ថ្ងៃព្រហស្បតិ៍ ទី២៨ ខែមីនា ឆ្នាំ២០២៤ អាស័យដ្ឋាន៖ ផ្ទះលេខ៤១៣ ផ្លូវលំ ភូមិក្រពើហា សង្កាត់ព្រែកឬស្សី ក្រុងតាខ្មៅ កណ្តាល / លេខទូរស័ព្ទ ៖ 088 41 41 152 / 012 98 48 55
កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​
Tue,16 October 2018 (Time 03:57 PM)
ដោយ សម្លេងខ្មែរពិត (ចំនួនអ្នកអាន: 1641នាក់)


ខេត្ត​ប៉ៃលិន ៖ រហូតមក​ដល់​រសៀល​ថ្ងៃទី​១១ ខែ​កញ្ញា ឆ្នាំ​២០១៨ នេះ ដោយសារ​តែ​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំមុនៗ ហើយ​ស្របពេល​ដែល​មេឃ​ធ្លាក់ភ្លៀង​រាល់ថ្ងៃ បណ្តាល​ឱ្យ​ដក់​ទឹក​នៅ​តាម​រងដំឡូង​មី បើ​ទុក​យូរ​នាំ​ឱ្យ​រលួយ​ខូច ទើប​កសិករ​នាំគ្នា​សម្រុក​ដក​ដំឡូង​មី​ដឹក​លក់​ឱ្យ​ឈ្មួញ​នៅ​តាម​ស្តង់​ជា​បណ្តើរៗ ។ ជា​ពិសេស​កសិករ​រស់ នៅក្នុង​ភូមិ​ភ្នំ​រាំង និង​ភូមិ​ភ្នំ​ដំបង សង្កាត់​អូរ​តា​វ៉ៅ ក្រុងប៉ៃលិន ។​

​ប្រភព​ព័ត៌មាន​ពី​បុរស​ម្នាក់ ឈ្មោះ វ៉ាន់ សេង អាយុ​៥៥​ឆ្នាំ រស់នៅ​ភូមិ​ភ្នំ​រាំង សង្កាត់​អូរ​តា​វ៉ៅ ក្រុងប៉ៃលិន បាន​រៀបរាប់​ឱ្យដឹងថា គាត់​ទើប​តែ​ដាំដំឡូង​មី​បាន​រយ​:​ពេល​៦​ខែ​នៅ​ក្នុង​ចម្ការ​ក្បែរ​ផ្ទះរ បស់​ខ្លួន លុះ​មេឃ​ធ្លាក់ភ្លៀង​រាល់ថ្ងៃ​ខ្លាំងពេក ធ្វើឱ្យ​គាត់​ព្រួយបារម្ភ​ខ្លាចក្រែង​មើមដំឡូង​មី​ស្អុយរ​លួ យ ទើប​នាំ​កូនចៅ និង​ជួល​កម្មករ​ឱ្យប្រញាប់​ដក​ទាំង​មើម​នៅ​ខ្ចី​យកទៅលក់​នៅ​តាម​ស្តង់​ដំឡូង​តែម្តង ។ គាត់​បន្ត​ទៀត​ថា ទោះបីជា​មើមដំឡូង​មី​នៅ​ខ្ចី មិនទាន់​មាន​ម្សៅ​យ៉ាងណាក៏ដោយ ក៏​ឈ្មួញ​នៅ​តែ​បញ្ជា​ទិញ​ដែរ ដោយ​កាលពីមុន​១​គីឡូក្រាម​ត្រឹមតែ​ជាង​១​បាត​ប្រាក់​ថៃ ។ តែ​រហូត​មក​ដល់ពេ ល​នេះ ស្រាប់តែ​តម្លៃ​ទីផ្សារ​ដំឡូង​មី​ហក់​ឡើង​រហូត​ដល់​២.៥៥​បាត​(​ប្រាក់​ថៃ​) ដែល​ថ្លៃ​ជាង​ឆ្នាំ​មុនៗ ទៅទៀត ហើយ​កសិករ​ម្នាក់ៗ ខំប្រឹង​នាំគ្នា​សម្រុក​ដក​លក់ ដើម្បី​ប្រញាប់​ដាក់​ដាំ​សារជាថ្មី ។​

​គាត់​បន្ត​ទៀត​ថា កាលពី​ថ្ងៃ​ម្សិលម៉ិញ ទើប​ដក​លក់បាន​៥​តោន ហើយ​នៅ​ថ្ងៃ​បន្ទាប់​នេះ មិន ទាន់​បាន​ដឹកយក​ទៅ​ថ្លឹង​លក់​នៅ​ឡើយ​ទេ មើល​ទៅ​គាត់​អាច​ចំណេញ​សល់​ប្រាក់​សម្រាប់​សង​ជំពាក់ គេ និង​សល់​លុយកាក់​សម្រាប់​ផ្គត់ផ្គង់​ជីវភាព​ផងដែរ ។​

​បើ​តាម​ការរៀបរាប់​ពី​កសិករ​ម្នាក់ ឈ្មោះ ឡុង ស្រី អាយុ​៥០​ឆ្នាំ រស់នៅ​ក្នុង​ភូមិ​ភ្នំ​ដំបង សង្កាត់​អូរ​តា​វ៉ៅ ក្រុងប៉ៃលិន បានឱ្យដឹងថា តម្លៃ​ទីផ្សារ​ដំឡូង​មីនា​ពេលនេះ ពិត​ជា​ថ្លៃ​ខ្ពស់​រហូតដល់ ១​គី​ឡូ​២.៥៥​បាត ឯណោះ ដូច្នេះ​ដំឡូង​ដែល​គាត់​ដាំ​បាន​ជាង​១​ហិកតា ហើយ​មិន​ទាន់​គ្រប់​អាយុ​ត្រូវ​ប្រមូល​ផល​ផង ក៏​សម្រេចចិត្ត​ជួល​កម្មករ​ឱ្យ​ចូល​ទៅ​ដក ដឹក​លក់​នៅ​តាម​ស្តង់ ។ គាត់​បន្ត​ទៀត ថា ប្រជាពលរដ្ឋ​សប្បាយចិត្ត ពេល​ឃើញ​តម្លៃ​ទីផ្សារ​ដំឡូង​ឡើងថ្លៃ ដោយ​ម្នាក់ៗ ត្រៀមខ្លួន​ជាស្រេ ចនឹង​ហៅ​កម្មករ​ចុះ​ទៅ​ប្រមូល​ផល​ទាំង​ចាស់​ទាំង​ខ្ចី ព្រោះ​អី​ឈ្មួញ​គេ​មិន​រើស​រក​អ្វី​នោះ​ទេ ឱ្យតែ​មាន មើមដំឡូង​មី​ដក​លក់​ឱ្យ​គេ គឺ​កម្មង់​ទិញ​ទាំង​អស់​តែម្តង ។​

​គាត់​សំណូមពរ​ផងដែរ បើសិនជា​ទីផ្សារ ដំឡូង​មី​ឡើងថ្លៃ​ខ្ពស់​ដូច្នេះហើយ ទោះបីជា​មាន​កសិករ​ប្រមូល​ផល​ច្រើន ក៏​សុំ​កុំឱ្យ​ឈ្មួញ​ទម្លាក់​ថ្លៃ ព្រោះ​គាត់​សង្កេត​ឃើញ​ជា​រៀង​រាល់​ពេល គឺ​ឡើងថ្លៃ​ពេល​កសិករ​ប្រមូល​ផល​មួយៗ លុះ​ឃើញ​ប្រមូ ល​ផល​គ្នា​ច្រើន​ស្រាប់តែ​បញ្ចុះ​តម្លៃ​រហូត​ដល់​ទាប​មិន​អាច​ទទួលយកបាន​ផងដែរ ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ