ព័ត៌មានចាស់ៗ
នាយករដ្ឋមន្ត្រី សាទរ សមិទ្ឋផល ការអភិវឌ្ឍន៍ជាប្រវត្តិសាស្ត្រវិមាន ឈ្នះ-ឈ្នះ ត្រូវបានកសាង រួចរាល់ជាស្ថាពរ លើទឹកដី សុវណ្ណភូមិ....!
រាជធានីភ្នំពេញ: វិមានឈ្នះ ឈ្នះ ដែលមានកម្ពស់ប្រមាណ ៥៤ម៉ែត្រ ទទឹង៣៦ម៉ែត្រ ត្រូវបានសាងសង់លើ ផ្ទៃដីសរុបចំនួន ៨ហិកតា ស្ថិតក្នុងសង្កាត់ ព្រែកតាសេក ខណ្ឌជ្រោយចង្វារ រាជធានីភ្នំពេញ មានចារឹកទៅដោយសកម្មភាព តស៊ូរបស់ឥស្សរជនជាន់ខ្ពស់ នៃគណបក្សប្រជាជនកម្ពុជា ជាពិសេស ចរឹកទៅដោយ សកម្មភាពតស៊ូរបស់សម្ដេចតេជោ ហ៊ុន សែន សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា បានបញ្ជាក់ថា កម្ពុជា អបអរសាទរ ចំពោះសមិទ្ឋផលប្រវត្តិសាស្ត្រនៃវិមាន ឈ្នះ-ឈ្នះ ដែលតំណាងឲ្យ នៃការបង្រួបបង្រួមជាតិត្រូវបានកសាងរួចរាល់ជាស្ថាពរ នៅលើទឹកដីសុវណ្ណភូមិ ។
យោងតាមគេហទំព័រហ្វេសប៊ុករបស់ សម្ដេចតេជោ ហ៊ុន សែន នៅថ្ងៃទី២៥ ខែធ្នូ ឆ្នាំ២០១៨ បានឲ្យដឹងថា “កម្ពុជា អបអរសាទរចំពោះសមិទ្ឋផល ប្រវត្តិសាស្ត្រនៃ វិមាន ឈ្នះ ឈ្នះ ដែលត្រូវបានកសាងរួចស្រេចជាស្ថាពរនៅលើទឹកដីសុវណ្ណភូមិ។ វិមានឈ្នះ ឈ្នះ គឺជាតំណាងនៃការបង្រួបបង្រួមជាតិ ឯករាជ្យជាតិ សាមគ្គីភាព បូរណភាពទឹកដី វឌ្ឍនភាព និងវិបុលភាពនៃកម្ពុជាទាំងមូល”។
សម្ដេចបន្ថែមថា វិមានឈ្នះ ឈ្នះ គឺបញ្ជាក់ច្បាស់ថា កម្ពុជាបានរួបរួមគ្នាជាធ្លុងមួយ ឈ្នះរួចផុតពីសង្គ្រាម ឈ្នះរួចផុតពីរបបប្រល័យពូជសាសន៍ ឈ្នះរួចផុតពីការបែងចែកទឹកដីតំបន់ ត្រួតត្រា ឈ្នះរួចផុតពីភាពក្រីក្រ និងឈ្នះរួចផុតពីការអុចអាលដោយបរទេស ដែលពេលនេះកម្ពុជាកំពុងដឹក នាំអនាគតវាសនា ប្រទេសជាតិឆ្ពោះទៅរកភាពរុងរឿងនៅក្នុងសន្តិភាព ដ៏យូរអង្វែងនេះតទៅ។
ជាមួយគ្នានេះដែរ នាយករដ្ឋមន្ដ្រី អំពាវនាវ ឲ្យពលរដ្ឋខ្មែរ និងភ្ញៀវទេសចរណ៍អន្តរជាតិ ចូលរួមសម្ពោធ វិមានឈ្នះ ឈ្នះ ដែលនឹងប្រារព្វធ្វើនៅថ្ងៃទី ២៩ ខែ ធ្នូ ឆ្នាំ ២០១៨ (រយៈពេល៣ថ្ងៃ) នៅ មហាវិថីឈ្នះ ឈ្នះ ទល់មុខពហុកីឡដ្ឋានជាតិអូឡាំពិកថ្មី នៅតំបន់អភិវឌ្ឍន៌ លីយ៉ុងផាត់៕ អានបន្ត
ក្រុមហ៊ុន សំអឿន សុវណ្ណ ខូអិលធីឌី អះអាងថា មានច្បាប់តែមិនគោរពច្បាប់…!
ខេត្តព្រះវិហារ ៖ ក្រុមហ៊ុន សំអឿន សុវណ្ណ ខូអិលធីឌី ដែលមាន លោក អ៊ឺម សំអឿន ជាប្រធានក្រុមហ៊ុន បានទទួលលិខិតអនុញ្ញាតិពីរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ និង រដ្ឋមន្ត្រីក្រសួងបរិស្ថាន ដោយយោងលើឯកសារស្របច្បាប់របស់ក្រុមហ៊ុន លោក អ៊ឺម សំអឿន បានបញ្ជាឲ្យមេការរបស់លោកដើរបញ្ចុះបញ្ចូលប្រជាពលរដ្ឋដែលរស់នៅក្នុងតំបន់ក្បែរនោះនាំគ្នាចូលទៅកាប់ឈើដើម្បីលក់ឲ្យក្រុមហ៊ុនរបស់លោកយ៉ាងអនាធិបតេយ្យ ។ គួរបញ្ជាក់ផងដែរថា ក្រុមហ៊ុន អឿន សុវណ្ណ ខូអិលធីឌីគឺពិតជាមានលិខិតអនុញ្ញាតិពីក្រសួងពាក់ព័ន្ធនិងអាជ្ញាធរខេត្តព្រះវិហារនិងមន្ទីរពាក់ព័ន្ធស្របច្បាប់តែក្រុមហ៊ុន អឿន សុវណ្ណ ខូអិលធីឌី គឺមិនបានអនុវត្តន៍តាមច្បាប់អនុញ្ញាតិរបស់ក្រសួងនិងមន្ទីរពាក់ព័ន្ធឡើយ ។
តាមប្រភពពីក្រសួងកសិកម្មបានអោយដឹងថា ក្រុមហ៊ុន សំអឿន សុវណ្ណ ខូអិលធីឌី បានបង្កើតរោងចក្រអារច្រៀក កែច្នៃ និងផលិតគ្រឿងសង្ហារឹមមួយកន្លែងក្នុងមានទីតាំងនៅចំណុចអូរស្នៀតស្ថិតក្នុងភូមិអូរ ស្នៀត ឃុំតស៊ូ ស្រុកជ័យសែន ខេត្តព្រះវិហារ ដើម្បីប្រមូលទិញផល-អនុផលព្រៃឈើដឹកចូលយ៉ាងអនាធិបតេយ្យពីគ្រប់ទីកន្លែងដោយដាក់គរដូចភ្នំក្នុងក្រុមហ៊ុន ដើម្បីអារច្រៀកកែច្នៃ សម្រាប់ដឹកចេញបន្តយកទៅលក់នៅតាមដេប៉ូឈើនានា ជាច្រើនកន្លែងក្នុងប្រទេស និងមួយចំនួនទៀតដឹកជញ្ជូនយកទៅលក់ក្រៅប្រទេសរៀងរាល់ថ្ងៃជ្រកក្រោមរូបភាពក្រុមហ៊ុន សំអឿន សុវណ្ណ ខូអិលធីឌី ស្របច្បាប់។
យោងតាមឯកសារ ដែលត្រូវបានផ្សាយដោយ ប្រព័ន្ធផ្សព្វផ្សាយមួយថ្មីៗនេះ បានឲ្យដឹងថា ក្រសួងកសិកម្ម រុក្ខាប្រមាញ់ និងនេសាទបានចេញលិខិតអនុញ្ញាតលេខ២៤៣៨កសក ចុះថ្ងៃទី០១ ខែមេសា ឆ្នាំ២០១៦ ដែលចុះហត្ថលេខា ដោយលោកបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អនុញ្ញាតឲ្យក្រុមហ៊ុនសំអឿន សុវណ្ណ ចុះកាត់ប្រមូលផលអនុផលព្រៃឈើដើម្បីបង់ពន្ធជូនរដ្ឋលើផ្ទៃដីសម្បទានសង្គមកិច្ចទំហំ ៤៣៣៤,៦១ហិកតា ស្ថិតនៅស្រុកឆែប និង ស្រុកជ័យសែន ខេត្តព្រះវិហារ ដោយយោង លើ លិខិតលេខ ២២១ លល/គអ/ទរ ចុះថ្ងៃទី២២ ខែតុលា ឆ្នាំ២០១៥ របស់សាលាខេត្តព្រះវិហារ និងមតិរបស់ រដ្ឋបាលព្រៃឈើ អនុញ្ញាត ឲ្យក្រុមហ៊ុន សំអឿន សុវណ្ណ ចុះប្រមូលផល អនុផលព្រៃឈើក្នុងដីបម្រុងទុកសម្រាប់កំណើន ប្រជាពលរដ្ឋ។
តាមប្រភពពីប្រជាពលរដ្ឋរស់នៅក្បែរក្រុមហ៊ុន សំអឿន សុវណ្ណ បានឲ្យដឹងថា ក្រុមហ៊ុនរបស់លោក អ៊ឹម សំអឿន បានដឹកជញ្ជូនឈើយ៉ាងគគ្រឹកគគ្រេងដោយបើកចំហទាំងយប់ទាំងថ្ងៃ រីឯសមត្ថកិច្ចជំនាញពាក់ព័ន្ធការបង្ក្រាបនិងទប់ស្កាត់បទល្មើសព្រៃឈើ ថ្នាក់មូលដ្ឋាននិងសន្តិសុខបានត្រឹមដាក់កំលាំងពង្រាយ នៅតាមតូបក្រោមដើមឈើរងចាំរាប់ចំនួនគោយន្តដឹកឈើនិង ឡានប៉ាកុង ឡានយីឌុក និងចាំជួយការពារសុវត្ថិភាពអ្នកដឹកឈើព្រមទាំង កត់ត្រា លេខឡានដើម្បីរាយការណ៍តាមទូរស័ព្ទទៅបក្សពួកគេដើម្បីឲ្យតាមឃ្លាំមើលរថយន្តចម្លែកដែលចូលទៅកាន់ទឹកដីក្រោយក្រុមហ៊ុនរបស់លោក អ៊ឹម សំអឿន ក្រែងមានគេចូលទៅផ្តិតរូបភាពខាងក្រោយក្រុមហ៊ុនរបស់លោកនាំអោយមានការបែកធ្លាយអាថ៍កំបាំងភាពល្មើសរបស់ក្រុមហ៊ុន។ ជារៀងរាល់យប់ថ្ងៃ គេតែងឃើញមានគោយន្តនិងឡានប៉ាកុង ឡានយីឌុបធំៗរាប់សិបគ្រឿងត្រូវបានគេបញ្ឈរត្រៀបត្រានៅតាមដងផ្លូវក្បែរក្រុមហ៊ុនសំអឿន សុវណ្ណ រងចាំចូលទៅខាងក្នុងដើម្បីដឹកឈើចេញពីរោងចក្រដើម្បីទៅផ្គត់ផ្គង់តាមដេប៉ូដោយមានមន្ត្រីជំនាញ និងកងកម្លាំងជួយការពារសម្រួលមធ្យោបាយយ៉ាងរលូនដោយមិនអោយមានការរំខានពីសមត្ថកិច្ចណាឡើយ។
ប្រជាពលរដ្ឋផ្សេងទៀតបានបន្តប្រាប់ឲ្យដឹងទៀតថា ក្រុមហ៊ុននេះសព្វថ្ងៃ បានព័ទ្ធរបងបាំងជិតកុំឲ្យគេមើលឃើញ អំពីសកម្មភាព កែច្នៃ ឈើរបស់ពួកគេ។ នៅតាមព្រៃរបោះ ជុំវិញបរិវេណ រោងចក្រអារឈើ មានកម្លាំងសន្តិសុខ កាន់វិទ្យុទាក់ទងគ្រប់ដៃដេកក្នុងអង្រឹងយាមប្រចាំការមិនឲ្យនរណាចេញចូលក្រៅពីអ្នកលក់ឈើនោះទេ បើក្រុមហ៊ុនមួយនេះមិនមានខ្នងក្រាស់ៗក៏មិនអាចជួលសន្តិសុខទៅយាមឲ្យគេឡើយហើយក៏មិនហ៊ានដាក់បង្ហាញជាសាធារណៈកណ្តាលវាលនោះដែរ។
ពេលថ្មីៗនេះ រាជរដ្ឋាភិបាលកម្ពុជាដែលដឹកនាំដោយសម្ដេចតេជោនាយករដ្ឋមន្ត្រី ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានដាក់បញ្ជានិងអោយបង្កើតឲ្យមានគណៈកម្មការទប់ស្កាត់ បង្ក្រាបបទល្មើសព្រៃឈើដោយអនុញ្ញាតឲ្យប្រើឧទ្ធម្ភាគចក្រយោធា២គ្រឿងសម្រាប់ប្រតិបត្តិការណ៍តែបែរជា ក្រុមហ៊ុន សំអឿន សុវណ្ណ នៅតែហ៊ានធ្វើសកម្មភាពប្រព្រឹត្តបទល្មើសព្រៃឈើដោយបានដំឡើងម៉ាស៊ីន អារឈើខ្នាតយក្សអារច្រៀកឈើធំៗកងរំពងពេញព្រៃនិងដឹកជញ្ជូនឈើប្រណិតនិងឈើលេខ២ស្ទើរខ្ទេចផ្លូវនៅក្នុងស្រុកឆែបជាប់ព្រំប្រទល់ស្រុកជ័យសែនខេត្តព្រះវិហារ មិនតែប៉ុណ្ណោះ ទង្វើខាងលើនេះ សបញ្ជាក់អោយឃើញថា លោក អ៊ឹម សំអឿន ជាប្រធានក្រុមហ៊ុន សំអឿន សុវណ្ណ ខូអិលធីឌី គឺមិនបានគោរពតាមបទបញ្ជារបស់នាយករដ្ឋមន្ត្រីនិងប្រមុខថ្នាក់ដឹកនាំក្រសួង មន្ទីរពាក់ព័ន្ធឡើយ។
យោងទៅតាម សៀវភៅរាជកិច្ច ដែលបាន ចេញផ្សាយថ្ងៃទី៤ ខែមករា ឆ្នាំ២០១៣ ដែលចុះហត្ថលេខាដោយនាយករដ្ឋមន្ត្រី ហ៊ុន សែន នៅថ្ងៃទី១៧ ខែធ្នូ ឆ្នាំ២០១២ បានសម្រេចកាត់ដីទំហំ ៤៣៣៤,៦១ហិកតារ នៅស្រុកជ័យសែន និង ស្រុកឆែប ខេត្តព្រះវិហារពីគម្របព្រៃឈើ និងពីដីសម្បទានសេដ្ឋកិច្ចដើម្បីធ្វើអនុប្រយោគជាដីឯកជនរបស់រដ្ឋសម្រាប់ ធ្វើប្រទានកម្មជាកម្មសិទ្ធិជូន ប្រជាពលរដ្ឋចំនួន ៧៥៨គ្រួសារ។
អង្គភាពយើងមិនអាចសុំការបំភ្លឺពីលោក អ៊ឹម សំអឿន ប្រធានក្រុមហ៊ុនសំអឿន សុវណ្ណ ខូអិលធីឌីបានឡើយ។ អង្គភាពយើងខ្ញុំនិងរង់ចាំការបកស្រាយពីលោក អ៊ឹម សំអឿនរៀងរាល់ម៉ោងធ្វើការ ៕
អានបន្ត
ឃាត់ខ្លួនបុរសម្នាក់ និងគ្រឿងញៀន ៣០កញ្ចប់
ដោយអនុវត្តន៍តាមគោលការណ៍ដឹកនាំរបស់លោក សុខ ពេញវុធ អភិបាលនៃគណះអភិបាលខណ្ឌដូនពេញ អធិការដ្ឋាន ប៉ុស្តិ៍នគរបាលរដ្ឋបាលទាំង១១ បានបន្តជំរុញការស្រាវជ្រាវបង្ក្រាបករណីចរាចរណ៍ ជួញដូរគ្រឿងញៀនលើមុខសញ្ញាសកម្ម ដែលអធិការដ្ឋាន ប៉ុស្តិ៍ បានស្រាវជ្រាវកំណត់ក្នុងវិធានការជំនាញត្រៀមប្រតិបត្តិការបង្ក្រាប បានធ្វើសកម្មភាពចរាចរណ៍ ស្ថិតនៅចំណុចសំណង់មិនរាបរយ ផ្លូវរថភ្លើង ក្រុម៣៩ ភូមិ៣ សង្កត់ស្រះចក លុះមកដល់វេលាម៉ោង១៤:៣០នាទី ថ្ងៃទី២៦ ខែ ធ្នូ ឆ្នាំ២០១៨ អធិការដ្ឋាន ប៉ុស្តិ៍បានបើករង្វង់កិច្ចប្រតិបត្តិការបង្ក្រាបក្រសោបតែម្តង។
ជាលទ្ធផលនៃកិច្ចប្រតិបត្តិការណ៍នេះ កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន០១នាក់រួមមាន៖
ឈ្មោះ ឡុង បញ្ញា ភេទប្រុស អាយុ២២ឆ្នាំ ជនជាតិខ្មែរ ស្នាក់នៅទីតាំងខាងលើ (ជួញដូរគ្រឿងញៀន។
វត្ថុតាងចាប់យករួមមាន:
១/-ក្រាមពណ័សរថ្លា(គ្រឿងញៀន)ចំនួន ៣០កញ្ចប់ ។
២/ឧបករណ៍ប្រើប្រាស់សំរាប់សេពគ្រឿងញៀនមួយចំនួន ។
៣/ថង់សំរាប់ច្រកគ្រឿងញៀនធ្វើសកម្មភាព មួយចំនួន។
៤/ប្រាក់រៀលចំនួនប្រាំមុឺនមួយពាន់(៥១.០០០)។
ចំពោះមុខ កម្លាំងជំនាញខណ្ឌ ប៉ុសិ៍្ត កំពុងយកចម្លើយបន្តស្រាវជ្រាវរកបក្ខពួកនិង ក្រុមដ៏ទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
អានបន្ត
លោក ជាវ តាយ ដឹកនាំកិច្ចប្រជុំពិភាក្សាការងាររៀបចំតាំងពិព័ណ៌ បង្ហាញសមិទ្ធផល ក្នុងពិធីសម្ពោធវិមានអនុស្សាវរីយ៍នយោបាយឈ្នះ ឈ្នះ និងការងារឆ្លងឆ្នាំសកល
ខេត្តកំពត ៖ កិច្ចប្រជុំពិភាក្សាការងាររៀបចំតាំងពិព័រណ៌បង្ហាញសមិទ្ធផល ក្នុងពិធីសម្ពោធវិមានអនុស្សារីយ៍នយោបាយ ឈ្នះ ឈ្នះ និងការងារឆ្លងឆ្នាំសកល ២០១៨ ឈានចូលឆ្នាំ២០១៩ ត្រូវបានធ្វើឡើងនៅព្រឺកថ្ងៃអង្គារ ៣រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃ២៥ ខែធ្នូ ឆ្នាំ២០១៨ ក្រោមអធិបតីភាព លោក ជាវ តាយ អភិបាលនៃគណៈអភិបាលខេត្តកំពត។
កិច្ចប្រជុំនេះក៏មានការអញ្ចើញចូលរួមពីសំណាក់ លោក លោកស្រីជាអភិបាលរងខេត្ត ប្រធាន អនុប្រធាន មន្ទីរអង្គភាពជុំវិញខេត្ត លោកនាយករដ្ឋបាលសាលាខេត្ត អភិបាលក្រុង ស្រុក និងមន្ត្រីផ្នែកពាក់ព័ន្ធក្នុងរដ្ឋបាលខេត្តកំពត ដែលមានសមាសភាពចូលរួមសរុបចំនួន៥៦រូប។
ក្នុងកិច្ចប្រជុំព្រឹកនេះ លោក ជាវ តាយ អភិបាលខេត្ត ក៏បានសង្កត់ធ្ងន់ដោយបានជំរុញ និងពន្លឿនការងាររៀបចំការដាក់តាំងពិព័រណ៌បង្ហាញនូវសមិទ្ធផលក្នុងពិធីសម្ពោធវិមានអនុស្សារីយ៍នយោបាយឈ្នះ ឈ្នះ និងការងារឆ្លងឆ្នាំសកល ២០១៨ ឈានចូលឆ្នាំ២០១៩ឲ្យបានអធិកអធមបំផុត៕ អានបន្ត
ជនសង្ស័យ៤នាក់និងត្រាក់ទ័រ២គ្រឿងត្រូវសមត្ថកិច្ចចាប់ឃាតខ្លួនបញ្ចូនទៅតុលាការពាក់ព័ន្ធនិងរំលោភដីព្រៃលិចទឹកក្នុងតំបន់៣
កំពង់ធំ ៖ នៅថ្ងៃព្រហស្បតិ៍ ១៣កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី ២០ខែធ្នូ ឆ្នាំ ២០១៨ វេលាម៉ោង ១៥និង០០ នាទី កម្លាំងជំនាញអធិការដ្ឋាននគរបាលស្រុកកំពង់ស្វាយ និង មានការចូលរួមពីលោកវរៈសេនីយ៍ទោ ស សុបិន្ត នាយការិយាល័យព្រហ្មទណ្ឌកំរិតស្រាល ក្រោមការដឹកនាំបញ្ជាផ្ទាល់ពីលោក ជា សុវណ្ណថេត ព្រះរាជអាជ្ញារង អមសាលាដំបូងខេត្តកំពង់ធំ បានចុះអនុវត្តឃាត់ត្រាក់ទ័រចំនួន ០២ គ្រឿង និងមនុស្សចំនួន ០៤ នាក់ ស្រី ០១ នាក់ កំពុងតែជាន់ដីធ្វើស្រែ នៅចំណុចវាលស្រង៉ែ តំបន់ផ្អែកដំបង(ដីតំបន់៣)ក្នុងទឹកដីឃុំផាត់សណ្តាយ ស្រុកកំពង់ស្វាយ ។
ជនសង្ស័យទី ១.ឈ្មោះ កៀម កុយ ភេទប្រុស អាយុ ៤៤ ឆ្នាំ
ទី ២.ឈ្មោះ វាន់ ណារ៉េត ភេទស្រី អាយុ ៤០ ឆ្នាំទាំង០២នាក់នៅភូមិអូរកន្ធជើង សង្កាត់អូរកន្ធរ ក្រុងស្ទឹងសែន ខេត្តកំពង់ធំ ។
៣.ឈ្មោះ សឿន ដារ៉ូ ហៅ ក្រឹង ភេទប្រុស អាយុ ២៣ ឆ្នាំ នៅភូមិក្បិល ឃុំសានគរ ស្រុកកំពង់ស្វាយ ខេត្តកំពង់ធំ ។
៤.ឈ្មោះ រួន ណារៀម ភេទប្រុស អាយុ ១៧ ឆ្នាំ នៅភូមិឬស្សីដួច ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
ជនសង្ស័យទាំង០៤នាក់និងត្រាក់ទ័រ០២គ្រឿងបាននាំយកមកអធិការដ្ឋាននគរបាលស្រុកកំពង់ស្វាយដើម្បីរៀបចំសំនុំរឿងអនុវត្តនីតិវិធី ។
លោក ខេន ឈុនគ័រ អធិការនគរបាលស្រុកកំពង់ស្វាយបានអោយដឹងថាជនសង្ស័យ៤នាក់និងត្រាក់ទ័រ២គ្រឿងត្រូវសមត្ថកិច្ចកសាងសំនុំរឿងទៅតុលាការហើយកាលពីព្រឹកថ្ងៃទី២១ ខែធ្នូឆ្នាំ២០១៨នេះ ៕ អានបន្ត
ដរាបណាស្ថេរភាពសង្គមបន្តកើតមាន នោះ អចលនទ្រព្យក្នុងខេត្តកំពតនៅតែមានតម្លៃខ្ពស់
(ខេត្តកំពត)៖ដរាបណាស្ថេរភាពសង្គមបន្តកើតមាននោះអចលនទ្រព្យក្នុងខេត្តកំពតនៅតែកើនតម្លៃខ្ពស់ឥតឈប់ឈរ។ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នដល់កម្រិតកំពូលនោះឡើយ។
លោកងៀប វៃគា ភ្នាក់ងារផ្នែកលក់នៃក្រុមហ៊ុនអចលនទ្រព្យប្ល៊ូស្តាររៀលធីអែនឌីវើឡុបមេន(Blue Star Realty & Development Co.,Ltd )បានរៀបរាប់ថាអំឡុងពេលពីរឆ្នាំចុងក្រោយ ពិសេសឆ្នាំ២០១៨នេះ តម្លៃដីនៅ ក្រុងកំពតបានឡើងដល់ចន្លោះពី៥០០ដុល្លារទៅ១.០០០ដុល្លារក្នុងមួយម៉ែត្រក្រឡា គឺកើនរាប់រយដងបើប្រៀបធៀបទៅនឹងជាង១០ឆ្នាំមុន។
លោកថា ដរាបណាស្ថេរភាពសង្គមបន្តកើតមាន ហើយសេដ្ឋកិច្ចជាតិរក្សាបាននូវភាពរីកចម្រើននោះអចលនទ្រព្យក្នុងខេត្តកំពតនឹងនៅតែឡើងថ្លៃឥតឈប់ឈរឡើយ។ ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នកើនឡើងដល់កម្រិតកំពូលនោះឡើយ។
ភ្នាក់ងារលក់ដីធ្លីដដែលបានបន្តថាឆ្លងកាត់បទពិសោធន៍លើវិស័យដីធ្លីរយៈពេល១៤ឆ្នាំកន្លងមក ក្រុមហ៊ុនសង្កេតឃើញថាទីផ្សារអចលនទ្រព្យក្នុងខេត្តកំពតឡើងថ្លៃជាបន្តបន្ទាប់ប៉ុន្តែមានការធ្លាក់ចុះបន្តិចនាឆ្នាំ២០០៩ និងដើមឆ្នាំ២០១០ ដោយសារវិបត្តិសេដ្ឋកិច្ចសកល។
លុះចាប់ពីឆ្នាំចុងឆ្នាំ២០១០សេដ្ឋកិច្ចពិភពលោកបានងើបឡើងវិញធ្វើឱ្យតម្លៃទីផ្សារដីធ្លីចាប់កើនជាលំដាប់ហើយមានកម្រិតទាបឬខ្ពស់ផ្អែកតាមតំបន់ដែលមានសក្តានុពលឬកន្លែងដាច់ស្រយាល។កាលពីជាង១០ឆ្នាំមុនតម្លៃដីនៅក្រុងនិងត្រង់កន្លែងល្អៗតម្លៃពី២០ដុល្លារទៅ៣០ដុល្លារក្នុងមួយម៉ែត្រក្រឡាតែប៉ុណ្ណោះ តែបច្ចុប្បន្ននេះមានតម្លៃចន្លោះពី៥០០ដុល្លារ ទៅ១.០០០ដុល្លារឯណោះ។
លោកងៀប វៃគា បានបន្ថែមថាតាមរយៈការអភិវឌ្ឍខេត្តដោយរូបភាពធំៗដូចជាសំណង់កម្ពស់ជាង៤០ជាន់រោងចក្រកាត់ដេរសម្លៀកបំពាក់កំពង់ផែទេសចរណ៍អន្តរជាតិរោងចក្រស៊ីម៉ងតិ៍ការស្ថាបនាពង្រីកផ្លូវជាតិលេខ៣ឱ្យធំទូលាយជាដើមនេះសង្ឃឹមថាតម្លៃដីធ្លីកម្រិតបច្ចុប្បន្ននឹងមិននៅទ្រឹងទេគឺពិតជាបន្តឡើងថ្លៃខ្ពស់ជាងនេះមិនខានឡើយ។
ពាក់ព័ន្ធនឹងករណីដីធ្លីក្នុងដែនគ្រប់គ្រងរបស់ខ្លួន លោក លាង រឿនសុធី អភិបាលក្រុងកំពតបានបញ្ជាក់ ថាដោយសារស្ថានភាពនយោបាយសន្តិសុខសណ្តាប់ធ្នាប់សង្គមមានលក្ខណៈល្អប្រសើរធ្វើឱ្យកំណើនសេដ្ឋកិច្ចឆ្ពោះទៅមុខជានិច្ច ពិសេសតម្លៃអចលនទ្រព្យក្នុងក្រុងកំពតបន្តកើនឡើងជាបន្តបន្ទាប់ផងដែរ៕ អានបន្ត
ស្ថេរភាពសង្គមបន្តកើតមាននោះ ដរាបណាអចលនទ្រព្យក្នុងខេត្តកំពតនៅតែមានតម្លៃខ្ពស់
(ខេត្តកំពត)៖ដរាបណាស្ថេរភាពសង្គមបន្តកើតមាននោះអចលនទ្រព្យក្នុងខេត្តកំពតនៅតែកើនតម្លៃខ្ពស់ឥតឈប់ឈរ។ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នដល់កម្រិតកំពូលនោះឡើយ។
លោកងៀប វៃគា ភ្នាក់ងារផ្នែកលក់នៃក្រុមហ៊ុនអចលនទ្រព្យប្ល៊ូស្តាររៀលធីអែនឌីវើឡុបមេន(Blue Star Realty & Development Co.,Ltd )បានរៀបរាប់ថាអំឡុងពេលពីរឆ្នាំចុងក្រោយ ពិសេសឆ្នាំ២០១៨នេះ តម្លៃដីនៅ ក្រុងកំពតបានឡើងដល់ចន្លោះពី៥០០ដុល្លារទៅ១.០០០ដុល្លារក្នុងមួយម៉ែត្រក្រឡា គឺកើនរាប់រយដងបើប្រៀបធៀបទៅនឹងជាង១០ឆ្នាំមុន។
លោកថា ដរាបណាស្ថេរភាពសង្គមបន្តកើតមាន ហើយសេដ្ឋកិច្ចជាតិរក្សាបាននូវភាពរីកចម្រើននោះអចលនទ្រព្យក្នុងខេត្តកំពតនឹងនៅតែឡើងថ្លៃឥតឈប់ឈរឡើយ។ ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នកើនឡើងដល់កម្រិតកំពូលនោះឡើយ។
ភ្នាក់ងារលក់ដីធ្លីដដែលបានបន្តថាឆ្លងកាត់បទពិសោធន៍លើវិស័យដីធ្លីរយៈពេល១៤ឆ្នាំកន្លងមក ក្រុមហ៊ុនសង្កេតឃើញថាទីផ្សារអចលនទ្រព្យក្នុងខេត្តកំពតឡើងថ្លៃជាបន្តបន្ទាប់ប៉ុន្តែមានការធ្លាក់ចុះបន្តិចនាឆ្នាំ២០០៩ និងដើមឆ្នាំ២០១០ ដោយសារវិបត្តិសេដ្ឋកិច្ចសកល។
លុះចាប់ពីឆ្នាំចុងឆ្នាំ២០១០សេដ្ឋកិច្ចពិភពលោកបានងើបឡើងវិញធ្វើឱ្យតម្លៃទីផ្សារដីធ្លីចាប់កើនជាលំដាប់ហើយមានកម្រិតទាបឬខ្ពស់ផ្អែកតាមតំបន់ដែលមានសក្តានុពលឬកន្លែងដាច់ស្រយាល។កាលពីជាង១០ឆ្នាំមុនតម្លៃដីនៅក្រុងនិងត្រង់កន្លែងល្អៗតម្លៃពី២០ដុល្លារទៅ៣០ដុល្លារក្នុងមួយម៉ែត្រក្រឡាតែប៉ុណ្ណោះ តែបច្ចុប្បន្ននេះមានតម្លៃចន្លោះពី៥០០ដុល្លារ ទៅ១.០០០ដុល្លារឯណោះ។
លោកងៀប វៃគា បានបន្ថែមថាតាមរយៈការអភិវឌ្ឍខេត្តដោយរូបភាពធំៗដូចជាសំណង់កម្ពស់ជាង៤០ជាន់រោងចក្រកាត់ដេរសម្លៀកបំពាក់កំពង់ផែទេសចរណ៍អន្តរជាតិរោងចក្រស៊ីម៉ងតិ៍ការស្ថាបនាពង្រីកផ្លូវជាតិលេខ៣ឱ្យធំទូលាយជាដើមនេះសង្ឃឹមថាតម្លៃដីធ្លីកម្រិតបច្ចុប្បន្ននឹងមិននៅទ្រឹងទេគឺពិតជាបន្តឡើងថ្លៃខ្ពស់ជាងនេះមិនខានឡើយ។
ពាក់ព័ន្ធនឹងករណីដីធ្លីក្នុងដែនគ្រប់គ្រងរបស់ខ្លួន លោក លាង រឿនសុធី អភិបាលក្រុងកំពតបានបញ្ជាក់ ថាដោយសារស្ថានភាពនយោបាយសន្តិសុខសណ្តាប់ធ្នាប់សង្គមមានលក្ខណៈល្អប្រសើរធ្វើឱ្យកំណើនសេដ្ឋកិច្ចឆ្ពោះទៅមុខជានិច្ច ពិសេសតម្លៃអចលនទ្រព្យក្នុងក្រុងកំពតបន្តកើនឡើងជាបន្តបន្ទាប់ផងដែរ៕ អានបន្ត
អាជ្ញាធរខេត្តកំពង់ឆ្នាំង ចុះពិនិត្យទីតាំងបន្លាស់ទីរបស់ប្រជាពលរដ្ឋក្នុងស្រុកបរិបូណ៍
(កំពង់ឆ្នាំង)៖ នៅថ្ងៃទី២១ ខែធ្នូ ឆ្នាំ២០១៨នេះ លោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្ត លោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង ចុះពិនិត្យមើលទីតាំងបន្លាស់ទីរបស់ប្រជាពលរដ្ឋ ចំនួន៥ ទីតាំងក្នុងស្រុកបរិបូណ៌ ដែលមានការចូលរួមពី លោក ចែម ភក្ភិ អភិបាលរងស្រុកបរិបូណ៌ និងលោក ផល សុភាព នាយករដ្ឋបាលសាលាស្រុកបរិបូណ៌ អនុប្រធានការិយាល័យអន្តរវិស័យ អាជ្ញាធរឃុំទាំងបី ដែលអាជ្ញាធរស្រុកកំពុងដំណើរការធ្វើការរៀបចំ ជូនប្រជាពលរដ្ឋ ឱ្យរស់នៅមានសណ្ដាប់ធ្នាប់តាមចំណុចគោលដៅ ដែលអាជ្ញាធរខេត្ត និងស្រុកបានរៀបចំរួមមាន៖
ទីតាំងទី១ នៅចំណុច ភូមិកំពង់អូរ ឃុំខុនរ៉ង ស្រុកបរិបូណ៌។
ទីតាំងទី២ នៅចំណុច ផ្លូវ សេះស្លាប់ ឃុំឆ្នុកទ្រូ ស្រុកបរិបូណ៌។
ទីតាំងទី៣ នៅចំណុច ផ្លូវជាតិលេខ៥២ ស្ថិតឃុំ ឆ្នុកទ្រូ ស្រុកបរិបូណ៌។
ទីតាំងទី៤ នៅចំណុចផ្លូវយុគន្ធ ឃុំឆ្នុកទ្រូ ស្រុកបរិបូណ៌។
ទីតាំងទី៥ នៅចំណុច ផ្លូវក្បាលដំរី ក្រចាប់ ស្ថិតក្នុងឃុំត្រពាំងចាន់ស្រុកបរិបូណ៌ខេត្តកំពង់ឆ្នាំង ៕ អានបន្ត
ឯកឧត្តម វេង សាខុន រដ្ធមន្ដ្រីក្រសួងកសិកម្ម បានអញ្ជើញបន្តដឹកនាំគណៈប្រតិភូក្រសួងទៅជួបពិភាក្សាការងារជាមួយ លោក ប្រធានក្រុមប្រឹក្សាភិបាលគម្រោងវិនិយោគវារីវប្បកម្មបង្កងនៅកម្ពុជា
នៅរសៀលថ្ងៃទី២២ ខែធ្នូ ឆ្នាំ២០១៨ ឯកឧត្តមរដ្ឋមន្ត្រី វេង សាខុន បានអញ្ជើញបន្តដឹកនាំគណប្រតិភូក្រសួង ទៅជួបពិភាក្សាការងារជាមួយ លោក Yulin Zheng ប្រធានក្រុមប្រឹក្សាភិបាលក្រុមហ៊ុន Hubei Laker Group នៅឯទីស្នាក់ការកណ្តាលក្រុមហ៊ុន នាទីក្រុង Qiangjiang ខេត្ត Hubei។ គោលបំណងនៃជំនួបនេះ គឺដើម្បីពិភាក្សាអំពីគម្រោងវិនិយោគវារីវប្បកម្មបង្កងនៅកម្ពុជា និងកិច្ចសហប្រតិបត្តិការរវាងក្រុមហ៊ុន និងក្រសួងកសិកម្ម រុក្ខាប្រមាញ់ និងនេសាទកម្ពុជា។
លោកប្រធានក្រុមប្រឹក្សាភិបាល បានបញ្ជាក់ថាការវិនិយោគរបស់ក្រុមហ៊ុននៅប្រទេសជួបបញ្ហាប្រឈមពីរធៀបនឹងកម្ពុជាគឺ ១.អាកាសធាតុនៅចិនមានស៊ីតុណ្ហភាពត្រជាក់ខ្លាំងនៅរដូវរងារ ដែលអាចធ្វើឲ្យបង្កងមិនអាចលូតលាស់បាន និង ២.ពលកម្មសម្រាប់ធ្វើការកែច្នៃមានតម្លៃខ្ពស់ដែលធ្វើឲ្យតម្លៃផលិតផលសម្រេចមានកម្រិតខ្ពស់។
ហេតុដូចនេះក្រុមហ៊ុនមានបំណងចង់ទៅបោះទុនវិនិយោគលើការចិញ្ចឹម និងកែច្នៃបង្កងនៅកម្ពុជាដោយស្នើឲ្យករសួងកសិកម្ម រុក្ខាប្រមាញ់ និងនេសាទ និងរាជរដ្ឋាភិបាលកម្ពុជាជួយគាំទ្រដល់គម្រោងនេះ។
ឯកឧត្តមរដ្ឋមន្ត្រី បានសម្តែងក្តីត្រេកអរ និសូមស្វាគមន៍គម្រោងវិនិយោគវារីវប្បកម្មបង្កងនៅកម្ពុជា ដោយការវិនិយោគនេះអាចជួយជំរុញកំណើនជីវភាពកសិករ និងសេដ្ឋកិច្ចជាតិ។
ឯកឧត្តមរដ្ឋមន្ត្រី បានស្នើឲ្យក្រុមហ៊ុនចាត់បុគ្គលិកជំនាញចុះទៅពិនិត្យ និងសិក្សាពីទីតាំងដែលមានសក្តានុពលនៅកម្ពុជា ដោយសហការជាមួយរដ្ឋបាលជលផល និងរៀបចំសេចក្តីព្រាងអនុស្សារណៈយោគយល់រវាងក្រុមហ៊ុន និងក្រសួង ដើម្បីឈានទៅអនុវត្តគម្រោងវិនិយោគនេះឲ្យបានឆាប់នាពេលខាងមុខនេះ ៕ អានបន្ត
មហាសន្និបាតមន្ត្រីសង្ឃទូទាំងប្រទេសលើកទី២៧ បានប្រារព្ធបើកនៅថ្ងៃទី២១ ខែធ្នូ ឆ្នាំ២០១៨នេះ នៅសាលសន្និសីទចតុមុខ ក្រោមអធិបតីភាពលោក សម្ដេច ហេង សំរិន
ភ្នំពេញ÷ដោយសារប្រទេសជាតិមានសុខសន្តិភាព និងការអភិវឌ្ឍន៍ បច្ចុប្បន្នកម្ពុជាមានទីវត្តអារាមក្នុងវិស័យពុទ្ធចក្រ នៅទូទាំងប្រទេសចំនួន ៤៨៧២ វត្ត មហាសន្និបាតមន្ត្រីសង្ឃទូទាំងប្រទេសលើកទី២៧ បានប្រារព្ធបើកនៅថ្ងៃទី២១ ខែធ្នូ ឆ្នាំ២០១៨នេះ នៅសាលសន្និសីទចតុមុខ ក្រោមអធិបតីភាពលោក សម្ដេច ហេង សំរិន ប្រធានរដ្ឋសភា ជាព្រះរាជតំណាងដ៏ខ្ពង់ខ្ពស់ ព្រះករុណា ព្រះបាទបរមនាថ នរោត្តម សីហមុនី ព្រះមហាក្សត្រនៃកម្ពុជា ដោយមានការចូលរួមពីតំណាងស្ថាប័ន នៃព្រះពុទ្ធសាសនា ឥស្លាមសាសនា គ្រឹស្តសាសនា និងសាសនាដទៃទៀត ព្រមទាំងភ្ញៀវកិត្តិយសជាតិ អន្តរជាតិ សរុបប្រមាណ៨០០អង្គ/នាក់។
សម្ដេច ហេង សំរិន បានមានប្រសាសន៍ថា ក្នុងក្របខ័ណ្ឌប្រវត្តិសាស្ត្រ គឺពីដំណាក់កាលមួយ ទៅដំណាក់កាលមួយទៀត ព្រះពុទ្ធសាសនាបានចាក់គ្រឹះយ៉ាងជ្រៅក្នុងសង្គមកម្ពុជា តាំងពីមុន គ.ស មកម្ល៉េះ ហើយសាសនានេះ មានការវិវឌ្ឍន៍របស់ខ្លួន តាំងពីពេលនោះរហូតមកដល់សព្វថ្ងៃ និងមានការរីកចម្រើនយ៉ាងរឹងមាំបំផុត ជាពិសេសព្រះពុទ្ធសាសនាមានឥទ្ធិពលខ្លាំង ទៅលើស្ថាប័នទាំងឡាយនៃសង្គមខ្មែរ។
សម្ដេច បានបន្តថា យើងមានការសោកស្តាយជាពន់ពេក គឺក្នុងរបបប្រល័យពូជសាសន៍ ប៉ុល ពត ដែលទីអារាមនានានៅទូទាំងប្រទេស ត្រូវបានបំផ្លិចបំផ្លាញខ្ទេចខ្ទី ស្ទើរគ្មានសេសសល់។ ក្នុងរយៈពេល ៣ឆ្នាំ ៨ខែ និង២០ថ្ងៃ នៃរបបកម្ពុជាប្រជាធិបតេយ្យវិស័យ សាសនាទាំងអស់មិនថា ព្រះពុទ្ធសាសនា អ៊ីស្លាមសាសនា គ្រឹស្តសាសនា និងសាសនាដទៃទៀត ត្រូវបានបំផ្លិចបំផ្លាញដល់ឫសគល់ ប៉ុន្តែនៅក្រោយថ្ងៃរំដោះ ៧មករា ឆ្នាំ១៩៧៩ អ្វីៗត្រូវបានស្ដារឡើងវិញជាបន្តបន្ទាប់ ដោយបច្ចុប្បន្នយើងមានទីវត្តអារាម ក្នុងវិស័យពុទ្ធចក្រ នៅទូទាំងប្រទេសចំនួន ៤៨៧២ វត្ត និងមានព្រះសង្ឃជាង ៦ម៉ឺនអង្គ។ ជាមួយគ្នានេះដែរយើង មានព្រះវិហារឥស្លាម គ្រឹស្តសាសនា និងសាសនាដទៃទៀត ក៏បានកើតឡើងព្រោងព្រាតជាបន្តបន្ទាប់។
តាមការបញ្ជាក់របស់លោកទេសរដ្ឋមន្ត្រី ហ៊ឹម ឆែម រដ្ឋមន្ត្រីក្រសួងធម្មការ និងសាសនា បានឲ្យដឹងថា អនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី២៧ នាពេលនេះ នឹងប្រព្រឹត្តទៅមានរយៈពេល២ថ្ងៃ គឺចាប់ពីថ្ងៃទី២១ ដល់ថ្ងៃទី២២ ខែធ្នូ ឆ្នាំ២០១៨ ដើម្បីបូកសរុបសកម្មភាព និងពិនិត្យមើលលទ្ធផលនៃការអនុវត្ត សង្ឃប្រកាសរបស់អនុសំវច្ឆរមហាសន្និបាតមន្ត្រីសង្ឃកាលពីឆ្នាំកន្លងទៅ ដោយមានកិច្ចពិភាក្សា និងផ្លាស់ប្តូរយោបល់លើការងារព្រះពុទ្ធសាសនានាពេលបច្ចុប្បន្ន និងលើកទិសដៅសំរាប់អនុវត្តនាឆ្នាំបន្ត សំដៅពង្រឹងការអនុវត្តរចនាសម្ព័ន្ធដឹកនាំគ្រប់គ្រង និងរាល់លិខិតបទដ្ឋានគតិយុត្ត ដែលមានស្រាប់ធ្វើអោយវិស័យព្រះពុទ្ធសាសនាមានការរីកចំរើនថ្មីៗបន្ថែមទៀត ៕ អានបន្ត
ផ្លូវជាតិលេខ៣៣ចន្លោះបង្គោលគីឡូម៉ែត្រ១៩-២០ ក្នុងភូមិសាស្ត្រខេត្តកែប ត្រូវពន្លឿនស្ថាបនាដោយមន្ទីរជំនាញខេត្ត
(ខេត្តកែប)៖ កំណាត់ផ្លូវជាតិលេខ៣៣ ចន្លោះគីឡូម៉ែត្រ(១៩-២០)នៃភូមិសាស្ត្រខេត្តកែប ដែលរងការខូចខាតយ៉ាងធ្ងន់ធ្ងរនោះ ពេលនេះត្រូវបានក្រុមជំនាញ នៃមន្ទីរសាធារណការនិងដឹកជញ្ជូនខេត្តកែប កំពុងស្ថាបនាយ៉ាងមមាញឹក កាលពីព្រឹកថ្ងៃទី១៩ខែធ្នូ ឆ្នាំ២០១៨។
គេបានកត់សម្គាល់ឃើញថា ចំណុចផ្លូវជាតិលេខ៣៣ ដែលកំពុងរងការខូចខាតរលួយវ៉ល់នោះ គឺស្ថិតត្រង់ចំណុចចាប់ពីមុខមន្ទីរសុខាភិបាលខេត្តកែប រហូតដល់ខាងលិចវិទ្យាល័យ ហ៊ុន សែន ចំការដូង ក្នុងភូមិសាស្ត្រស្រុកដំណាក់ចង្អើរ។
លោក ម៉ម ទូច ប្រធានមន្ទីរសាធារណការ និងដឹកជញ្ជូនខេត្តកែប បានឲ្យដឹងថា កំណាត់ផ្លូវនានាស្ថិតតាមភូមិសាស្ត្រខេត្តកែប ក្រោយពីរងការខូចខាតកន្លងមក មន្ត្រីជំនាញបានខិតខំយកចិត្តទុកដាក់សម្រុកជួសជុលយ៉ាងសស្រាក់សស្រាំ ប៉ុន្តែមួយរយៈមុនដោយសារមានភ្លៀងធ្លាក់កក់ខែជាបន្តបន្ទាប់ទើបបង្កឲ្យមានការរាំងស្ទះក្នុងការជួសជុល។លោកប្រធានបានបញ្ជាក់ទៀតថា ចំពោះកំណាត់ផ្លូវជាតិលេខ៣៣ ចំណុចគីឡូម៉ែត្រ១៨-១៩-២០ ដែលកំពុងរងការខូចខាតស្ទើទាំងស្រុងនោះ ពេលនេះមន្ត្រីជំនាញចាប់ផ្តើមប្រើគ្រឿងចក្រឈូសឆាយស្ថាបនាជាថ្មីចាប់ពីពេលនេះតទៅ។ លោកម៉ម ទូច បានបន្ថែមថា ដើម្បីជួយសម្រួលការធ្វើដំណើររបស់ពលរដ្ឋ ខាងមន្ទីរជំនាញក៏ត្រូវចាត់ឲ្យមានរថយន្តបាញ់ទឹកបន្សើមផ្លូវនៅចំណុចនេះ ក្នុងមួយថ្ងៃ៣ដងផងដែរ។
សូមបញ្ជាក់ថា កំណាត់ផ្លូវជាតិលេខ៣៣ ចាប់ពីទីប្រជុំជនផ្សារដំណាក់ចង្អើរ ភូមិដំណាក់ចង្អើរ សង្កាត់ព្រៃធំ ក្រុងកែប ឆ្ពោះទៅភូមិសាស្ត្រឃុំពងទឹក ស្រុកដំណាក់ចង្អើរ បច្ចុប្បន្នបាននិងកំពុងរងការខូចខាតយ៉ាងដំណំដោយសាររថយន្តធុនធ្ងន់ផ្ទុកលើសចំណុះតែងបើកឆ្លងកាត់ទាំងយប់ទាំងថ្ងៃ ហើយកន្លងមកគេសង្កេតឃើញអង្គភាពជំនាញខេត្តកែប ចាត់មន្ត្រីឲ្យធ្វើការជួសជុលជាបន្តបន្ទាប់ដោយគ្មានពេលទំនេរ។ដោយឡែកកំណាត់ផ្លូវ៣៣ ចន្លោះគីឡូម៉ែត្រ១៩-២០ ដែលរងការខូចខាតធ្ងន់ធ្ងរជាងគេនោះ មន្ទីរជំនាញនឹងត្រូវឈូសឆាយស្ថាបនាជាថ្មីក្នុងរដូវរំហើយនេះ៕ អានបន្ត
ទ្រព្យសម្បតិ្តឯកជនរបស់រដ្ឋនិងរបស់នីតិបុគ្គលសាធារណៈ អាចជាកម្មវត្ថុនៃការលក់ កាដូរ ការបែងចែកឬការផ្ទេរកម្មសិទ្ធិតាមការកំណត់ដោយច្បាប់
(ខេត្តកែប)៖ ទ្រព្យសម្បតិ្តឯកជនរបស់រដ្ឋ និងរបស់នីតិបុគ្គលសាធារណៈ អាចជាកម្មវត្ថុនៃការលក់ ការដោះដូរ ការបែងចែកឬការផ្ទេរសិទ្ធិតាមការកំណត់ដោយច្បាប់ទម្លាប់។
ពាក្យពេជន៍ខាងលើនេះ គឺជាការលើកឡើងរបស់ លោក គឹម តូ ប្រធាននាយកដ្ឋាន មកពីក្រសួងទំនាក់ទំនងជាមួយព្រឹទ្ធភា រដ្ឋសភា និងអធិការកិច្ច ថ្លែងក្នុងកម្រងសំណួរចម្លើយ ស្តីពីការយល់ដឹងនិងតម្រូវការប្រជាពលរដ្ឋ ពាក់ព័ន្ធនឹងច្បាប់ភូមិបាល នាព្រឹកថ្ងៃទី១៩ខែធ្នូ ឆ្នាំ២០១៨ នៅបរិវេណវត្តចរិយាវង្ស ស្ថិតក្នុងភូមិអូរក្រសារ សង្កាត់អូរក្រសារ ក្រុង-ខេត្តកែប ដោយពិធីនេះក៏មានការចូលរួមពីសំណាក់អាជ្ញាធរ ក្រុង និងអាជ្ញាធរមូលដ្ឋានផងដែរ។
ទាក់ទិននឹងការផ្សព្វផ្សាយក៏ដូចជាផ្តល់ប្រឹក្សាពីបញ្ហាពាក់ព័ន្ធនឹងច្បាប់ភូមិបាលនេះដែរ លោក គឹម តូ បានគូសបញ្ជាក់ថា ខ្លឹមសារនេះគឺជាទិសដៅ និងគោលបំណងដ៏សំខាន់នៃការសិក្សាស្រាវជ្រាវ វិភាគការយល់ដឹង និងតម្រូវការអំពីច្បាប់ភូមិបាល របស់ប្រជាពលរដ្ឋនៅក្នុងតំបន់គោលដៅនិមួយៗ ហើយគន្លឹះទាំងនេះ បានវិភាគរាល់បញ្ហាពាក់ព័ន្ធនឹងដីធ្លី វិភាគអំពីតម្រូវការអាទិភាពរបស់ប្រជាពលរដ្ឋ ដែលទាក់ទងនឹងច្បាប់ភូមិបាលឲ្យបានទូលំទូលាយ។
លោកបានបន្តទៀតថា ជាទូទៅបើយោងតាមមាត្រា ១៦/នៃច្បាប់ភូមិបាល ទ្រព្យសម្បតិ្តសាធារណៈរបស់រដ្ឋមិនអាចលក់ដូរបានឡើយ ហើយកម្មសិទ្ធិនៃទ្រព្យសម្បតិ្តទាំងនោះមិនអាចកំណត់អាជ្ញាយុកាលបានទេ។ហើយទ្រព្យសម្បតិ្តសាធារណៈរបស់រដ្ឋ មិនអាចស្ថិតនៅក្រោមការកាន់កាប់ដោយលទ្ធកម្មពិសេសនៃជំពូក៤បានទេ។ប៉ុន្តែទ្រព្យសម្បតិ្តសាធារណៈរបស់រដ្ឋ អាចជាកម្មវត្ថុនៃការអនុញ្ញាតឲ្យកាន់កាប់ ឬប្រើប្រាស់ជាបណ្តោះអាសន្ន មិនទៀង ហើយអាចដកហូតវិញបាន បើមិនបានបំពេញតាតព្វកិច្ចបង់ពន្ធផ្សេងៗ លើកលែងតែបានអនុញ្ញាតតាមជំពូកទី៣ នៃច្បាប់នេះ។ការអនុញ្ញាតនេះមិនអាចប្រែក្លាយទៅជាកម្មសិទ្ធិ ឬជាសិទ្ធិភណ្ឌិកជាប្រយោជន៍ដល់អ្នកកាន់កាប់ទ្រព្យទាំងនោះបានឡើយ។ទ្រព្យសម្បតិ្តសាធារណៈរបស់រដ្ឋ នៅពេលបាត់បង់ផលប្រយោជន៍សាធារណៈ អាចត្រូវចាត់បញ្ចូលជាទ្រព្យសម្បតិ្តឯកជនរបស់រដ្ឋតាមរយៈច្បាប់អនុបយោគ។
សូមជម្រាបថា៖ កម្រងសំណួរក្នុងកិច្ចសម្ភាសន៍ជាមួយប្រជាពលរដ្ឋនេះ គឺជាខ្លឹមសារមួយផ្តល់ចំណេះដឹង ផ្តល់ប្រឹក្សា និងតម្រូវការប្រជាពលរដ្ឋពាក់ព័ន្ធនឹងច្បាប់ភូមិបាល ជាពិសេសការសិក្សាស្រាជ្រាវ និងការវិភាគអំពីការយល់ដឹងរបស់ប្រជាពលរដ្ឋតាមមូលដ្ឋាន ស្តីពីគោលដៅនៃច្បាប់ភូមិបាល ហើយខ្លឹមសារនេះ ក៏ជាគ្រឹះដ៏រឹងមាំមួយជួយវិភាគអំពីតម្រូវការអាទិភាពរបស់ប្រជាពលរដ្ឋ ដែលទាក់ទងនឹងបញ្ហាដីធ្លីក្នុងតំបន់និមួយៗផងដែរ៕ អានបន្ត
ជនសង្ស័យបីនាក់រួមជាមួយថ្នាំញៀនរាប់ពាន់គ្រាប់ ត្រូវសមត្ថកិច្ចខេត្តកំពត បង្ក្រាបនៅរសៀលនេះ
(ខេត្តកំពត)៖ សមត្ថកិច្ចនៃស្នងការដ្ឋាននគរបាលខេត្តកំពត នៅវេលាម៉ោង២និង២០នាទីរសៀល ថ្ងៃទី១៨ ខែធ្នូ ឆ្នាំ២០១៨ បានចេញប្រតិបតិ្តការបង្ក្រាបករណីជួញដូរគ្រឿងញៀនទ្រង់ទ្រាយធំមួយកន្លែងស្ថិតក្នុងភូមិសាស្ត្រក្រុងកំពត ដោយឃាត់ខ្លួនជនសង្ស័យចំនួនបីនាក់(ជនបរទេសពីរនាក់ និងខ្មែរម្នាក់)ដកហូតថ្នាំញៀនប្រភេទ អិុចស្ត្រាសីុល ចំនួន១.៥០៣ គ្រាប់ ម៉ាទឹកកកចំនួនជាងពីរពាន់ក្រាម និងទឹកថ្នាំដែលសង្ស័យជាសារធាតុញៀនប្រភេទមេតំហ្វេតតាមីនមួយកញ្ចប់ធំផងដែរ។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានឲ្យដឹងថា ការបង្ល្រាបបទល្មើសគ្រឿងញៀនទ្រង់ទ្រាយធំបានជោគជ័យបែបនេះ ក្រោមការដឹកនាំ ចង្អុលបង្ហាញពី ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ទើបកម្លាំងជំនាញប្រឆាំងបទល្មើសគ្រឿងញៀនខេត្ត សហការជាមួយកម្លាំងនាយកដ្ឋានសន្តិសុខផ្ទៃក្នុង ទើបឈានទៅបង្ក្រាបករណីជួញដូរគ្រឿងញៀននៅចំណុចប្រៃសណីយ៍និងទូរគមនាគមន៍ ស្ថិតក្នុងភូមិ១ឧសភា សង្កាត់កំពង់កណ្តាល ក្រុង-ខេត្តកំពត ដោយប្រតិបតិ្តការខាងលើ កម្លាំងបានឃាត់ខ្លួនមនុស្ស ប្រុស ស្រី ចំនួន៣នាក់ ក្នុងនោះ ជនជាតិបរទេស២នាក់ និងខ្មែរម្នាក់ ព្រមទាំងដកហូតវត្ថុតាងថ្នាំញៀនបានមួយចំនួនធំ។លោកស្នងការបានបញ្ជាក់ទៀតថា ជនសង្ស័យពាក់ព័ន្ធបទល្មើសញ្រឿងញៀនទាំងបីនាក់ រួមមាន៖ ទី១/ឈ្មោះ TASDELEN ONDER ភេទប្រុស កើតនៅថ្ងៃទី១៥/០៨/១៩៨១។ទី២/ឈ្មោះ ANJELA ORIBJANOVNA ភេទស្រីឆ្នាំកំណើត ០៨/០៣/១៩៨៩។ ទី៣/ឈ្មោះ មុំ សុភា ភេទស្រី អាយុ២៨ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
ប្រភពពីលោកស្នងការដដែលបានឲ្យដឹងទៀតថា ក្រោយពីសាកសួរចម្លើយជនសង្ស័យទាំង៣នាក់រួចរាល់ នៅល្ងាចថ្ងៃដដែល កម្លាំងសមត្ថកិច្ចក៏បានបន្តទៅឆែកឆេរនៅហាង FIREFLY ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ដោយរកឃើញថ្នាំញៀនចំនួន ៥០០គ្រាប់បន្ថែមទៀត ព្រមទាំងថ្នាំញៀនរបស់ជនសង្ស័យចំនួន១៨០គ្រាប់ និងម៉ាទឹកកកទម្ងន់ ២៦៤,៨៦ក្រាមផងដែរ។
បច្ចុប្បន្ន ជនសង្ស័យប្រុស ស្រី ទាំង៣នាក់ រួមជាមួយវត្ថុតាងថ្នាំញៀន សមត្ថកិច្ចបាននិងកំពុងកសាងសំណុំរឿងបញ្ជូនទៅសាលាដំបូងខេត្តកំពត ចាត់ការតាមផ្លូវច្បាប់៕ អានបន្ត
ប្រជាសហគមលើកគ្នា៥០នាក់ ស្ទាក់ចាប់បានអារ៉េវក្រុមហ៊ុនផ្លូហាវិនលូចអាឈើររបស់សហគមន៍ពោរៀង
ព្រះវិហារ៖ ប្រជាសហគមព្រៃឈើពោរៀង ៥០នាក់ បានពួនស្ទាក់ចាប់រថយន្តដឹកឈើ របស់ក្រុមហ៊ុនផ្លូហាយវិន ដែលបាន លួចទៅកាត់ឈើរបស់សហគម ចំនួន៣គ្រឿង តែចាប់បានមួយគ្រឿង ដែលការចូលលួចកាត់ឈើរបស់សហគម ក្រោមការបញ្ជារបស់លោក សេន ឡាំ ជាមេការមើលការខុសត្រូវ ដែលកន្លងមកតាំងតែយកលេសថា ក្រុមហ៊ុនស្របច្បាប់ ប្រមូលផលអនុផលព្រៃឈើចេញពីព្រៃសម្បទានសង្គមកិច្ច តែពេលនេះត្រូវបានសហគមចាប់បាន ដោយសារលួចកាត់ឈើក្នុងសហគមរបស់ពួកគាត់។
សកម្មភាពលួចចូលកាត់ឈើចេញពីសហគម ត្រូវបានប្រជាពលរដ្ឋ ដែលជាម្ចាស់ថែរក្សាព្រៃឈើសហគម បាននាំគ្នាក្តៅក្រហាយ នាំគ្នាប្រមាណ៥០នាក់ ពួនស្ទាក់ចាប់រថយន្តអារ៉េវរបស់ក្រុមហ៊ុន ផ្លូវហាវិន នៅចំនុចចាន់ថុង ភូមិពោរៀង ឃុំគូលេនជើង ស្រុកគូលេន ខេត្តព្រះវិហារ ក្រោយពីស្ទាក់ចាប់បានរថយន្ត ដែលមាន វត្ថុតាងឈើនៅលើរថយន្ត និងរថយន្ត ត្រូវបានកំលាំងសហគមនាំយកមកទុកក្នុងសហគម ដើម្បីរងចាំឲ្យអាជ្ញាធរដោះស្រាយ។
ប្រជាសហគមបាន ឲ្យដឹងថា ក្រុមហ៊ុនផ្លូហាវិននេះ បានធ្វើសកម្មភាពបំពានច្បាប់របស់សហគមព្រៃឈើ ពោរៀង ទាំងស្រុង ដោយហ៊ានចូលមកលួចកាត់ឈើក្នុងសហគម ដោយឥតញញើតច្បាប់សហគមនោះ ឡើយ ដែលការចាប់រថយន្តដឹកឈើរបស់ ក្រុមហ៊ុនផ្លូហាវិននេះ បានធ្វើឡើងនៅវេលាម៉ោង ៣.៣០នាទី ថ្ងៃទី១១ ខែធ្នូ ឆ្នាំ ២០១៨ ។
លោកបានបន្តថា ក្រុមហ៊ុនផ្លូហាវិននេះ គឺជាក្រុមហ៊ុនប្រើល្បិឆ្ពិនភ្នែកអាជ្ញាធរ និងសមត្ថកិច្ចថ្នាក់លើ តែចំពោះថ្នាក់ក្រោមគេដឹងគ្នា ដូចត្រីនឹងទឹក ពីការលួចឈើចេញពីដែនជម្រកសត្វព្រៃគូលេនព្រហ្មទេព និងព្រៃសហគម ក្រោមការឃុបឃិតគ្នា ជាមួយនឹងមន្ត្រីបរិស្ថាន ដឹកឈើជាហូរហែរ ចូលមកអាជ្រៀកនៅក្នុងក្រុម ហ៊ុន ដើម្បីបំឡែងជាឈើស្របច្បាប់។
ប្រជាពលរដ្ឋ បានទទឹងរងចាំមើលថា ក្នុងករណីដែល ក្រុមហ៊ុនផ្លូហាវិន ចួលលួចកាត់ឈើក្នុងសហគមនេះ តើលោក អ៊ុន ចាន់ដា អភិបាលខេត្តព្រះវិហារ មានចំណាត់ការដូចម្តេច ចំពោះក្រុមហ៊ុន ក្នុងការរកដំណោះ ស្រាយជូនពួកគាត់ ខណៈពេលដែលវត្ថុតាង និងភស្តុតាង មានគ្រប់គ្រាន់ ដោយសារតែពួកគាត់ជាអ្នកអភិរក្សា ព្រៃឈើរបស់សហគម តែបែជាលោក សេន ឡាំ មកកាត់ឈើក្នុងសហគមរបស់ពួកគាត់ទៅវិញ មិនតែ ប៉ុណ្ណោះប្រជាសហគម បានសំណូមឲ្យលោក សាយ សំអាល់ រដ្ឋមន្ត្រីក្រសួងបរិស្ថាន មេត្តាជួយរឹតបន្តឹង ការអនុវត្តតួនាទីរបស់មន្ត្រីបរិស្ថានក្រោម ឳវាទផង ដោយសារតែ ដែនជម្រកសត្វព្រៃគូលេនព្រហ្មទេព និងព្រៃឈើសហគមកំពុងតែរលាយអស់ហើយ ដោយមានការសង្ស័យថា មានការឃុបឃិតគ្នា របស់លោក សេន ឡាំ មេការ ក្រុមហ៊ុន និងមន្ត្រីបរិស្ថាន ទើបបានធ្វើឲ្យព្រៃឈើដឹកចេញដោយរលូន។
ដំណឹងចុងក្រោយ ដែលទទួលបាន មានមេព្រៃ និងបរិស្ថា នាំគ្នាទៅយក រថយន្តរេវ ដឹកឈើ ដែលប្រជាសហគមចាប់ទុក តែប្រជាសហគមមិនឲ្យ ក៏នាំគ្នាត្រឡប់មកវិញ តែពេលនេះ ប្រជាសហគមបាននាំគ្នាយករថយន្តដឹកឈើហ៊ុប ដែលក្រុមហ៊ុនលួចអានៅក្នុងព្រៃសហគមពោរៀង មកទុកនៅសាលាស្រុកគូលេន ខេត្តព្រះវិហារ ទទួលបានមុននេះបន្តិច ៨.៥០នាទី ថ្ងៃទី១៤ ធ្នូ ឆ្នាំ ២០១៨ ៕ អានបន្ត
បទល្មើសណរ៉ាវ រាប់ពាន់ម៉ែត្រ កំពុងកើតឡើងយ៉ាងរាលដាល ក្នុងស្រុកកំពង់ស្វាយ
ខេត្តកំពង់ធំ ៖ ប្រភពពីប្រជានេសាទ ជាលក្ខណៈគ្រួសារក្នុងឃុំសានគរ ស្រុក កំពង់ស្វាយ ខេត្តកំពង់ធំបានឲ្យដឹងថា បច្ចុប្បន្ន ជនល្មើសប្រើឧបករណ៍ខុសច្បាប់ ចាប់ត្រីក្នុងបឹងទន្លេសាបនៅតែកើតឡើងយ៉ាងរាលដាលហើយមន្ត្រីរដ្ឋបាលជល ផល មន្ត្រីអាជ្ញាធរ និងសមត្ថកិច្ចពាក់ព័ន្ធនាំគ្នាសម្ងំស្ងៀម មិនចាត់វិធានការបង្ក្រាបបទល្មើសនោះឡើយ។
បទល្មើសខាងលើនេះ ស្ថិតក្នុងដែន សមត្ថកិច្ច និងការទទួលខុសត្រូវរបស់ លោក យ៉ាន់ វិសាក់ ហៅសែ នាយផ្នែក រដ្ឋបាលជលផលផាត់សណ្តាយ ។ យ៉ាង ណាក៏ដោយពួកឈ្មួញដែលរកសីុបទ ល្មើសនេសាទអះអាងថា ពួកគេបានបង់ ប្រាក់ឲ្យក្រុមមន្ត្រីជលផលប្រចាំនៅតំបន់ រួមមានលោក សៅ វណ្ណសេរីវុទ្ធ នាយ សង្កាត់រដ្ឋបាលជលផលកំពង់ស្វាយ ក៏ដូច ជាលោក យ៉ាន់ វិសាក់ ហៅសែ នាយផ្នែក រដ្ឋបាលជលផលផាត់សណ្តាយរួចរាល់ ហើយ ទើបអាចប្រព្រឹត្តល្មើសបាន ។
ឧបករណ៍នេសាទរបាំងណរ៉ាវរាប់ពាន់ម៉ែត្របានដាក់ធ្វើសកម្មភាពពេញត្រៀបត្រាលើផ្ទៃទឹកស្ថិតនៅចំណុចបឹងប្រទះជៀល ភូមិស្តែងខ្ពស់ ឃុំសានគរ ស្រុក កំពង់ស្វាយ ខេត្តកំពង់ធំ ដោយបទល្មើស ទាំងនេះ ពុំត្រូវបានយកចិត្តទុកដាក់ពី សំណាក់ លោកនាយសង្កាត់ឡើយដែលជាហេតុធ្វើឲ្យមហាជនមានការសង្ស័យថា ប្រហែលជាលោកនាយសង្កាត់មកប្រមូលលាភសក្ការៈដោយមិនខ្វល់ពីការទប់ស្កាត់ឬ បង្ក្រាបបទល្មើសនេសានខុសច្បាប់នេះទេ។
ប្រជានេសាទបានបន្ថែមថា មានឈ្មួញ ជាច្រើនដូចជា ឈ្មោះ រ៉ូ ,ហឿន, គន, អាម៉ង់, ប្រធានសហគមន៍នេសាទឈរចាំប្រមូលទិញត្រី និងជាអ្នករត់ការយកលុយពីអ្នក ប្រព្រឹត្តបទល្មើស មកបង់ឲ្យស្ថាប័នសមត្ថកិច្ចពាក់ព័ន្ធក្នុងខេត្តកំពង់ធំ ដូចជា មន្ត្រី ជំនាញរដ្ឋបាលជលផលរួមទាំងអ្នកសារព័ត៌មានក្នុងខេត្តកំពង់ធំ (សុំមិនបញ្ចេញឈ្មោះ ជាអ្នកទទួលបន្ទុកកញ្ចប់ថវិកា)។
ប្រជានេសាទ ដែលរស់នៅទីនោះបាន នាំគ្នារអ៊ូរទាំថា ការនេសាទនេះគឺសុទ្ធតែ ពពួកឈ្មួញដែលមានលុយច្រើនសម្រាប់ការបិទមាត់ បិទច្រមុះលោក សៅ វណ្ណ សេរីវុទ្ធ នាយសង្កាត់រដ្ឋបាលជលផល កំពង់ស្វាយ និងអាជ្ញាធរស្រុក កំពង់ស្វាយ ធ្វើឲ្យមន្ត្រីរដ្ឋបាលជលផលអសកម្មភាព ក្នុងការបង្ក្រាបបទល្មើសនេសាទ ។
លោក សៅ វណ្ណសេរីវុទ្ធ នាយសង្កាត់ រដ្ឋបាលជលផលកំពង់ស្វាយត្រូវបាន មហាជនរិះគន់ថា មិនខ្វល់អ្វីនឹងការចុះ ផ្សាយរបស់អ្នកសារព័ត៌មាននោះទេ ។ បើ មេរករឿងខ្លាំងជូនកញ្ចប់លុយដល់ថ្នាក់ ដឹកនាំទៅដោយប្រើប្រាស់រូបភាពយក លុយពីប្រជានេសាទតាមចំនួនកញ្ចប់ និងធ្វើជាលិខិតផាកពិន័យមួយច្បាប់ជូនមេទៅរួចខ្លួនហើយ ។ ចំណែកប្រជានេសាទដែលត្រូវបានរៃអង្គាសលុយនោះខំប្រឹងនេសាទជំនួសលុយដែលបានបង់ទៅវាចប់ រឿងហើយ ។
លោក សុខ លូ អភិបាលខេត្តកំពង់ធំ និងលោក ប៉ែន វណ្ណរឹទ្ធ នាយខណ្ឌរដ្ឋបាល ជលផលខេត្តកំពង់ធំបានរក្សាភាពស្ងៀមស្ងាត់ទុកឲ្យមន្ត្រីរដ្ឋបាលជលផលក្នុងស្រុកកំពង់ស្វាយ និងស្រុកស្ទោង ឃុបឃិត បើក ដៃឲ្យក្រុមជនល្មើសប្រើឧបករណ៍ខុសច្បាប់ទ្រង់ទ្រាយធំបំផ្លាញធនធានមច្ឆជាតិយ៉ាងកំរោល។ ដូច្នេះសូមលោក អេង ជាសាន អគ្គនាយករដ្ឋបាលជលផលនៃក្រសួង កសិកម្ម ក៏ដូចលោក វេង សាខុន រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ គួរពិនិត្យមើលភាពអសកម្ម និងអំពើពុក រលួយរបស់មន្ត្រីរដ្ឋបាលជលផលក្នុងខេត្តកំពង់ធំ ជាបន្ទាន់ផង ព្រោះបច្ចុប្បន្នបទ ល្មើសនេសាទប្រើឧបករណ៍ខុសច្បាប់ក្នុងបឹងទន្លេសាបនៃខេត្តកំពង់ធំនៅតែបន្តកើតឡើងយ៉ាងពេញបន្ទុកដដែល ។
លោក យ៉ាន់ វិសាក់ ហៅសែ និងលោក សៅ វណ្ណសេរីវុទ្ធ មិនអាចរកការឆ្លើយតប បានទេ កាលពីរសៀលម្សិលមិញ ។ ពួក ឈ្មួញអះអាងថា ប្រសិនបើអ្នកកាសែត សួរនាំមន្ត្រីជលផលនោះ គឺដូចផ្តល់ឱកាស ឲ្យពួកមន្ត្រីជលផលទាំងនោះ គាបសង្កត់ ក្រុមអ្នករកស៊ីល្មើសបន្ថែមទៀត ។ រីឯថ្នាក់ ដឹកនាំខេត្តកំពង់ធំ មិនដែលខ្វល់ចំពោះ បញ្ហាបទល្មើសនេសាទនេះទេ ៕ អានបន្ត
ឯកឧត្តម រដ្ឋមន្ដ្រីក្រសួងកសិកម្មអមដំណើរជាមួយសហការី បាយអញ្ជើញមកពិនិត្យកសិដ្ធានបន្លែសរីរាង្គរបសលោក អេង សុធារ៉ា នៅឃុំចំការលួងស្រុកកំពងសិលា ខេត្តព្រះសីហនុ
(ព្រះសីហនុ)៖ នាព្រឹកថ្ងៃសៅរ៍ ៨កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែធ្នូ ឆ្នាំ២០១៨ ឯកឧត្តមវេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដំណើរជាមួយសហការី បានអញ្ជើញមកពិនិត្យកសិដ្ឋានបន្លែសរីរាង្គរបស់លោកអេង សុុធារ៉ា នៅឃុំចំការលួង ស្រុកកំពង់សិលា ខេត្តព្រះសីហនុ។ បច្ចុប្បន្ន កសិដ្ឋានបាននិងកំពុងដាំបន្លែ និងផ្លែឈើចំរុះច្រើនប្រភេទដោយផលិតក្នុងកសិដ្ឋានផ្ទាល់ និងមួយចំនួនទៀតត្រូវបានសហការផលិតជាមួយកសិករក្នុងតំបន់នេះ តាមរយ:ការធ្វើកសិកម្មតាមកិច្ចសន្យា ដោយធ្វើការជ្រើសរើសកសិករដែលទទួលបានការបណ្តុះបណ្តាលពីអង្គការក្រៅរដ្ឋាភិបាល និងដៃគូអភិវឌ្ឍន៍នានា ឬមកទទួលការបណ្តុះបណ្តាលនៅកសិដ្ឋាននេះផ្ទាល់តែម្តង។
កសិដ្ឋានបានធ្វើការដាំដុះលើផ្ទៃដីជាង ៤០ហត ហើយជាមធ្យមកសិដ្ឋានមានលទ្ធភាពផ្គត់ផ្គង់បន្លែឲ្យទីផ្សារនៅភ្នំពេញប្រមាណ ១-២តោនក្នុង១ថ្ងៃ។
មានប្រសាសន៍ផ្តាំផ្ញើ ក្នុងឱកាសនោះ ឯកឧត្តមរដ្ឋមន្ត្រីបានសម្តែងនូវសេចក្តីសោមនស្សរីករាយយ៉ាងក្រៃលែង និងវាយតម្លៃខ្ពស់ចំពោះម្ចាស់កសិដ្ឋាន បុគ្គលិក កម្មករគ្រប់លំដាប់ថ្នាក់ដែលបានខិតខំដាំដុះបន្លែ ផ្លែឈើសរីរាង្គដើម្បីចូលរួមចំណែកផ្គត់ផ្គង់ឲ្យទីផ្សារក្នុងស្រុក ធានាបានទាំងបរិមាណនិងគុណភាព និងឈានទៅកាត់បន្ថយការនាំចូលជាបណ្តើរៗនាពេលអនាគត។
នេះជាសកម្មភាពមួយយ៉ាងសំខាន់ក្នុងការចូលរួមចំណែកអភិវឌ្ឍន៍វិស័យកសិកម្ម លើកកម្ពស់កម្រិតជីវភាពរបស់ប្រជាពលរដ្ឋនៅមូលដ្ឋានតាមរយ:ការធ្វើកសិកម្មតាមកិច្ចសន្យា ជួយផ្សព្វផ្សាយបច្ចេកទេសកសិកម្មទាន់សម័យ បង្កើតការងារឲ្យប្រជាពលរដ្ឋនៅមូលដ្ឋាន កាត់បន្ថយចំណាក ស្រុក និងផ្តល់ឱកាសដល់និស្សិតដែលបានបញ្ចប់់ការសិក្សាពីមហាវិទ្យាល័យ។
លោកក៏បានអំពាវនាវដល់វិនិយោគិនក្នុងស្រុកគិតគូវិនិយោគដាំបន្លែសរីរាង្គ ឬបន្លែសុវត្ថិភាពដើម្បីផ្គត់ផ្គង់ឲ្យតម្រូវការទីផ្សារក្នុងស្រុក កាត់បន្ថយការនាំចូល ធានាបានគុណភាព និងសុវត្ថិភាពបន្លែ ផ្លែឈើក្នុងស្រុក។
ឯកឧត្តមរដ្ឋមន្ត្រីស្នើឲ្យម្ចាស់កសិដ្ឋាន ក៏ដូចជាក្រុមហ៊ុមផលិតបន្លែនានាសហការជាមួយអគ្គនាយកដ្ឋានកសិកម្មដើម្បីចុះមកវាយតម្លៃលើស្តង់ដារអនុវត្តបច្ចេកទេសឲ្យបានត្រឹមត្រូវ រួចពិនិត្យនិងផ្តល់វិញ្ញាបនប័ត្របញ្ជាក់ពីផលិតផលសរីរាង្គច្បាស់លាស់ចៀសវាងការកេងបន្លំ ឬក្លែងក្លាយ ដើម្បីបង្កើនការជឿទុកចិត្តដល់អ្នកបរិភោគ។
បន្ទាប់ពីបានចុះពិនិត្យកសិដ្ឋានបន្លែសរីរាង្គរួចមក ឯកឧត្តមរដ្ឋមន្ត្រី និងសហការីបានបន្តដំណើរមកពិនិត្យកសិដ្ឋានចិញ្ចឹមគោ និងជ្រូករបស់កសិករកៅ ប៊ុនទី នៅភូមិទឹកប៉ោង ឃុំបឹងទ្រាវ ស្រុកស្រែអំបិល ខេត្តកោះកុង។ បច្ចុប្បន្ន កសិដ្ឋានចិញ្ចឹមគោសាច់ចំនួន ៨០ក្បាល និងបានសហការជាមួយក្រុមហ៊ុមស៊ីភីកម្ពុជាចិញ្ចឹមជ្រូកសាច់ចំនួន ៥៦០ក្បាលទៀត លើផ្ទៃដីជាង ៣០ហត។ ពិនិត្យឃើញការរីកចម្រើនរបស់កសិដ្ឋាន និងសង្ឃឹមថាតាមរយ:ផលិតកម្មសត្វនឹងជួយកែប្រែកម្រិតជីវភាព បង្កើនប្រាក់ចំណូល និងកាត់បន្ថយការនាំចូល ឯកឧត្ដមរដ្ឋមន្ត្រី បានចូលរួមសាទរ គាំទ្រ និងលើកទឹកចិត្តឲ្យកសិកររូបនេះ និងជាពិសេសកសិករទូទាំងប្រទេសដែលប្រកាន់យករបរចិញ្ចឹមសត្វ ឲ្យខិតខំយកចិត្តទុកដាក់បន្ថែមទៀតទាំងការងារបច្ចេកទេស ការបង្កើនគុណភាពចិញ្ចឹមដើម្បីធ្វើការប្រកួតប្រជែងទីផ្សារ។
ឯកឧត្តមរដ្ឋមន្ត្រីបានណែនាំឲ្យមន្ទីរកសិកម្ម រុក្ខាប្រមាញ់ និងនេសាទខេត្តកោះកុង និងអគ្គនាយកដ្ឋានផលិតកម្មសត្វ និងសុខភាពសត្វចុះមកជួយផ្សព្វផ្សាយការងារបច្ចេកទេស បង្កាត់ពូជ និងផ្សព្វផ្សាយច្បាប់ដើម្បីជាប្រយោជន៍ក្នុងការជួយង្កើនប្រសិទ្ធភាពផលិតកម្មចោិញ្ចឹមសត្វ និងការអនុវត្តច្បាប់នានាដែលពាក់ព័ន្ធ។
អានបន្ត
ថ្នាក់ដឹកនាំនិងក្រុមយុវជនគណបក្សជួបគណៈប្រតិភូវិទ្យាស្ថានទំនាក់ទំនងយុវជនអន្តរជាតិចិនក្នុងដំណើរទស្សនៈកិច្ចសិក្សាស្វែងយល់ពីយុវជនគណបក្សប្រជាជនកម្ពុជាខេត្តកំពត
(ខេត្តកំពត)៖ កាលពីរសៀលពីថ្ងៃទី ១៣ខែធ្នូ ឆ្នាំ២០១៨ នៅមន្ទីរគណបក្សប្រជាជនកម្ពុជាខេត្តកំពត ថ្នាក់ដឹកនាំនិងក្រុមយុវជនគណបក្សប្រជាជនកម្ពុជាខេត្ត បានទទួលជួបសំណេះសំណាលជាមួយ គណៈប្រតិភូវិទ្យាស្ថានទំនាក់ទំនងយុវជនអន្តរជាតិក្វាងស៉ីនៃសាធារណៈរដ្ឋប្រជាមានិត្យចិនដឹកនាំដោយលោកនាយកវិទ្យាស្ថាន Mr. Chen Zhijie។
ដោយឡែក ថ្នាក់ដឹកនាំខេត្តកំពតអញ្ជើញមានវត្តមាននាឱកាសនោះ រួមមានលោក ជឹង ផល្លា សមាជិកអចិន្ត្រៃយ៍គណបក្សខេត្តជាអភិបាលរងខេត្ត តំណាង លោក ជាវ តាយ ប្រធានគណៈកម្មាធិការគណបក្សខេត្តនិងអភិបាលខេត្តកំពត លោកដួង សាវ៉ាន់ សមាជិកអចិន្ត្រៃយ៍គណបក្សខេត្តនិងប្រធានមន្ទីរគណបក្សខេត្ត និងលោកភុន សារពេជ្រប្រធានយុវជនគណបក្សខេត្តកំពត។
ក្នុងឱកាសនោះតាមការបញ្ជាក់ប្រាប់ដល់អ្នកសារព័ត៌មាន ក្រោយពីពិធីស្វាគមន៍ការអញ្ជើញមកដល់របស់គណៈប្រតិភូនៃវិទ្យាស្ថានទំនាក់ទំនងយុវជនអន្តរជាតិចិនក្នុងដំណើរធ្វើទស្សនៈកិច្ចសិក្សាស្វែងយល់យុវជនគណបក្សប្រជាជនកម្ពុជាខេត្តកំពត លោកនាយកវិទ្យាស្ថាន Chen Zhijie បានលើកឡើងថាចិន និង កម្ពុជាគឺមានទំនាក់ទំនង សម្ព័ន្ធភាព មិត្តភាពយ៉ាងស្អិតរមួត អាចនិយាយបានថា ជាបង ប្អូនល្អនឹងគ្នា ជាយូរណាស់មកហើយ។ប្រទេសចិនតែងតែមានបំណងជួយកម្ពុជា ទាំងស្មារតី សម្ភារៈ ថវិកានិងធនធានមនុស្សក្នុងដំណើរកិច្ចការអភិវឌ្ឍន៍ប្រទេស។ ជាក់ស្តែងវិទ្យាស្ថានទំនាក់ទំនង់យុវជនអន្តរជាតិចិនរបស់លោក បានផ្តល់ឱកាសឲ្យយុវជនកម្ពុជាមួយចំនួន ក្នុងប្រទេសទៅសិក្សាស្វែងយល់ បំពាក់បំប៉នចំណេះដឹងបានចំនួនប្រមាណជាង ៤០០នាក់។ បើតាមការកត់សម្គាល់នាពេលកន្លងមក លោកយល់ឃើញថា យុវជនកម្ពុជាខិតខំរៀនសូត្រនូវចំណេះដឹង និងគោរពវិន័យបានល្អ ហើយជាលទ្ធផលយុវជនកម្ពុជាអាចនិយាយបានថាទទួលបានចំណាត់ថ្នាក់ខ្ពស់នាំមុខគេ លើការសរសេរនិក្ខេបទមួយទទួលបានការកោតសរសើរ និងការលើកទឹកចិត្តពីថ្នាក់ដឹកនាំនៃប្រទេសទាំងពីរ(ចិន- កម្ពុជា)។
លោកបានបញ្ជាក់ទៀតថា ដោយមើលឃើញពីចំណុចល្អទាំងនេះ ក្រោយពេលលោកដឹកនាំគណៈប្រតិភូវិលត្រឡប់ទៅវិញ លោកនឹងខិតខំធ្វើកិច្ចការងារដាក់សំណើរទៅរដ្ឋាភិបាលចិន ដើម្បីផ្តល់ឱកាសឲ្យយុវជនកម្ពុជាច្រើននាក់ទៀតបានទៅចូលរួមសិក្សា ស្វែងយល់បន្ថែម នៅប្រទេសចិន។
ជាមួយនេះ លោក ភន់ សារពេជ្រ ប្រធានយុវជនគណបក្សប្រជាជនកម្ពុជាខេត្តកំពត បានថ្លែងអំណរអរគុណដល់ លោកនាយកវិទ្យាស្ថាន និងសហការីទាំងអស់ដែលបានផ្តល់ឱកាសឲ្យយុវជនកម្ពុជាទៅសិក្សារៀនសូត្រនៅប្រទេសចិន ។ ដោយឡែកយុវជនគណបក្សខេត្តកំពត ក្រោយបានទៅសិក្សា រៀនសូត្រ ទទួលបានការចាប់អារម្មណ៍ ពីថ្នាក់ដឹកនាំរបស់ចិន ក៏ដូចជាវិទ្យាស្ថានទំនាក់ទំនង់យុវជនអន្តរជាតិចិន និងទទួលបានការកោតសរសើរ លើកទឹកចិត្ត ។ អ្វីដែលពិសេសទៅទៀតនោះ វិទ្យាស្ថានបាននិងកំពុងត្រៀមរៀបចំទទួលយុវជនគណបក្សខេត្ត ឲ្យទៅសិក្សាបន្តទៀត ទាំងកិច្ចការងារសហគ្រិនវ័យក្មេង ឬស្វែងយល់អំពីប្រទេសចិន។
ក្នុងកិច្ចជំនួបនេះដែរលោក ជឹង ផល្លា អភិបាលរងខេត្តកំពត នៅក្នុងឱកាសចូលរួមជាអធិបតី តំណាង លោក ជាវ តាយ អភិបាលខេត្តបានបញ្ជាក់ប្រាប់គណៈប្រតិភូចិនថា រារដ្ឋាភិបាលកម្ពុជាក៏ដូចជាអាជ្ញាធរខេត្តកំពតតែងមានការស្វាគមន៍ពេញចិត្តចំពោះមហាមិត្តចិន ដែលកន្លងមក បានជួយកម្ពុជាដោយគ្មានលក្ខខ័ណ្ឌ និងមិនលូកដៃក្នុងកិច្ចការងារផ្ទៃក្នុងកម្ពុជា។ លោកស្នើរឲ្យចំណងមិត្តភាពដ៏យូរអង្វែងនេះនៅស្ថិតស្ថេរជាអមតៈ ហើយពិសេសយុវជននៃប្រទេសទាំងពីរត្រូវធ្វើយ៉ាងណាឲ្យចំណង មិត្តភាព ភក្តីភាពកាន់តែស្អិតរមួតប្រសើរឡើងថែមទៀត៕ អានបន្ត
ស្លាប់ទាំងប្តីប្រពន្ឋដោយសាររឿងប្រច័ន្ទ
ខេត្តកំពង់ធំ៖ ផ្ទុះកំដៅអង្សាដោយសាររឿង ប្តីប្រច័នប្រពន្ឋ ដាច់ចិត្តយកកាំភ្លើងបាញ់សម្លាប់ប្រពន្ឋ ហើយបាញ់ខ្លួនឯងស្លាប់ជាក្រោយ ខណៈពេលដែលជនរងគ្រោះជាភរិយា ត្រឡប់មកពីញ៉ាំការ ក៏ផ្ទុះរឿងជជែក ប្រកែកគ្នាមួយសន្ទុះ ក៏ផ្ទុះអាវុធចំនួន ៥ គ្រាប់បណ្តាលឲ្យពីនាក់ប្តីប្រពន្ឋស្លាប់យ៉ាងអាណោចអាធ័ម នៅក្នុង ថ្លុកឈាម បង្ករឲ្យមានការភ្ញាក់ផ្អើលដល់អ្នកភូមិ ។
ហេតុការដ៏រន្ធត់នេះ បានកើតឡើងនៅវេលាម៉ោង ៧.៣០នាទី យប់ថ្ងៃទី ១៣ ធ្នូ ឆ្នាំ ២០១៨ ស្ថិតនៅភូមិបាល័ង្ល សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ ដោយជនដៃដល់ជាប្តីឈ្មោះ ហេង សុវណ្ណរា ហៅ ខ្លឹង អាយុ៤៧ឆ្នាំ បានបាញ់សម្លាប់ប្រពន្ឋឈ្មោះ ស៊ុន ពៅ អាយុ ៣៧ឆ្នាំ ចំឆ្អឹងខ្នង បន្ទាប់ពីប្រពន្ឋបានស្លាប់ ក៏បានបាញ់សៀតផ្កាខ្លួនឯង បណ្តាលឲ្យស្លាប់ទាំងពីនាក់ អ្នកទាំងពីជាប្តីប្រពន្ឋនឹងគ្នា មានមុខរបរលក់បាយ និងលាងឡាន ។
ក្រោយពីកើតហេតុ លោកអ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ បានបញ្ជាឲ្យលោក ឧត្តមសេនីយ៍ត្រី ទិត សំណាង ស្នងការរង ទទួលព្រហ្មទណ្ទកំរិតធ្ងន់ នៃស្នងការនគរបាល ខេត្តកំពង់ធំ ដឹកនាំ កម្លាំងជំនាញចុះទៅកន្លែងកើតហេតុ ដោយមានកម្លាំងផ្នែកសឹករងក្រុងស្ទឹងសែន កងរាជអាវុធហត្ថខេត្ត និងបុស្ត៍រដ្ឋបាលបាល័ង្ល រួមទាំងក្រុមគ្រូពេទ្យ ដើម្បីពិនិត្យកោសល្យវិច្ឆ័យ ក្រោយពីពិនិត្យរួចរាល់ បានបញ្ជាក់ថា ជនរងគ្រោះទាំងពីរនាក់ ប្តីប្រពន្ឋពិតជាមានជំលោះរឿងស្នេហា ដោយខាងប្រុសប្រច័នខាងស្រី ទើបឈាន ដល់ការបាញ់សម្លាប់គ្នា ដោយអាវុធខ្លី ម៉ាកវុលរ៉ូវែ ចំនួន៥ គ្រាប់ ដោយអាវុធនេះ ជនដៃដល់បានលួចលាក់ទុក កាលពីសម័យធ្វើជាកងកម្លាំង។
តាមការឲ្យដឹងពី សាច់ញាតិរបស់សាកសព ដែលត្រូវជាបងស្រីបង្កើតបានឲ្យដឹងថា ប្តីប្រពន្ឋនេះ ធ្លាប់ឈ្មោះ គ្នាជាច្រើនលើកច្រើនសារ ដោយមួយរយះកន្លងមកនេះ ប្តីរបស់ ស៊ុន ពៅ ធ្លាប់បានច្របាច់ក ប្រពន្ឋស្ទើរ ស្លាប់ម្តងរួចមកហើយ តែកាលនោះមានបងប្អូនចូលទៅជួយទាន់ ហើយគាត់បានប្រាប់ប្អូនស្រីគាត់ថា ឲ្យតប មាត់តមសំដី ខ្លាចក្រែងមានរឿងធំទៀត លុះមកដល់ពេលនេះមានហេតុការណ៍ស្លាប់ដោយសាររឿងប្រច័ន ទាល់តែបាន ក្រោយពេលសមត្ថកិច្ចពិនិត្យសាកសព រួចក៏បានប្រគល់ជូនសាច់ញាតិទទួលយកធ្វើបុណ្យតាមប្រពៃណី ៕ អានបន្ត
ពានរង្វាន់ និងវិញ្ញាបនប័ត្រ ជ័យលាភីឡាបែលឆ្នេរខ្សាច់កម្សាន្តស្អាតជាងគេ ត្រូវបានប្រគល់ជូនខេត្តកែបនៅព្រឹកនេះ
(ខេត្តកែប)៖ នៅព្រឹកថ្ងៃទី១៣ខែធ្នូ ឆ្នាំ២០១៨នេះ លោក ថោង ខុន រដ្ឋមន្ត្រីក្រសួងទេសចរណ៍ ក្នុងនាមជាគណៈគ្រប់គ្រងនិងអភិវឌ្ឍន៍តំបន់ឆ្នេរសមុទ្រកម្ពុជា បានប្រគល់ពានរង្វាន់ និងវិញ្ញាបនប័ត្រ ជូន លោក កែន សត្ថា អភិបាល នៃគណៈអភិបាលខេត្តកែប ក្នុងខណៈដែលឆ្នេរកែប នៃខេត្តកែប ត្រូវបានបំពេញតាមលក្ខខណ្ឌតម្រូវការទទួលជ័យលាភី ឡាបែលឆ្នេរខ្សាច់កម្សាន្តស្អាតកម្រិតល្អណាស់ ដែលតំបន់ឯទៀតមិនអាចប្រដូចបាននោះ។
កន្លងមកគេបានកត់សម្គាល់ឃើញថា រមណីយដ្ឋានឆ្នេរកែប ត្រូវបានក្រុមអ្នកទេសចររាប់លាននាក់ទទួលស្គាល់ និងស្ងើចសរសើរពីសម្រស់ និងសោភ័ណភាពយ៉ាងស្រស់ត្រកាលគ្មានពីរ ពិសេសឆ្នេរខ្សាច់មានពណ៌សប្បុសរំលេចដោយទេសភាពស្តែងចេញពីធម្មជាតិពិតៗ គ្របដណ្តប់ដោយដើមរុក្ខជាតិគ្រប់ជំពូក មានព្រៃភ្នំពណ៌បៃតង ប្រកបដោយភាពទាក់ទាញ ថែមទាំងមានភាពខៀវស្រងាត់គ្រប់រដូវកាល។
ជាមួយគ្នានេះ នៅតាមដងផ្លូវក៏ដូចជាតាមទីធ្លាសាធារណៈក្នុងតំបន់ខេត្តកែប ត្រូវបានអាជ្ញាធររៀបចំតាក់តែង លម្អ មានសោភ័ណភាពដ៏ស្រស់បំព្រងដែលធ្វើឱ្យក្រុមអ្នកទេសចរគយគន់មិនចេះជិនណាយ។លើសពីនេះ ខេត្តកែបដែលជាខេត្តទេសចរណ៍យ៉ាងតូចច្រឡឹងមួយនេះ ពិតជាបានទទួលនូវជ័យលាភីជាបន្តបន្ទាប់ ដូចជាឆ្នេរស្រស់ស្អាតជាងគេនៅលើពិភពលោក ជ័យលាភីទីក្រុងស្អាត ផ្ការំដួលបីទងផ្ទួនៗគ្នា ជាដើម។ល។
ចំពោះពានរង្វាន់ថ្មីដែលខេត្តកែបទទួលបាននាពេលនេះ ពិតជាជ័យលាភីមួយសក្តិសមនឹងកិតិ្តនាមល្បីខ្ទរខ្ទារបស់ឆ្នេរកែប ដែលមហាជនគ្រប់មជ្ឈដ្ឋានមានការគាំទ្រជាយូរលង់ណាស់មកហើយ។
បច្ចុប្បន្នខេត្តកែប ក្រោមការដឹកនាំយ៉ាងបិុនប្រសប់ពីសំណាក់ លោក កែន សត្ថា អភិបាលខេត្តកែប បន្ថែមលើការជ្រោមជ្រែងពីក្រសួងទេសចរណ៍ផងនោះ បានធ្វើឱ្យខេត្តមួយនេះកាន់តែមានសក្តានុពលកាន់តែខ្លាំងក្លាលើវិស័យទេសចរណ៍ ដែលជាឧស្សាហកម្មគ្មានផ្សែង។
ដូច្នេះដើម្បីជួយជំរុញនិងលើកតម្កើងវិស័យទេសចរណ៍ឱ្យកាន់តែមាននិរន្តរភាពខ្ពស់ គប្បីយើងទាំងអស់គ្នារួបរួមគ្នាអភិវឌ្ឍខេត្តកែបឱ្យកាន់តែមានសោភ័ណភាពស្រស់ត្រកាល ពិសេសការធ្វើអនាម័យ សម្អាតបរិស្ថានឱ្យនបានទៀងទាត់ ដើម្បីសក្តិសមនឹងឈ្មោះខេត្តទេសចរណ៍ស្រស់ប្រណិត ដែលតំបន់ទេសចរណ៍ឯទៀតប្រៀបមិនបាន៕ អានបន្ត
សម្តេច ក្រឡាហោម ស ខេង ចូលរួមប្រកាស លោក ទៀ សីហា អភិបាលខេត្តសៀមរាបជាផ្លូវការ
ខេត្តសៀមរាប ៖ នៅព្រឹកថ្ងៃទី១៣ ខែធ្នូ ឆ្នាំ២០១៨ ពិធីប្រកាសចូលកាន់តំណែង លោក ទៀ សីហា ជា អភិបាល ខេត្តសៀមរាប ជាផ្លូវការ ក្រោមអធិបតីភាព សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
គួររំលឹកថា លោក ទៀ សីហា ឋានន្តរសកិ្ត ឧត្តមមន្ត្រីថ្នាក់លេខ៣ អភិបាលរងខេត្តត្រូវបានព្រះមហាក្សត្រត្រាសបង្គាប់ជាអភិបាលខេត្តជំនួស លោក ឃឹម ប៊ុនសុង ក្នុងកិច្ចបើកកម្មវិធីលោក ឃឹម ប៊ុនសុង អតីត អភិបាលខេត្តសៀមរាប បានធ្វើកិច្ចស្វាគមន៍ និង អានរបាយការណ៍ មួយចំនួន ស្តីពីសមិទ្ធផលដែលបានកសាងកន្លងមក ក្នុង ខេត្តសៀមរាប បន្ទាប់មកលោក អ៊ូង ចន្ធី ប្រធាននាយកដ្ឋានបុគ្គលិក នៃអគ្គនាយកដ្ឋានរដ្ឋបាល នៃក្រសួងមហាផ្ទៃ បានអាននូវព្រះរាជក្រឹត្យ ស្តីពីការតែងតាំង លោក ទៀ សីហា ឋានន្តរសកិ្ត ឧត្តមមន្ត្រីថ្នាក់លេខ៣ ឲ្យកាន់មុខតំណែងជាអភិបាលខេត្តសៀមរាប ដើម្បីដឹកនាំការអភិវឌ្ឍន៍ផ្សេងៗគ្រប់វិស័យ ជូនប្រជាពរដ្ឋ នៅក្នុង ខេត្តសៀមរាប ទាំងមូល ។ សម្តេចក្រឡាហោម ស ខេង បានប្រគល់ព្រះរាជក្រឹត្យ និងត្រារដ្ឋបាលខេត្ត សម្តេចក្រឡា ហោម ស ខេង បានធ្វើការបញ្ជាក់ផងដែរថា តាមច្បាប់ក្រឹត្យក្រមរបស់ មន្ត្រីរាជការគ្រប់រូប ជាគណៈអភិបាលខេត្ត ស្រុក ដែលបាន បម្រើការងារគ្រប់ អាណត្តិរបស់ខ្លួន ឬ ក៏បានគ្រប់អាយុ បំពេញការងារ គឺត្រូវចូលនិវត្តន៍ មិនថាថ្នាក់ដឹកនាំ មន្ត្រី បុគ្គលិកឡើយ ។
ការប្រកាសចូលកាន់តំណែងជាអភិបាលខេត្តនេះ ក៏មានការជឿជាក់យ៉ាងច្បាស់ពីរាជរដ្ឋាភិបាល ក្រសួងមហាផ្ទៃ ចំពោះមន្ត្រី ថ្នាក់ដឹកនាំនៅរដ្ឋបាលថ្នាក់ក្រោមជាតិ ដែលជាការលើកទឹកចិត្តដល់ មន្ត្រី ឲ្យបន្តខិតខំបំពេញភារកិច្ច ក្នុងការបម្រើជាតិមាតុភូមិ ។
សម្តេច ក្រឡា ហោម បានលើកនូវចំណុចសំខាន់ៗ ដែលជាមូលដ្ឋានគ្រឹះសម្រាប់ថ្នាក់ជាតិ ថ្នាក់ក្រោមជាតិយកទៅអនុវត្តឲ្យប្រកបដោយប្រសិទ្ធភាព ក្នុងនោះ បានផ្តោតសំខាន់លើការបង្កើតច្រកចេញចូលតែមួយ ក្នុងបម្រើសេវាសាធារណៈឲ្យកាន់តែនៅជិតប្រជាពលរដ្ឋ ក្នុង ការទំនាក់ទំនង និង ស្វែងរកនូវឯកសារផ្សេងៗ តាមរយៈប្រព័ន្ធកុំព្យូទ័រ ព្រមទាំងការងារផ្ទេរមុខងារ និង ធនធានផង ដែរ និងអំពីការពង្រឹងនូវសមត្ថភាព និង គុណភាពនៃចំណេះដឹងដល់មន្ត្រីរាជការ ដោយធ្វើការបណ្តុះបណ្តាលផ្ទាល់នៅថ្នាក់មូលដ្ឋាន ក្នុងការងាយស្រួលដល់មន្ត្រីបំពេញការងាររដ្ឋបាលនៅមូលដ្ឋាន ។ និងបានលើកឡើងអំពីច្បាប់មួយចំនួន ដែលក្រសួងបានរៀបចំ ដែលជាវិធានការបង្ក្រាប និង ឆ្លើយតបទៅនឹងបញ្ហាមួយចំនួន សំខាន់ទាក់ទងធនធានធម្មជាតិ ក្នុងគោលដៅដើម្បីធ្វើការអភិរក្សធនធានធម្មជាតិទាំងនោះ ។ ហើយនិងបានផ្តាំផ្ញើដល់អភិបាលខេត្តថ្មី ដែលទើបចូលកាន់តំណែង ធ្វើយ៉ាងណាត្រូវខិតខំប្រឹងប្រែងធ្វើការអភិវឌ្ឍន៍ខេត្ត ឲ្យមានការរីកចម្រើនបន្ថែមទៀត គឺយកចិត្តទុកដាក់ដល់សុខទុក្ខប្រជាពលរដ្ឋ និងរកដំណោះស្រាយ ផ្សេងៗជូនពួកគាត់ អោយបានលឿន ជាចំបង ហើយក៏ត្រូវចេះសាមគ្គីភាពផ្ទៃក្នុងគណៈអភិបាលលើការដឹកនាំ គ្រប់គ្រងបណ្តាមន្ទីរ ស្ថាប័ន និង អង្គភាពក្នុងខេត្តឲ្យបានល្អ និង បង្កើនការពង្រឹងនូវរបៀបរបបការងាររដ្ឋបាល នៅក្នុងស្ថាប័ន ព្រមទាំងមានការទំនាក់ទំនងឲ្យបានល្អជាមួយមន្ទីរ ស្ថាប័ន អង្គភាព លើការងារសន្តិសុខ សណ្តាប់ធ្នាប់ សុវត្ថិភាពដល់ភ្ញៀវទេសចរណ៍ និង ប្រជាជន ដោយខេត្តសៀមរាប ជាតំបន់គោលដៅនៃភ្ញៀវទេសចរណ៍លើពិភពលោក ចូលមកទស្សនាកម្សាន្ត ៕
អានបន្ត