង្កេតអោយបានស៊ីជម្រៅទៅលើមន្ត្រីគ្រាប់ល្ពៅនៅខេត្តរតនគិរី ព្រោះធំក្លិនមិនសូវក្រអូបឡើយជាងនេះទៅទៀត អាជ្ញាធរនិងសមត្ថកិច្ចនៅខេត្តភាគឦសាន្តមួយនេះរឹតតែផ្គើននិងប្រសាសន៏ដ៏ថ្លៃថ្លាសម្តេចក្រឡាហោមសខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ក្នុងការទប់ស្កាត់បទល្មើសធម្មជាតិព្រៃឈើអោយទាន់ពេលវេលា បើពុំដូចនោះទេ ព្រៃឈើខាងលើ និងត្រូវបាត់បង់ទាំងស្រុងនាពេលដ៏ខ្លីខាងមុខ ៕
ពាក់ព័ន្ធនឹងបញ្ហានេះ អង្គភាពសារព័ត៌មាន សម្លេងខ្មែរពិត មិនអាចទាក់ទងសុំការបំភ្លឺពាក់ព័ន្ធបានទេ ៕ អានបន្ត
អភិបាលខេត្តប៉ៃលិនប្រើកន្តាប់ដៃដែក បន្តរុះរើសំយាបផ្ទះប្រជាពលរដ្ឋ ដែលសាងសង់លើចំណីផ្លូវ
ខេត្តប៉ៃលិន ៖ ឯកឧត្តម ផាន់ ចាន់ធុល អភិបាលខេត្តប៉ៃលិន បានដាក់វិធានការក្តៅ និងបន្ត រុះរើសំយាបផ្ទះប្រជាពលរដ្ឋណា ដែលសាងសង់នៅលើចំណីផ្លូវ មិនថាផ្លូវលំ ឬផ្លូវជាតិនោះឡើយ ។ បើទោះបីជាមានប្លង់កម្មសិទ្ធិ កាន់កាប់ជាយូរមកហើយក៏ដោយ ក៏អាជ្ញាធរមានសិទ្ធិកាត់ និងរុះរើសំយាបផ្ទះបានដែរ ខណ:ប្លង់ខ្លះសង្ស័យមានការឃុបឃិតរវាងម្ចាស់ដី និងមន្ត្រីជំនាញ ។
ឯកឧត្តមអភិបាលខេត្តបានថ្លែងដូចនេះ កាលពីព្រឹកថ្ងៃទី២៩ ខែតុលា ឆ្នាំ២០១៨ ស្ថិតនៅភូមិបឌិននៀវ សង្កាត់ប៉ៃលិន ក្រុងប៉ៃលិន ក្នុងពិធីបើកការដ្ឋានស្ថាបនាផ្លូវបេតុង១ខ្សែ ដែលមានប្រវែងជិត១គីឡូម៉ែត្រ ខណ:ប្រជាពលរដ្ឋមួយចំនួន ដែលរស់នៅសងខាងផ្លូវខាងលើ មានការអាក់អន់ស្រពន់ចិត្ត ដោយសារការធ្វើផ្លូវនេះ ប៉ះពាល់ដល់ដីផ្ទះរបស់គាត់ ព្រោះពួកគាត់មានប្លង់កម្មសិទ្ធិរួចហើយក៏ដោយ ។ តែការជួសជុលនិងស្ថាបនាផ្លូវខាងលើនេះ មិនមានបញ្ហាចម្រូងចម្រះឱ្យធំដុំនោះទេ ដោយពួកគាត់មិនហ៊ាននាំគ្នាតវ៉ា ។
ឯកឧត្តមបានបន្តទៀតថា ការធ្វើផ្លូវដោយកាត់ដីចំណីផ្លូវនេះ គឺធ្វើតាមច្បាប់ បើសិនជាប្រជាពលរដ្ឋណាមានប្លង់កម្មសិទ្ធិចេញដោយមន្ត្រីជំនាញ ហើយមានការរុះរើប៉ះ លោកនឹងបន្តសើរើប្លង់កម្មសិទ្ធិនោះសារជាថ្មីឡើងវិញ ប្រហែលជាកាលពីមុនប្រជាពលរដ្ឋសូកលុយកាក់ឱ្យគេ ទើបខាងជំ នាញធ្វើឱ្យ តែពេលនេះមិនអាចទៅរួចនោះទេ ។ ការសាងសង់ផ្លូវនេះ ដើម្បីសម្រួលដល់ការធ្វើដំ ណើររបស់បងប្អូនប្រជាពលរដ្ឋ ជាការលំអសោភ័ណភាពទីក្រុងប៉ៃលិន ធ្វើឱ្យទាក់ទាញភ្ញៀវទេសចរណ៍ជាតិ និងអន្តរជាតិឱ្យមកកំសាន្តខេត្តប៉ៃលិន កាន់តែច្រើនកុះករ ។
ទោះបីជាយ៉ាងណាក៏ដោយប្រជាពលរដ្ឋមួយចំនួនបានបង្ហើបឱ្យដឹងទាំងការភ័យខ្លាចថា ពួកគាត់ជាប្រជាពលរដ្ឋស្លូតត្រង់ ទន់ខ្សោយ មិនដឹងច្បាប់ទម្លាប់អ្វីនោះទេ ដោយពឹងផ្អែកតែទៅលើអា ជ្ញាធរ ជាពិសេសភូមិឃុំ និងខាងសុរិយោដី ដើម្បីចេញប្លង់កម្មសិទ្ធិស្របច្បាប់ក្នុងការរស់នៅជួបជុំក្រុមគ្រួសារ ។ តែបើអាជ្ញាធរ ត្រូវការអភិវឌ្ឍន៍ផ្លូវហើយ រួចនាំគ្នាមកបំផ្លិចបំផ្លាញផ្ទះសម្បែងដីធ្លីរបស់ពួកគាត់ តើពួកគាត់មានលុយឯណា ដើម្បីជួសជុលការខូចខាតទាំងនេះសារជាថ្មីឡើងវិញ ៕ អានបន្ត
ជនសង្ស័យប្រុស ស្រីចំនួន១១នាក់ ត្រូវបានសមត្ថកិច្ចចាប់ឃាត់ខ្លួន ពាក់ព័ន្ធករណីជួញដូរគ្រឿងញៀន
ខេត្តកំពង់ស្ពឺ៖កាលពីល្ងាចថ្ងៃទី២៨ ខែតុលាឆ្នាំ២០១៨ម្សិលមិញនេះ កម្លាំងនគរបាលខេត្តកំពង់ស្ពឺ ចាប់ឃាត់ខ្លួនជនសង្ស័យប្រុស ស្រីចំនួន១១នាក់ ពាក់ព័ន្ធគ្រឿងញៀន។
ការឃាត់ខ្លួនជនសង្ស័យប្រុស ស្រីទាំង១១នាក់នេះបានធ្វើឡើងនៅចំណុចភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
បើតាមសមត្ថកិច្ចបានឱ្យដឹងថា:ជនសង្ស័យប្រុស ស្រីទាំង១១នាក់រួមមាន:
ទី១/ឈ្មោះសុខ ចិត្រា ភេទប្រុសអាយុ១៩ឆ្នាំ។
ទី២/ឈ្មោះសុខ គឹម ភេទប្រុសអាយុ២៣ឆ្នាំជនសង្ស័យទាំងពីរនាក់ រស់នៅភូមិថ្មីឃុំចំបក់ស្រុកភ្នំស្រួច។
ទី៣/ឈ្មោះប៊ូ វឿន ភេទប្រុសអាយុ៣០ឆ្នាំ។
ទី៤/ឈ្មោះរឹម សារិន ភេទប្រុស អាយុ៣១ឆ្នាំ។
ទី៥/ឈ្មោះនៅ វ៉ាត ភេទប្រុសអាយុ២៣ឆ្នាំ។
ទី៦/ឈ្មោះអេង សុគន្ធី ភេទប្រុសអាយុ៣២ឆ្នាំ។
ទី៧/ឈ្មោះលួន បូរា ភេទប្រុសអាយុ៣៧ឆ្នាំ។
ទី៨/ឈ្មោះចាន់ រី ភេទប្រុសអាយុ៣៨ឆ្នាំ។
ទី៩/ឈ្មោះភេន សំភាស់ ភេទប្រុស អាយុ២០ឆ្នាំ។
ទី១០/ឈ្មោះសៀវ ហៀង ភេទស្រី អាយុ៣៥ឆ្នាំនិង។
ទី១១/ឈ្មោះហេង ឈាង ភេទស្រី អាយុ៣៤ឆ្នាំជាម្ចាស់ផ្ទះ។
ជនសង្ស័យទាំង០៩នាក់នេះ រស់នៅក្នុងភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
ក្រោយពីឃាត់ខ្លួនជនសង្ស័យខាងលើកម្លាំងសមត្ថកិច្ច ដកហូតបាននូវវត្ថុតាងមួយចំនួនរួមមាន:ម្សៅក្រាមពណ៌សប្រភេទម៉ាទឹកកកចំនួន១២កញ្ចប់ ជញ្ជីងថ្លឹងគ្រឿងញៀនមួយគ្រឿង ទូរស័ព្ទចំនួន៦គ្រឿង មធ្យោបាយធ្វើដំណើរម៉ូតូចំនួន៦គ្រឿង លុយចំនួន៦ម៉ឺនរៀលនិងឧបករណ៍ប្រើប្រាស់មួយចំនួនផងដែរ។
បច្ចុប្បន្នជនសង្ស័យទាំង១១នាក់ខាងលើ រួមនិងវត្ថុតាង ត្រូវបានបញ្ជូនទៅស្នងការរដ្ឋាននគរបាលខេត្តកំពង់ស្ពឺ ដើម្បីកសាងសំណុំរឿងចាត់ការតាមនីតិវិធី៕ អានបន្ត
រដ្ឋបាលសាលាខេត្តព្រះសីហនុចេញសេចក្តីប្រកាសព័ត៌ មានច្រានចោលជាផ្លូវការ ចំពោះរូបភាពនារីងូតទឹកសមុទ្រអាក្រាតកាយ គឺមិនមែននៅកម្ពុជាឡើយ
(ព្រះសីហនុ)៖ រដ្ឋបាលខេត្តព្រះសីហនុ បានចេញសេចក្ដីប្រកាសព័ត៌មានជាផ្លូវការ ជូនដល់សាធារណជន និងអ្នកសារព័ត៌មាន ដោយច្រានចោលទាំងស្រុងចំពោះការបង្ហោះរូបភាព នារីអាក្រាតកាយ ដើរឆ្នេរ និងងូតទឹកសមុទ្រលេងកម្សាន្ដ មិនមែនជាករណីកើតឡើង នៅឆ្នេរក្នុងខេត្តព្រះសីហនុនោះឡើយ។ រដ្ឋបាលសាលាខេត្តព្រះសីហនុ បានបញ្ជាក់ថា ប៉ុន្មានថ្ងៃកន្លងមកនេះមានបណ្ដាញសង្គម Facebook បានបង្ហោះរូបភាពនារីអាក្រាតកាយដើរលើឆ្នេរ និងងូតទឹកសមុទ្រលេងកម្សាន្ដ ដោយមហាជនច្រើនកុះករ នៅទីនោះ លើកឡើងថា ស្ថិតនៅឆ្នេរក្នុងខេត្ដព្រះសីហនុ ដូច្នេះបញ្ហានេះ រដ្ឋបាលខេត្តបានចាត់ការស្រាវជ្រាវ ជាលទ្ធផល ពិនិត្យឃើញថារូបភាពនេះ មិនស្ថិតនៅឆ្នេរក្នុងខេត្តព្រះសីហនុនោះឡើយ។
ជាមួយគ្នានេះបន្ថែមលើសេចក្តីប្រកាសព័ត៌មានរបស់ខ្លួន នៅថ្ងៃទី២៧ ខែតុលា ឆ្នាំ២០១៨នេះថា លោក យន្ត មីន អភិបាលខេត្តព្រះសីហនុ បានបញ្ជាក់មកកាន់បណ្តាញព័ត៌មាន ចំពោះរូបភាពនារីងូតទឹកសមុទ្រអាក្រាតកាយ ដែលត្រូវបានបង្ហោះ និងចែកចាយពេញបណ្តាញសង្គម Facebook នោះ គឺមិនមែននៅកម្ពុជាឡើយ ដូច្នេះសូមសាធារណជនទាំងអស់កុំមានការភ័ន្តច្រឡំតទៅទៀត។ការចេញមកបញ្ជាក់របស់អភិបាលខេត្តព្រះសីហនុ ខាងលើនេះ បានធ្វើឡើងដោយសារតែរូបភាពនារីងូតទឹកសមុទ្រអាក្រាតកាយ នៅតែបន្តបង្ហោះ និងចែកចាយតាមបណ្តាញសង្គម Facebook រហូតមកដល់ពេលនេះ និងក៏នៅតែមានអ្នកខ្លះបន្តយល់ច្រឡំជាករណីកើតឡើង នៅខេត្តព្រះសីហនុ ដូច្នេះលោក យន្ត មីន សូមប្រកាសជាផ្លូវការថា ក្រោយការស្រាវជ្រាវ និងសួរនាំគ្រប់ជ្រុងជ្រោយ មកនោះ គឺរូបភាពទាំងនេះមិនមែនកើតឡើង ក្នុងទឹកសមុទ្រនៃខេត្តព្រះសីហនុ ប្រទេសកម្ពុជានោះទេ។
សូមបញ្ជាក់ថា នៅពេលថ្មីៗនេះ មានការចែកចាយតៗគ្នាជាច្រើន នៅលើបណ្ដាញសង្គម Facebook ពាក់ព័ន្ធទៅនឹងរូបថតប៉ុន្មានសន្លឹក បង្ហាញពីនារីអាក្រាតកាយលេងទឹកសមុទ្រ ដែលគេថា នៅប្រទេសវៀតណាម និងជានារីជនជាតិចិន បានបង្កឲ្យមានការរិះគន់ និងយល់ច្រឡំជាខ្លាំង ដោយថាកើតឡើងនៅខេត្តព្រះសីហនុ។
ក្រោយទទួលបានព័ត៌មានច្បាស់ការ និងមានរូបភាពជាច្រើនទៀតបញ្ជាក់ថា រូបភាពនេះមិនមែនកើតឡើងនៅខេត្តព្រះសីហនុរួចមក លោក យន្ត មីន បានក៏បង្ហាញនូវភាពហួសចិត្ត ក៏ដូចជា ការអំពាវនាវដល់អ្នកប្រើប្រាស់បណ្ដាញសង្គម Facebook បញ្ចប់ការចែកចាយ និងសរសេថា កើតឡើងនៅខេត្តព្រះសីហនុតទៅទៀត។ អភិបាលខេត្តព្រះសីហនុ បានថ្លែងប្រាប់បណ្តាញព័ត៌មាន និងបានបង្ហោះតាម Facebook ផ្លូវការររបស់លោក យ៉ាងដូចច្នេះថា «បងប្អូនដែលព្យាយាមបង្ហោះរឿងអាក្រក់ៗ របស់ខេត្តព្រះសីហនុ ថ្ងៃនេះ ក្នុងនាមជាពលរដ្ឋខ្មែរម្នាក់ ខ្ញុំសុំបងប្អូនមេត្តាគិតពីប្រយោជន៍រួមជាធំ។ រឿងអាក្រក់នេះកើតនៅគេសោះ បងប្អូនខ្លះបែរជាថា នៅខេត្តព្រះសីហនុវិញ និងមានរឿងបែបនេះច្រើនទៀត។ អ្នកដទៃឈ្នានីសយើង វាជារឿងធម្មតា តែបងប្អូនមេត្តាកុំឈ្នានីសជាតិឯង កុំឈ្នានីសខេត្តយើង សង្គមយើងអី ត្បិតខេត្តនេះ សង្គមនេះ ក៏ជាចំណែករបស់បងប្អូនដែរ។ គួរពុំគួរសូមបងប្អូនមេត្តាអភ័យទោស»។ គួរបញ្ជាក់ដែរថា សាររបស់លោកអភិបាលខេត្តព្រះសីហនុនេះ មានអ្នកប្រើប្រាស់បណ្តាញសង្គម Facebook ជាច្រើនបានចែកចាយបន្ត និងចូល Comment ដែលក្នុងចំណោមនោះ ភាគច្រើនផ្តល់ការលើកទឹកចិត្ត ដល់លោកអភិបាលខេត្ត ហើយមានអ្នកប្រឆាំងតិចតួចប៉ុណ្ណោះ។ ប៉ុន្តែចំណុចដែលគួរកត់សំគាល់នោះ លោកបានឆ្លើយតបទៅវិញជាច្រើន ហើយក្នុងការឆ្លើយតបទៅអ្នកប្រឆាំងលោកបានបង្ហាញពីសារសំខាន់ នៃការចូលរួមរិះគន់ដើម្បីស្ថាបនាជានិច្ច។
ឆ្លើយតបទៅនឹងបញ្ហាទាំង លោកបានស្នើសុំប្រជាពលរដ្ឋផ្ទាល់គួរមានទំនុកចិត្ត ចំពោះអាជ្ញាធរដោយទុកឱកាសឲ្យអាជ្ញាធរដោះស្រាយ លើបញ្ហាដោយក្នុងនោះ លោកបានបញ្ជាក់ថា រាល់ការសម្រេចនានា គឺអាជ្ញាធរមានទំនួលខុសត្រូវ ដោយមានការថ្លឹងថ្លែងយ៉ាងប្រុងប្រយ័ត្នបំផុត ដើម្បីជាប្រយោជន៍រួម សម្រាប់សង្គមជាតិទាំងមូល។
លោកអភិបាលខេត្តព្រះសីហនុ បានប្រកាសទទួលយកមតិយោបល់ និងរាល់ការរិះគន់ទាំងឡាយ ក្នុងន័យស្ថាបនា ដើម្បីប្រយោជន៍ជារួម សម្រាប់សង្គមជាតិទាំងមូល តាមរយៈបណ្តាញសង្គម Facebook របស់លោកផ្ទាល់ ហើយកន្លងមកគេសង្កេតឃើញថា លោកក៏បានឆ្លើយតប ដោយផ្ទាល់នូវរាល់សំណួរ និងការលើកឡើងរបស់ពលរដ្ឋដែលបានចោទសួរផងដែរ ៕ អានបន្ត
រដ្ឋាភិបាលចិន នឹងផ្តល់នូវរថយន្តសម្អាតធូលីដីនៅតាមដងផ្លូវសាធារណៈចំនួន ០២គ្រឿង និង រថយន្តលាងសម្អាតផ្លូវ១គ្រឿងដល់ខេត្តសៀមរាប
ក្នុងឱកាសជួបពិភាក្សាការងារ ជាមួយឯកឧត្តមបណ្ឌិត ឃឹម ប៊ុនសុង អភិបាលខេត្តសៀមរាប កាលពីពេលថ្មីៗនេះ លោក លី ជីជា អគ្គកុងស៊ុលចិនប្រចាំខេត្តសៀមរាប បានឲ្យដឹងថា នៅពេលខាងមុខនេះ រដ្ឋាភិបាលចិន នឹងផ្តល់នូវរថយន្តសម្អាតធូលីដីនៅតាមដងផ្លូវសាធារណៈចំនួន ០២ គ្រឿង និង រថយន្តលាងសម្អាតផ្លូវ១គ្រឿងដល់ខេត្តសៀមរាប សម្រាប់កិច្ចការលើកកម្ពស់សោភ័ណភាពក្នុងក្រុងសៀមរាបផង និង ដើម្បីកាត់បន្ថយការបំពុលបរិស្ថាន ប្រកបដោយផាសុខភាពខ្ពស់ផង ។
លោក លី ជីជា បានឲ្យដឹងទៀតរថា សៀមរាប ជាខេត្តដែលមានសក្តានុពលដ៏សំខាន់លើវិស័យទេសចរណ៍ សម្បូរទៅ ដោយប្រាង្គប្រាសាទបុរាណល្បីល្បាញ ជាខេត្តទេសចរណ៍វប្បធម៌ធម្មជាតិប្រវត្តិសាស្ត្រ បានក្លាយជាតំបន់គោលដៅនៃភ្ញៀវទេសចរណ៍នៅលើពិភពលោក ព្រមទាំងទទួលបានការចាប់អារម្មណ៍ដ៏លើសលុបពីអ្នកធ្វើដំណើរ និង ទេសចរអន្តរជាតិរាប់លាននាក់ នៅលើគេហទំព័ររបស់ទីភ្នាក់ ងារប្រឹក្សាយោបល់លើការធ្វើដំណើរ (TripAdvisor) ប្រាសាទអង្គរវត្តរបស់កម្ពុជាបានទទួលចំណាត់ថ្នាក់លេខ១ ជាសំណង់ប្រវត្តិសាស្ត្រដ៏អស្ចារ្យបំផុតលើពិភពលោកសម្រាប់ឆ្នាំ២០១៨ ក្នុងចំណោមសំណង់បុរាណទាំង២៥ ដែលនេះជាការបញ្ជាក់ថា ពិភពលោកនៅតែសាទរចំពោះសំណង់អច្ឆរិយរបស់ខ្មែរ និង ជាក្រុងប្រវត្តិសាស្ត្រ ដែលបានទទួលជ័យលាភី ទីក្រុងទេសចរណ៍ស្អាតអាស៊ាន ឆ្នាំ២០១៨.២០២០ ។
ឯកឧត្តមបណ្ឌិត ឃឹម ប៊ុនសុង មានប្រសាសន៍ថា ក្នុងនាម អាជ្ញាធរខេត្តសៀមរាប សូមថ្លែងនូវអំណរគុណ ចំពោះរដ្ឋាភិបាលចិន ដែលបានខិតខំក្នុងការចូលរួមចំណែកកាត់បន្ថយការបំពុលបរិស្ថានក្នុងក្រុង និង លើកកម្ពស់ផាសុខភាពរបស់ប្រជាពលរដ្ឋកម្ពុជា និង ភ្ញៀវទេសចរណ៍ជាតិ អន្តរជាតិ ចូលមកទស្សនាកម្សាន្តនៅខេត្តប្រវត្តិសាស្ត្រមួយនេះ ហើយតាមរយៈនៃការផ្តល់នូវរថយន្តបោសសម្អាតតាមដងផ្លូវ និង លាងសម្អាតផ្លូវក្នុងក្រុងនេះ គឺជាការចូលរួមកាត់បន្ថយនូវការប្រើប្រាស់កម្លាំងពលកម្ម ព្រមទាំងធ្វើឲ្យដងផ្លូវនានាក្នុងក្រុង គ្មានធូលីដីហុយ៕
អានបន្ត
រដ្ឋបាលខេត្តកណ្ដាល រៀបចំពិធីអុំទូកនៅក្រុងតាខ្មៅ រយៈពេល២ថ្ងៃ ដែលមានទូកជិត៦០ទូក ចូលរួមប្រកួតប្រជែង
(កណ្ដាល)៖ រដ្ឋបាលខេត្តកណ្ដាល រៀបចំពិធីអុំទូករយៈពេល០២ថ្ងៃ នៅក្រុងតាខ្មៅ ដែលចាប់ពីថ្ងៃទី២៣ ដល់ថ្ងៃទី២៤ ខែតុលា ឆ្នាំ២០១៨ ដើម្បីអបអរសាទរព្រះរាជពិជីបុណ្យអុំទូក បណ្ដែតប្រទីប សំពះព្រះខែ និងអកអំបុក ដែលនឹងចូលមកដល់ថ្ងៃទី២១-២២-២៣ ខែវិច្ឆិកា ឆ្នាំ២០១៨ នៅទន្លេចតុមុខ ខាងមុខព្រះបរមរាជវាំង រាជធានីភ្នំពេញ។
អភិបាលខេត្តកណ្ដាល លោក ម៉ៅ ភិរុណ បានថ្លែងថា ពិធីអុំទូកនៅពេលនេះ មានទូកចូលរួមប្រកួតប្រជែងចំនួន៥៩ទូក ក្នុងនោះខ្នាតអន្ដរជាតិ មានចំនួន១៦ទូក, ទូកផ្កាចារ ចំនួន១៦ទូក និងទូកអុំបុរសចំនួន២៣ទូក ដែលមកពីក្រុងតាខ្មៅ មានចំនួន២៤ទូក, ស្រុកកោះធំ ចំនួន២ទូក, ស្រុកកៀនស្វាយ ចំនួន៤ទូក, ស្រុកល្វាឯម ចំនួន៥ទូក, ស្រុកមុខកំពូល ចំនួន៤ទូក, ស្រុកខ្សាច់កណ្ដាល ចំនួន៥ទូក, ស្រុកពញាឮ ចំនួន៥ទូក, ស្រុកស្អាង ចំនួន៤ទូក និងខេត្តកំពង់ចាម ចំនួន៣ទូក, រាជធានីភ្នំពេញ ចំនួន៣ទូក។ រីឯកីឡាករដែលអញ្ជើញចូលរួម សរុបមានចំនួន២,៦១៤នាក់។
លោក ម៉ៅ ភិរុណ បានបញ្ជាក់ថា ព្រឹត្តិការណ៍អុំទូកនៅក្រុងតាខ្មៅ ខេត្តកណ្ដាល សម្រាប់រយៈពេល២ថ្ងៃនេះ ប្រព្រឹត្តិទៅស្របពេលដែលប្រជាពលរដ្ឋកម្ពុជា កំពុងប្រារព្ធទិវា រំលឹកខួបនៃកិច្ចព្រមព្រៀងសន្ដិភាព ទីក្រុងប៉ារីស ហើយក៏ស្របពេលដែលពុទ្ធសាសនិកទូទាំងពិភពលោក និងនៅក្នុងប្រទេសកម្ពុជាទាំងមូល នឹងរៀបចំនូវពិធីបុណ្យចេញព្រះវស្សា ដែលនឹងចូលមកដល់នៅថ្ងៃទី២៤ ខែតុលា ឆ្នាំ២០១៨ស្អែកនេះ។
បើតាមលោកអភិបាលខេត្ត ព្រះរាជពិធីបុណ្យអុំទូក មានប្រវត្តិតាំងពីបុរមបុរាណដ៏យូរលង់មកហើយ ដែលមានចែងក្នុងឯកសាររបស់ប្រវត្តិវិទូបរទេស ក៏ដូចជាតាមសិលាចារិកនៃប្រាសាទអង្គរ ហើយត្រូវបានព្រះមហាក្សត្រ និងប្រជារាស្ដ្រខ្មែរ ប្រារព្ធធ្វើឡើងយ៉ាងខ្ជាប់ខ្ជួនជារៀងរាល់ឆ្នាំ។
ឆ្លៀតក្នុងឱកាសនោះ លោក ម៉ៅ ភិរុណ ក៏បានផ្ដាំផ្ញើដល់កីឡាករ កីឡាការិនីទូកទាំងអស់ ត្រូវចេះរក្សាមិត្តភាព សាមគ្គីភាព សុខភាព ខិតខំប្រឹងប្រែងឲ្យអស់ពីសមត្ថភាព ដើម្បីទទួលបានជ័យជម្នះពីការប្រកួត សម្រាប់ជាកិត្តិយសជូនភូមិ ស្រុក ហើយសូមគោរពឲ្យបាននូវបទបញ្ជា និងលក្ខន្ដិកៈនៃការប្រកួត ដែលកំណត់ដោយគណៈកម្មការរៀបចំពិធី៕ អានបន្ត
បញ្ហាអនាម័យ បរិស្ថាន អាជ្ញាធរ ក្រុងសៀមរាប កំពុងតែយកចិត្តទុក្ខដាក់ យ៉ាងសកម្ម !!
ក្រុងសៀមរាប ៖ កាលពីព្រឹកថ្ងៃទី២៤ ខែតុលា ឆ្នាំ២០១៨ អនុវត្តតាមការណែនាំរបស់ឃឹម ប៊ុនសុង អភិបាលខេត្តសៀមរាប ក្នុងគោលបំណងជំរុញលើកទឹកចិត្ត និងចលនាបំផុសស្មារតី ឲ្យថ្នាក់ដឹកនាំ មន្ទី អង្គភាព មន្ត្រីរាជការ និងប្រជាពលរដ្ឋទាំងអស់ ចូលរួមសម្អាត រក្សាអនាម័យ បរិស្ថាន គោលដៅធ្វើឲ្យទីក្រុង និងទីប្រជុំជនកាន់តែមានសោភ័ណភាពស្រស់បំព្រង គ្មានសំរាមនៅតាមដងផ្លូវ តាមទីផ្សារ តាមទីប្រជុំជន តាមសួនច្បារ និង តាមទីសាធារណៈ ធានាសុខមាលភាពរបស់ប្រជាពលរដ្ឋឲ្យបានល្អប្រសើរឡើង រដ្ឋបាលក្រុងសៀមរាបបានធ្វើការសំអាត ថែរក្សា បរិស្ថានអនាម័យ តាមបណ្តោយផ្លូវ៧មករា ចាប់ពីកែងជន្លង់ រហូតដល់ផ្លូវសម្តេច ហ៊ុន សែន សន្តិភាព (ផ្លូវវាងក្រុង)ក្នុងសង្កាត់សាលកំរើក ក្រុងសៀមរាប ក្រោមការដឹកនាំពីលោកទេព ប៊ុនឆាយ ប្រធានក្រុមប្រឹក្សា នឹងលោកសូរ ប្លាតុង អភិបាលនៃគណះអភិបាលក្រុងសៀមរាប។
លោក សូរ ប្លាតុង បានអោយដឹងថា ការប្រារព្ឋទិវាអនាម័យបរិស្ថាននេះឡើង គឺដើម្បីផ្សព្វផ្សាយអប់រំដល់សាធារណៈជនទូទៅនូវការកែប្រែឥរិយាបថ និងទម្លាប់នៃការរស់នៅប្រចាំថ្ងៃឱ្យមានការគិតគូរពីបញ្ហាបរិស្ថាន ជាពិសេសធ្វើយ៉ាងណា ត្រូវចេះទុកដាក់ វេចខ្ចប់ និងចោលសំរាមឱ្យបានត្រឹមត្រូវ។
លោកអភិបាលបានបន្តថា គុណភាពបរិស្ថាន សាភ័ណភាពទីប្រជុំជន និងសុខភាពសាធារណៈ ចាំបាច់ត្រូវការ ការចូលរួមទាំងអស់គ្នា ដោយយកចិត្តទុកដាក់លើកកម្ពស់ ការគ្រប់គ្រងសំណល់រឹងឱ្យបានត្រឹមត្រូវ ដោយត្រូវចេះវេចខ្ចប់ និងញែកសំរាមតាមប្រភេទ ដូចជា សំណល់អាចកែច្នៃបាន អេតចាយសារធាតុសំណល់សរីរាង្គ សំណល់គ្រោះថ្នាក់ និងសំណល់ផ្សេងៗ ដើម្បីប្រែក្លាយសំណល់មួយចំនួនឱ្យមានតម្លៃសេដ្ឋកិច្ច និងកាត់បន្ថយបរិមាណសំណល់នៅតាម ទីលាន ក្នុងទិសដៅធានាឱ្យបាននូវគុណភាពបរិស្ថាន សោភ័ណភាព បរិស្ថាន និង សុខភាពអនាម័យ នៅក្នុងមូលដ្ឋានរបស់ខ្លួនផងដែរ៕
អានបន្ត
មន្ទីរពេទ្យកាល់ម៉ែត រៀបចំសិក្ខាសាលាស្តីពី វេជ្ជសាស្ត្រនុយក្លេអ៊ែរ ដើម្បីបញ្ជ្រាបចំណេះដឹង ពីវិធីព្យាបាលជំងឺមហារីកយ៉ាងមានប្រសិទ្ធភាព
(ភ្នំពេញ)៖ វេជ្ជសាស្ត្រនុយក្លេអ៊ែរ បានផ្តល់នូវជំរើស នៃការព្យាបាលល្អបំផុតសម្រាប់អ្នកជំងឺ ដែលនាំឲ្យមានភាពប្រសើរឡើង នូវគុណភាពជីវិត ជាពិសេសទៀតនោះ គឺកាត់បន្ថយការចំណាយរបស់អ្នកជំងឺទៀតផង។
លោកសាស្ត្រាចារ្យអគ្គនាយកមន្ទីរពេទ្យកាល់ម៉ែត បានថ្លែងដូច្នេះនៅក្នុងពិធីបើកសិក្ខាសាលាស្តីពី វេជ្ជសាស្ត្រនុយក្លេអ៊ែរ នាព្រឹកថ្ងៃទី២២ ខែតុលា ២០១៨នេះ ក្រោមការចូលរួមពីលោកសាស្ត្រាចារ្យ Sobhan Vinjamuri នាយករងនៃមនី្ទរពេទ្យ The Royal Liverpool University នៃចក្រភពអង់គ្លេស រួមជាមួយថ្នាក់ដឹកនាំមន្ទីរពេទ្យ រួមជាមួយសិក្ខាមពេទ្យជាច្រើននាក់ទៀត។
លោកសាស្ត្រចារ្យអគ្គនាយកមន្ទីរពេទ្យកាល់ម៉ែតបានបន្តថា ការបើកសម្ពោធដាក់ឲ្យដំណើរការ មជ្ឈមណ្ឌលជាតិជំងឺមហារីក គឺជាផ្នែកមួយនៃវេជ្ជសាស្ត្រនុយក្លេអ៊ែរដំបូងគេនៅកម្ពុជា។ នៅដើមឆ្នាំនេះ គឺជាការរីកចម្រើនមួយផ្នែកទៀត លើវិស័យសុខាភិបាល នៅក្នុងព្រះរាជាណាចក្រកម្ពុជា។
លោកវេជ្ជបណ្ឌិត គង់ សន្យា អគ្គនាយករងមនី្ទរពេទ្យកាល់ម៉ែត្រ បានថ្លែងថា នេះជាលើកទី១ហើយ ដែលមនី្ទរពេទ្យកាល់ម៉ែត បានបើកសិក្ខាសាលាស្តីពីវេជ្ជសាស្ត្រនុយក្លេអ៊ែរ ក្នុងព្រះរាជាណាចក្រកម្ពុជា។
លោកបន្តថា ការប្រើពាក្យថាវេជ្ជ សាស្ត្រនុយក្លេអ៊ែរ បើស្តាប់ទៅថាវារាងចំលែក។ លោកថា តាមពិតទៅគឺប្រើប្រាស់ពាក្យ ក្នុងបច្ចេកទេសវេជ្ជសាស្ត្រនុយក្លេអ៊ែរនេះ គឺវាផ្តល់ប្រយោជន៍យ៉ាងខ្ពស់ ក្នុងការព្យាបាលនូវរោគមហារីក ដែលទាមទារប្រើបច្ចេកទេសនេះ ដើម្បីសម្លាប់នូវកោសិកាមហារីក។
អគ្គនាយករងមនី្ទរពេទ្យបានបញ្ជាក់ទៀតថា ដើមឆ្នាំ២០១៨នេះ មនី្ទរពេទ្យកាល់ម៉ែត្រ បើកឲ្យដំណើរមជ្ឈមណ្ឌលព្យាបាលជំងឺមហារីក មានបច្ចេកទេសច្រើន ក្នុងការព្យាបាល ដូចជាបាញ់កាំរស្មីនៅក្នុងទីកន្លែង និងដោយវេជ្ជសាស្ត្រនុយក្លេអ៊ែរ។ ដូច្នេះដើម្បីឲ្យកម្រិត បច្ចេកវិទ្យារបស់មនី្ទរពេទ្យ ស្មើនឹងពិភពលោក គឺទាមទារឲ្យមនី្ទរពេទ្យមានវេជ្ជសាស្ត្រនុយក្លេអ៊ែរនេះផងដែរ។
ជាមួយគ្នានេះ លោកសាស្ត្រាចារ្យ Sobhan Vinjamuri បានលើកឡើងថា វេជ្ជសាស្ត្រនុយក្លេអ៊ែរ ឬគេហៅថា វេជ្ជសាស្ត្រម៉ូឡេគុលអ៊ែរ ដែលធ្វើឲ្យមានការបារម្មណ៍ បើមែនទែនទៅ គឺជារបស់ដែលត្រូវបានស្គាល់ជាង៤០ឆ្នាំមកហើយ ព្រមទាំងយកមកប្រើប្រាស់នៅក្នុងវិស័យវេជ្ជសាស្ត្រ។
លោកបន្តថា ប៉ុន្តែវេជ្ជសាស្ត្រនុយក្លេអ៊ែរ មិនបណ្តាលឲ្យប៉ះពាល់ដល់សុខភាពនោះទេ ព្រោះនៅក្នុងពិភពលោក វេជ្ជសាស្ត្រនុយក្លេអ៊ែរ គឺមានគ្រប់ទីកន្លែង៕ អានបន្ត
អាជ្ញាធរខេត្តកណ្ដាល ត្រៀមកម្លាំងសមត្ថកិច្ច ៦២៥នាក់ ដើម្បីការពារសន្តិសុខ សណ្ដាប់ធ្នាប់ក្នុងព្រះរាជពិធីបុណ្យអុំទូកនៅក្រុងតាខ្មៅ
(កណ្តាល)៖ ដើម្បីរក្សាសន្តិសុខ សណ្ដាប់ធ្នាប់ និងបង្ការរាល់បញ្ហាដែលកើតឡើងនានា នៅក្នុងព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ នៅក្រុងតាខ្មៅ អាជ្ញាធរខេត្តកណ្តាល បានត្រៀមកងកម្លាំងប្រដាប់អាវុធ ក្រុមគ្រូពេទ្យ និងជំនាញនានាៗចំនួន ៦២៥នាក់ ព្រមទាំងបានរៀបចំសណ្តាប់ធ្នាប់តាមផ្លូវនៅទូទាំងក្រុងតាខ្មៅ និងបានរៀបចំកែលម្អសួនច្បារមាត់ទន្លេឱ្យមានបរិស្ថានល្អ តាំងលម្អភ្លើងតាមដងផ្លូវផងដែរ។
បើមន្ត្រីសាលាខេត្តកណ្តាល បានឱ្យដឹងថា ព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ នៅក្រុងតាខ្មៅនេះ នឹងប្រព្រឹត្តទៅនាថ្ងៃទី២៣ និង២៤ ខែតុលា ឆ្នាំ២០១៨។
ក្នុងចំណោមកម្លាំងសមត្ថកិច្ចទាំង ៦២៥នាក់នោះ រួមមាន៖ កម្លាំងនគរបាល ៣១៥នាក់ កម្លាំងកងរាជអាវុធហត្ថខេត្តកណ្តាល ១៧៩នាក់ កម្លាំងសឹករងខេត្តកណ្តាល ៤៥នាក់ មន្ត្រីសុខាភិបាល ២៥នាក់ សហការជាមួយយោធភូមិភាគពិសេស ៥៣នាក់ និងបានត្រៀមរថយន្តសង្គ្រោះ និងរថយន្តពន្លត់អគ្គិភ័យ។
ប្រភពបានបន្តថា កម្លាំងទាំងអស់បានបែងចែកតាមគោលដៅចំនួន ៤កន្លែង ដូចជា ទី១.នៅលើកំណាត់ផ្លូវ១០៨ (ខាងត្បូងវិទ្យាល័យសេរីភាព) និងកំណាត់ផ្លូវ១០៩, ទី២.ក្នុងវិទ្យាល័យសេរីភាព, ទី៣.នៅដីឡូត៍ អតីតអង្គភាពស្ពានថ្នល់, ទី៤.ផ្លូវ២០៨ ខាងក្រោយគរុកោសល្យខេត្ត។
ចំណែកការបិទ និងបើកបញ្ជៀសទិសដៅចរាចរណ៍ គឺអាជ្ញាធរខេត្តនឹងអនុវត្តតាមវិធានការ៖ មកពីជើងលំហូរតាមផ្លូវលេខ២ មករង្វង់មូលតាខ្មៅ អាចទៅលិចផ្លូវលេខ២ និងទៅត្បូងផ្លូវលេខ២១បេ ចំណែកមកពីត្បូងផ្លូវលេខ២១បេ អាចលំហូរត្រង់មកជើង ឬបែកទៅកើត និងលិចតាមផ្លូវលេខ១១៥។
មន្ត្រីដដែលបានបន្តថា ចំណែកកំពង់ចម្លងចំពុះក្អែកមិនអនុញ្ញាតឱ្យចម្លងឡើយ ដោយបញ្ជៀសឱ្យទៅតាមផ្លូវលេខ១១០ និងផ្លូវលេខ១០៧ ក៏មិនអនុញ្ញាតឱ្យធ្វើដំណើរដែរ ចំពោះមធ្យោបាយយានយន្ត គឺលំហូរទៅតាមផ្លូវលេខ២០៦។ ក្រៅពីនេះ គេនឹងបិទជុំវិញបរិវេណប្រារព្ធពិធី លើកលែងតែអ្នកថ្មើរជើងដែលចូលទស្សនាកម្សាន្តនៅក្នុងពិធីតែប៉ុណ្ណោះ៕ អានបន្ត
រដ្ឋមន្ត្រី វង សូត៖ កីឡាធ្វើឲ្យយើងបង្កើតបាននូវមិត្តភាព សាមគ្គីភាព ភាតរភាព និងជួយឲ្យយើងនៅឆ្ងាយពីអំពើអបាយមុខ
(ភ្នំពេញ)៖ លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា តំណាងឲ្យ សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា បានអញ្ជើញចូលរួមនៅក្នុងពិធីប្រកួតវគ្គផ្តាច់ព្រ័ត្រ ព្រឹត្តិការណ៍កីឡាបាល់ទាត់ពានរង្វាន់ «សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា» ដែលរៀបចំធ្វើនៅយប់ថ្ងៃទី២០ ខែតុលា ឆ្នាំ២០១៨ នៅពហុកីឡាដ្ឋានជាតិអូឡាំពិក។
នៅក្នុងឱកាសនោះ លោក វង សូត បានថ្លែងអរគុណចំពោះកិច្ចសហការរបស់ក្រសួងអប់រំ យុវជន និងកីឡា សហព័ន្ធកីឡាបាល់ទាត់កម្ពុជា គណៈកម្មការរៀបចំការប្រកួត ជាពិសេសក្រុមចូលរួមប្រកួតទាំង២១ ដែលបានបញ្ចូនកីឡាករមកចូលរួម។ លោករដ្ឋមន្ត្រីបន្ថែមថា សកម្មភាពនេះ បានបង្ហាញពីសាមគ្គីភាព មិត្តភាព រវាងស្ថាប័នមួយទៅស្ថាប័នមួយទាំងក្របខណ្ឌរដ្ឋ ក៏ដូចជាឯកជន ដែលធ្វើឲ្យព្រឹត្តិការណ៍ប្រកួតនេះ ប្រព្រឹត្តទៅបានយ៉ាងល្អ។
រដ្ឋមន្ត្រី វង សូត សង្កេតឃើញថា ការប្រកួតនៅឆ្នាំនេះ គឺទទួលបានលទ្ធផលល្អប្រសើរ ដែលទទួលបានពីការប្រកួតកីឡាបាល់ទាត់ពានរង្វាន់ «សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា» នោះគឺមានការចូលរួមពីក្រុមកីឡាករច្រើនជាងមុន និងបានផ្តល់ឱកាសឲ្យកីឡាករ បានស្គាល់គ្នា បង្កើតមិត្តភាព សាមគ្គីភាព ភាតរភាពពីក្រុមមួយ ទីក្រុមមួយទៀត។ ក្រៅពីនោះ ក៏មានការបណ្តុះគំនិតឲ្យក្មួយៗ ចេះស្រឡាញ់វិស័យកីឡា ពិសេសកីឡាបាល់ទាត់ ដែលជាកីឡាកំពុងតែពេញនិយម។
ជាមួយគ្នានោះ លោករដ្ឋមន្ត្រី វង សូត បានក្រើនរំលឹកដល់កីឡាករថា ចំពោះកីឡាករដែលទទួលបានចំណាត់ថ្នាក់ល្អ ត្រូវខិតខំហ្វឹកហាត់បន្តទៀត ដើម្បីបង្កើនសមត្ថភាព ទេពកោសល្យ និងបច្ចេកទេសបន្ថែមទៀត ដើម្បីរក្សាតំណែងដែលខ្លួនទទួលបាននៅឆ្នាំក្រោយៗទៀត។ ចំពោះក្រុមកីឡា ដែលពុំទទួលបានចំណាត់ថ្នាក់នៅពេលនេះ សូមក្មួយៗ ខិតខំទាំងអស់គ្នា ប្រឹប្រែងហ្វឹកហាត់ ដើម្បីបង្កើនបច្ចេកទេស ធ្វើយ៉ាងណាដណ្តើមយកចំណាត់ថ្នាក់ល្អៗ នៅឆ្នាំក្រោយទៀត។
ព្រឹត្តិការណ៍កីឡាបាល់ទាត់ពានរង្វាន់ «សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា» បានធ្វើឡើង ក្នុងគោលបំណង មិនត្រឹមតែបំផុសស្មារតីចលនាយុវជន ឲ្យចូលចិត្ត និងស្រឡាញ់វិស័យកីឡាប៉ុណ្ណោះទេ តែបំណងសំខាន់នោះគឺ ចែករំលែកបទពិសោធន៍ ពិសេសមិនយកពេលវេលា ទៅប្រព្រឹត្តអំពើឧបាយមុខ ក្នុងសង្គមដូចជា សេពគ្រឿងញៀន និងបោះបង់ការសិក្សាជាដើម។
ក្រុមអាណាចក្របៃតង បានគ្រងតំណែងជើងឯកពានរង្វាន់ “សម្ដេចអគ្គមហាពញាចក្រី ហេង សំរិន” រដូវកាលទី២ ទៀតហើយ បន្ទាប់ពីយកឈ្នះក្រុមធីអិនកណ្ដាល ដោយលទ្ធផល ១-០ ក្នុងជំនួបវគ្គផ្ដាច់ព្រ័ត្រលើទីលានពហុកីឡដ្ឋានជាតិយប់មិញ ។ ពិធីបិទការប្រកួតនេះ បានធ្វើឡើងក្រោមវត្តមានលោក វង សូត រដ្ឋមន្ដ្រីក្រសួងសង្គមកិច្ច អតីតយុទ្ធជន និងយុវនិតីសម្បទា និងជាប្រធានក្រុមទីប្រឹក្សាសម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ នៃកម្ពុជា ។
ឆ្លៀតក្នុងឱកាសនោះដែរ ក្នុងនាមសម្ដេចអគ្គមហាពញាចក្រី ហេង សំរិន លោករដ្ឋមន្ដ្រីក៏បាននាំយកនូវថវិកា ១ម៉ឺនដុល្លារឧបត្ថម្ភបន្ថែមលើការរៀបចំអាហាសាមគ្គី និងក្រុមជ័យលាភីផងដែរ ដូចជាក្រុមជើងឯកអាណាចក្របៃតង ទទួលបានប្រាក់រង្វាន់ពីគណៈកម្មការ ៣២លានរៀល និងប្រាក់ឧបត្ថម្ភបន្ថែម ២ពាន់ដុល្លារ, ក្រុមជើងឯករង ធីអិនកណ្ដាល ទទួលបានប្រាក់រង្វាន់ ២០លានរៀល និងប្រាក់រង្វាន់ឧបត្ថម្ភ ១ពាន់ដុល្លារ និងក្រុមលេខ៣ ពិស្ណុការ ទទួលបានប្រាក់រង្វាន់ ១៤លានរៀល និងប្រាក់ឧបត្ថម្ភ ១ពាន់ដុល្លារ ។
ដោយឡែកក្រុមលេងមានក្រមសីលធម៌ល្អជាងគេ(Fair-Play) បានទៅក្រុមពិស្ណុការ ទទួលបានប្រាក់រង្វាន់ ៦០ម៉ឺនរៀល ស្របពេលអ្នកចាំទីល្អ បានទៅកីឡាករ ហាន់ មាន របស់ក្រុមអាណាចក្រប៉ៃតង និងកីឡាកររកគ្រាប់បាល់បានច្រើនជាងគេ គឺកីឡាករ នុត ស៊ីនួន របស់ក្រុមធីអិនកណ្ដាល រកបាន ១២គ្រាប់ទទួលបានប្រាក់រង្វាន់ ២លានរៀលដូចគ្នា ៕ អានបន្ត
លោក ជាវ តាយចុះចែកស្រូវពូជប្រពលរដ្ឋក្រោយពីទទួលរងផលប៉ះពាល់ខូចខាតដោយជំនន់ទឹកភ្លៀងក្នុងឃុំចំនួន៣នៃស្រុក ទឹកឈូខេត្តកំពត
(ខេត្តកំពត)៖ កាលពីថ្ងៃទី០៤ខែតុលា ឆ្នាំ២០១៨នេះ លោក ជាវ តាយអភិបាល នៃគណៈអភិបាលខេត្ត បានអញ្ជើញចុះសួរសុខទុក្ខ ដោយបាននាំយកនូវពូជស្រូវនិងបន្លែចែកជូនប្រជាពលរដ្ឋក្រោយពីរងផលប៉ះពាល់ខូចខាតដោយជំនន់ទឹកភ្លៀងនាពេលកន្លងទៅថ្មីៗនេះនៅក្នុងស្រុកទឹកឈូខេត្តកំពត។
លោកចាន់ រិទ្ធប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពត បានឱ្យដឹងថា៖ ខេត្តកំពតមានភ្លៀងធ្លាក់ជាបន្តបន្ទាប់ក្នុងខែកន្លងទៅដែល បណ្ដាលធ្វើឱ្យមានការប៉ះពាល់និងខូចខាតទាំងស្រុងដល់ស្រូវសន្ទូងនិងស្រូវពង្រោះមានចំនួន២លើកនៅក្នុងស្រុកមួយចំនួននៃខេត្តកំពត គឺក្នុងនោះមានស្រុកកំពង់ត្រាច ស្រុកដងទង់ ស្រុកទឹកឈូ ស្រុកអង្គរជ័យ និង បន្ទាយមាស។ ដោយឡែកសម្រាប់ស្រុកទឹកឈូ ដែលបាននាំយកពូជស្រូវនិងពូជបន្លែចែកដល់ដៃប្រជាកសិករពេលនេះ មានចំនួន៣ឃុំ ស្មើ១៩ភូមិ ធ្វើអោយមានផលប៉ះពាល់លើផ្ទៃដីចំនួន៨៥០ហិចតា និងផ្ទៃដីខូចខាតទាំងស្រុងចំនួនជាង១៣៣ហិចតាស្មើនឹង៥៦៥គ្រួសារ។
រីឯពូជស្រូវនិងពូជបន្លែដែលនាំមកចែកជូនប្រជាកសិករពេលនេះជាអំរាជរដ្ឋាភិបាលតាមរយៈក្រសួងកសិកម្មរុក្ខាប្រមាញ់ និងនេសាទមានចំនួនជាង១៣តោនសម្រាប់ផ្ទៃដីមួយហិចតាប្រើពូជស្រូវ១០០គីឡូក្រាម និងពូជដំណាំបន្លែពីរប្រភេទទៀតគឺគ្រាប់សណ្តែកកួរ និងគ្រាប់ត្រសក់ផងដែរ។
មានប្រសាសន៍សំណេះសំណាល លោក ជាវ តាយ អភិបាលខេត្តបានបញ្ជាក់ថា បច្ចុប្បន្នធម្មជាតិមានការប្រែប្រួលបង្កឱ្យកើតឡើងគ្រោះអាក្រក់ជាបន្តបន្ទាប់។ ជាក់ស្តែង ឆ្នាំនេះ ខេត្តកំពតទទួលរងនូវការធ្លាក់ភ្លៀងឥតឈប់ឈរធ្វើឱ្យកសិកររងការខូចខាតផលដំណាំដោយសារជំនន់ទឹកភ្លៀងម្តងហើយម្តងទៀត។ លោកអភិបាលខេត្តបានបន្តថា ទោះបីបែបនេះក្តី រដ្ឋបាលខេត្តកំពតមិនបានព្រងើយកន្តើយចំពោះទុក្ខលំបាករបស់បងប្អូនឡើយ។ ផ្តើមចេញពីការគិតគូរនូវផលប៉ះពាល់ទាំងនេះ រដ្ឋបាលខេត្តបានជំរុញដល់មន្ទីរកសិកម្មក្នុងការស្នើសុំពូជស្រូវពីក្រសួងសាមីរបស់ខ្លួនសម្រាប់យកមកចែកជូនបងប្អូនដើម្បីសាបព្រោះបន្តសម្រាប់ឆ្នាំក្រោយទៀត។
លោក ជាវ តាយ បានក្រើនរំលឹកថា ជាការកត់សម្គាល់ ទឹកដីនៃភូមិសាស្ត្រក្នុងស្រុកទឹកឈូទាំងមូលមិនអាចធ្វើស្រូវឱ្យ បានពីរ ឬបីរដូវដូចនៅស្រុកផ្សេងទេ។ដូច្នេះ គួរបងប្អូនកសិករបង្វែពីការធ្វើស្រូវចាប់យកការដាំដំណាំដែលអាចរកប្រាក់ចំណូលច្រើនជាងនេះទើបល្អប្រសើរសម្រាប់ជីវភាពគ្រួសារ៕ អានបន្ត
ប្រជាពលរដ្ឋ៣០គ្រួសារតំណាងអោយ៥០គ្រួសារធ្វើការតវ៉ានៅសាលាក្រុងប៉ោយប៉ែតដើម្បីរកដំណោះស្រាយ!
ខេត្តបន្ទាយមានជ័យ-ក្រុងប៉ោយប៉ែត ៖ នៅព្រឹកថ្ងៃទី០៤ ខែតុលា ឆ្នាំ២០១៨ ប្រជាពលរដ្ឋ៣០គ្រួសារតំណាងអោយ៥០គ្រួសារធ្វើការតវ៉ា នៅសាលាក្រុងប៉ោយប៉ែតដើម្បីរកដំណោះស្រាយ និង ស្នើសុំអោយសម្តេចជួយរកយុត្តិធ៌ម ត្រូវបានបុគ្គលឈ្មោះ អ៊ុង សួនរស្មី ឃុបឃិតជាមួយអាជ្ញាធរនឹងតុលាការមួយចំនួនដោយយក ស ជ ណ ទៅប្តឹងរួចចេញលិខិតកាន់កាប់ទាំងបំពានច្បាប់ យក ស ជ ណ របស់ទីស្តីការគណៈរដ្ឋមន្ត្រីលេខ(១៣៥៦)ស ជ ណ មកវាស់រំលោភយកដីប្រជាពលរដ្ឋចំនួន(៥៨៩)គ្រួសារស្ថិតនៅភូមិព្រៃព្រិច និង ភូមិទួលប្រសាទ/សង្កាត់ក្រុងប៉ោយប៉ែត/ខេត្តបន្ទាយមានជ័យ។
ដែលធ្វើអោយប៉ះពាល់ដល់ការរស់នៅរបស់ប្រជាពលរដ្ឋ ដែលគាត់រស់នៅលើដីនេះ នឹងអាស្រ័យផលរយៈពេល ប្រមាណជិត២០ឆ្នាំមកហើយ តែបុគ្គលម្នាក់នេះបានឆ្លើយថា៖ ខ្លួនបានទិញដីនេះនៅឆ្នាំ២០១៥ ពីដំណាងប្រជាពលរដ្ឋ តែជាក់ស្តែងបុគ្គលឈ្មោះអ៊ុងសួនរស្មី នេះ ដើរឃុបឃិតជាមួយអាជ្ញាធរនឹងតុលាការមួយចំនួនដោយយក ស ជ ណ ទៅប្តឹងរួចចេញលិខិតកាន់កាប់ទាំងបំពានច្បាប់ រួចចាប់ប្រជាពលរដ្ឋជាការគំរាម ចំណុចនេះហើយដែលធ្វើអោយដែលធ្វើប៉ះពាល់ដល់ប្រជាពលរដ្ឋជាច្រើនគ្រួសារ។
ប្រជាពលរដ្ឋមកសាលាក្រុងប៉ោយប៉ែតធ្វើការតវ៉ា អោយលោក សាន ស៊ានហូ អភិបាលក្រុងប៉ោយប៉ែត ជួយរកដំណោះស្រាយដល់ពួកគាត់ផង។ លោកអភិបាលបញ្ជាក់ថា៖ អោយផ្តិតមេដៃ ដាក់ពាក្យបណ្តឹងនៅសាលាក្រុង និង តុលាការ ដើម្បីរកភាពយុត្តិធ៌ម ជាពិសេសប្រជាពលរដ្ឋជាច្រើនគ្រួសារសំណូមពរអោយសម្តេចតេជោមេត្តាជួយរកយុត្តិធម៌ដល់ពួកគាត់ផង៕ អានបន្ត