ព័ត៌មានចាស់ៗ
ផ្លូវកៅស៊ូជាច្រើនកន្លែងក្លាយជាសំបុកមាន់និងបែកខ្ទេច រងការខូចខាត ព្រោះក្រុមឈ្មួញដឹកអាចម៍ដីលក់ស្នើសុំអាជ្ញាធរខេត្តជួយ ចាត់វិធានការផងទាន
ខេត្តប៉ៃលិន៖ ពលរដ្ឋដែល រស់នៅសង្កាត់ប៉ៃលិននិងសង្កាត់បរយ៉ាខា,ក្រុងប៉ៃលិនពួកគាត់បាន រិៈគន់ ទៅលើមន្ត្រីជំនាញរ៉ែ និងថាមពលខេត្ត ព្រមទាំងមន្ត្រីជំនាញសាធារណៈការខេត្តប៉ៃលិនថា, បណ្តែតបណ្តោយឲ្យក្រុមឈ្មួញបានដឹកអាចម៍ដីលក់យ៉ាងអាណាធិបតេយ្យ ធ្វើឲ្យប៉ះពាល់ដល់ទ្រព្យសម្បិត្តសាធារណៈ និងប៉ះពាល់បរិស្ថាន បង្កជាអាចម៍ដីជ្រុះនៅលើដងផ្លូវ ពួកគាត់ពិបាកក្នុងការធ្វើដំណើរ ហើយបញ្ហាទាំងនេះអាជ្ញាធរខេត្ត និងមន្ទីរជំនាញហាក់មើលរំលង និងគ្មានចាត់វិធានការទប់ស្តាត់ ចំពោះរថយន្តទាំងនោះសោះ។
តាមប្រភពព័ត៌មានពីពលរដ្ឋដែលរស់នៅក្នុងសង្កាត់ទាំងពីខាងលើបាននិយាយតៗគ្នានៅតាមហាងកាហ្វេថា៖ រយៈពេលជិតមួយខែមកនេះផ្លូវកៅស៊ូជាច្រើនខ្សែនៅក្រុងប៉ៃលិនបានក្លាយជាសំបុកមាន់និងរថយន្តបានកិន បែកផ្លូវកៅស៊ូ ,រងការខូចខាតយ៉ាងខ្លាំង ដោយសារតែរថយន្តដឹកអាចម៍ដីលក់ របស់ក្រុមហ៊ុនមួយចំនួន បានបំផ្លាញ ធ្វើឲ្យខូចខាតសម្បិត្តសាធារណៈ ប៉ះពាល់បរិស្ថាន ផ្លូវពិបាកធ្វើដំណើរ ហើយរថយន្តដឹកអាចម៍ដីលក់ មួយចំនួនមិនព្រមគោរពសេចត្តីណែនាំរបស់ក្រសួងជំនាញ ដែលបញ្ហានេះគឺអាជ្ញាធរខេត្ត ក៍ដូចមន្ទីរជំនាញខេត្ត មានភាពធូរលុងក្នុងការគ្រប់គ្រង់។
ប្រភពព័ត៌មាន បានបន្តថា៖ផ្លូវកៅស៊ូ ដែលរងការខូចខាតធ្ងន់ធ្ងរជាងគេបំផុត និងកើតមានក្រឡិកក្រឡុក ដូចសំបុកមាន់ គឺនៅភូមិបរយ៉ាខា ភូមិបរតាំងស៊ូ ភូមិប៉ាហ៊ីត្បូង នៃក្រុងប៉ៃលិន ហើយផ្លូវទាំងនេះ ទើបតែរងការខូចខាត ដោយសារតែរថយន្តធំតូច របស់ក្រុមហ៊ុនធ្វើអាជីវកម្មដឹកអាចម៍ដីលក់បើកឆ្លងកាត់ទៅមកៗ បង្កអោយបាក់ស្រុត ក្លាយជារណ្តៅធំៗ និងមានទឹកដក់ ពិបាកក្នុងការធ្វើដំណើរឆ្លងកាត់ទៅមក និងបង្កអោយកើតមានករណីគ្រោះថ្នាក់ចរាចរណ៍ផងដែរ ។
ប្រភពព័ត៌មាន បានបន្តទៀតថា៖ ការដឹកអាចម៍ដីលក់ របស់ក្រុមឈ្មួញទាំងនោះ ភាគច្រើនមិនគោរពសេចត្តីណែនាំ របស់ក្រសួងរ៉ែនិងថាមពលនោះទេ ដូចជា ដឹកដីលើផ្លូវសាធារណៈ រថយន្តមិនគ្រប រថយន្តជ្រុះអាចម៍ រថយន្តដឹកលើសទម្ងន់ ជាដើម ហើយបញ្ហានេះពួកគាត់ស្នើសុំអាជ្ញាធរខេត្ត ក៍ដូចមន្ទីរជំនាញរ៉ែ និងថាមពល ,មន្ទីរសាធារណៈការ និងដឹកជញ្ជូនខេត្ត មេត្តាចុះត្រួតពិនិត្យទីតាំងកាយអាចម៍ដីលក់ ណែនាំពីនិតិវិធីច្បាប់ ដល់ក្រុមឈ្មួញដឹកដីលក់ទាំងនោះផង កុំទៅតែពិនិត្យ ដោយពុំមានវិធានការនោះ ។
ពាក់ព័ន្ធបញ្ហានេះដែរលោក សុខ សួន ប្រធានមន្ទីររ៉ែនិងថាមពលខេត្តប៉ៃលិន មានប្រសាសន៍ឲ្យដឹងនៅរសៀលថ្ងៃទី២៩ ខែសីហា តាមទូរស័ព្ទថា៖ នៅពេលថ្មីៗនេះ លោកបានចុះទៅមើលនៅតាមការដ្ឋាន របស់ក្រុមឈ្មួញដឹកអាចម៍ដីទាំងនោះហើយ ដោយណែនាំឲ្យពួកគាត់ដាក់គម្រប់គ្របពីលើ បើសិនមិនអនុវត្តន៍ ខាងលោកមិនឲ្យបើកបរលើផ្លូវសាធារណៈនោះទេ លោកធ្វើដូច្នោះគឺដើម្បីបង្កើនប្រសិទ្ធិភាពការងារ(សូមស្តាប់ការលើកឡើងរបស់លោក សុខ សួន ប្រធានមន្ទីររ៉ែនិងថាមពលខេត្តប៉ៃលិន )។
ចំណែកលោក អ៊ាត សារ៉ាត់ ប្រធានមន្ទីរសាធារណៈការ និងដឹកជញ្ជូនខេត្តប៉ៃលិន ក៍មានប្រសាសន៍ឲ្យដឹងតាមទូរស័ព្ទកាលពីរសៀលថ្ងៃទី២៩ ខែសីហានេះថា៖ ចំពោះបញ្ហានេះកាលពីសប្តាហ៍មុនប្រជុំ គណៈអភិបាលខេត្ត គឺឯកឧត្តមអភិបាលខេត្តប៉ៃលិន បានប្រគល់ភារកិច្ចនេះឲ្យទៅអាជ្ញាធរដែនដី និងមន្ត្រីសមត្ថកិច្ចជាអ្នកចុះអនុវត្តន៍ ប្រសិនជាឃើញក្រុមរថយន្តទាំងនោះធ្វើខុសគោលការណ៍និងចុះចាប់ភ្លាមៗ ប៉ុន្តែខាងលោកមិនទាន់បានចុះសហការនៅឡើយទេ ចំណែកឯរថយន្តដឹកដីនៅតែដឹកដដែល ដោយមិនគិតពីខែវស្សា ប្រាំងនោះឡើយ៕ អានបន្ត
អភិបាលរាជធានីភ្នំពេញ ដឹកនាំមន្ត្រីចុះពិនិត្យផ្ទាល់ ផ្លូវដែលរងការខូចខាត ពិបាកធ្វើដំណើរ និងការរស់នៅរបស់ពលរដ្ឋ ក្នុងខណ្ឌពោធិ៍សែនជ័យ
ភ្នំពេញ ៖ នៅព្រឹកថ្ងៃទី១ ខែកញ្ញា ឆ្នាំ២០១៨នេះ លោក ឃួង ស្រេង អភិបាលរាជធានីភ្នំពេញ បានដឹកនាំអាជ្ញាធរ និងមន្ត្រីជំនាញ ចុះពិនិត្យមើលស្ថានភាពផ្លូវលេខ១២៣CC ស្ថិតនៅក្នុង ភូមិថ្មគោលទី២ សង្កាត់ចោមចៅទី២ ខណ្ឌពោធិ៍សែនជ័យ ខណៈដែលផ្លូវមួយខ្សែនេះ បានទទូលរងការខូចខាត ពិបាកក្នុងការធ្វើដំណើររបស់បងប្អូនប្រជាពលរដ្ឋ។
កំណត់ផ្លូវដែលត្រូវស្ថាបនាថ្មីឡើងវិញនេះ រដ្ឋបាលរាជធានីភ្នំពេញ នឹងសាងសង់ជាផ្លូវបេតុងមានប្រវែង៩៧០ម៉ែត្រ និងទទឹងប្រវែង៦ម៉ែត្រ។ ជាមួយនោះ រដ្ឋបាលរាជធានីភ្នំពេញ ក៏នឹងធ្វើការរៀបចំដាក់បណ្តាញលូផងដែរ។
ពាក់ព័ន្ធនិងការបើកការដ្ឋានធ្វើផ្លូវ និងប្រព័ន្ធលូខាងលើនេះ អភិបាលរាជធានីភ្នំពេញ បានស្នើឲ្យមន្ទីរសាធារណការ ប្រញាប់ដាក់គ្រឿងចក្រ ឈូសឆាយស្ថាបនាឲ្យបានលឿនបំផុត និងសូមការយោគយល់ពីប្រជាពលរដ្ឋផងដែរ ជុំវិញផលប៉ះពាល់ និងការរំខាននៅពេលការដ្ឋានចាប់ផ្តើមដំណើរការ។
ក្រោយពីបញ្ចប់ការពិនិត្យមើលស្ថានភាពផ្លូវលេខ១២៣CCនេះហើយ លោក ឃួង ស្រេង ក៏បានបន្តដំណើរចុះសួរសុខទុក្ខ និងពិនិត្យមើលការចាត់ចែង ការដឹកទឹកស្អាតចែកចាយ ជូនប្រជាពលរដ្ឋនៅភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យបន្តទៀត។
លោក ឃួង ស្រេង ក្នុងឱកាសនោះ បានបញ្ជាក់ថា ការចុះមកសួរសុខទុក្ខ និងពិនិត្យមើលការចាត់ចែងការដឹកទឹកស្អាតចែកចាយជូនប្រជាពលរដ្ឋនេះ គឺលោកចង់ដឹងនិងមើលឲ្យឃើញពី ស្ថានភាពការរស់នៅ ការខ្វះខាត និងការចង់បានរបស់បងប្អូនប្រជាពលរដ្ឋជាក់ស្តែង។ នៅពេលដឹងពីការចង់បានរបស់ប្រជាណលរដ្ឋហើយ ក្នុងនាមរដ្ឋបាលរាជធានីភ្នំពេញ ដែលជាម៉ែជាឪរបស់ប្រជាពលរដ្ឋ យើងចុះផ្តល់ជូនប្រជាពលរដ្ឋតែម្តង។
ជាក់ស្តែង នៅភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ប្រជាពលរដ្ឋនៅក្នុងភូមិនេះ មិនទាន់មានប្រព័ន្ធទឹកស្អាតទៅដល់ សម្រាប់ប្រើប្រាស់នោះ ទើបរដ្ឋបាលរាជធានីភ្នំពេញ បង្កើតឲ្យមានរថយន្តដឹកទឹកជូនប្រជាពលរដ្ឋ ដល់តាមខ្នងផ្ទះតែម្តង ជាមួយនឹងតំលៃរដ្ឋ។
ក្នុងឱកាសនោះដែរលោក ឃួង ស្រេង ក៏បានជម្រុញឲ្យអាជ្ញាធរខណ្ឌពោធិ៍សែនជ័យ ពិសេសមន្ត្រីដែលអនុវត្តលើការងារនេះបន្ថែមជើងរថយន្ត ក្នុងការដឹកទឹកចែកចាយជូនប្រជាពលរដ្ឋ។ លោក ឃួង ស្រេង ក៏បានបញ្ជាក់ផងដែរថា នៅរដូវប្រាំងខាងមុខនេះ អាជ្ញាធរ និងបន្ថែមរថយន្តដឹកទឹកនេះបន្ថែមទៀត ពោលគឺទាំង៨ភូមិ ដែលមិនមានទឹកម៉ាស៊ីនប្រើប្រាស់ អាច១ភូមិមានរថយន្តដឹកទឹក១គ្រឿង ដើម្បីដឹកទឹកចែកចាយឲ្យទាន់ចិត្តប្រជាពលរដ្ឋ៕
អានបន្ត
គ.ជ.ប ខេត្តកណ្តាល និងរដ្ឋបាលខេត្ត រៀបចំសន្និបាតបូកសរុបលទ្ធផលការងារបោះឆ្នោត ជ្រើសតាំងតំណាងរាស្ត្រនីតិកាលទី៦ ឆ្នាំ២០១៨
(កណ្តាល)៖ គណៈកម្មការរៀបចំការបោះឆ្នោតខេត្តកណ្តាល និងរដ្ឋបាលខេត្ត បានរៀបចំសន្និបាតបូកសរុបលទ្ធផលការងារ បោះឆ្នោតជ្រើសតាំងតំណាងរាស្ត្រ នីតិកាលទី០៦ ឆ្នាំ២០១៨ ក្រោមវត្តមានលោកបណ្ឌិត ម៉ៅ ភិរុណ អភិបាលខេត្តកណ្តាល និងលោក គឹម ហុង ប្រធានគណៈកម្មការជាតិរៀបចំការបោះឆ្នោតខេត្តកណ្តាល។
នៅក្នុងឱកាសនេះដែរ លោកបណ្ឌិត ម៉ៅ ភិរុណ បានថ្លែងនូវការកោតសរសើរចំពោះគណៈកម្មការជាតិរៀបចំការបោះឆ្នោតខេត្ត និងមន្ត្រីបោះឆ្នោតគ្រប់លំដាប់ថ្នាក់ ដែលបានប្រឹងប្រែងបំពេញការងាររបស់ខ្លួន ជាច្រើនប្រកបដោយមនសិការទទួលខុសត្រូវខ្ពស់បំផុត ធ្វើឱ្យការងារបោះឆ្នោតសម្រេចបានជោគជ័យ។
លោកបណ្ឌិត ម៉ៅ ភិរុណ ក៏សូមថ្លែងនូវការកោតសរសើរដោយស្មោះចំពោះ គណបក្សនបាយទាំងអស់ដែលបានចូលរួមប្រគួតប្រជែង ការបោះឆ្នោតជ្រើសតាំងតំណាងរាស្ត្រ នីតិកាលទី០៦ ឆ្នាំ២០១៨ ប្រកបដោយសេចកក្តីថ្លៃថ្នូរ មានលក្ខណៈចាស់ទុំខាងនយោបាយ និងលទ្ធិប្រជាធិបតេយ្យ។
លោកអភិបាលខេត្ត បានបញ្ជាក់ថា ជោគជ័យនៃការរៀបចំការបោះឆ្នោត ជ្រើសតាំងតំណាងរាស្ត្រ នីតីកាលទី៦នេះ បានឆ្លុះបញ្ចាំង ឱ្យឃើញនូវសមត្ថភាព បទពិសោធន៍ ការងាររៀបចំការបោះឆ្នោត របស់គណៈកម្មធិការជាតិរៀបចំការបោះឆ្នោត និងមានកិច្ចសហការ សម្របសម្រួលយ៉ាងជិតស្និតជាមួយតួអង្គពាក់ព័ន្ធនានា ជំនះបាននូវការលំបាកមួយចំនួន ដែលបានជួបប្រទះផងដែរ។
ជាមួយគ្នានេះដែរលោក គឹម ហុង បានថ្លែងថា ដំណើរការរៀបចំការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ កន្លងទៅថ្មីៗនេះ មណ្ឌលខេត្តកណ្តាល មានគណបក្សនយោបាយឈរឈ្មោះចំនួន១៧គណបក្ស។
លោកបន្តថា ក្នុងដំណាក់កាលឃោសនាបោះឆ្នោតរយៈពេល២១ថ្ងៃកន្លងទៅ គណបក្សទាំង១៧ សុទ្ធតែបានរៀបចំកម្មវិធីឃោសនា របស់ខ្លួនគ្រប់ៗគ្នា គ្រាន់តែគណបក្សខ្លះធ្វើការឃោសនាទ្រងទ្រាយធំ ខ្លះធ្វើទ្រង់ទ្រាយតូច ប៉ុន្តែជារួមបានប្រព្រឹត្តទៅយ៉ាងរលូន តាំងពីចាប់ផ្តើមរហូតដល់ទីបញ្ចប់ដោយពុំមានការរារាំង និងគ្មានអំពើហឹង្សាអ្វីកើតឡើយ។ លោកបន្តទៀតថា ក្នុងចំណោមអ្នកមានឈ្មោះ ក្នុងបញ្ជីបោះឆ្នោតមណ្ឌលខេត្តកណ្តាល មានចំនួន៧៣២.៥៧២នាក់ បានមកបោះឆ្នោតចំនួន៦៣២.២៥១នាក់ ស្មើនឹង៨៦,៣១%៕
អានបន្ត
បច្ចុប្បន្នសំរាមនិងកាកសំណល់គឺជាបញ្ហាប្រឈមមួយ ដែលអាជ្ញាធរកំពុងផ្តោតការយកចិត្តទុកដាក់
កំពត ៖ សំរាមនិងកាកសំណល់នានា បច្ចុប្បន្នបានក្លាយជាប្រធានបទយ៉ាងក្តៅគគុក ខណៈដែលមហាជនបានចាត់ទុកជាបញ្ហាប្រឈមមួយគួរតែអាជ្ញាធរជួយផ្សព្វផ្សាយឲ្យបានទូលំទូលាយដើម្បីបង្កើនការយល់ដឹងដល់ប្រជាពលរដ្ឋ។
ផ្តើមចេញពីភាពអសកម្មជាច្រើនទាក់ទងនឹងករណីការបោះចោលសំរាមនិងកាកសំណល់នៅតាមទីសាធារណៈកន្លងមក បើទោះជាអាជ្ញាធរក្នុងតំបន់និមួយៗក្នុងខេត្តកំពត បាននិងកំពុងជំរុញដល់មហាជនគ្រប់ស្រទាប់ឲ្យជ្រួបជ្រាបពីកត្តាអនាម័យបែបណា ប៉ុន្តែគេនៅតែកត់សម្គាល់ឃើញប្រជាពលរដ្ឋនៅតាមតំបន់មួយចំនួនហាក់យល់ដឹងនៅមានកម្រិតនៅឡើយ ។ ម្ល៉ោះហើយការលួចយកសំរាម ឬកាកសំណល់ផ្សេងៗយកទៅប្លុងចោលនៅតាមទីសាធារណៈ និងតាមចិញ្ចើមផ្លូវបាននិងកំពុងកើតមានជាហូរហែរមិនថានៅតាមទីប្រជុំជន ឬទីជនបទឡើយ។ ម្យ៉ាងទៀត បើតាមមជ្ឈដ្ឋានជាច្រើនបានលើកឡើងថា ការយកសំរាមទៅបោះចោលរប៉ាត់រប៉ាយតាមចិញ្ចើមផ្លូវសាធារណៈ គឺច្រើនកើតមាននៅពេលយប់ស្ងាត់ ដោយគេតែងតែសង្កេតឃើញពលរដ្ឋមួយចំនួនបានដឹកសំរាមនិងកាកសំណល់ទាំងនោះតាមម៉ូតូចេញពីលំនៅដ្ឋាន រួចយកទៅប្លុងចោលនៅតាមចិញ្ចើមផ្លូវជាតិ ឬតាមទីតាំងដីទំនេរជាដើម។
មជ្ឈដ្ឋានដដែលបានទម្លាយទៀតថា អ្នកដែលលួចយកសំណល់គ្រប់ប្រភេទបោះចោលពាសវាលពាសកាលនោះ ភាគច្រើនតែមនុស្សដដែលៗ ដោយពួកគាត់មានលំនៅឋានក្នុងទីប្រជុំ តែបាននាំយកកាកសំណល់ទាំងនេះបោះចោលតាមតំបន់ជនបទ ពិសេសតាមចិញ្ចើមផ្លូវជាតិលេខ៣៣ នៃភូមិសាស្ត្រស្រុកកំពង់ត្រាច។
ជាមួយនឹងគំនរសំរាមដែលកើតមាននៅតាមមូលដ្ឋានដូចខាងលើ ត្រូវបានគេដឹងថា ច្រើនតែដឹកមកចាក់ចោលនៅពេលយប់ ស្របពេលកម្លាំងមូលដ្ឋានមិនទាន់មានគ្រប់គ្រាន់ សម្រាប់ការឃ្លាំមើលពីសកម្មភាពនោះ ហើយនេះជាការធម្មតាទេ ពេលណាមានគេលួចចាក់សំរាមពាសពេញផ្លូវ ក៏មានអ្នកចាំសម្អាតដែរ ព្រោះអ្នកខ្លះគេស្រលាញ់បរិស្ថាន ស្រលាញ់ធម្មជាតិ និងចូលចិត្តការរស់នៅស្អាតប្រកបដោយអនាម័យ។
ពាក់ព័ន្ធនឹងការបោះចោលសំរាម និងកាកសំណល់គ្មានសណ្តាប់ធ្នាប់នេះ អាជ្ញាធរ ក៏ដូចជាជំនាញគ្រប់លំដាប់ដថ្នាក់ សូមអំពាវនាវ និងសំណូមពរដល់អស់លោកឈប់យកសំរាម កាកសំណល់ទៅប្លុង ឬបោះចោលនៅតាមដងផ្លូវ និងទីសាធារណៈទៀត ដើម្បីជៀសវាងនូវការផាកពិន័យតាមផ្លូវច្បាប់របស់អាជ្ញាធរ៕ អានបន្ត
មន្ត្រីជំនាញខេត្តប៉ៃលិន ចុះត្រួតពិនិត្យជញ្ជីងអាជីវករ និងដាក់ជញ្ជីងយុត្តិធម៌នៅផ្សារប៉ាងរលឹម ដើម្បីផ្តល់សុក្រិតភាពជូនពលរដ្ឋ
ប៉ៃលិន ៖ ប្រជាពលរដ្ឋ អាជីវករ និងអតិថិជនបានបង្ហាញការអបអរសាទរចំពោះមន្ត្រីជំនាញ និងសមត្ថកិច្ចពាក់ព័ន្ធចុះត្រួតពិនិត្យរង្វាស់រង្វាល់ជញ្ជីងរបស់អាជីវករ ព្រមទាំងយកជញ្ជីងយុត្តិធម៌មកដាក់នៅផ្សារប៉ាងរលឹម ស្ថិតក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ដើម្បីផ្តល់នូវសេវាសាធារណៈមួយប្រកបដោយភាពត្រឹមត្រូវ យុត្តិធម៌ សុក្រិតភាព តម្លាភាពជូនដល់ប្រជាពលរដ្ឋ។
សកម្មភាពនេះបានធ្វើឡើងនាថ្ងៃទី៣០ ខែសីហា ឆ្នាំ២០១៨ ក្រោមការដឹកនាំដោយ លោក អ៊ុក ទូច ប្រធានមន្ទីរឧស្សាហកម្ម និងសិប្បកម្មខេត្ត និងលោក ស៊ុន យី អភិបាលក្រុងប៉ៃលិន បានសហការជាមួយអាជ្ញាធរមូលដ្ឋាន។
ប្រជាពលរដ្ឋដែលជាអ្នកទិញបានគាំទ្រយ៉ាងពេញទំហឹង ចំពោះការដាក់ជញ្ជីងយុត្តិធម៌នៅផ្សារប៉ាងរលឹមរបស់មន្ត្រីជំនាញនានេះ គឺធ្វើឱ្យរូបគាត់ ក៏ដូចជាប្រជាពលរដ្ធទាំងអស់ ដែលបានមកទិញទំនិញនានាពីផ្សារទៅ គឺមិនមានការព្រួយបារម្មណ៍ពីការថ្លឹងទំនិញ ជាពិសេសគឺមានទំនុកចិត្តថា ទំនិញដែលពួកគាត់ទិញទៅគឺគ្រប់គីឡូ គ្មានការកេងប្រវ័ញ្ចភ្នែកជញ្ជីងពីអាជីវករ។
ចំណែកក្រុមអាជីវករលក់បន្លែ មាន់ ត្រី សាច់ នៅក្នុងប៉ាងរលឹម ក៏បានបង្ហាញពីអារម្មណ៍សប្បាយរីករាយ និងថ្លែងអំណរគុណដល់មន្ត្រីជំនាញនៃមន្ទីរឧស្សាហកម្ម និងសិប្បកម្មខេត្ត ដែលបានចុះមកត្រួតពិនិត្យមើលជញ្ជីងរបស់អាជីវករពួកគាត់ និងបានដាក់ជញ្ជីងយុត្តិធម៌នៅក្នុងផ្សារនេះ ដែលធ្វើឱ្យមានទំនុកចិត្តទាំងអាជីវករ និងអ្នកទិញ។
លោក ស៊ុន យី អភិបាលក្រុងប៉ៃលិន បានថ្លែងអំណរគុណដល់មន្ត្រីជំនាញ អាជ្ញាធរមូលដ្ឋាន និងសមត្ថកិច្ចពាក់ព័ន្ធ ដែលយកចិត្តទុកដាក់ពីសុខទុក្ខរបស់ប្រជាពលរដ្ឋ ដោយបានរៀបចំដាក់ជញ្ជីងយុត្តិធម៌សម្រាប់ឱ្យប្រជាពលរដ្ឋទាំងអ្នកទិញ និងអាជីវករលក់នៅក្នុងផ្សារ ទទួលបានភាពយុត្តិធម៌ និងស្មើភាពគ្នា ហើយលោកក៏បានអំពាវនាវដល់ប្រជាពលរដ្ឋទាំងអស់ ដែលតែងតែមកទិញទំនិញនានា នៅក្នុងផ្សារព្រំថ្មី សូមកុំមានការព្រួយបារម្ភណ៍ការកេញប្រវ័ញ្ញភ្នែកជញ្ជីងទៀត ព្រោះពេលនេះ មន្ត្រីជំនាញ បានដាក់ជញ្ជីងយុត្តិធម៌ នៅក្នុងផ្សារហើយ។
លោក ដួង អ៉ិម អនុប្រធានមន្ទីរឧស្សាហកម្ម និងសិប្បកម្មខេត្ត បានឱ្យដឹងថា ការយកជញ្ជីងយុត្តិធម៌មកដាក់នៅផ្សារប៉ាងរលឹមនាពេលនេះ គឺពិតជាមានសារសំខាន់ណាស់ដល់ប្រជាពលរដ្ឋជាអ្នកទិញ និងអាជីវករជាអ្នកលក់ ដើម្បីផ្តល់នូវសេវាសាធារណៈមួយ ប្រកបដោយភាពត្រឹមត្រូវ យុត្តិធម៌ សុក្រិតភាព តម្លាភាព ជាពិសេសផ្តល់ជំនឿចិត្តគ្នា ជៀសវាងការកេងប្រវ័ញ្ច ដែលធ្វើឱ្យប៉ះពាល់ដល់ជីវភាពរស់នៅរបស់ប្រជាពលរដ្ឋ។
លោកបានបន្តថា ផែនការបន្តរបស់មន្ទីរឧស្សាហកម្ម និងសិប្បកម្មខេត្ត គឺនឹងបន្តចុះត្រួតពិនិត្យរង្វាស់រង្វាល់នៅតាមផ្សារទូទាំងខេត្តប៉ៃលិនឱ្យបានជាប្រចាំ ហើយក្នុងនោះមន្ត្រីជំនាញនឹងបន្តចុះពិនិត្យរង្វាស់រង្វាល់តាមការ៉ាស់សាំង និងជញ្ជីងថ្លឹងកសិផល តាមសៃឡូទទួលទិញកសិផលពីប្រជាពលរដ្ឋ។
គួរបញ្ជាក់ថា នៅខេត្តប៉ៃលិនគឺមានផ្សារធំៗចំនួន៤ ដែលបានដាក់ជញ្ជីងយុត្តិធម៌រួចរាល់ គឺទី១-ផ្សារសាលាក្រៅ ទី២-ផ្សារសាមគ្គី ហៅផ្សារប៉ាហ៊ី ទី៣-ផ្សារព្រំថ្មី និងទី៤-ផ្សារប៉ាងរលឹម ដែលមន្ត្រីជំនាញរបស់មន្ទីរឧស្សាហកម្ម និងសិប្បកម្មខេត្តដាក់ជញ្ជីងនាពេលនេះ៕ អានបន្ត
រដ្ឋបាលព្រៃឈើសហការជាមួយនឹងប៉េអឹមចុះចាប់ឃាត់គ្រឿងចក្រជីកកកាយដីភ្នំ២កន្លែង
ខេត្តប៉ៃលិន ៖ មានសេចក្តីរាយការណ៍ បានឱ្យដឹងថា សមត្ថកិច្ចប៉េអឹមខេត្ត បានសហការជាមួយនឹង ខណ្ឌរដ្ឋបាលព្រៃឈើប៉ៃលិន បានចុះទៅធ្វើការឃាត់គ្រឿងចក្រ និងរថយន្តដែលជីកកកាយដីភ្នំខុសច្បាប់មួយកន្លែង ស្ថិតនៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។ ការចុះបង្ក្រាបនេះ ដកហូតរថយន្តដឹកដីចំនួន៣គ្រឿង គ្រឿងចក្រជីកកកាយដីចំនួន២គ្រឿង រថយន្តដឹកគ្រឿងចក្រ១គ្រឿង និងអ្នកបើកបរចំនួន៤នាក់ យកទៅសួរនាំ ។
ហេតុការណ៍ចុះឃាត់ម្ចាស់រថយន្ត និងរថយន្តដឹកដីនេះ បានធ្វើឡើងកាលពីថ្ងៃទី២៩ ខែសីហា ឆ្នាំ ២០១៨ ស្ថិតនៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មាន មន្ត្រីខណ្ឌរដ្ឋបាលព្រៃឈើប៉ៃលិន បានបង្ហើបឱ្យដឹងថា ម្ចាស់គ្រឿងចក្រ ដែលធ្វើស កម្មភាពជីកកកាយដីភ្នំមានឈ្មោះ លីន ស្នាក់នៅក្នុងភូមិខាងលើ ហើយបានធ្វើសកម្មភាពជីកកកាយដីភ្នំដឹក លក់នៅតាមភូមិជារៀងរាល់ថ្ងៃ បណ្តាលឱ្យខូចទ្រង់ទ្រាយយ៉ាងដំណំ ។ ប្រភពបន្តទៀតថា បន្ទាប់ពីទទួលបា នសេចក្តីរាយការណ៍ កម្លាំងប៉េអឹមខេត្ត សហការជាមួយនឹងខាងរដ្ឋបាលព្រៃឈើចុះទៅធ្វើការបង្ក្រាបតែម្តង ។ ក្រុមឈ្មួញធ្វើការជីកកកាយដីភ្នំដឹកលក់នេះ ធ្វើឡើងចំនួន២កន្លែងក្បែរគ្នា ទី១. ស្ថិតនៅខាងក្រោយអនុវិទ្យាល័យផ្សារព្រំ ភូមិផ្សារព្រំជើង ឃុំស្ទឹងកាច់ និងទី២. ស្ថិតនៅចំណុចដីថ្មី ភូមិផ្សារព្រំ ឃុំស្ទឹងកាច់ ។
ប្រភពបញ្ចាក់ទៀតថា បន្ទាប់ពីស្ងាត់សកម្មភាពរយ:ពេលប៉ុន្មានសប្តាហ៍កន្លងទៅ ស្រាប់តែក្រោយ មកថ្មីៗនេះ ក្រុមឈ្មួញសម្រុកនាំគ្នាជីកកកាយដីភ្នំដឹកលក់យ៉ាងគគ្រឹកគគ្រេង ដោយគ្មានខ្លាចញញើតនឹងច្បាប់អ្វីនោះឡើយ ខណ:ដីស្ទើររាប ក៏ដូចជាដីភ្នំនៅគ្រប់កន្លែងនៅក្នុងភូមិខាងលើ មានការឡើងថ្លៃយ៉ាងគំហុ កគួរឱ្យកត់សម្គាល់ ។
ទោះបីជាយ៉ាងណាក៏ដោយ ខាងជំនាញខណ្ឌរដ្ឋបាលព្រៃឈើប៉ៃលិន បានឃាត់ខ្លួនអ្នកបើកបររថយន្តចំនួន៤នាក់ យកទៅការិយាល័យរដ្ឋបាលព្រៃឈើ ដើម្បី សាកសួរ និងរៀបចំសំណុំរឿង បញ្ជូនទៅតុលាការ ឱ្យចាត់ការតាមនីតិវិធី រីឯរថយន្ត និងគ្រឿងចក្រជីកកកាយដីទាំងអស់ ត្រូវបានជំនាញយកទៅរក្សាទុកនៅក្នុងបញ្ជាការដ្ឋានកងរាជអាវុធហត្ថខេត្ត រង់ចាំធ្វើការដោះស្រាយ ៕ អានបន្ត
គ.ជ.ប នឹងរៀបចំបណ្តុះបណ្តាលមន្ត្រីលេខាធិការដ្ឋានរាជធានី-ខេត្ត រៀបចំការបោះឆ្នោត បក្សនយោបាយ និងអង្គការមិនមែនរដ្ឋាភិបាល ស្តីពី «ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០១៨» រយៈពេល៣ថ្ងៃ
ភ្នំពេញ ៖ គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប នឹងរៀបចំកម្មវិធីបណ្តុះបណ្តាលមន្ត្រី នៃលេខាធិការដ្ឋានរាជធានី-ខេត្ត រៀបចំការបោះឆ្នោត (លធ.ខប) តំណាងគណបក្សនយោបាយ និងអង្គការមិនមែនរាជរដ្ឋាភិបាល ស្តីពី «ការពីនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០១៨»។ នេះបើយោងតាមសេចក្តីជូនដំណឹងរបស់ គ.ជ.ប នៅរសៀលថ្ងៃទី៣០ ខែសីហានេះ។
កម្មវិធីនឹងធ្វើឡើងរយៈពេល៣ ចាប់ពីថ្ងៃទី៣១ ខែសីហា ដល់ថ្ងៃទី០២ ខែកញ្ញា ឆ្នាំ២០១៨ វេលាម៉ោង៨៖០០នាទីព្រឹក នៅសាលសន្និសីទ គ.ជ.ប អគារថ្មី ដែលមានទីតាំងស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ទល់មុខពុទ្ធិសាសនបណ្ឌិត្យ។
សម្រាប់ព័ត៌មានលម្អិត សូមអានខ្លឹមសារទាំងស្រុង នៃសេចក្តីជូនដំណឹងរបស់ គ.ជ.ប ដូចខាងក្រោម៖ អានបន្ត
ព្រោះតែសេចក្ដី ស្រលាញ់ គោរព ប្អូនស្រីជាកម្មការិនីម្នាក់បាន កាន់ទូរស័ព្ទដៃម៉ាកអិនចុចពិល ដែល មានកាមេរ៉ាមកសុំសម្តេចថតរូប សម្តេចបានសួរថា អានឹងថតរូបបានដែរក្មួយ ?
ដោយជាវេទយិត្តភាពរបស់សម្តេចដែលលោកឆាប់ចាប់បាន នឹងវិភាគបានភ្លាមៗ ហើយឆ្លើយតបបានភ្លែតៗ នូវអ្វីដែលកើតមានឡើងចំពោះមុខឬតាមការស្តាប់ឮ នេះបានសមជាមេដឹកនាំរហ័សរហួននឹងមានសមត្ថភាព ។
សម្ដេចតេជោ ហ៊ុនសែន បិតាសន្តិភាព ( Hun Sen ) បានផ្តល់ថវិកាមួយចំនួនសម្រាប់ទិញទូរសព្ទ័ស្មាត ហ្វូន មួយដើម្បីប្អូនស្រីបានប្រើប្រាស់និងថតរូបបានស្អាតដូចគេ ។
នាងយំហ៊ូតែម្តង រំភើបពេក និយាយមិនចេញ គិតតែពីយំ ព្រោះគោលបំណងគ្រាន់តែមកសុំថតជាមួយសម្តេចមួយប៉ុស្តិ តែប៉ុណ្ណោះ គ្មានចេតនាសុំ រឺចង់បានផលប្រយោជន៍អីទេ នេះជាសំណាងមួយមិនខុសពីភ្លើងកំពង់ឆេះផ្ទះ ស្រាប់តែទេវតា ប្រទានភ្លៀងមួយមេធំមក រលត់ភ្លើងអស់នោះទេ ។
ព្រហ្មវិហារធម៌ គុណធម៌ ពីធម្មជាតិ របស់ថ្នាក់ដឹកនាំកម្ពុជា គឺសម្ដេចតេជោ ហ៊ុនសែន ដែលកើតចេញពីត្រកូលកសិករ ពិតប្រាកដ គឺជាភាពរឹងមាំក្នុងការដឹកនាំ ប្រទេសដ៏កំសត់ មួយនេះ រស់ក្រោមម្លប់សន្តិភាព ទៅកាន់ការអភិវឌ្ឍដ៏អស្ចារ្យ ៕ អានបន្ត
ពិធីសំណេះសំណាលរបស់ប្រតិភូឧត្តមក្រុមប្រឹក្សានៃអង្គចៅក្រមនៅសាលាដំបូងនិងអយ្យការអមសាលាដំបូងខេត្តកំពត
កំពត ៖ យើងជាមន្ត្រីតុលាការ ចៅក្រមឬព្រះរាជអាជ្ញា ត្រូវដឹងថា បើយើងជិតដល់ឆ្នាំត្រូវផ្លាស់ប្តូរទៅកាន់ខេត្តឬ រាជធានីផ្សេង រាល់សំណុំរឿងដែលយើងកាន់ត្រូវធ្វើឲ្យហើយ ដើម្បីអ្នកមកទទួលការងារក្រោយ កុំឲ្យរវល់តែអនុវត្តរឿងចាស់ ឯរឿងថ្មីកើតឡើងនៅកកស្ទះក្នុងការដោះស្រាយជូនប្រជាពលរដ្ន។
នេះជាការលើកឡើងរបស់លោក សេង ប៊ុនឃាង ប្រតិភូសមាជិកឧត្តមក្រុមប្រឹក្សានៃអង្គចៅក្រម ក្នុងឱកាសជួបសំណេះសំណាលជាមួយមន្ត្រីតុលាការខេត្តកំពត កាលពីរសៀលថ្ងៃទី២៩ ខែសីហា ឆ្នាំ២០១៨ ដែលប្រព្រឹត្តទៅក្នុងសាលប្រជុំសាលាដំបូងខេត្ត ក្រោមអធិបតីយភាព លោកស្រី ប៊ុន្នីញ ប៊ុណ្ណារី ប្រធានប្រតិភូសមាជិកឧត្តមក្រុមប្រឹក្សានៃអង្គចៅក្រម។ របៀបវីរៈនៃអង្គពិធីសំណេះ
សំណាលនាពេលនោះ ជាកិច្ចចាប់ផ្តើមកម្មវិធី លោក ឡុង កេសភីរម្យ ប្រធានសាលាដំបូងខេត្តបានធ្វើរបាយការណ៍សង្ខេបជូន ប្រតិភូសមាជិកឧត្តមក្រុមប្រឹក្សានៃអង្គចៅក្រម អំពីលទ្ឋផលរួមដែលមន្ត្រីតុលាការសាលាដំបូងខេត្តអនុវត្តទទួលបានសម្រេចគួរឲ្យកត់សម្គាល់នាពេលកន្លងមកនេះ ។ ជាមួយគ្នានេះដែរ ទន្ទឹមនិងការអនុវត្តរាល់សំណុំរឿងនាពេលកន្លងមកទទួលបានជោគជ័យយ៉ាងនេះក្តីក៏យើងពិនិត្យឃើញមានសំណុំរឿងខ្លះ ដែលមិនទាន់បានដោះស្រាយចប់ផងដែរ ដោយសំណុំរឿងខ្លះជនល្មើសពាក់ពន្ឋ័ជាមួយការចុះស៊ើបអង្កេតនៅខេត្តឆ្ងាយពីគ្នា។
លោកបានបន្តថា ប៉ុន្តែទោះបីមានឧបសគ្គក្នុងការចុះស៊ើបអង្កេតយ៉ាងណាក្តីក៏រាល់សំណុំរឿងទាំងអស់នោះសាលាដំបូងខេត្តកំពត នៅតែអនុវត្តរាល់សំណុំរឿងនោះទទួលបានជោគជ័យគួរឲ្យកត់សម្គាល់នាពេលកន្លងក៏ដូចជាបច្ចុប្បន្ននេះ។
លោក ឯក ឆេងហួត ព្រះរាជអាជ្ញាសាលាដំបូងខេត្តកំពត ក៏បានថ្លែងជម្រាបដល់ប្រតិភូសមាជិកឧត្តមក្រុមប្រឹក្សានៃអង្គចៅក្រមក្នុងពិធីជួបសំណេះសំណាលនាពេលនេះផងដែរ អំពីការអនុវត្តរាល់កិច្ចការដោះស្រាយសំណុំរឿង អំពីករណីត្រូវឃុំខ្លួន ជនត្រូវចោទ អំពីការសហការជាមួយស្ថាប័នសមត្ថកិច្ចពាក់ព័ន្ធក្នុងការចុះអនុវត្តនីតិវិធីច្បាប់ នាពេលកន្លងមកក៏ដូចជាពេលបច្ចុប្បន្នឃើញថាមានការសហការល្អ ហើយទទួលបានសម្រចលទ្ឋផលជាផ្លែផ្កាផងដែរ។ លោកព្រះរាជអាជ្ញាក៏បានលើកឡើងផងដែរ អំពីចំណុចខ្វះខាតមួយចំនួនដែលមិនទាន់បានដោះស្រាយ ដោយមានមូលហេតុជាច្រើនដូចជាការចុះស៊ើបអង្កេតស្រាវជ្រាវមានការយឺតយ៉ាវ ជាដើម ទើបបណ្តាលឲ្យមន្ត្រីអនុវត្តច្បាប់យើងនៅមានការយឺតយ៉ាវក្នុងការអនុវត្តនីតិវិធីច្បាប់ខ្លះៗ ប៉ុន្តែទោះបីយ៉ាងណាក៏រាល់សំណុំរឿងមន្ត្រីយើងដែលមានកន្លងមកមន្ត្រីយើងខិតខំប្រឹងអនុវត្តទទួលបានជោគជ័យជាច្រើនករណីផងដែរ។
លោកស្រី ប៊ុន្នីញ ប៊ុណ្ណារី ប្រធានប្រតិភូសមាជិកឧត្តមក្រុមប្រឹក្សានៃអង្គចៅក្រម បានថ្លែងការកោតសរសើរដល់លោកព្រះរាជអាជ្ញាសាលាដំបូងខេត្តនិងលោកប្រធានសាលាដំបូងខេត្ត ដែលបាននិងខិតខំបំពេញរាល់កិច្ចការអនុវត្តនីតិវិធីច្បាប់សម្រេចបានជោគជ័យនាពេលន្លងមកក៏ដូចនាពេលបច្ចុប្បន្ននេះ ទាំងការសហការ ការងារជាមួយស្ថាប័នពាក់ព័ន្ធក្នុងការអនុវត្តច្បាប់បានល្អគួរឲ្យកត់សម្គាល់។ រាល់ការសាមគ្គីភាពផ្ទៃក្នុងរវាងថ្នាក់ដឹកនាំនិងមន្ត្រីក្រោមឱវាទក៏មានការសាមគ្គីភាពផ្ទៃក្នុងបានល្អ នេះគឺជាជំហរដ៏ល្អសំរាប់ថ្នាក់ដឹកនាំក្នុងប្រព័ន្ធតុលាការរបស់យើង។
ជាមួយគ្នានោះដែរ លោកជំទាវប្រធានប្រតិភូក៏បានសំណូមពរទៅលោក ប្រធានលេខាធិការដ្ឋានខេត្តកំពតដែលជាសេនាធិការឲ្យប្រធានតុលាការខេត្តនិងព្រះរាជអាជ្ញាថាៈគួរធ្វើយ៉ាងណាឲ្យមានភាពរលូនដល់សាលាជម្រះក្តីរាល់ការលំហូរសំណុំរឿងក្តីឲ្យមានតម្លាភាព។
ពាក់ព័ន្ធនឹងលោកប្រធានសាលាដំបូង និងលោក ព្រះរាជអាជ្ញាគួរធ្វើពិធីប្រជុំផ្ទៃក្នុងឲ្យបានញឹកញាប់ដើម្បីរកដំណោះស្រាយរាល់បញ្ហាប្រឈម។ លោកស្រី ក៏បានផ្តាំផ្ញើរដល់ថ្នាក់ដឹកនាំនិងមន្ត្រីសាលាដំបូងខេត្តដែលមានវត្តមានជួបសំណេះសំណាលនាពេលនេះគឺសុទ្ឋតែជាមន្ត្រីជំនាញផ្នែកអនុវត្តច្បាប់ទាំងអស់ដូច្នេះយើងត្រូវ ខិតខំបន្តទៀតដោយយកគំរូបទពិសោធន៍ល្អៗពីរៀមច្បងយើងដែលគេធ្លាបមានបទពិសោធន៍ក្នុងការងារនេះ ហើយជាពិសេសត្រូវសាមគ្គីភាពផ្ទៃក្នុងឲ្យបានល្អទើបរាល់កិច្ចការដែលជាការងារស្នូលរបស់យើងទទួលបានជោគជ័យទាំងអស់គ្នា។ នៅទីបញ្ចប់លោកស្រីក៏បាន ជូនពរដល់លោក លោកស្រី អស់លោកដែលមានវត្តមានក្នុងពិធីសំណេះសំណាលនាពេលនេះ សូមឲ្យមានសុខភាពល្អ អាយុយឺនយូរ និងសម្រេចបានជោគជ័យថ្មីៗថែមទៀត៕ អានបន្ត
លោក ជាវ តាយ បានជំរុញដល់មន្ត្រីរាជការទាំងអស់ត្រូវតែមានស្មារតីទទួលខុសត្រូវ អនុវត្តដោយការងារដោយតម្លាភាព និងសាមគ្គីផ្ទៃក្នុង
កំពត ៖ ក្នុងនាមជាមន្ត្រីរាជការក្នុងខេត្តកំពត ត្រូវមានស្មារតីទទួលខុសត្រូវទាំងអស់គ្នា ហើយត្រូវអនុវត្តគោលការណ៍រូមគ្នា ធ្វើដោយតម្លាភាព និងសាមគ្គីភាពផ្ទៃក្នុងឲ្យបានល្អប្រសើរ។
ការលើកឡើងបែបនេះជាប្រសាសន៍ លោក ជាវ តាយ អភិបាល នៃគណៈអភិបាលខេត្តកំពត ក្នុងកិច្ចប្រជុំ គណៈអភិបាលខេត្តប្រចាំខែសីហា និងគណៈបញ្ជាការឯកភាពរដ្ឋបាលខេត្ត នៅព្រឹកថ្ងៃព្រហស្បតិ៍ ៤រោច ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៣០ខែសីហា ឆ្នាំ២០១៨ នៅសាលាខេត្តកំពត ដោយមានការចូលរួមពីសំណាក់ អភិបាលរងខេត្ត ថ្នាក់ដឹកនាំមន្ទីរអង្គភាពជំនាញទូទាំងខេត្ត និងអភិបាលក្រុង-ស្រុក ព្រមទាំងសមាជិក សមាជិកា និងមន្ត្រីពាក់ព័ន្ធ សរុបចំនួន៩៨នាក់។
ជាមួយនេះ លោក ជាវ តាយ ក៏បានជំរុញឲ្យមន្ទីរអង្គភាព និងអង្គភាពចំណុះនៅតាមបណ្តាស្រុកត្រូវបង្កើតយន្តការដូចនៅខេត្តដែរ ពោលបើរចនាសម្ព័ន្ធនៅខេត្តមាន នៅក្រុង-ស្រុកត្រូវតែមានដូចគ្នា ហើយគណៈអភិបាលស្រុក ដែលមានអភិបាលរង៤និងគណៈអភិបាល១ត្រូវតែខិតខំអនុវត្តការងារឲ្យបានប្រសើរ។លោកថា មន្ត្រីរាជការទាំងអស់សុទ្ធតែមានស្មារតីទទួលខុសត្រូវ និងយកចិត្តទុកដាក់ សហការគ្នាឲ្យបានល្អដើម្បីដោះស្រាយបញ្ហានានាជូនប្រជាពលរដ្ឋ និងធ្វើដោយតម្លាភាព ផ្ទៃក្នុង អ្នកដែលធ្វើគឺអ្នកនោះនឹងទទួលផល បានន័យថាអ្នកខិតខំអនុវត្តការងារនឹងត្រូវបានលើកតម្កើងក្នុងការងារដឹកនាំ។
លោកអភិបាលខេត្ត ក៏បានដាស់តឿនដល់មន្ត្រីក្រោមឱវាទទូទាំងខេត្តកំពត ខិតខំបំពេញតួនាទីជាមន្ត្រីល្អ បម្រើប្រជាពលរដ្ឋដោយស្មោះត្រង់ ហើយលោកក៏សង្ឃឹមថា លោក លោកស្រីពិតជាមានឆន្ទៈជួយរាជរដ្ឋាភិបាល អាណតិ្តទី៦នេះ ហើយយើងនឹងរួមគ្នាបម្រើ យើងនឹងដោះស្រាយយន្តការនៅក្នុងខេត្តរបស់យើងឲ្យមានប្រសិទ្ធភាពពីមួយថ្ងៃទៅមួយថ្ងៃ ដោយយើងមិនអាចចាំពេលវេលាទេ ហើយពេលវេលាក៏មិននៅចាំយើងដែរ យើងត្រូវខិតខំដើរស្រុះគ្នា ដើម្បីឆ្ពោះទៅដោះស្រាយដើម្បីប្រជាពលរដ្ឋនៅទូទាំងខេត្តកំពតរបស់យើង៕ អានបន្ត
អភិបាលខេត្តព្រះសីហនុ អញ្ជើញបិទសន្និបាតបូកសរុបការងារបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨
ព្រះសីហនុ ៖ ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ បានអញ្ជើញបិទសន្និបាតបូកសរុបការងារបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ នៅមជ្ឈមណ្ឌល គឹង សុខា ស្ថិតក្នុងសង្កាត់លេខ៣ ក្រុង ព្រះសីហនុ ព្រឹកថ្ងៃពុធទី២៩ ខែសីហា ឆ្នាំ២០១៨ ដោយមានការចូលរួមតំណាងគណបក្សនយោបាយ អង្គការសង្គមស៊ីវិលចូលរួមយ៉ាងច្រើនកុះករ។
លោក ហួត ផុន បានមានប្រសាសន៍ស្វាគមន៍ បើកសន្និបាតបើកសន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ ដោយអនុវត្តតាមច្បាប់ បទបញ្ជា នីតិវិធី ប្រតិទិន និងលិខិតបទដ្ឋានពាក់ព័ន្ធរបស់គណៈកម្មាធិការជាតិរៀបចំការបោះឆ្នោត មតិជាតិ អន្តរជាតិ គណបក្សនយោបាយ ភ្នាក់ងារសង្កេតការណ៍បានវាយតម្លៃថា ការបោះឆ្នោតដំណើរការរលូន មានសន្តិសុខ សុវត្ថិភាព មានគណបក្សនយោបាយចំនួន១៤ ចូលរួមប្រកួតប្រជែង ក្នុងចំណោមគណបក្សនយោបាយ២០ នៅទូទាំងប្រទេស មានការិ យាល័យបោះឆ្នោតចំនួន២៩៨ ប្រជាពលរដ្ឋមានឈ្មោះក្នុងបញ្ជីបោះឆ្នោតសរុប ១២៤.០៧២នាក់ ប្រជាពលរដ្ឋមកបោះឆ្នោតមានចំនួន ១០២.៩៩៣នាក់ ស្មើនឹង ៨៣.០១ ភាគរយ។
ឯកឧត្តម យន្ដ មីន អភិបាលខេត្តព្រះសីហនុ បានមានប្រសាសន៍បូកសរុបការងារបោះឆ្នោតជ្រើស តាំងតំណាងរាស្ត្រនីតិកាលទី៦ ឆ្នាំ២០១៨ថា ការបោះឆ្នោតជ្រើសតាំងតំណាងរាស្ត្រនីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨កន្លង មក ត្រូវបានសាធារណមតិជាតិ អន្តរជាតិធ្វើការវាយតម្លៃថា មានលក្ខណៈល្អប្រសើរជាងការបោះឆ្នោតមុនៗនៅកម្ពុជា កាន់តែមានលក្ខណៈបើក ចំហរ សេរី ត្រឹមត្រូវ និងយុត្តិធម៌ ការពារបាននូវសុខសុវត្ថិភាពល្អប្រសើរ ។
ឯកឧត្តម យន្ដ មីន បានបន្តថា ក្នុងនាមគណៈបញ្ជាការឯកភាពរដ្ឋបាលខេត្ត សូមកោតសរសើរគណៈកម្មការបោះឆ្នោតខេត្ត បានបំពេញការងារទទួល ខុសត្រូវ ធានាឱ្យគណបក្សនយោបាយ អង្គការនានាទទួលស្គាល់នូវលទ្ធផលនៃការបោះឆ្នោតប្រកបដោយលក្ខណៈសេរី ត្រឹមត្រូវ យុត្តិធម៌ និងមានសុវត្ថិភាព និងឆ្លុះបញ្ចាំងនូវភាពចាស់ទុំខាង នយោបាយ ដើម្បីបន្តអភិវឌ្ឍន៍សំដៅរួមចំណែកកាត់បន្ថយភាពក្រីក្រឈានឆ្ពោះទៅរកការអភិវឌ្ឍសេដ្ឋកិច្ច សង្គមប្រកបដោយនិរន្តរភាព ជំរុញដំណើរការកែទម្រង់នៃរដ្ឋបាលខេត្ត ដោយឈរលើវប្បធម៌ សង្គម និងទស្សនៈនយោ បាយរបស់កម្ពុជា៕ អានបន្ត
អភិបាលខេត្តកំពតចេញមុខអះអាងថាស្វែងរកលទ្ធភាពតបណ្តាញទឹកស្អាតជូនពលរដ្ឋឲ្យបានលឿនបំផុត
កំពត ៖ រដ្ឋបាលខេត្តកំពតរួមជាមួយមន្ទីរជំនាញ និងមន្ត្រីពាក់ព័ន្ធ អាជ្ញាធរមូលដ្ឋាន ឃុំ សង្កាត់ កំពុងដាក់ចេញ វិធានការធ្វើយ៉ាងណា ឲ្យអាចតបណ្តាញផ្គត់ផ្គង់ទឹកស្អាត ជូនដល់ពលរដ្ឋប្រើប្រាស់ឲ្យបានលឿនបំផុតនាពេលខាងមុខ។
នេះជាគម្រោងរបស់ Jica ក្នុងការបង្កើត រោងចក្រផលិតទឹកឆៅ និងស្អាត នៅខេត្តកំពតត្រូវបានសាងសង់រួចរាល់ និងបានដាក់ឲ្យដំណើរការហើយក្រោយពេលចាប់ផ្តើមអនុវត្តនៅខែមិថុនា ឆ្នាំ២០១៦។ គម្រោងនេះនឹងត្រូវបញ្ចប់ជាស្ថាពរ នៅថ្ងៃទី ៣១ខែសីហា ឆ្នាំ២០១៨នេះ។ ក្រោយបញ្ចប់រាល់ការងារគ្រប់គ្រង និងចែកចាយ ទឹកស្អាតត្រូវប្រគល់ជូន ទៅមន្ទីរឧស្សាហកម្ម និងសិប្បកម្ម។ នេះបើតាមប្រសាសន៍របស់ លោក ជាវ តាយ អភិបាលខេត្តកំពត ក្នុងកិច្ចប្រជុំស្តីអំពីបញ្ហាទឹកស្អាត នៅព្រឹកថ្ងៃទី ២៩ ខែសីហា ឆ្នាំ ២០១៨ ដោយលោកបានអះអាងថា ទឹកស្អាតដែលផលិតបាននោះ នឹងត្រូវចែកចាយទៅតាមតម្រូវការ របស់ពលរដ្ឋ ឲ្យបានលឿនបំផុត ដោយមិនរង់ចាំគម្រោងរបស់រដ្ឋនោះទេ ។
លោកបានបន្តទៀតថា រដ្ឋបាលខេត្តកំពតកំពុងតែយកចិត្តទុកដាក់យ៉ាងខ្លាំងអំពីបញ្ហាទឹកស្អាតនេះ ព្រោះទឹកជាតម្រូវការ មិនអាចខ្វះបាន ហើយក្នុងនាមរដ្ឋបាលខេត្តលោកផ្តល់ជូនជាមតិយោបល់ និងជម្រើសបីក្នុងការជួយពន្លឿនការតបណ្តាញទឹកស្អាតជូនដល់ពលរដ្ឋប្រើប្រាស់ឲ្យបានឆាប់រហ័ស ទី១.មន្ទីរ និងអង្គភាពជំនាញ ត្រូវស្វែងរកលទ្ធភាពរៀបចំគម្រោងឲ្យបានច្បាស់លាស់ និងចុះតបណ្តាញទឹកឲ្យបាន លឿន។ ទី២. បើសិនបើជាលើកគម្រោងតបណ្តាញទឹកស្អាតត្រូវធ្វើឆ្នាំនេះ ឆ្នាំនោះ លោកសុំឲ្យមន្ទីរ និងអង្គភាពជំនាញ អាជ្ញាធរមូលដ្ឋាន ឃុំសង្កាត់ ជួយអំពាវនាវឲ្យអ្នកមាន លទ្ធភាពអាចទិញទឹកដុំយកទៅចែកចាយបន្ត។ ទី៣. អាជ្ញាធរត្រូវស្វែងរកក្រុមហ៊ុនឯកជនទិញទឹកទៅ ចែកចាយបន្ត ដោយមិនបាច់រង់ចាំគម្រោងរបស់រដ្ឋាករទឹកឡើយ។
ជាងនេះទៅទៀត បើជម្រើសទាំងបី មិនអាចដំណើរការទៅបាន ក្នុងនាមលោកជារដ្ឋបាលខេត្តកំពត និងទិញទឹក ហើយចែកចាយជូនប្រជាពលរដ្ឋប្រើប្រាស់ ក្នុងតម្លៃមួយថោកសមរម្យ ផ្អែកតាមអនុសាសន៍ណែនាំ សម្តេចតេជោ ហ៊ុន សែន បានលើកឡើងហើយរឿងទឹកភ្លើងត្រូវតែធ្វើឲ្យបានលឿនបំផុត ដើម្បីបំពេញតម្រូវការរបស់ប្រជាពលរដ្ឋ៕ អានបន្ត
ដោយសារតែការធ្វេសប្រហែសជាងផ្សារដែកម្នាក់ត្រូវចរន្តអគ្គីសនីឆក់បណ្តាលឲ្យរងរបួសធ្ងន់
កែប ៖ តាមសេចក្តីរាយការពីសមត្ថកិច្ចនគរបាលស្រុកដំណាក់ចង្អើរបានឲ្យដឹងថា បុរសជាងផ្សារដែកម្នាក់បានរងរបួសយ៉ាងធ្ងន់ធ្ងរ កាលពីវេលាម៉ោង៥និង០០នាទីល្ងាចថ្ងៃទី២៨ ខែសីហា ឆ្នាំ ២០១៨ ខណៈជនរងគ្រោះកំពុងផ្សារដែក ដើម្បីសង់រោងស៊ីឈ្នួលពីអតិថិជន នៅចំណុចភូមិភ្នំលាវ ឃុំភ្នំលាវ ស្រុកដំណាក់ចង្អើរ ខេត្តកែប។
ប្រភពដដែលបានបន្តថា នៅពេលជនរងគ្រោះកំពុងតែផ្សារដែកនោះ ទទួលមេឃភ្លៀងខ្លាំង ហើយខ្សែភ្លើងមានតមុខតំណរផងនោះពេលត្រូវទឹកភ្លៀងហូរកាត់មុខតំណរខ្សែភ្លើង ហើយមកប៉ះជើងឆ្វេងបណ្តាលឲ្យចរន្តន៍ភ្លើងឆក់តែម្តង។ ជនរងគ្រោះមានឈ្មោះ មុល លីហ៊ ភេទប្រុស អាយុ៣១ ឆ្នាំ រស់នៅភូមិកែប សង្កាត់កែប ក្រុងកែប ។
ក្រោយពីកើតហេតុត្រូវបានសមត្ថកិច្ចហៅរថយន្តសង្គ្រោះរបស់មន្ទីរពេទ្យបង្អែកខេត្តដឹកទៅសង្គ្រោះភ្លាមៗ តែដោយសាររបួសធ្ងន់ធ្ងរ ត្រូវបានក្រុមគ្រូពេទ្យ បញ្ជូនបន្តទៅសង្គ្រោះនៅមន្ទីរពេទ្យប្រទេសវៀតណាមនៅយប់ថ្ងៃដដែលនោះ៕ អានបន្ត
មហាជនក្នុងខេត្តកំពត រិះគន់ថា ស ជ ណ របស់រដ្ឋបាលស្រុកកំពង់ត្រាច គ្មានប្រសិទ្ធភាពអី្វបន្តិចឡើយ
កំពត ៖ ប្រជាពលរដ្ឋក្នុងស្រុកកំពង់ត្រាចកំពុងឆ្ងល់ថា ហេតុអី្វបានជារដ្ឋបាលស្រុកមិនទាន់ហ៊ានចាត់ការបុគ្គលរំលោភដីរដ្ឋ ព្រោះខណៈនេះសេចក្តីជូនដំណឹង បានហួសសុពលភាពជិតមួយសប្តាហ៍ទៅហើយនោះ។
បើតាមប្រភពខ្សឹបខ្សៀវបានលួចទម្លាយថា ក្រោយពីអភិបាលស្រុកធ្វើសេចក្តីជូនដំណឹងឲ្យអ្នកបោះបង្គោលត្រូវតែដកចេញពីបឹងឈូករបស់រដ្ឋ នៅថ្ងៃទី១៦ខែសីហា ឆ្នាំ២០១៨នោះមក បុគ្គលខិលខូចបានសុំអន្តរាគមន៍ពីថ្នាក់លើ ដើម្បីរកជំនួយ ហើយលោកពូសំ អេន ដែលអ្នកបោះបង្គោលរំលោភបឹងឈូក បានប្រាប់អ្នកស្រុកថា ត្រឹម ស ជ ណ របស់រដ្ឋបាលស្រុកគឺគាត់មិនញញើតទេ តែបើចង់ឲ្យគាត់ដកបង្គោលចេញពីបឹងឈូក ដរាបណាមានលិខិតបញ្ជារបស់រដ្ឋបាលខេត្តកំពត ទើបទៅរួច។
គេឆ្ងល់ទៀតថា តើលោកធំណាទៅហ៊ានកាង និងរុញច្រានឲ្យបុគ្គលនេះរំលោភយកដីបឹងឈូករបស់រដ្ឋ ដោយគ្មានខ្លាចញញើតនឹងច្បាប់បែបនេះ។
ប្រភពបានលួចបង្ហើបទៀតថា តាមពិតទៅការបោះបង្គោលរំលោភយកបឹងឈូករាប់ហិកតា ស្ថិតក្នុងភូមិបឹងធំខាងលិច ឃុំអង្គសុរភី ស្រុកកំពង់ត្រាច ខេត្តកំពតដូចខាងលើនេះ បានកើតឡើងតាំងពីជំនាន់អភិបាលខេត្តកំពតមុន និងអភិបាលស្រុកចាស់ ដោយមិនពាក់ព័ន្ធជាមួយអភិបាលស្រុក និងអភិបាលខេត្តបច្ចុប្បន្ននោះឡើយ។គេបានបន្ថែមថា ដីបឹងដែលគេចង់ក្រសោបនេះជាជ្រលងបណ្តោះទឹកជំនន់ ប៉ុន្តែត្រូវបានគេឃុបឃិតជាលក្ខណៈប្រព័ន្ធ ប៉ុនប៉ងរំលោភយក ហើយថែមទាំងលេចឮថា មានគេបោះទុនជាថវិការាប់មឺុនដុល្លារ ដើម្បីឲ្យគេរត់ការចាក់ដីលុបបឹងឈូក និងរត់ការធ្វើប្លង់កម្មសិទ្ធិទៀតផង ប៉ុន្តែត្រូវបរាជ័យ ខណៈពលរដ្ឋរាប់រយគ្រួសារមានប្រតិកម្ម។
ជុំវិញករណីមិនទាន់បានដកបង្គោលដូចខាងលើ លោក អូន ខន អភិបាល នៃគណៈអភិបាលស្រុកកំពង់ត្រាច បានបញ្ជាក់ប្រាប់កម្ពុជាថ្មី នៅព្រឹកថ្ងៃទី២៩ខែសីហា ឆ្នាំ២០១៨នេះថា ក្រោយពីរដ្ឋបាលស្រុកចេញសេចក្តីជូនដំណឹងឲ្យឈ្មោះ សំ អេន ដកបង្គោលចេញពីបឹងឈូករបស់រដ្ឋ ស្រាប់តែមានអ្នកធំសុំអន្តរាគមន៍ ប៉ុន្តែទោះជាយ៉ាងណាក៏លោកមិនព្រមឲ្យអ្នកណាម្នាក់រំលោភយកបឹងឈូករបស់រដ្ឋធ្វើជាកម្មសិទ្ធិបានជាដាច់ខាត ហើយលោកនឹងរិះរកវិធីដើម្បីដកបង្គោលក្នុងបឹងឈូករបស់រដ្ឋឲ្យទាល់តែបាន។
ទោះជាបែបនេះក្តី គេបានរិះគន់ថា សេចក្តីជូនដំណឹងរបស់រដ្ឋបាលស្រុកកំពង់ត្រាច ដែលជម្រាបទៅឲ្យ ឈ្មោះ សំ អេន ឲ្យដកបង្គោលចេញពីផ្ទៃបឹងឈូក ស្ថិតក្នុងភូមិបឹងធំខាងលិច ឃុំអង្គសុរភី ស្រុកកំពង់ត្រាចចាប់ពីថ្ងៃទី១៦ និងផុតកំណត់នៅថ្ងៃទី ២៣ខែសីហា ឆ្នាំ២០១៨ ប្រហែលជាគ្មានប្រសិទ្ធភាពនោះទេ ដោយសារការជូនដំណឹងវាបានហួសកាលកំណត់រយៈពេល៦ថ្ងៃមកហើយ ។ ដូច្នេះ ប្រជាពលរដ្ឋសំណូមពរដល់ លោក ជាវ តាយ អភិបាល នៃគណៈអភិបាលខេត្តកំពត សូមមេត្តាជួយចាត់ការករណីដូចខាងលើ ដោយក្តីអនុគ្រោះផង ព្រោះបញ្ហាដីបឹងឈូកនេះបានក្លាយជាជំងឺរាំុរ៉ៃយូរយាណាស់មកហើយ៕ អានបន្ត
![]()
នាយខណ្ឌរដ្ឋបាលជលផលកំពង់ធំ លោក ប៉ែន វណ្ណរិទ្ធ ប្រតិបត្តិការបង្ក្រាបបទល្មើសជលផល បានគួរកត់សម្គាល់
ខេត្តកំពង់ធំ ៖ ថ្ងៃពុធ១១ កើត ខែស្រាពណ៍ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២២ ខែសីហា ឆ្នាំ២០១៨ លោក ប៉ែន វណ្ណរិទ្ធ នាយខណ្ឌរដ្ឋបាលជលផលកំពង់ធំ បានដឹកនាំសង្កាត់កំពង់ស្វាយលើ ចេញប្រតិបត្តិការបង្ក្រាប បទល្មើសជលផល ដោយសហការណ៍ជាមួយកម្លាំងផ្នែកសឹករងខេត្ត និងកម្លាំងសហគមន៍នេសាទនៅចំណុច ធម៌ដែ សណ្តាយផ្លាម និងក្លែង ឃុំសាន់គរ ស្រុកកំពង់ស្វាយ ។
លទ្ធផលសម្រេចបាន ដោយធ្វើការរុះរើបំផ្លាញចោលនូវ ៖
-របាំងសាច់អួន និងស្បៃមុងចំនួន៣៣របាំងប្រវែង១២៨០ ម៉ែត្រ
-លូចំនួន៣៦ មាត់
-ឡុកចំនួន៣៦ គ្រឿង
-បង្គោលចំនួន១១៤៤ ដើម
-ចាក់លែងត្រីចំនួន១៣០ គក្រ
-លបប្រឹស១០០ ចំនួន៤០ខ្សែរ ស្មើនឹង៨០០ លប ៕ អានបន្ត
ការធ្វើអនាម័យ សម្អាតបរិស្ថាន បានក្លាយជាប្រធានបទយ៉ាងសំខាន់ក្នុងកិច្ចការជំរុញវិស័យទេសចរណ៍កាន់តែមានសក្តានុពល
កែប ៖ ជាការពិតណាស់ ការរួមគ្នាធ្វើអនាម័យ សម្អាតបរិស្ថាន នឹងធ្វើឲ្យតំបន់របស់យើងក្លាយជាទីតាំងផ្តល់នូវផាសុខភាព និងមានភាពទាក់ទាញ ហើយការធ្វើអនាម័យក៏ជាគំរូមួយដើម្បីជួយដាស់តឿនដល់មហាជនទូទៅឲ្យយល់ពីតម្លៃនៃបរិស្ថានផងដែរ។
យ៉ាងណាមិញ រមណីយដ្ឋានឆ្នេរកែប ទម្រាំបានកែប្រែសោភ័ណភាពឲ្យមានភាពស្រស់បំព្រងដូចសព្វថ្ងៃនេះ អាជ្ញាធរក្នុងតំបន់ ពិតជាត្រូវចំណាយពេលវេលា ចំណាយកម្លាំងកាយ ចិត្ត កម្លាំងស្មារតី ពិសេសការចំណាយថវិកាយ៉ាងច្រើនសន្ធឹកសន្ធាប់ផងដែរ ទើបប្រែក្លាយជារមណីយដ្ឋានមួយមានឈ្មោះបោះសម្លេង និងល្បីរន្ទឺសុសសាយពេញផ្ទៃប្រទេស និងពិភពលោក។
លើសពីនេះថ្វីត្បិតខេត្តកែប បានទទួលជ័យលាភីផ្ការំដួលបីទងពីរឆ្នាំជាប់គ្នាក៏ពិតមែន ប៉ុន្តែគេនៅតែកត់សម្គាល់ឃើញ អាជ្ញាធរនិងជំនាញពាក់ព័ន្ធគ្រប់លំដាប់ថ្នាក់ខិតខំយកចិត្តទុកដាក់ សហការដើម្បីកែប្រែសោភ័ណភាពជាបន្តបន្ទាប់ ពិសេសការធ្វើអនាម័យ សម្អាតបរិស្ថាននៅគ្រប់ទិសទី ដូចជានៅតាមសួនច្បារសាធារណៈមុខសាលាខេត្ត នៅតាមដងផ្លូវ នៅតាមមាត់ឆ្នេរកម្សាន្តនានា ពិសេសនៅចំណុចទីប្រជុំជនតែម្តង ព្រោះចំណុចខាងលើជាគោលដៅងាយប្រឈមនឹងការបោះចោលសំរាមគ្រប់ពេលវេលា ពីសំណាក់ក្រុមអ្នកទេសចរណ៍ ហើយកម្រិតបរិមាណសំរាមវានឹងកំណើនឥតឈប់ឈរ ខណៈដែលអាជ្ញាធរឬជំនាញមានភាពព្រងើយកន្តើយនោះ។
កន្លងមក គេតែងតែសង្កេតឃើញប្រជាពលរដ្ឋក៏ដូចជាភ្ញៀវទេសចរណ៍មួយចំនួនតូច ពួកគេច្រើនតែបោះចោលសំរាមរប៉ាត់រប៉ាយនៅតាមចិញ្ចើមផ្លូវសាធារណៈ ឬតាមដងផ្លូវដែលពួកគាត់បានធ្វើដំណើរឆ្លងកាត់ ហើយការបោះចោលសំរាមពាសវាលពាសកាលបែបនេះដោយសារពួកគាត់ពុំទាន់មានការយល់ដឹងពីបញ្ហាបរិស្ថាននៅឡើយ។ប៉ុន្តែរហូតមកដល់ដំណាក់កាលចុងក្រោយនេះ ពលរដ្ឋគ្រប់វ័យ ក៏ដូចជាស្រទាប់យុវជនពិតជាមានការយល់ដឹងពីបរិស្ថាន គាប់ជួនបច្ចប្បន្នអាជ្ញាធរបានធ្វើការផ្សព្វផ្សាយយ៉ាងទូលំទូលាយពីកត្តាចម្បងនៃបរិស្ថានធម្មជាតិឬការរស់នៅស្អាត ហូបស្អាត ផឹកស្អាត ទើបគេបានផ្តោតការយកចិត្តទុកដាក់ពីកត្តាអនាម័យ លើបញ្ហាសំរាម និងកាកសំណល់ ហើយក៏បានប្រែក្លាយទៅជាប្រធានបទដ៏ក្តៅគគុក សម្រាប់ជំរុញឲ្យសាធារណជនបានយល់ដឹង និងជួយសហការ គាំទ្រដោយស្មារតីទទួលខុសត្រូវខ្ពស់បំផុត។
ផ្តើមចេញពីកិច្ចការធ្វើអនាម័យ សម្អាតបរិស្ថានខាងលើ លោក កែន សត្ថា អភិបាល នៃគណៈអភិបាលខេត្តកែប កន្លងមកលោកតែងជំរុញដល់មន្ត្រីជំនាញគ្រប់លំដាប់ថ្នាក់ ដើម្បីរួមគ្នាគិត រួមគ្នាធ្វើ និងរួមគ្នាទទួលខុសត្រូវ រាល់គ្រប់សកម្មភាពទាំងឡាយដែលកំពុងប្រឈម ពិសេសគឺផ្នែកបរិស្ថានតែម្តង ព្រោះតែខេត្តកែបជាខេត្តទេសចរណ៍ ដ៏ស្រស់ត្រកាលជាប់ឈ្មោះល្បីល្បាញជាច្រើនតំណរ ទើបអាជ្ញាធរត្រូវតែខិតខំស្តារនូវហេដ្ឋារចនាសម្ព័ន្ធគ្រប់បែបយ៉ាងសម្រាប់ឆ្លើយតបនឹងតម្រូវការ ដោយមិនអាចធ្វេសប្រហែសបានឡើយ។
ដូច្នេះដើម្បីជួយជំរុញវិស័យទេសចរណ៍ក្នុងខេត្តកែប ឲ្យកាន់តែមានសក្តានុពលខ្លាំងក្លាថែមទៀត យើងទាំងអស់គ្នាគប្បីសហការជួយថែរក្សាសោភ័ណភាពឆ្នេរកែបឲ្យបានស្រស់ត្រកាលជារៀងរហូត ហើយសូមកុំបោះចោលសំរាម ឬកាកសំណល់ផ្តេសផ្តាស សូមជួយវេចខ្ចប់សំណល់ទាំងឡាយ ដាក់ក្នុងធុងសំរាមឲ្យបានត្រឹមត្រូវ៕ អានបន្ត
អនុសាខាកាកបាទក្រហមស្រុកកំពង់ត្រាច ផ្តល់អំណោយដល់ប្រជាពលរដ្ឋចំនួន៥ឃុំដែលរងនឹងឥទ្ធិពលខ្យល់កន្ទ្រាក់
កំពត ៖ នៅរសៀលថ្ងៃចន្ទ១រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែសីហា ឆ្នាំ២០១៨នេះ លោក អូន ខន អភិបាល នៃគណៈអភិបាលស្រុក និងជាប្រធានកិត្តិយសអនុសាខាកាកបាទក្រហមកម្ពុជាស្រុកកំពង់ត្រាច បានចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជាស្រុកកំពង់ត្រាច ចែកជូនប្រជាពលរដ្ឋដែលរងគ្រោះដោយខ្យល់កន្ត្រាក់កាលពីពេលថ្មីៗនេះ ដែលមាន១៤គ្រួសារ ក្នុងឃុំចំនួន៥ទូទាំងស្រុកកំពង់ត្រាច។
ជាមួយនឹងឱកាសនោះដែរ លោកអភិបាលស្រុក ក៏បានពាំនាំនូវប្រសាសន៍ផ្តាំផ្ញើសួរសុខទុក្ខ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូរពីសុខទុក្ខរបស់បងប្អូនប្រជាពលរដ្ឋ ជួបការលំបាក ទីទ័លក្រនៅគ្រប់តំបន់ ដូចជាអ្នកមានជំងឺ ជនងាយរងគ្រោះ ជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។ ក្នុងឱកាសនោះ លោកអភិបាលស្រុក ក៏សូមផ្តែផ្តាំឲ្យបងប្អូនប្រជាពលរដ្ឋទាំងអស់ប្រកាន់យកនូវអនាម័យល្អ រស់នៅស្អាត ហូបស្អាត និងផឹកស្អាត ដើម្បីរក្សានិងថែទាំសុខភាពឲ្យបានរឹងមាំ។
ចំពោះការផ្តល់ជូនអំណោយមនុស្សធម៌នាពេលនេះ គឺគ្រួសារនីមួយៗទទួលបានអំណោយ និងថវិកា រួមមាន៖ អង្ករ២៥គ.ក មីថៃ១កេស ត្រីខ១០កំប៉ុង ចានស្រាក់១ រួមជាមួយសម្ភារៈផ្ទះបាយ និងថវិកា៦០.០០០៛(ក្នុងនោះព្រះចៅអធិការវត្តភ្នំសាឡី ប្រគេនបច្ច័យបន្ថែមក្នុងមួយគ្រួសារ១០,០០០៛បន្ថែមទៀតផងដែរ)៕ អានបន្ត
សិក្ខាសាលាស្តីពី ការជំរុញអនុវត្តគោលនយោបាយជាតិប្រជាជន ២០១៦-២០៣០ក្នុងក្របខ័ណ្ឌគោលដៅអភិវឌ្ឍន៍ប្រកបដោយចីរភាពកម្ពុជា"ប្រជាជនវ័យចាស់នៅកម្ពុជា"
កំពត ៖ នៅព្រឹកថ្ងៃទី២៨ខែសីហា ឆ្នាំ២០១៨នេះ រដ្ឋបាលខេត្តកំពត បានបើកសិក្ខាសាលាស្តីពី ការជំរុញការអនុវត្តគោលនយោបាយជាតិប្រជាជន ២០១៦-២០៣០ ក្នុងក្របខ័ណ្ឌគោលដៅអភិវឌ្ឍន៍ប្រកបដោយចីរភាពកម្ពុជា "ប្រជាជនវ័យចាស់នៅកម្ពុជា" ក្រោមអធិបតីភាព លោក ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ។ អង្គសិក្ខាសាលាព្រឹកនេះក៏មានការអញ្ជើញចូលរួម ពីសំណាក់ លោក ជាវ តាយ អភិបាល នៃគណៈអភិបាលខេត្តកំពត ព្រមទាំងថ្នាក់ដឹកនាំនៃមន្ទីរស្ថាប័នជំនាញជាច្រើនរូប ដែលមកពីបណ្តាខេត្តចំនួន៧ក្នុងព្រះរាជាណាចក្រកម្ពុជា។
ក្នុងឱកាសនោះ លោក ជាវ តាយ អភិបាលខេត្តកំពត បានឲ្យដឹងថា បច្ចុប្បន្នខេត្តកំពតមានផ្ទៃដីសរុប៤.៨៧៣គីឡូម៉ែត្រការ៉េ បែងចែកជា៧ស្រុក-១ក្រុង មានចំនួន៨៨ឃុំ និង៥សង្កាត់និងភូមិចំនួន៤៨៨ភូមិ ដោយខេត្តកំពតជាខេត្តមួយមានលក្ខណៈអំណោយផលពីធម្មជាតិ សម្រាប់ការអភិវឌ្ឍលើវិស័យកសិកម្ម ឧស្សាហកម្ម ពាណិជ្ជកម្មនិងទេសចរណ៍។លោកអភិបាលខេត្តបានគូសបញ្ជាក់ថា ក្រោមការដឹកនាំរបស់រាជរដ្ឋាភិបាលកម្ពុជា ដែលមានសម្រេចអគ្គមហាសេនាបតីតេជោ ហ៊ុន សែន ជាប្រមុខ បានដឹកនាំប្រកបដោយសុខសន្តិភាព ស្ថេរភាពនយោបាយជូនប្រជាជនទូទាំងប្រទេស។ជារួមសម្រាប់ខេត្តកំពតការ ការពារសណ្តាប់ធ្នាប់សាធារណៈត្រូវបានបម្រើកាន់តែប្រសើរឡើង ដែលធ្វើឲ្យប្រជាពលរដ្ឋរស់នៅប្រកបដោយភាពសុខសាន្ត ក្រោមដំបូលសន្តិភាព។
ថ្លែងបើកសិក្ខាសាលាក្នុងឱកាសនោះ លោកទេសរដ្ឋមន្ត្រី ឆាយ ថន បានលើកឡើងថា "ប្រជាជន គឺជាមធ្យោបាយនៃការអភិវឌ្ឍផង ជាគោលដៅចុងក្រោយនៃការអភិវឌ្ឍផង"និងឈរលើទស្សនៈបរិយាប័ន្នស្ថានភាពសង្គមសេដ្ឋកិច្ចដែលកំពុងរីកចម្រើន គោលនយោបាយជាតិប្រជាជនឆ្នាំ២០០៣ ត្រូវបានធ្វើបច្ចុប្បន្នកម្ម ជាគោលនយោបាយជាតិប្រជាជន ២០១៦-២០៣០ ដើម្បីឆ្លើយតបនឹងបម្រែបម្រួលសង្គម-សេដ្ឋកិច្ច និងសង្គម-ប្រជាសាស្ត្រដែលកម្ពុជាបាននិងកំពុងឆ្លងកាត់ និងដើម្បីឆ្លើយតបនឹងភាពចាំបាច់ក្នុងដាក់ការបញ្ចូលបញ្ហាប្រជាជនទៅក្នុងផែនការអភិវឌ្ឃន៍ សំដៅធានាបានការអភិវឌ្ឍសេដ្ឋកិច្ច-សង្គមកិច្ចមានសន្ទុះលឿនជាងមុន និងប្រកបដោយចីរភាព ដែលជាការរួមចំណែកកាត់បន្ថយភាពក្រីក្រ និងធ្វើឲ្យប្រសើរឡើងនូវគុណភាពជីវិតរបស់ប្រជាជនផងដែរ៕ អានបន្ត
អភិបាលខេត្តព្រះសីហនុ ចុះពិនិត្យស្ថានភាពទឹកជំនន់នៅស្រុកកំពង់សីលា ដែលបង្កការជន់លិចផ្លូវជាតិលេខ៤ ចំណុចស្ពានស្ទឹងសំរោង
ព្រះសីហនុ ៖ ព្រឹកព្រលឹម ថ្ងៃអាទិត្យទី១៩ ខែសីហា ឆ្នាំ២០១៨ ឯកឧត្តម យន្ត មីន អភិបាលខេត្តព្រះសីហនុ បានចុះពិនិត្យស្ថ អានបន្ត
ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងការបើកវិញ្ញាញសារប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២១០៧_២០១៨
ព្រះសីហនុ ៖ នាព្រឹកថ្ងៃច័ន្ទ ទី២០ ខែសីហា ឆ្នាំ២០១៨ ឯកឧត្តម យន្ត មីន អភិបាលខេត្តព្រះសីហនុ និងលោក ផៃ ប៊ុនវណ្ណះ អានបន្ត