ព័ត៌មានចាស់ៗ
នៅទីស្ដីការក្រសួងកសិកម្មបានរៀបចំពិធីបិទវគ្គបណ្ដុះបណ្ដាលស្ដីពីការគ្រប់គ្រងទ្រព្យសម្បត្តិរដ្ធ ក្រោមអធិបតីភាព ឯកឧត្តមរដ្ធមន្ដ្រី វេង សាខុន
(ភ្នំពេញ)៖ ព្រឹកថ្ងៃព្រហស្បតិ៍ ៧រោច ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែវិច្ឆិកា ឆ្នាំ២០១៨ នៅទីស្តីការក្រសួងកសិកម្ម រុក្ខាប្រមាញ់ និងនេសាទបានរៀបចំពិធីបិទវគ្គបណ្តុះបណ្តាលស្តីពីការគ្រប់គ្រងទ្រព្យសម្បត្តិរដ្ឋ ក្រោមអធិបតីភាពឯកឧត្តមរដ្ឋមន្ត្រី វេង សាខុន អមដោយឯកឧត្ដម លោកជំទាវ ថ្នាក់ដឹកនាំ លោក លោកស្រី នាងកញ្ញា សមាជិក សមាជិកា ដែលជាមន្ត្រិរាជការក្រោមឱវាទ ព្រមជាមួយសិក្ខាកាម។ វគ្គបណ្តុះបណ្តាលនេះមានរយៈពេល ០៣ថ្ងៃ ដែលត្រូវបានសហការរៀបចំឡើងដោយអគ្គាធិការនៃអគ្គាធិការដ្ឋានក្រសួងកសិកម្ម រុក្ខាប្រមាញ់ និងនេសាទ អគ្គាធិការនៃអគ្គាធិការដ្ឋាននៃក្រសួងសេដ្ឋកិច្ច និងហិរញ្ញវត្ថុ រួមជាមួយនាយកដ្ឋានពាក់ព័ន្ធ ក្នុងគោលបំណង៖
១- ផ្តល់ឱកាសឲ្យមន្ត្រីជំនាញស្វែងយល់ ដកស្រង់យកបទពិសោធន៍ពីគ្នាទៅវិញទៅមក វិភាគអំពីចំណុចខ្លាំងចំណុចខ្សោយ បញ្ហាប្រឈមនៅក្នុងការអនុវត្តកម្មវិធីកែទម្រង់ប្រព័ន្ធត្រួតពិនិត្យ និងប្រព័ន្ធគ្រប់គ្រងទ្រព្យសម្បត្តិរដ្ឋ សម្រាប់ជាធាតុចូលក្នុងការពង្រឹងការងារអនុវត្ត និងកែលម្អនីតិវិធីធ្វើអធិការកិច្ចឲ្យបានល្អប្រសើរសម្រាប់វិស័យកសិកម្ម។
២- ចូលរួមចំណែកអនុវត្តគោលនយោបាយ ផែនការយុទ្ធសាស្ត្រនៃការកសាងធនធានមនុស្សប្រកបដោយប្រសិទ្ធភាពរបស់រាជរដ្ឋាភិបាល ក្នុងការពង្រឹងអភិបាលកិច្ចល្អ និងប្រយុទ្ធប្រឆាំងនឹងអំពើពុករលួយ ភាពអសកម្ម និងគោរពនីតិរដ្ឋក្នុងក្របខ័ណ្ឌកំណែទម្រង់ស៊ីជម្រៅរបស់រាជរដ្ឋាភិបាល។
ឯកឧត្តមរដ្ឋមន្ត្រីបានបញ្ជាក់ជូនអង្គពិធីជ្រាបថាប្រធានបទស្តីពីការគ្រប់គ្រងទ្រព្យសម្បត្តិរដ្ឋ គឺមានសារៈសំខាន់ក្នុងន័យឲ្យអង្គភាពនីមួយៗត្រូវចេះទទួលខុសត្រូវលើការបាត់បង់ទ្រព្យសម្បត្តិរដ្ឋ និងត្រូវចូលរួមយកចិត្តទុកដាក់មើលថែរក្សាទ្រព្យសម្បត្តិរដ្ឋឲ្យបានគង់វង្សល្អ។ ដូច្នេះ អង្គភាពត្រូវអនុវត្តគោលការណ៍ យន្តការ ឬនីតិវិធីដើម្បីធ្វើការគ្រប់គ្រង ប្រើប្រាស់ និងថែរក្សាឲ្យបានល្អ ហើយនេះជាភារកិច្ចដ៏ចាំបាច់ដែលប្រធានអង្គភាពនីមួយៗត្រូវចងចាំ ដោយអនុលោមតាមស្មារតីនៃអនុក្រឹត្យលេខ១២៩ អនក្រ.បក ចុះថ្ងៃទី២៧ ខែវិច្ឆិកា ឆ្នាំ២០០៦ ស្តីពីវិធាននិងនីតិវិធីនៃការធ្វើអនុបយោគទ្រព្យសម្បត្តិសាធារណៈរបស់រដ្ឋ និងរបស់នីតិបុគ្គលសាធារណៈ ដែលក្នុងនោះមានជាអាទិ៍៖
១- ការរៀបចំបញ្ជីសារពើភ័ណ្ឌទ្រព្យសម្បត្តិរបស់រដ្ឋ
២-ការជួលទ្រព្យសម្បត្តិរបស់រដ្ឋ
៣- ការលក់ទ្រព្យសម្បត្តិរបស់រដ្ឋ និង៤- ការដូរទ្រព្យសម្បត្តិឯកជនរបស់រដ្ឋ។ ក្រៅពីនេះ ក៏ត្រូវយកចិត្តទុកដាក់អនុវត្តនូវរាល់ខ្លឹមសារសំខាន់ៗ ដែលមាននៅក្នុងអនុក្រឹត្យលេខ៦៦អនក្រ.បក ចុះថ្ងៃទី២៧ ខែមេសា ឆ្នាំ២០១៧ ស្តីពីវិធាន និងនីតិវិធីនៃការគ្រប់គ្រងបញ្ជីសារពើភ័ណ្ឌទ្រព្យសម្បត្តិរដ្ឋ - សារាចរណែនាំលេខ០០១ សហវ.ទរ ចុះថ្ងៃទី២០ ខែមករា ឆ្នាំ២០០៥ ស្តីពីការកែសម្រួលធ្វើបញ្ជីសារពើភ័ណ្ឌទ្រព្យសម្បត្តិរដ្ឋ - សារាចររបស់រាជរដ្ឋាភិបាលលេខ០៧ សរ ចុះថ្ងៃទី៣០ ខែមិថុនា ឆ្នាំ២០១៤ ស្តីពីការរៀបចំបញ្ជីសារពើភ័ណ្ឌទ្រព្យសម្បត្តិរដ្ឋ។
ឆ្លៀយយកឱកាសដ៏មានតម្លៃនេះ ឯកឧត្តមរដ្ឋមន្ត្រីបានធ្វើការណែនាំដល់ឯកឧត្តម លោក លោកស្រីប្រធានគ្រប់អង្គភាពឲ្យយកចិត្តទុកដាក់ក្នុងភាពទទួលខុសត្រូវខ្ពស់អនុវត្តនូវចំណុចគន្លឹះមួយចំនួនដូចខាងក្រោម៖
ទី១- ត្រូវណែនាំ និងជំរុញការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋតាមនីតិវិធី លិខិតបទដ្ឋានគតិយុត្តពាក់ព័ន្ធក្នុងស្មារតីទទួលខុសត្រូវ។ ត្រូវត្រួតពិនិត្យ និងវាយតម្លៃពីភាពត្រឹមត្រូវនៃការរៀបចំ និងកត់ត្រាបញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ ព្រមទាំងជម្រះចេញពីបញ្ជីសារពើភណ្ឌទ្រព្យសម្បត្តិរដ្ឋនូវទ្រព្យសម្បត្តិចាស់ទ្រុឌទ្រោមប្រើប្រាស់លែងកើត ដោយអនុលោមតាមបទប្បញ្ញត្តិគតិយុត្តជាធរមាន ហើយត្រូវជំរុញការធ្វើវិញ្ញាបនបត្រសម្គាស់ម្ចាស់អចលនវត្ថុឬ ប័ណ្ណសម្គាស់សិទ្ធិកាន់កាប់អចលនវត្ថុរបស់រដ្ឋ ដែលស្ថិតក្រោមការគ្រប់គ្រងរបស់អង្គភាពនីមួយៗ។
ទី២- ត្រូវធ្វើសវនកម្មលើការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋឲ្យមានប្រសិទ្ធភាព តម្លាភាព និងគណនេយ្យភាព។
ទី៣- រៀបចំសៀវភៅបញ្ជីសារពើភណ្ឌឆ្នាំគោល កត់ត្រាលម្អិតនូវទ្រព្យសម្បត្តិរដ្ឋទាំងអស់ជាចលនទ្រព្យ និងអចលនទ្រព្យស្ថិតក្រោមការគ្រប់គ្រងរបស់អង្គភាព ដែលត្រូវធ្វើឡើងក្នុងរយៈពេល៥ឆ្នាំម្តង ហៅថា ឆ្នាំគោល។
ទី៤- អង្គភាពត្រូវបំពេញបែបបទចុះបញ្ជីអចលនទ្រព្យ និងស្នើសុំវិញ្ញាបនបត្រសម្គាល់ម្ចាស់អចលនវត្ថុ ឬប័ណ្ណសម្គាល់សិទ្ធិកាន់កាប់អចលនវត្ថុ និងអចលនទ្រព្យទាំងអស់មកក្រសួងដើម្បីស្នើទៅក្រសួង រៀបចំដែនដី នគរូបនីយកម្ម និងសំណង់ ហើយត្រូវរៀបចំធ្វើតារាងបច្ចុប្បន្នភាពបញ្ជីជួលទ្រព្យសម្បត្តិរដ្ឋ សម្បទានដីសេដ្ឋកិច្ច សម្បទានដីសង្គមកិច្ច និងសម្បទានទ្រព្យសម្បត្តិរដ្ឋដទៃទៀត។
ទី៥- រាល់ពេលគម្រោងនីមួយៗត្រូវបានបញ្ចប់ ស្នើឯកឧត្តម លោក លោកស្រីប្រធានគ្រប់អង្គភាពគ្រប់គ្រងគម្រោងទាំងអស់ សហការជាមួយអង្គភាពរដ្ឋ រៀបចំបែបបទប្រគល់-ទទួលទ្រព្យសម្បត្តិទាំងនោះ ហើយកត់ត្រាចូលក្នុងបញ្ជីសារពើភ័ណ្ឌទ្រព្យសម្បត្តិរដ្ឋ និងផ្តល់ឯកសារពាក់ព័ន្ធទាំងអស់ជូនមកគណៈកម្មការសារពើភ័ណ្ឌក្រសួងដើម្បីតាមដាន វាយតម្លៃ និងគ្រប់គ្រងបន្ត។
ទី៦- បន្តអនុវត្តសេចក្តីជូនដំណឹងលេខ៩៣៣៩ កសក ចុះថ្ងៃទី២៦ ខែតុលា ឆ្នាំ២០១៧ ស្តីពីការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា ឲ្យកាន់តែមានប្រសិទ្ធភាពបន្ថែមទៀត។
ទី៧-នាយកដ្ឋានគណនេយ្យ ហិរញ្ញវត្ថុ ត្រូវធ្វើការតាមដាននូវការធ្វើបញ្ជីសារពើភ័ណ្ឌ និងតារាងប្រៀបធៀបទ្រព្យសម្បត្តិរដ្ឋកើនឡើង ថយចុះ ជាប្រចាំឆ្នាំឲ្យកាន់តែមានប្រសិទ្ធភាព។
ប្រធានអង្គភាព និងមន្ទីររាជធានី ខេត្តទាំងអស់ត្រូវជំរុញដល់មន្ត្រីបង្គោលប្រព័ន្ធព័ត៌មានវិទ្យាឲ្យបញ្ចូលទិន្នន័យត្រឹមត្រូវ និងទាន់ពេលវេលា យកចិត្តទុកដាក់ និងទទួលខុសត្រូវខ្ពស់លើការគ្រប់គ្រងទ្រព្យសម្បត្តិរបស់រដ្ឋ។ អានបន្ត
អភិបាល ស្រុកប្រាសាទ បាគង លោក សូរ ប្លាតុង ចុះពិនិត្យផ្លូវនឹងបើកការដ្ឋានជួសជុលផ្លូវលំ២ខ្សែ !
ខេត្តសៀមរាប ៖ នៅថ្ងៃទី២៦ ខែវិច្ឆកា ឆ្នាំ២០១៨ នេះលោក សូរ ប្លាតុង អភិបាលនៃគណៈអភិបាលស្រុកប្រាសាទបាគង អមដំណើរដោយលោកអភិបាលរងស្រុក និងអាជ្ញាធរមូលដ្ឋាន បានចុះពិនិត្យការដ្ឋានជួសជុលផ្លូវចាក់ក្រាលគ្រួសក្រហមលើផ្លូវចំនួន២ខ្សែ ដើម្បីសម្រួលដល់ការធ្វើដំណើរជូនបងប្អូនប្រជាពលរដ្ឋ ក្នុងមូលដ្ឋាន។
ខ្សែរទី១ដែលមានប្រវែង៣៦៥០ម៉ែត្រ នឹងទទឹង៤ម៉ែត្រ ស្ថិតក្នុងឃុំមានជ័យ ភ្ជាប់ទៅឃុំត្រពាំងធំ ដែលជាថវិការមូលនិធិស្រុក សម្រាប់ឆ្នាំ២០១៨នេះ។
ខ្សែទី២ មានប្រវែង៣១៩០ម៉ែត្រ និង ទទឹង៤ម៉ែត្រ ស្ថិតក្នុងឃុំកន្ទ្រាំង ភ្ជាប់ទៅ ឃុំបល្ល័ង្គ ថវិការសាងសង់ជាមូលនិធិខេត្ត ក្នុងឆ្នាំ២០១៨នេះ។
ផ្លូវទាំងពីរខ្សែរ សុទ្ធតែជាផ្លូវ ដែលមានសារៈសំខាន់ ៗ បំរើដល់ការធ្វើដំណើរនិងការដឹកជញ្ជូន កសិផលរបស់បងប្អូនប្រជាពលរដ្ឋយើង នៅក្នុងស្រុកប្រាសាទបាគង ជាពិសេសគឺការតភ្ជាប់ពីឃុំមួយទៅឃុំមួយទៀតដើម្បីងាយសម្រួលរាល់ការធ្វើដំណើរ ប្រកបអាជីវកម្មផ្សេងៗរបស់បងប្អូនប្រជាពលរដ្ឋផងដែរ ៕ អានបន្ត
សមត្ថកិច្ចបង្ក្រាបទីតាំងចាប់ជំរិតតាមប្រព័ន្ធអ៊ីនធឺណិតចំនួន០៤ទីតាំង
ខេត្តតាកែវ៖ គេហទំព័រអគ្គស្នងការនគរបាលជាតិនៅព្រឹកថ្ងៃចន្ទ ៤រោច ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៨ វេលាម៉ោង០៩ និង៣០នាទីចុះផ្សាយថាកម្លាំងជំនាញស្នងការដ្ឋាននគរបាលខេត្តតាកែវ ចំនួន១០៥នាក់ ដឹកនាំដោយ លោក ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ សហការជាមួយកម្លាំងនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នៃអគ្គស្នងការដ្ឋាននគរបាលជាតិ ដឹកនាំដោយ ឯកឧត្តម ឧត្តមសេនីយ៍ឯក អ៊ី សុខឃី ប្រធាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន និងកិច្ចសហការពីសមត្ថកិច្ចនគរបាលចិន ដោយមានការសម្របសម្រួលពីលោកព្រះរាជអាជ្ញារងអមសាលាដំបូងខេត្តតាកែវ។បានបង្ក្រាបទីតាំងចាប់ជំរិតតាមប្រព័ន្ធអ៊ីនធឺណិត ចំនួន០៤ទីតាំងផ្សេងគ្នា ក្នុងនោះ៖
ទីតាំងទី១ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ឃាត់ខ្លួនជនជាតិចិន ចំនួន៦៣នាក់ ស្រី០៧នាក់។
ទីតាំងទី២ ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិន ចំនួន១២នាក់(ប្រុស)។
ទីតាំងទី៣ ស្ថិតនៅភូមិតាំងដូង ឃុំតាំងដូង ស្រុកបាទី ឃាត់ខ្លួនជនជាតិចិន ចំនួន៧០នាក់ ស្រី២៤នាក់។
ទីតាំងទី៤ ស្ថិតនៅភូមិព្រៃក្រាយ ឃុំតាំងដូង ស្រុកបាទី ឃាត់ខ្លួនជនជាតិចិន ចំនួន៩០នាក់ ស្រី០៥នាក់។សរុបទាំង០៤ទីតាំង ចំនួន២៣៥នាក់ ស្រី៣៦នាក់។
បច្ចុប្បន្នជនជាតិចិនទាំងអស់នោះព្រមទាំងវត្ថុតាងពាក់ព័ន្ធបានប្រគល់ជូនកម្លាំងនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នៃអគ្គស្នងការដ្ឋាននគរបាលជាតិ យកទៅក្រសួងមហាផ្ទៃ៕ អានបន្ត
រដ្ឋមន្ត្រីក្រសួងកសិកម្មបានអញ្ចើញចូលរួមជាអធិបតីក្នុងពិធីបើកកិច្ចប្រជុំប្រចាំឆ្នាំរបស់សមាគមអតីតកម្មសិក្សាការី កម្ពុជា-កូរ៉េ
នៅសណ្ឋាគារភ្នំពេញ វេលាម៉ោង ១៨:០០ល្ងាច ថ្ងៃអង្គារ ៥រោច ខែកក្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែវិច្ឆិកា ឆ្នាំ២០១៨ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានអញ្ចើញចូលរួមជាអធិបតីក្នុងពិធីបើកកិច្ចប្រជុំប្រចាំឆ្នាំរបស់សមាគមអតីតកម្មសិក្សាការី កម្ពុជា-កូរ៉េ។ ក្នុងពិធីដ៏មានអត្ថន័យនាថ្ងៃនេះ ក៏មានវត្តមានរបស់ឯកឧត្តម Oh Nak Young ឯកអគ្គរដ្ឋទូតនៃសាធារណរដ្ឋកូរ៉េប្រចាំព្រះរាជជាណាចក្រកម្ពុជា លោក Joeng Yun Gil នាយកអង្គការ KOICA ប្រចាំព្រះរាជាណាចក្រកម្ពុជា ឯកឧត្តម លោកជំទាវ លោក លោកស្រី ភ្ញៀវជាតិ អន្តរជាតិ និងអតីតនិស្សិតយ៉ាងច្រើនកុះករផងដែរ។
ក្នុងនាមឲ្យក្រសួងកសិកម្ម រុក្ខាប្រមាញ់ និងនេសាទ និងខ្លួនលោកផ្ទាល់ ឯកឧត្តមបានថ្លែងអំណរគុណ និងកោតសរសើរចំពោះស្ថានទូតនៃសាធារណរដ្ឋកូរ៉េប្រចាំព្រះរាជាណាចក្រកម្ពុជា អង្គការ KOICA និងសមាគមអតីតកម្មសិក្សាការី កម្ពុជា-កូរ៉េ ដែលបានសហការគ្នាយ៉ាងល្អប្រសើរក្នុងការរៀបចំពិធីដ៏មានសារៈសំខាន់នាថ្ងៃនេះ ដែលសកម្មភាពនេះបានឆ្លើយតបទៅនឹងយុទ្ធសាស្ត្រចតុកោណដំណាក់កាលទី៤ ដែលបានតម្កល់ មនុស្ស ជាអាទិភាពទី១ នៅលើគេ។
ឯកឧត្តមរដ្ឋមន្ត្រីក៏បានគូសបញ្ជាក់ផងដែរថា ដើម្បីចូលរួមចំណែកក្នុងការលើកស្ទួយសេដ្ឋកិច្ចជាតិ និងសង្គមក្នុងសម័យបដិវត្តន៍ ឧស្សាហកម្មទី៤ ក្រសួងកសិកម្ម រុក្ខាប្រមាញ់ និងនេសាទបានផ្តោតជាសំខាន់ក្នុងការជម្រុញការធ្វើទំនើបកម្មកសិកម្ម តាមរយៈការធ្វើយន្តុពាណិជ្ជកម្មកសិកម្ម ឌីជីថលរូបនីយកម្មកសិកម្មដែលបាន និងកំពុងក្លាយជាទទ្ប្លីករណ៍កំណើនថ្មីមួយយ៉ាងមានប្រសិទ្ធភាពក្នុងការបង្កើនផលិតភាព និងប្រសិទ្ធភាពការងារ និងបានអនុញ្ញាតឲ្យប្រជាកសិករនិងវិស័យឯកជនមានលទ្ធភាពផ្សាភ្ជាប់ទៅនឹងសង្វាក់ផលិតកម្ម និងទីផ្សារក្នុងតំបន់ និងពិភពលោក។លើសពីនេះទៀត ក្រសួងកសិកម្ម រុក្ខាប្រមាញ់ និងនេសាទតាមរយៈសាកលវិទ្យាល័យភូមិន្ទកសិកម្ម សាលាកសិកម្មព្រែកលាប និងកំពង់ចាម រួយជាមួយការជួយគាំទ្រពីបណ្តាប្រទេសជាមិត្តដូចជាសាធារណរដ្ឋកូរ៉េនិងដៃគូអភិវឌ្ឍន៍ជាច្រើនបាននិងកំពុងចូលរួមយ៉ាងសកម្មក្នុងអភិវឌ្ឍន៍ធនធានមនុស្សនៅក្នុងវិស័យកសិកម្មនៅកម្ពុជា ដោយជាមធ្យមនិស្សិតប្រមាណជា ១ ២០០នាក់ត្រូវបានបញ្ចប់ការសិក្សាជារៀងរាល់ឆ្នាំ។ អ្វីដែលគួរជាទីមោទនៈនោះគឺ ក្នុងនោះនិស្សិតជាង ៩៥% ដែលបានបញ្ចប់ការសិក្សាកំពុងចូលបម្រើការងារក្នុងគ្រប់វិស័យ ។
ឯកឧត្តមរដ្ឋមន្ត្រីសង្ឃឹមថានឹងមាននិស្សិតជាច្រើនពិនិត្យ ពិចារណា និងមានចំណាប់អារម្មណ៍បន្តការសិក្សាជំនាញដែលពាក់ព័ន្ធនឹងវិស័យកសិកម្ម ដើម្បីអភិវឌ្ឍន៍វិស័យកសិកម្មនៅកម្ពុជាឲ្យកាន់តែមានភាពរីកចម្រើនមួយកម្រិតទៀត៕ អានបន្ត
ឯកឧត្តម វេង សាខុន រដ្ធមន្ដ្រីកសិកម្ម នឹងសហការីបានបន្តដំណើរទៅពិនិត្យខ្សែរចង្វាក់ផលិតកម្មស្រូវផលិតកម្មផលិតចំណីមាន់នឹងការចិញ្ចឹមមាន់ស៊ុតដែលជាវិស័យមួយក្នុងចំណោមវិស័យ៣ សំខាន់
នៅរសៀលថ្ងៃដដែល បន្ទាប់ពីបានអញ្ជើញពិនិត្យសួនឧស្សាហកម្ម Jaingsu Lianfa Textile រួចមក ឯកឧត្តមរដ្ឋមន្ត្រី និងសហការីបានបន្តដំណើរទៅពិនិត្យខ្សែចង្វាក់ផលិតកម្មស្រូវ ផលិតកម្មផលិតចំណីមាន់ និងការចិញ្ចឹមមាន់យកស៊ុត ដែលជាវិស័យមួយក្នុងចំណោមវិស័យ ៣សំខាន់ គឺឧស្សាហកម្ម កសិកម្ម និងពាណិជ្ជកម្ម របស់ក្រុមហ៊ុនដែលបាននិងកំពុងដំណើរការវិនិយោគ និងអភិវឌ្ឍទទួលបានជោគជ័យយ៉ាងល្អប្រសើរ ហើយដែលក្រុមហ៊ុនមានបំណងនាំយកនិងផ្ទេរបច្ចេកវិទ្យាទាំងអស់នេះទៅដល់ដៃប្រជាកសិករកម្ពុជាតាមរយ:ការវិនិយោគលើខ្សែចង្វាក់ផលិតកម្មស្រូវ និងមាន់ដោយចាប់ផ្តើមពីការដាំដុះ រហូលដល់ផលិតផលសម្រេច ពីA ដល់Z។
លោកនាយកក្រុមហ៊ុនបានជម្រាបជូនថា រោងចក្រផលិតកម្មស្រូវរបស់គាត់សាងសង់លើផ្ទៃដីជាង ១០ហត ហើយ ស្ថិតនៅជិតដងទន្លេ ។ ទន្ទឹមនឹងនេះ ក្នុងគោលបំណងជួយរួមចំណែកដល់ការដឹកជញ្ជូនផលស្រូវសើមរបស់សហគមន៍កសិកម្ម ក្រោយការប្រមូលផលមកកាន់ឃ្លាំងសម្ងួតបានទាន់ពេលវេលា និងក្នុងតម្លៃថោក រដ្ឋាភិបាលចិនបានជួយជីកព្រែកសប្បនិមិត្តមួយពីដៃទន្លេតភ្ជាប់នឹងរោងចក្រ ។ លើសពីនេះទៅទៀត ដោយមានការឧបត្ថម្ភទុនពីរដ្ឋាភិបាល ជារៀងរាល់ឆ្នាំប្រមាណ មួយលានប្រាំសែនដុល្លារ ក្នុងការជួយធានាតម្លៃកសិផល និងពង្រីកមធ្យោបាយផលិតកម្ម រោងម៉ាស៊ីនស្រូវនេះគឺមានលទ្ធភាពកិនស្រូវបានប្រមាណជា ១៦០០តោនក្នុង ១ថ្ងៃ ស្តុកស្រូវបាន ៣៩ម៉ឺនតោន និងអាចផ្គត់ផ្គង់ទីផ្សារក្នុងស្រុកបានជាង ២០ម៉ឺនតោនក្នុង១ឆ្នាំផងដែរ។ បច្ចុប្បន្នក្រុមហ៊ុនមានលទ្ធភាពធ្វើកិច្ចសន្យាជាមួយសហគមន៍កសិកម្មមួយឆ្នាំៗលើផ្ទៃដីដាំដំណាំស្រូវប្រមាណជា ២ម៉ឺនហត ។
ដោយឡែក សម្រាប់កសិដ្ឋានចិញ្ចឹមមាន់សាច់ រោងចក្រកែច្នៃស៊ុតមាន់ និងចំណីមាន់ដែលបំពាក់ដោយឧបករណ៍ និងបច្ចេកទេសស្វ័យប្រវត្តិក្នុងការផលិត និងកែច្នៃនេះ ឯកឧត្តមរដ្ឋមន្ត្រីបានធ្វើការវាយតម្លៃខ្ពស់ចំពោះខ្សែចង្វាក់ផលិតកម្មដែលបានប្រើប្រាស់បច្ចេកទេសទំនើបធានាបាននូវស្តង់ដារ គុណភាព និងសុវត្ថិភាពតាមតម្រូវចិត្តនិងតម្រូវការទីផ្សារ បង្កើនតម្លៃបន្ថែម និងប្រាក់ចំណូល ដោយអនុវត្តកសិកម្មតាមកិច្ចសន្យាជាមួយកសិករ ដែលខ្សែចង្វាក់ផលិតកម្មនេះ គឺពិតជាឆ្លើយតបតាមអ្វីដែលក្រសួងកសិកម្ម រុក្ខាប្រមាញ់ និងនេសាទចង់បាន និងចង់ឃើញវិស័យឯកជននៅកម្ពុជាយកទៅអនុវត្ត។
អានបន្ត
ចាប់ឃាត់ខ្លួន ព្រះសង្ឃមួយអង្គ បន្ទាប់ពីចាក់ស្ត្រីម្នាក់ចំក បណ្តាលឲ្យរងរបួស ឈាមស្រោចពេញរថយន្ត
ខេត្តបន្ទាយមានជ័យ ៖ នៅវេលាម៉ោងជាង០៦ព្រឹក ថ្ងៃទី២៤ ខែវិច្ឆិកា ឆ្នាំ២០១៨នេះ មានករណីគួរឲ្យភ្ញាក់ផ្អើលមួយបានកើតឡើងដោយព្រះសង្ឃមួយអង្គ បានចាក់ទៅលើស្ត្រីម្នាក់ចំក បណ្តាលឲ្យរងរបួសឈាមស្រោចពេញរថយន្តហាយឡឺនឌឺ។
ហេតុការណ៍នេះ បានកើតឡើងនៅចំណុចអូរខៃដន ស្ថិតក្នុងអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
បើតាមសមត្ថកិច្ចបានឲ្យដឹងថា ជនសង្ស័យដែលជាព្រះសង្ឃមានឈ្មោះទន់ សាវន អាយុ៥២ឆ្នាំគង់នៅវត្តស្វាយចាស់ ស្ថិតនៅក្នុងភូមិកំពង់ស្វាយ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ចំណែកស្ត្រីរងគ្រោះដោយគេដឹងថាមានឈ្មោះ ឡេង ផល្លា អាយុ៤៦៣ឆ្នាំ មុខរបជាអាជីវករប្តូរប្រាក់និងវេប្រាក់ វីង ស្ថិតនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចបន្តថា មុនពេលកើតហេតុជនសង្ស័យដែលជាព្រះសង្ឃបានជិះរថយន្តឈ្នួល មកជួបនារីរងគ្រោះនៅកន្លែងកើតហេតុខាងលើ ក្រោយមកជនរងគ្រោះក៏បានសុំបែកផ្លូវគ្នា ខណ:នោះលោកសង្ឃរូបនោះក៏បានយកដែកឆាប ពីក្នុងថង់យាមមកចាក់ប្រហាទៅលើជនរងគ្រោះចំពីមុខបំពង់ក បណ្តាលឲ្យរងរបួសធ្ងន់ រួចជនរងគ្រោះបានរត់ចេញពីរថយន្តដើម្បីឲ្យគេជួយ ។ ភ្លាមនោះ ប្រជាពលរដ្ឋបានឃើញហេតុការណ៍ទាំងនេះ ក៏បានជួយនាំស្ត្រីរងគ្រោះទៅមន្ទីរពេទ្យ ចំណែកជនសង្ស័យដែលជាព្រះសង្ឃ ត្រូវបានកម្លាំងសមត្ថកិច្ចចាប់ឃាត់ខ្លួនទៅអធិការដ្ឋាននគរបាលក្រុងប៉ោយប៉ែត។
សមត្ថកិច្ចបញ្ជាក់ថា បច្ចុប្បន្នជនរងគ្រោះត្រូវបានបញ្ជូនទៅព្យាបាល នៅមន្ទីរពេទ្យអារញ្ញ ប្រទេសថៃ។
ដោយឡែក ជនសង្ស័យដែលជាព្រះសង្ឃនោះ ត្រូវបានមន្ត្រីធម្មការសង្ឃ ធ្វើការចាប់ផ្សឹកហើយប្រគល់ជូនទៅសមត្ថកិច្ច ដើម្បីចាត់ការបន្តតាមនីតិវិធី ៕ អានបន្ត
ចាប់ឃាត់ខ្លួន ព្រះសង្ឃមួយអង្គ បន្ទាប់ពីចាក់ស្ត្រីម្នាក់ចំក បណ្តាលឲ្យរងរបួស ឈាមស្រោចពេញរថយន្ត
ខេត្តបន្ទាយមានជ័យ ៖ នៅវេលាម៉ោងជាង០៦ព្រឹក ថ្ងៃទី២៤ ខែវិច្ឆិកា ឆ្នាំ២០១៨នេះ មានករណីគួរឲ្យភ្ញាក់ផ្អើលមួយបានកើតឡើងដោយព្រះសង្ឃមួយអង្គ បានចាក់ទៅលើស្ត្រីម្នាក់ចំក បណ្តាលឲ្យរងរបួសឈាមស្រោចពេញរថយន្តហាយឡឺនឌឺ។
ហេតុការណ៍នេះ បានកើតឡើងនៅចំណុចអូរខៃដន ស្ថិតក្នុងអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
បើតាមសមត្ថកិច្ចបានឲ្យដឹងថា ជនសង្ស័យដែលជាព្រះសង្ឃមានឈ្មោះទន់ សាវន អាយុ៥២ឆ្នាំគង់នៅវត្តស្វាយចាស់ ស្ថិតនៅក្នុងភូមិកំពង់ស្វាយ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ចំណែកស្ត្រីរងគ្រោះដោយគេដឹងថាមានឈ្មោះ ឡេង ផល្លា អាយុ៤៦៣ឆ្នាំ មុខរបជាអាជីវករប្តូរប្រាក់និងវេប្រាក់ វីង ស្ថិតនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចបន្តថា មុនពេលកើតហេតុជនសង្ស័យដែលជាព្រះសង្ឃបានជិះរថយន្តឈ្នួល មកជួបនារីរងគ្រោះនៅកន្លែងកើតហេតុខាងលើ ក្រោយមកជនរងគ្រោះក៏បានសុំបែកផ្លូវគ្នា ខណ:នោះលោកសង្ឃរូបនោះក៏បានយកដែកឆាប ពីក្នុងថង់យាមមកចាក់ប្រហាទៅលើជនរងគ្រោះចំពីមុខបំពង់ក បណ្តាលឲ្យរងរបួសធ្ងន់ រួចជនរងគ្រោះបានរត់ចេញពីរថយន្តដើម្បីឲ្យគេជួយ ។ ភ្លាមនោះ ប្រជាពលរដ្ឋបានឃើញហេតុការណ៍ទាំងនេះ ក៏បានជួយនាំស្ត្រីរងគ្រោះទៅមន្ទីរពេទ្យ ចំណែកជនសង្ស័យដែលជាព្រះសង្ឃ ត្រូវបានកម្លាំងសមត្ថកិច្ចចាប់ឃាត់ខ្លួនទៅអធិការដ្ឋាននគរបាលក្រុងប៉ោយប៉ែត។
សមត្ថកិច្ចបញ្ជាក់ថា បច្ចុប្បន្នជនរងគ្រោះត្រូវបានបញ្ជូនទៅព្យាបាល នៅមន្ទីរពេទ្យអារញ្ញ ប្រទេសថៃ។
ដោយឡែក ជនសង្ស័យដែលជាព្រះសង្ឃនោះ ត្រូវបានមន្ត្រីធម្មការសង្ឃ ធ្វើការចាប់ផ្សឹកហើយប្រគល់ជូនទៅសមត្ថកិច្ច ដើម្បីចាត់ការបន្តតាមនីតិវិធី ៕ អានបន្ត
ប្រមុខរដ្ឋាភិបាលកម្ពុជាច្រានចោលពត៌មានកម្ពុជាធ្វើជាទីលាននៃការសាកល្បងមនោគមន៍វិជ្ជា
ប្រមុខរដ្ឋាភិបាលកម្ពុជាថ្លែងនៅមុនបើកកិច្ចប្រជុំគណៈរដ្ឋមន្ត្រីនៅថ្ងៃចន្ទនេះបានអះអាងថា កម្ពុជាមិនមានមូលដ្ឋានកងទ័ពបរទេសនៅលើទឹកដីរបស់ខ្លួនឡើយ ហើយថាកម្ពុជាក៏មិនអនុញ្ញាតឲ្យបរទេសណា យកកម្ពុជាធ្វើជាទីលាននៃការសាកល្បងមនោគមន៍វិជ្ជា ឬ អាវុធជាថ្មីនោះឡើយ។
ប្រតិកម្មរបស់សម្តេចនាយករដ្ឋមន្ត្រី ហ៊ុន សែន គឺបន្ទាប់ពីសារព័ត៌មាន Asia Time ដែលមានមូលដ្ឋាននៅទីក្រុងហុងកុង បានចុះផ្សាយអត្ថបទមួយ កាលពីថ្ងៃព្រហស្បត្តិ៍សប្តាហ៍មុនថា កម្ពុជាកំពុងស្ថិតនៅចំណុចកណ្តាលនៃសង្គ្រាមត្រជាក់ថ្មីរវាងចិននិងសហរដ្ឋអាមេរិក។ តាមរយៈអត្ថបទនោះ Asia Time បានសរសេរថា នៅក្នុងពេលដ៏ឆាប់ខាងមុខនេះ លើទឹកដីកម្ពុជា ផែសុំចតទឹកជ្រៅមួយដែលវិនិយោគដោយចិន នឹងលេចខ្លួនឡើងនៅប្របមាត់សមុទ្រនៃខេត្តកោះកុង។ ហើយថា កំពង់ផែទឹកជ្រៅនេះ នឹងក្លាយជាមូលដ្ឋានយោធា ដែលចិនប្រើប្រាស់សម្រាប់សុំចតនាវាចម្បាំង។ប៉ុន្តែសម្តេចហ៊ុន សែន នៅថ្ងៃចន្ទទី១៩ វិច្ឆិកានេះ បានច្រានចោលចំពោះព័ត៌មានខាងលើនេះ។
ថ្លែងនៅមុនពេលចាប់ផ្តើមបើកកិច្ចប្រជុំគណៈរដ្ឋមន្ត្រីនៅថ្ងៃចន្ទនេះ សម្តេចហ៊ុន សែន បានអះអាងថា កម្ពុជាមិនមានមូលដ្ឋានកងទ័ពបរទេសនៅលើទឹកដីរបស់ខ្លួនឡើយ ហើយថា កម្ពុជាក៏មិនអនុញ្ញាតឲ្យបរទេសណា យកកម្ពុជាធ្វើជាទីលាននៃការសាកល្បងមនោគមន៍វិជ្ជា ឬ អាវុធ ដូចអតីតកាលទៀតនោះឡើយ។
សម្តេចបានបន្ថែមថា កម្ពុជាមិនអនុញ្ញាតឲ្យកងទ័ពបរទេសណា បោះមូលដ្ឋានយោធានៅលើទឹកដីកម្ពុជាឡើយ ទោះបីជាកងទ័ពជើងទឹក ជើងគោក ឬជើងអាកាសក្តី។
សម្តេចនាយករដ្ឋមន្ត្រីបានពន្យល់ថា រដ្ឋធម្មនុញ្ញរបស់កម្ពុជា មិនអនុញ្ញាតឲ្យមានមូលដ្ឋានយោធាបរទេស នៅលើទឹកដីរបស់ខ្លួន និងមិនអនុញ្ញាតឲ្យមានមូលដ្ឋានយោធារបស់ខ្លួន នៅបរទេសឡើយ លើកលែងតែនៅក្នុងក្របខណ្ឌរបស់អង្គការសហប្រជាជាតិ។ កម្ពុជាមិនត្រូវការទាល់តែសោះ ហើយមិនចាំបាច់ទាល់តែសោះដែលត្រូវការកងទ័ពបរទេសមកនៅលើទឹកដីរបស់ខ្លួន។
បន្ថែមលើសេចក្តីថ្លែងការណ៍ផ្ទាល់មាត់នៅថ្ងៃនេះសម្តេចហ៊ុន សែន នឹងសរសេរលិខិតផ្លូវការមួយច្បាប់ទៀត ផ្ញើទៅកាន់អនុប្រធានាធិបតីអាមេរិកលោក Mike pence ដើម្បីពន្យល់លំអិតពីករណីនេះ ដើម្បីឆ្លើយតបទៅនឹងការព្រួយបារម្ភរបស់សហរដ្ឋអាមេរិក។ ហើយតាមរយៈជំនួបជាមួយឯកអគ្គរដ្ឋទូតអាមេរិកប្រចាំនៅកម្ពុជាលោក William A. Heidt នៅថ្ងៃទី ២០ វិច្ឆិកាស្អែក សម្តេចនាយករដ្ឋមន្ត្រីក៏មានគម្រោងលើកឡើងពីរឿងនេះដែរ។
ចាប់តាំងពីថ្ងៃទី ១៧ វិច្ឆិកា មក ទាំងក្រសួងការពារជាតិកម្ពុជា និងទាំងក្រសួងការបរទេសផង បានចេញសេចក្តីថ្លែងការណ៍ច្រានចោលព័ត៌មានរបស់ Asia Time ផងដែរ។ សម្រាប់ អ្នកនាំពាក្យក្រសួងការពារជាតិ កម្ពុជាជារដ្ឋឯករាជ្យ អព្យាក្រឹតអចិន្ត្រៃយ៍ មិនចូលបក្សសម្ព័ន្ធ ដូច្នេះ កម្ពុជានឹងមិនផ្តល់ទីតាំងឲ្យបរទេសណាមួយ សម្រាប់យកធ្វើជាមូលដ្ឋានយោធានោះទេ។
ចំណែក លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជានៅឯកិច្ចប្រជុំកំពូលអាស៊ានលើកទី៣៣នៅសិង្ហបុរី កាលពីថ្ងៃទី ១៥ វិច្ឆិកាវិញ ក៏បានប្រាប់អនុរដ្ឋមន្ត្រីការបរទេសអាមេរិក លោក Jonh Sullivan ថា ព័ត៌មាននោះ គឺជាពាក្យចរចាមអារាម តែប៉ុណ្ណោះទេ៕ អានបន្ត
រដ្ធបាលរាជធានីភ្នំពេញ ពិធីបួងសួង ពិលីការ បូជាទេវតា សុំសេចក្ដីសុខ ក្នុងព្រះរាជពិធីបុណ្យអុំទូក នៅលើទឹកដីស័ក្តិសិទ្ធិនៃរមណីយដ្ឋានប្រវត្ដិសាស្ត្រវត្តភ្នំ
ភ្នំពេញ ៖ នៅព្រឹកថ្ងៃទី១៩ ខែវិច្ឆិកា ឆ្នាំ២០១៨នេះ លោក ម៉ប់ សារិន ប្រធានក្រុមប្រឹក្សារាជធានីភ្នំពេញនិងថ្នាក់ដឹកនាំ មន្ត្រីរាជការចំណុះរដ្ឋបាលរាជធានីភ្នំពេញ និងបងប្អូនកីឡាករទូក បានជួបជុំគ្នាប្រារព្ធពិធីបួងសួង ពិលីការ បូជាទេវតា សុំសេចក្ដីសុខដល់កីឡាករ កីឡាការិនី ទូកង ទូកចែវ និងបងប្អូនប្រជាពលរដ្ឋ ក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក តាមប្រពៃណីទំនៀមទម្លាប់សាសនាពីបុរាណ។
លោកប្រធានក្រុមប្រឹក្សារាជធានីភ្នំពេញ បានអំពាវនាវដល់បងប្អូនកីឡាករ កីឡាការិនី ប្រយ័ត្នប្រយែងសុខភាព ចេះថែរក្សាអនាម័យ ទុកដាក់សំរាមឱ្យបានត្រឹមត្រូវផងដែរ។
គួរបញ្ជាក់ថា នៅឆ្នាំ២០១៨នេះ ព្រះរាជពិធីបុណ្យអុំទូក នឹងប្រារព្ធធ្វើឡើងចាប់ពីថ្ងៃទី២១ ដល់ថ្ងៃទី២៣ ខែវិច្ឆិកា ឆ្នាំ២០១៨ នៅបរិវេណមាត់ទន្លេ មុខព្រះបរមរាជវាំង៕ អានបន្ត
ឯកឧត្តម វេង សាខុន រដ្ធមន្ដ្រីក្រសួងកសិកម្ម បានអនុញ្ញាតឲ្យលោកនាយកក្រុមហ៊ុនវិយោគផ្លែកក្នុងវិស័យកសិកម្មនៅកម្ពុជា
ភ្នំពេញ ៖ នៅទីស្តីការក្រសួងកសិកម្ម រុក្ខាប្រមាញ់ និងនេសាទ វេលាម៉ោង១៥:០០រសៀល ថ្ងៃចន្ទ ១២កើត ខែកក្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែវិច្ឆិកា ឆ្នាំ២០១៨ ឯកឧត្តមរដ្ឋមន្ត្រី វេង សាខុនបានអនុញ្ញាតឲ្យលោក Yulin Zheng ប្រធានក្រុមហ៊ុន Hubei Laker Group រួមជាមួយក្រុមហ៊ុនវិនិយោគផ្នែកកសិកម្ម ចំនួន៩ ក្នុងគោលបំណងសម្តែងការគួរសម និងពិភាក្សាការងារដើម្បីស្វែងយល់អំពីសក្តានុពល ក្នុងការវិនិយោគក្នុងវិស័យកសិកម្មនៅព្រះរាជាណាចក្រកម្ពុជា។
សូមជម្រាបថា កិច្ចប្រជុំនាថ្ងៃនេះផ្តោតជាសំខាន់លើប្រធានបទមួយចំនួនមានជាអាទិ៍៖ ១. សមិទ្ធផល វឌ្ឍនភាព បញ្ហាប្រឈមនិងសក្តានុពលក្នុងការវិនិយោគក្នុងវិស័យកសិកម្ម ២. លទ្ធភាពក្នុងការពង្រឹង និងពង្រីកអនុវិស័យដំណាំស្រូវ និងជលផល តាមរយៈការវិនិយោគលើវារីវប្បកម្ម ចិញ្ចឹមបង្កងទឹកសាប (Crawfish) ក្នុងដីស្រែដើម្បីបង្កើតនិងបង្កើនការងារ និងប្រាក់ចំណូលគ្រួសារនៅតាមជនបទ ៣. ការរៀបចំ និងចងក្រងកសិកម្មតាមកិច្ចសន្យាក្នុងការចិញ្ចឹមបង្កងជាមួយប្រជាកសិករ និងការផ្ដល់បច្ចេកទេស ពូជ និងទីផ្សារជូនពួកគាត់ ៤. ការរៀបចំក្រុមការងារជំនាញទ្វេភាគីដើម្បីសិក្សា ស្រាវជ្រាវឲ្យបានសម្អិត ធ្វើយ៉ាងណាធានាដល់ប្រសិទ្ធភាពនៃការអនុវត្តគម្រោងទទួលបានលទ្ធផលជាផ្លែផ្កា។ អានបន្ត
សម្ដេចតេជោ ហ៊ុន សែន៖ កងទ័ពកម្ពុជាដាច់ខាត មិនចូលរួមក្នុងកិច្ចប្រតិបត្តិការយោធាជាមួយប្រទេសណាទាំងអស់លើកលែងតែក្រោមឆត្ររបស់អង្គការសហប្រជាជាតិ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រក្ពុជា បានសង្កត់ធ្ងន់ថា កម្ពុជាមិនអាចធ្វើខុសនឹងរដ្ឋធម្មនុញ្ញរបស់ខ្លួននោះឡើយដែលបានហាមឃាត់វត្តមានរបស់កងទ័ពបរទេស ឬមូលដ្ឋានយោធាបរទេសនៅក្នុងទឹកដីរបស់ខ្លួន ហើយកងទ័ពរបស់កម្ពុជាក៏ត្រូវបានហាមឃាត់មិនឱ្យចូលរួមនៅក្នុងប្រតិបត្តិការជាមួយប្រទេសណាទាំងអស់លើកលែងតែក្រោមឆត្ររបស់អង្គការសហប្រជាជាតិ។
ស្ដេចតេជោបានថ្លែងដូចនេះនៅក្នុងកិច្ចប្រជុំពេញអង្គគណៈរដ្ឋមន្ត្រីនៅព្រឹកថ្ងៃទី១៩ ខែវិច្ឆិកា ឆ្នាំ២០១៨នេះ នៅវិមានសន្តិភាព រាជធានីភ្នំពេញ។
សម្ដេចតេជោ ហ៊ុន សែន បានបញ្ជាក់ទៅកាន់សាធារណជន និងមិត្តបរទេសថា លោកនឹងធ្វើការឆ្លើយតបទៅនឹងអនុប្រធានាធិបតីសហរដ្ឋអាមេរិកអំពីគោលជំហររបស់កម្ពុជាស្របតាមរដ្ឋធម្មនុញ្ញដែលមិនអនុញ្ញាតឱ្យមានមូលដ្ឋានកងទ័ពបរទេស ទាំងជើងគោក ជើងទឹក និងជើងអាកាសនៅលើទឹកដីកម្ពុជាឡើយ៕
អានបន្ត
សម្តេចក្រឡាហោម ស ខេង បានអញ្ជើញជាអធិបតីក្នុងពិធីប្រកាសផ្ទេរភារកិច្ច និងតែងតាំងមុខតំណែងអភិបាល ខេត្តឧត្តរមានជ័យ
ឧត្តរមានជ័យ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី១៧ ខែវិច្ឆិកា ឆ្នាំ២០១៨នេះ បានអញ្ជើញជាអធិបតីប្រកាសផ្ទេរភារកិច្ច និងតែងតាំងអភិបាលខេត្តឧត្តរមានជ័យលោក ប៉ែន កុសល្យ ដោយជំនួស លោក ស ថាវី ដែលត្រូវតែងតាំង ទៅជាអនុរដ្ធលេខាធិការ ក្រសួងមហាផ្ទៃ ។
ពិធីប្រកាសតែងតាំងនោះ ក៏មានការអញ្ជើញចូលរួមពីមន្ត្រីជាន់ខ្ពស់រាជរដ្ឋាភិបាល និងមន្ត្រីពាក់ព័ន្ធជុំវិញខេត្តយ៉ាងច្រើនកុះករ។
សូមជម្រាបថា លោក ប៉ែន កុសល្យ អតីតអភិបាលរងខេត្តត្បូងឃ្មុំ ត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់តែងតាំង ជាអភិបាលខេត្តឧត្តរមានជ័យ ជំនួសលោក ស ថាវី ដែលត្រូវបានតែងតាំងជា អនុរដ្ឋលេខាធិការក្រសួងមហាផ្ទៃ៕ អានបន្ត
ពិធីប្រកាសចូលកាន់តំណែងរបស់មន្ត្រីរាជការនៅក្រសួងកសិកម្មរុក្ខាប្រមាញ់និងនេសាទក្រោមអធិបតីភាពឯកឧត្តមរដ្ឋមន្ត្រីវេង សាខុន
នាព្រឹកថ្ងៃសុក្រ៩កើតខែកត្តិកឆ្នាំចសំរឹទ្ធិស័កព.ស២៥៦២ត្រូវនឹងថ្ងៃទី១៦ខែវិច្ឆិកាឆ្នាំ២០១៨នៅទីស្តីក្រសួងកសិកម្មរុក្ខាប្រមាញ់និងនេសាទបានរៀបចំពិធីប្រកាសចូលកាន់តំណែងរបស់មន្ត្រីរាជការ ក្រោមអធិបតីភាពឯកឧត្តមរដ្ឋមន្ត្រី វេង សាខុន និងមានការអញ្ជើញចូលរួមផងដែរពីសំណាក់ឯកឧត្ដម លោកជំទាវ ថ្នាក់ដឹកនាំក្រសួង លោក លោកស្រី ដែលជាមន្ត្រីរាជការក្រោមឱវាទក្រសួងយ៉ាងច្រើនកុះករ។
ឆ្លៀតឱកាសនេះក្នុងនាមក្រសួងកសិកម្មរុក្ខាប្រមាញ់និងនេសាទនិងក្នុងនាមខ្លួនលោកផ្ទាល់ឯកឧត្តមរដ្ឋមន្ត្រីបានគោរពថ្លៃងអំណរគុណយ៉ាងជ្រាលជ្រៅជាទីបំផុតជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលសម្តេចបានគាំទ្រ លើកទឹកចិត្តដ៏ខ្ពង់ខ្ពស់ និងឯកភាពតាមសំណើរបស់ឯកឧត្តមរដ្ឋមន្ត្រីសុំតែងតាំងមន្ត្រីរាជការចំនួន១២រូប ជាថ្នាក់ដឹកនាំអង្គភាពក្រោមឱវាទក្រសួងដែលក្នុងនោះមានថ្នាក់អគ្គនាយករង ៧រូប និងប្រធាននាយកដ្ឋាន៥រូប។
ឯកឧត្តមរដ្ឋមន្ត្រីបានបញ្ជាក់ថា ការតែងតាំងនិងការផ្ទេរសម្រួលភារកិច្ចមន្ត្រីរាជការនាថ្ងៃនេះ គឺជាដំណើរការប្រព្រឹត្តទៅជាធម្មតានៃការគ្រប់គ្រងនិងដឹកនាំរបស់ក្រសួងស្របតាមតម្រូវចាំបាច់នៃកំណែទម្រង់ស្ថាប័ន ការរីកចម្រើនទាំងចំណេះដឹង និងបទពិសោធន៍របស់មន្ត្រីរាជការ ហើយដែលតម្រូវឲ្យមានការប្តូរផ្លាស់ដើម្បីឲ្យសមស្របតាមគោលនយោបាយកំណែរទម្រង់ស៊ីជម្រៅរបស់រាជរដ្ឋាភិបាល និងការវិវឌ្ឃន៍រីកចម្រើននៃសេដ្ឋកិច្ចជាតិក្នុងពេលបច្ចុប្បន្ន។
តំណែងនេះ គឺបានមកពីការខិតខំប្រឹងប្រែង និងយកចិត្តទុកដាក់ដែលមន្ត្រីទាំងអស់នោះបានចំណាយពេលវេលា ព្រមទាំងកម្លាំងកាយនិងកម្លាំងចិត្ត ក្នុងការបំពេញភារកិច្ចរបស់ខ្លួនប្រកបដោយឆន្ទៈ មនសិការ និងយកស្មារតីទទួលខុសត្រូវបំពេញការងារជូនក្រសួងក្នុងរយៈពេលកន្លងមក។
ដើម្បីពង្រឹងប្រសិទ្ធភាពក្នុងការគ្រប់គ្រង ដឹកនាំការងារ និងការទទួលខុសត្រូវ ឯកឧត្តមរដ្ឋមន្ត្រីបានធ្វើការណែនាំ និងក្រើនរំលឹកមេរៀនល្អសម្រាប់ជាត្រីវីស័យយកទៅបំពេញតួនាទី និងភារកិច្ចដែលថ្នាក់ដឹកនាំក្រសួងប្រគល់ជូនឲ្យទទួលបានជោគជ័យបន្ថែមទៀត ដែលមានខ្លឹមសារដូចខាងក្រោម៖
១-ត្រូវយកចិត្តទុកដាក់ និងពុះពារជម្នះនូវឧបសគ្គ អំណត់អត់ធន់ ទន់ភ្លន់តែម៉ឹងម៉ាត់ និងរៀនសូត្រដកស្រង់បទពិសោធន៍ពីការ ងារដែលយើងធ្លាប់ជួបប្រទះ ជាពិសេសត្រូវខិតខំហាត់ពត់លត់ដំខ្លួនបន្ថែមទៀត ដើម្បីឲ្យក្លាយខ្លួនទៅជាអ្នកដឹកនាំដែលមានគំរូល្អ មានសាមគ្គីភាព ឯកភាពផ្ទៃក្នុងល្អ។
២- ការពង្រឹងសមត្ថភាព គុណភាពការងារ និងមនសិកាវិជ្ជាជីវៈរបស់មន្ត្រីរាជការ ដើម្បីលើកកម្ពស់ប្រសិទ្ធភាព និងប្រសិទ្ធផលការងារ និងធានាការបំពេញភារកិច្ចប្រកបដោយស្មារតីទទួលខុសត្រូវខ្ពស់។ ការរៀបចំ ចាត់ចែង ដឹកនាំ និងគ្រប់គ្រង គឺជារបបការងារ ដែលតម្រូវឲ្យមន្ត្រីដឹកនាំមានលក្ខណសម្បត្តិមូលដ្ឋានរួមមាន៖ មានសមត្ថភាពជំនាញវិជ្ជាជីវៈ បទពិសោធន៍ ស្មារតីសមូហភាពចូលរួមបុគ្គលទទួលខុសត្រូវ សីលធម៌ គុណធម៌ និងមេត្តាធម៌ប្រកបដោយសមានចិត្តចែករំលែក ស្គាល់សុខទុក្ខសហការី ចូលរួមការងារអភិវឌ្ឍន៍សហគមន៍សង្គម និងមានទំនាក់ទំនងល្អជាមួយមហាជន។
៣-ការផ្លាស់ប្ដូរឥរិយាបថ អ្នកផ្ដល់យោបល់ អ្នកប្រឹក្សាយោបល់ ការសម្របសម្រួល និងភាពប៉ិនប្រសព្វក្នុងការទំនាកទំនង គឺជាកត្តាសំខាន់ៗនៃការផ្តល់សេវាសាធារណៈ ហើយជារួមត្រូវមាន “ចរិកមហាជន” ពោលគឺត្រូវផ្សព្វផ្សាយជាសាធារណៈនូវព័ត៌មានទាក់ទងនឹងបច្ចេកទេសជំនាញរបស់អង្គភាពនីមួយៗឲ្យទូលំទូលាយនិងចំគោល ដៅក្នុងគោលបំណងដើម្បីចែករំលែកនូវចំណេះដឹងបច្ចេកទេសថ្មីៗ និងបទពិសោធន៍ល្អៗ។ ត្រូវរួមគ្នាផ្តល់ជាគំនិត និងរកវិធីសាស្ត្រដោះស្រាយនូវរាល់បញ្ហាទាំងឡាយដែលកើតមានឡើងជាយថាហេតុនៅក្នុងអង្គភាព និងមូលដ្ឋានរបស់ខ្លួនឲ្យបានទាន់ពេលវេលា។
៤-ត្រូវខិតខំរៀបចំលិខិតបទដ្ឋានគតិយុត្ត លិខិតក្រោមច្បាប់ឲ្យបានទាន់ពេលវេលា សមស្របតាមតម្រូវការចាំបាច់ និងដំណើរ ការវិវឌ្ឍន៍រីកចម្រើនរបស់ប្រទេសជាតិនិងត្រូវយកចិត្តទុកដាក់អនុវត្តលិខិតបទដ្ឋានគតិយុត្តដែលមានស្រាប់ឲ្យមានប្រសិទ្ធភាព។
៥- ត្រូវយកចិត្តទុកដាក់និងត្រូវតែដឹងពីកាតព្វកិច្ចដ៏សំខាន់មួយទៀត គឺការប្រកាសទ្រព្យសម្បត្តិ និងបំណុល ដោយមិនឲ្យលើសពី១ខែឡើយ បន្ទាប់ពីថ្ងៃចុះហត្ថលេខានិងឡាយព្រះហត្តលេខាតែងតាំងនៅអង្គភាពប្រឆាំងអំពើពុករលួយ៕ អានបន្ត
ឯកឧត្តមរដ្ឋមន្ត្រីកសិកម្មបានអញ្ជើញមកពិនិត្យសហគ្រាសកែច្នៃផលិតផលស្វាយរបស់ ក្រុមហ៊ុន LBN Agriculture
នៅរសៀលថ្ងៃដដែល បន្ទាប់ពីបានអញ្ជើញចូលរួមជាកិត្តិយសក្នុងពិធីប្រកាសចូលកាន់មុខតំណែងអភិបាលនៃគណៈអភិបាលខេត្តត្បូងឃ្មុំរួចមក ឯកឧត្តមរដ្ឋមន្ត្រីកសិកម្មបានអញ្ជើញមកពិនិត្យសហគ្រាសកែច្នៃផលិតផលស្វាយរបស់ ក្រុមហ៊ុន LBN Agriculture ដែលមានទីតាំងនៅស្រុកមេមុត ខេត្តត្បូងឃ្មុំ។
ដោយយោងតាមអ្នកចាត់ការទូទៅរបស់ក្រុមហ៊ុននេះ បានជម្រាបជូនឯកឧត្តមរដ្ឋមន្ត្រីថាក្រុមហ៊ុននេះបានចាប់ដំណើរការកាលពីខែឧសភា ឆ្នាំ២០១៨ ដាក់ទុន វិនិយោគ ប្រមាណជាង ២លានដុល្លារ មានសមត្ថភាពកែច្នៃផ្លែស្វាយជាផលិតផលស្វាយស្ងួតបានចំនួន ៣០០តោនក្នុងមួយខែ ហើយជាមធ្យមក្នុង ១ថ្ងៃក្រុមហ៊ុន ប្រមូលទិញផ្លែស្វាយកែវរមៀតពីកសិករស្ថិតក្នុងខេត្តកំពង់ចាម និងត្បូងឃ្មុំប្រមាណពី ៦០-១០០តោន ក្នុង១ថ្ងៃ ហើយមួយគីឡូក្រាមក្នុងតម្លៃ ១២០០-១៦០០រៀល។ ផលិតផលសម្រេច ភាគច្រើនទាំងនោះត្រូវបាននាំចេញទៅកាន់ទីផ្សារចិន ក្នុងតម្លៃ ៥,៣ ដុល្លារក្នុងមួយគីឡូក្រាម។
បន្ទាប់ពីបានអញ្ជើញពិនិត្យខ្សែសង្វាក់ផលិតកម្មរួចមក ឯកឧត្តមបានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែរបស់ក្រុមហ៊ុនក្នុងការចូលរួមចំណែករកទីផ្សារ ស្វាយជូនប្រជាកសិករ តាមរយៈការវិនិយោគកែច្នៃផលិតផលស្វាយដើម្បីនាំចេញ។
សកម្មភាពនេះគឺពិតជាបានរួមចំណែកដោះស្រាយបញ្ហាទីផ្សារស្វាយ បង្កើនប្រាក់ចំណូល បង្កើតការងារជូនប្រជាពលរដ្ឋនៅមូលដ្ឋានផ្ទាល់ កាត់បន្ថយការធ្វើចំណាកស្រុក និងភាពក្រីក្រ។
យោងលើ របាយការណ៍របស់មន្ទីរកសិកម្មខេត្តត្បូងឃ្មុំបានឲ្យដឹងថា ក្នុង ១ហត ស្វាយកែវរមៀតអាចផ្តល់ទិន្នផលជាមធ្យម ១០តោន ទៅ២០តោន លក់បានតម្លៃ ១០ ទៅ២០លានរៀលក្នុងការប្រមូលផលម្តង ហើយក្នុង១ឆ្នាំអាច ប្រមូលផលបាន២ ដង ដូច្នេះ ១ឆ្នាំអាចទទួលបានចំណូលយ៉ាងតិច ២០លាន រៀល។
ស្ថានភាពនៃកម្រិតចំណូលនេះ ដោយក្នុងករណីប្រជាកសិករមានដីដាំស្វាយមួយហតអាចសន្និដ្ឋានបានថាអាចឆ្លើយតបទៅនឹងចក្ខុវិស័យរបស់រាជរដ្ឋាភិបាលដែលចង់ប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់នាឆ្នាំ២០៣០។
ឯកឧត្តមរដ្ឋមន្ត្រីបានបញ្ជាក់បន្ថែមថាទស្សនកិច្ចនាពេលនេះ គឺចង់បង្ហាញពីឱកាសដល់កសិករក្នុងការដាំស្វាយកែវរមៀត សម្រាប់វិនិយោគិនធ្វើការកែច្នៃដើម្បីនាំចេញផលិតផល សម្រេច ដោយត្រូវអនុវត្តកសិកម្មតាមកិច្ចសន្យា និងជាពិសេសគឺលើកទឹកចិត្ត និងគាំទ្រដល់វិស័យឯកជនដែល ត្រូវរួមគ្នាជាមួយរដ្ឋ (រដ្ឋ-វិស័យឯកជន)ក្នុងការជំរុញនិងនាំយកផលិតផលកសិកម្មទៅកាន់ទីផ្សារអន្តរជាតិ។សូមបញ្ជាក់បន្ថែមថា បច្ចុប្បន្នក្រុមហ៊ុនបាននិងកំពុងធ្វើការចរចាជាមួយក្រុមហ៊ុនអូស្ត្រាលីដើម្បីការកែឆ្នៃស្វាយចន្ទិរ ហើយនាំចេញនាពេលខាងមុខ។ ឯកឧត្តមរដ្ឋមន្ត្រីបានសារទចំពោះព័ត៌មាននេះ និងបានសំណូមពរ និងលើកទឹកចិត្តឲ្យគិតគូធ្វើការកែច្នៃផលិតកសិកម្មផ្សេងបន្ថែមទៀត ដើម្បីនាំចេញ៕ អានបន្ត
សម្ដេចកិត្តិព្រឹទ្ធិបណ្ដិត ប៊ុន រ៉ានី ហ៊ុនសែន អញ្ជើញជួបសំណេះសំណាលសួរសុខទុក្ខ និងផ្តល់អំណោយមនុស្សធម៌ជូនប្រជាពលរដ្ឋនៅស្រុកកែវសីមា
មណ្ឌលគិរី ៖ នៅព្រឹកថ្ងៃទី១៤ ខែវិច្ឆិកា ឆ្នាំ២០១៨នេះ សម្ដេចកិត្តិបណ្ដិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងគណៈប្រតិភូអមដំណើរ បានអញ្ជើញជួបសំណេះសំណាលសួរសុខទុក្ខ និងផ្តល់អំណោយមនុស្ស ធម៌ដោយផ្ទាល់ជូនដល់ចាស់ជរាគ្មានទីពឹង ស្ត្រីមេម៉ាយកូនច្រើន កុមារកំព្រា ជនពិការ និងអ្នករស់នៅជាមួយមេរោគអេដស៍ ចំនួន ១,៣៥៨គ្រួសារ រស់នៅភូមិចំនួន ១៥ ឃុំចំនួន ៣ នៃស្រុកកែវសីមា ខេត្តមណ្ឌលគិរី។
អំណោយកាកបាទក្រហមកម្ពុជាដែលបានចែកជូនក្នុងមួយគ្រួសារៗ ទទួលបាន អង្ករ ៣០គីឡូក្រាម មី១កេស ត្រីខ១០កំប៉ុង មុង១ ភួយ១ សារុង១ ក្រមា១ អាវយឺត១ ទឹកសុទ្ធ១ដប និងនំបុ័ង១ដើម។ ជាមួយគ្នានោះ ផងដែរ គ្រួសារនីមួយៗ នៅទទួលបាន ក្រណាត់ស ១ដុំ និងថវិកា១ម៉ឺន រៀលទៀត ជាអំណោយរបស់សម្ដេចតេជោ ហ៊ុន សែន នាយករដ្ធមន្ដ្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ដិត។ ដោយឡែកសិស្សានុសិស្សចំនួន ២០០នាក់ ក្នុងម្នាក់ៗទទួលបាន សៀវភៅសរសេរ ២ក្បាល ប៊ិក ១ដើម និងថវិកា ១ម៉ឺនរៀលផងដែរ៕
អានបន្ត
ឧត្តមសេនីយ៍ឯក ហ៊ុន ម៉ាណែត៖ ក្រោមសន្តិភាពនិងការអភិវឌ្ឍ កងទ័ពជាសសរគ្រឹះដ៏រឹងមាំក្នុងការការពារអធិបតេយ្យ ឯករាជ្យ និងបូរណភាពទឹកដី
លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានថ្លែងថា ស្ថិតក្នុងស្ថានភាពប្រទេសកម្ពុជាមានសុខសន្តិភាព និងការអភិវឌ្ឍរីកចម្រើន កងយោធពលខេមរភូមិន្ទ គឺជាសសរគ្រឹះដ៏រឹងមាំក្នុងកិច្ចការការពារអធិបតេយ្យ ឯករាជ្យ និងបូរណភាពទឹកដី ការថែរក្សាសន្តិភាព ស្ថិរភាព សន្តិសុខ សណ្តាប់ធ្នាប់សាធារណៈ និងការអភិវឌ្ឍប្រទេសជាតិ ជាពិសេសក្រៅពីតួនាទី និងភារកិច្ចដែលរាជរដ្ឋាភិបាល ក្រសួងការពារជាតិ អគ្គបញ្ជាការដ្ឋានបានប្រគល់ឱ្យ។ ឧត្តមសេនីយ៍ឯកបានថ្លែងដូចនេះនៅថ្ងៃទី១៥ ខែវិច្ឆិកា ឆ្នាំ២០១៨នេះ ក្នុងឱកាសអញ្ជើញបើកវគ្គហ្វឹកហ្វឺនបណ្តុះបណ្តាលជំនាញ ឆត្រយោងជំនាន់ទី២៥, បិទវគ្គហ្វឹកហ្វឺនបំប៉នជំនាញអាវុធ B40-B41 អាវុធការពារអាកាសជំនាន់ទី២ និងសម្ពោធដាក់ឲ្យប្រើប្រាស់ជាផ្លូវការ សំណង់បច្ចេកទេសហ្វឹកហ្វឺនជំនាញឆ័ត្រយោង។
ឧត្តមសេនីយ៍ឯក ហ៊ុន ម៉ាណែត ក៏បានក្រើនរំលឹកឱ្យកងទ័ពទាំងអស់ ត្រូវតែបង្កើនការយកចិត្តទុកដាក់បន្ថែមទៀត លើការងារហ្វឹកហ្វឺនយុទ្ធវិធីបច្ចេកទេស ការអប់រំចិត្តសាស្ត្រ ពង្រឹងវិន័យ អត្តចរិត សីលធម៌ និងគោរពច្បាប់រដ្ឋដើម្បីឱ្យមានសមត្ថភាពជំនាញគ្រប់គ្រាន់ ក្នុងការឆ្លើយតបឱ្យបានទាន់ពេលវេលាចំពោះបញ្ហា និងស្ថានភាពនានាដែលកើតមានឡើង ក៏ដូចជាការកសាងសំណង់បច្ចេកទេសនានា ដែលបម្រើឱ្យការហ្វឹកហ្វឺន ដោយត្រូវឈរលើមូលដ្ឋាននៃការហ្វឹកហ្វឺនឱ្យបានជាប់ជាប្រចាំ និងទៀងទាត់ដោយផ្តោតការយកចិត្តទុកដាក់លើគុណភាព និងបរិមាណ ដើម្បីឆ្លើយតបទៅនឹងការខ្វះខាតធនធានមនុស្ស ដែលជាបញ្ហាប្រឈមដែលយើងត្រូវពុះពារជំនះដោះស្រាយ សំដៅកសាងឱ្យបានធនធាន មនុស្សពិត និងគ្រប់គ្រាន់នៅក្នុងជួរកងយោធពលខេមរភូមិន្ទ ដើម្បីលើកកម្ពស់ឆន្ទៈប្រយុទ្ធ ត្រៀមប្រយុទ្ធ ក្នុងភារកិច្ចថែរក្សាសន្តិភាព សន្តិសុខសណ្តាប់ធ្នាប់ សាធារណៈ និងការពារបូរណភាពទឹកដី ព្រមទាំងចូលរួមបំពេញបេសកកម្មក្នុងតំបន់ និងពិភពលោក។
ឧត្តមសេនីយ៍ឯក ហ៊ុន ម៉ាណែត បានគូសបញ្ជាក់ថា ការហ្វឹកហ្វឺន និងការកសាងធនធានមនុស្សក្នុងជួរកងយោធពលខេមរភូមិន្ទ ពិតជាឆ្លើយតបយ៉ាងត្រឹមត្រូវ និងទាន់ពេលវេលា ទៅនឹងគោលនយោបាយរបស់រាជរដ្ឋាភិបាលក្នុងការកែទម្រង់កងយោធពលខេមរភូមិន្ទ សំដៅកសាង និងពង្រឹងភាពរឹងមាំលើវិស័យការពារជាតិ និងការធ្វើសមាហរណកម្មកងទ័ពចូលក្នុងសហគមន៍អន្តរជាតិ តាមរយៈការកសាងកងទ័ពកម្ពុជាឲ្យក្លាយជាកងទ័ពមានសមត្ថភាពក្នុងវិជ្ជាជីវៈ ដើម្បីចូលរួមបំពេញបេសកកម្មក្នុងតំបន់ ពិភពលោក ការពារបូរណភាពទឹកដី និងការអភិវឌ្ឍ ប្រទេសជាតិ។ ឧត្តមសេនីយ៍ឯក ហ៊ុន ម៉ាណែត ក៏បានសង្កត់ធ្ងន់ថា ការយកចិត្តទុកដាក់ការហ្វឹកហ្វឺន គឺសំខាន់ណាស់ក្នុងការធានានូវនិរន្តរភាព និងប្រសិទ្ធិភាពនៃកងកម្លាំងគ្រប់ជំនាន់ ក្នុងការបំពេញភារកិច្ច ការពារជាតិ ការពារបូរណភាពទឹកដីនិងសន្តិសុខ។ ក្នុងដំណាក់កាលនេះ ត្រៀមលក្ខណៈនឹងយកឱកាសមាសនេះ ហ្វឹកហ្វឺនដើម្បីបន្តវេនគ្រប់ជំនាន់ ហើយទ័ពពិសេសនៅក្នុងសម័យកាលនេះ ត្រូវតែពង្រីកកសាងលក្ខណៈពិសេស និងប្រវត្តិរាប់រយឆ្នាំទៅមុខទៀត៕ អានបន្ត
សម្ដេចក្រឡាហោម ស ខេង នាយករដ្ឋមន្ត្រីស្តីទី ផ្តល់អនុសាសន៍សំខាន់ ៣ចំណុច ដើម្បីប្រសិទ្ធភាពរបស់រដ្ឋបាលថ្នាក់ក្រោមជាតិ
ត្បូងឃ្មុំ ៖ សម្ដេចក្រឡហោម ស ខេង នាយករដ្ឋមន្ត្រីស្តីទី បានថ្លែងថា គណបក្សប្រជាជនកម្ពុជាទទួលបានជោគជ័យនៅក្នុងការបោះឆ្នោតអាណត្តិទី៦កន្លងមកនេះ ដូចនេះក្នុងរយៈពេល៥ឆ្នាំនេះ យើងត្រូវបន្តធ្វើកិច្ចការសំខាន់ៗ ចំនួន៣ចំណុចដើម្បីលើកកម្ពស់ប្រសិទ្ធភាពការងាររបស់រដ្ឋបាលថ្នាក់ក្រោមជាតិឱ្យកាន់តែជោគជ័យបន្ថែមទៀត។
សម្ដេចក្រឡាហោម បានថ្លែងដូចនេះនាព្រឹកថ្ងៃទី១៥ ខែវិច្ឆិកា ឆ្នាំ២០១៨ នៅសាលប្រជុំសាលាខេត្តត្បូងឃ្មុំ ក្នុងឱកាសអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាល ខេត្តត្បូងឃ្មុំដោយលោក ជាម ច័ន្ទសោភ័ណ្ឌ ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់តែងតាំងជាអភិបាលខេត្តត្បូងឃ្មុំ ជំនួសលោក លី ឡេង ដែលត្រូវតែងតាំងមុខតំណែងថ្មី ជានាយកខុទ្ទកាល័យ លោក ស៊ឹម កា អនុប្រធានទី១ ព្រឹទ្ធសភា។
អនុសាសន៍ទាំងបីចំណុចរបស់សម្ដេចក្រឡាហោម ស ខេង រួមមាន៖
ទី១- បន្តពង្រឹងថែរក្សាសុខសន្តិភាព ស្ថិរភាពនយោបាយ បន្តលើកកម្ពស់ដំណើរការលទ្ធិប្រជាធិបតេយ្យសេរីពហុបក្ស លើកកម្ពស់សិទ្ធិសេរីភាពរបស់ប្រជាពលរដ្ឋស្របតាមរដ្ឋធម្មនុញ្ញរបស់ព្រះរាជាណាចក្រកម្ពុជា
ទី២- ខិតខំជំរុញការអនុវត្តយុទ្ធសាស្ត្រចតុកោណដំណាក់កាលទី៤របស់រាជរដ្ឋាភិបាលកម្ពុជា
និងទី៣- ប្រមូលផ្តុំការលើកកម្ពស់ការផ្តល់សេវាសាធារណៈជូនប្រជាពលរដ្ឋឱ្យកាន់តែប្រសើរឡើងបន្ថែមទៀត៕ អានបន្ត
ប្រជាពលរដ្ឋរស់នៅក្នុង ភូមិវត្តដំណាក់សម្តែងការព្រួយបារម្ភ អំពីបញ្ហាខ្សែរ ភ្លើងធ្លាក់ រញ៉េរញៃតាមដងផ្លូវ ធ្វើដំណើរ !
ខេត្តសៀមរាប ៖ នៅក្នុងភូមិវត្តដំណាក់ សង្កាត់ សាលាកំរើក ក្រុង +ខេត្តសៀមរាប បញ្ហាខ្សែរ ភ្លើងធ្លាក់តាមដងផ្លូវ ត្រូវបានប្រជាពលរដ្ឋ រិះគន់អាជ្ញាធរ ក៍ដូចជា អង្គរភាព អគ្គិសនី នឹងមានការព្រួយបារម្ភអំពីបញ្ហានេះវាអាចនឹងបង្ករហានីភ័យ កើតឡើង ហើយកន្លងមកក៍ ធ្លាប់មានករណីទុសសេភ្លើងបង្កអោយ អគ្គិភ័យឆេះរាលដាលផងដែល ចំណែកអាជ្ញាធរ ខាង អគ្គិសនី បែរជាធ្វើប្រងើយ មិនបានគិតគូអំពីការព្រួយបារម្ភរបស់ប្រជាពលរដ្ឋ អំពីធ្លាក់ខ្សែរតាមផ្លូវឡើយ នេះក៍ដោយសារតែប្រធានអគ្គិសនី លោក គង់ ផល្លា គ្រប់គ្រងមិនបានល្អ ទើបបណ្តាលអោយមានការ ធ្លាក់ខ្សែរភ្លើងបែបនេះ ប្រភពពីប្រជាពលរដ្ឋបានឲ្យដឹងថា នៅមានកន្លែងផ្សេងៗទៀតជាច្រើន ដែលមានខ្សែរភ្លើងធ្លាក់ស្ទើតែទាក់ករប្រជាពលរដ្ឋពេលធ្វើដំណើរទៅមកផងដែរ។
បញ្ហាមួយទៀតយើងងាក់មកមើលអំពីសុខទុក្ខរបស់ប្រជាពលរដ្ឋ ដែលរស់នៅក្នុង ភូមិ ទក្សិណត្បូង ក្នុង សង្កាត់ គោកចក ក្រុង សៀមរាប ការប្រើប្រាស់ភ្លើងរបស់ពួកគាត់
នៅមានកំរិតខ្ពស់នៅឡើយ នេះគឺដោយសាតែខាង អង្គរភាព អគ្គិសនី បានផ្តល់ សិទ្ធិអោយឈ្មួញឯកជនបានទទួលសិទ្ធិដេញថ្លៃយក បន្ត គ្រប់គ្រងក្នុងតំបន់នេះហើយឈ្មួញគ្រប់គ្រងខាងលើ កាប់ប្រជាពលរដ្ឋសុីឆាវៗ តំលៃដល់ទៅក្នុងមួយគីឡូ ១៥០០ ទៅ ២០០០ រៀល ទៀតផង អង្គរភាព សារព័ត៍មាន សៀមរាបទាន់ហេតុការណ៍ មិនអាចទាក់ទំនង លោក គង់ ផល្លា សុំការបំភ្លឺបានទេពាក់ពន្ធ័ជុំវិញករណីខាងលើកនេះដោយ មិនមានលេខទូរសព្ទ័ ប្រជាពលសំណូមពរ អាជ្ងាធរជួយសម្រួលអំពីបញ្ហាខាងលើនេះផងដើម្បីបានភ្លើងប្រើសប្រាស់ តំលៃទាប់ដូចតំលៃរដ្ឋបានកំណត់៕ អានបន្ត
នាយករដ្ឋបាលសាលាខេត្តសៀមរាបត្រូវបានប្រកាសតែងតាំងជាផ្លូវការ
ខេត្តសៀមរាប ៖ លោក សុខ ថុល ឋានន្តរសកិ្តវរៈមន្ត្រីថ្នាក់លេខ១ នាយករងរដ្ឋបាលសាលាខេត្ត ត្រូវបានប្រកាសតែងតាំង ជានាយករដ្ឋបាលសាលាខេត្តសៀមរាប ជំនួសលោក នួន ពុទ្ឋារ៉ា ដែលត្រូវផ្ទេរភារកិច្ចទៅកាន់តំណែងជាអភិបាលក្រុងសៀមរាប ។ ពិធីនេះបានប្រារព្ធធ្វើទៅកាលពីព្រឹកថ្ងៃទី១៤ ខែ វិច្ឆិកា ឆ្នាំ២០១៨ នៅរដ្ឋបាលសាលាខេត្តសៀមរាប ក្រោមអធិបតីភាពរបស់ឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្តសៀមរាប និង ឯកឧត្តម អ៊ឹង ហឿន ប្រធានក្រុមប្រឹក្សាខេត្ត ។
បន្ទាប់ពីគណៈអធិបតីប្រគល់ប្រកាសតែងតាំងរួមក លោកនាយករដ្ឋបាលសាលាខេត្ត ដែលទើបទទួលការតែងតាំងថ្មីបានការប្តេជ្ញាចិត្តរបស់ខ្លួនដើម្បីបំពេញតួនាទីអោយបានល្អប្រសើរ។
ឯកឧត្តមបណ្ឌិត ឃឹម ប៊ុនសុង អភិបាលខេត្តការប្រកាសតែងតាំង លោក សុខ ថុល ជានាយករដ្ឋបាលសាលាខេត្តនៅពេលនេះ ក៏មានការជឿជាក់យ៉ាងច្បាស់ពីរាជរដ្ឋាភិបាល ក្រសួងមហាផ្ទៃ និង អាជ្ញាធរខេត្ត ចំពោះមន្ត្រី ថ្នាក់ដឹកនាំនៅរដ្ឋបាលថ្នាក់ក្រោមជាតិ ដែលជាការលើកទឹកចិត្តដល់មន្ត្រី ឲ្យបន្តខិតខំបំពេញភារកិច្ច ក្នុងការបម្រើជាតិមាតុភូមិ ។ ម្យ៉ាងទៀតក៏ជាគោលការណ៍របស់រាជរដ្ឋាភិបាល ក្នុងការរៀបចំនូវរចនាសម្ព័ន្ធក្បាលម៉ាស៊ីដឹកនាំថ្នាក់ក្រោមជាតិ ដើម្បីឆ្ពោះទៅរកកិច្ចអភិវឌ្ឍន៍ ក្នុងការបម្រើសេវាចាំបាច់ ឆ្លើយតបទៅតម្រូវការផលប្រយោជន៍របស់ប្រជាពលរដ្ឋ ។
ឯកឧត្តមបណ្ឌិតបានលើកនូវចំណុចសំខាន់ៗមួយចំនួន ដែលជាមូលដ្ឋានគ្រឹះសម្រាប់មន្ត្រីគ្រប់រូប យកទៅអនុវត្តឲ្យប្រកបដោយប្រសិទ្ធភាព ក្នុងនោះបានផ្តោតសំខាន់លើការបង្កើតច្រកចេញចូលតែមួយ បម្រើសេវាសាធារណៈឲ្យកាន់តែនៅជិតប្រជាពលរដ្ឋ ក្នុងការទំនាក់ទំនង និង សម្រួលឲ្យបានលឿន រហ័ស និង តម្លាភាពនូវរាល់ឯកសារផ្សេងៗ ដែលជាតម្រូវការចាំបាច់របស់ពួកគាត់ ហើយក៏បានលើកឡើងអំពីច្បាប់ ដែលក្រសួងបានរៀបចំ ដែលជាវិធានការបង្ក្រាប និង ឆ្លើយតបទៅនឹងបញ្ហាមួយចំនួន សំខាន់ទាក់ទងទំនាស់ទាំងឡាយ ក្នុងគោលដៅ ដោះស្រាយឲ្យខាងតែបាននូវរាល់បញ្ហាដែលមាន កើតឡើងនៅក្នុងមូលដ្ឋានរបស់ខ្លួន គឺត្រូវធ្វើការកាត់បន្ថយឲ្យនៅកាន់តែតិចទៅៗ នោះពិតជាភាពជាអ្នកដឹកនាំ ក្នុងការបម្រើដល់ផលប្រយោជន៍របស់ប្រជាពលរដ្ឋ ។
ឯកឧត្តមបណ្ឌិត ឃឹម ប៊ុនសុង ក៏បានផ្តាំផ្ញើដល់ លោកនាយករដ្ឋបាលថ្មី នៃសាលាខេត្តសៀមរាប ធ្វើយ៉ាងណាត្រូវខិតខំប្រឹងប្រែងយកចិត្តទុកដាក់ ក្នុងការអនុវត្តន៍នូវតួនាទីភារកិច្ចរបស់ខ្លួន ដោយឈរលើជំហរទទួលខុសត្រូវលើការងារ រក្សាសាមគ្គីឯកភាពផ្ទៃក្នុង ដាស់តឿនក្រើនរំលឹកគ្នាទៅវិញទៅមក ដោយប្រកាន់ខ្ជាប់នូវគោលការណ៍គ្រឹះទាំង៤សម្រាប់មន្ត្រីមុខងារសាធារណៈ គឺឆន្ទៈម្ចាស់ការ ភក្ដីភាព មនសិការវិជ្ជាជីវៈ និង វប្បធម៌សេវាសាធារណៈ និង ត្រូវបន្តសហការល្អគ្រប់ ជាមួយបណ្តាក្រសួង មន្ទីរ ស្ថាប័ន អង្គភាពនានា គោរពនិងអនុវត្តតាមរដ្ឋធម្មនុញ្ញ ច្បាប់ និងលិខិតបទ ដ្ឋានគតិយុត្តិនានា របស់រាជរដ្ឋាភិបាលកម្ពុជា ក្រសួងមហាផ្ទៃ និង សេចក្តីណែនាំរដ្ឋបាលខេត្ត ប្រកបដោយប្រសិទ្ឋភាពខ្ពស់ ៕
អានបន្ត
ពិធីប្រកាសតែងតាំងអភិបាលក្រុងសៀមរាបថ្មីនឹងអភិបាលស្រុក ប្រាសាទ បាគង ត្រូវបានបញ្ចប់ក្នុងថ្ងៃតែមួយ ឲ្យ ចូលកាន់តំណែង ថ្មី
ខេត្តសៀមរាប ៖ ថ្ងៃចន្ទ័ ៥កើត ខែកត្តិក សំរឹទ្ធិ ស័ក ព.ស. ២៥៦២ ត្រូវនឹងថ្ងៃ ចន្ទ័ ទី១២ ខែវិច្ឆិកា ឆ្នាំ២០១៨ ព្រឹកមិញនេះរដ្ឋបាលក្រុងសៀមរាប បានបើកកម្មវិធី ប្រកាសតែងតាំង អភិបាលក្រុង សៀមរាប ថ្មី ជំនួសមុខតំណែង លោក សូរ ប្លាតុង អតីត អភិបាលក្រុង សៀមរាប ដោយដាក់ លោក នួន ពុទ្ធារ៉ា ជាអភិបាល ក្រុងសៀមរាប ជំនួសលោក សូរ ប្លាតុង ចំណែកលោក សូរប្លាតុង បានចូលទៅកាន់តំណែងជាអភិបាល ស្រុក ប្រាសាទ បាគង បន្ទាប់ពីប្រកាសលោក សូរ ប្លាតុង ជាអភិបាល ស្រុកប្រាសាទ បាគង រួចមក ក្រោមការចូលរួមជាអធិបតីដោយ លោក ឃឹម ប៊ុន សុង អភិបាលខេត្តសៀមរាប នឹង មន្ត្រីរាជការ ចូលរួមផងដែល រួចមកត្រឡប់មកពរពពិធី តែងតាំងលោក នួន ពុទ្ធារ៉ា ជាអភិបាលក្រុង សៀមរាបវិញម្តងក្នុងថ្ងៃតែមួយ។
ការគោរពពិធីដោះដូរតំណែងនេះផងដែល ត្រូវបានមហាជនមើលឃើញនិយាយតៗគ្នា ថាវាមិនសាកសំលោក សូរ ប្លាតុង អតីតជាអភិបាល ក្រុង បែរជាទៅកាន់តំណែងជាអភិបាលស្រុកវិញនោះ ដោយអ្នកខ្លះក៍បាននិយាថាសោកស្តាយចំពោះ លោក សូរ ប្លាតុង ដែលលោកតែងតែចូលរួមចំណែក កសាងស្នាដៃ ក្រុង សៀមរាប បានច្រើនផងដែលរហូតដល់ទីក្រុងជាប់ចំណាប់ថ្នាក់លេខមួយ មានឈ្មោះ ហៅថារំដួលបីទង់ នឹងបានរៀបចំបរិស្ថាន កែលំអរទីក្រុង មានភាពស្រស់ស្អាត។ល។
ទោះបីជាយ៉ាងណាក៍ដោយកម្មវិធីនេះបានប្រពឹត្តទៅដោយរលូន នៅថ្ងៃច័ន្ទទី១២ខែវិច្ឆិការ ឆ្នាំ២០១៨ នាព្រឹកមិញនេះ ប្រជាពលរដ្ឋរស់នៅក្រុង សៀមរាប ក៍ដូចជាមន្ត្រីរាជការ នឹងរងចាំមើលតើ លោក នួន ពុទ្ធារ៉ា ដែលទើបតែនឹងឡើងចូលមកកាន់តំណែងជាអភិបាលក្រុង ថ្មី មានស្នាដៃនៃការអភិឌ្ឈវត្ត ក្រុង សៀមរាប ដូចលោក សូរ ប្លាតុង ដែរឬទេ?៕ អានបន្ត