ខេត្តតាកែវ ៖ ក្រោយពីបានកំណត់មុខសញ្ញា និងស្រាវជ្រាវយ៉ាងម៉ត់ចត់ តាមគោលការណ៍ដឹកនាំរបស់ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ចំពោះមុខសញ្ញាលួច ឆក់ ប្លន់ក្នុងមូលដ្ឋាន នៅថ្ងៃពុធ ៧ រោច ខែមិគសិរ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៨ ខែធ្នូ ឆ្នាំ២០១៩ វេលាម៉ោង១០៖៣០នាទី កម្លាំងជំនាញអធិការដ្ឋាននគរបាលស្រុកត្រាំកក់ បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីអំពើលួច(ម៉ូតូ)។ ជនសង្ស័យទី០១មានឈ្មោះ សៀង កុសល ភេទប្រុស អាយុ៣០ឆ្នាំ រស់នៅភូមិរមុន ឃុំបឹងត្រាញ់ខាងជើង ស្រុកសំរោង ខេត្តតាកែវ (មុខសញ្ញាកាច់សោម៉ូតូ) ឃាត់ខ្លួនខណៈពេលជិះម៉ូតូមួយគ្រឿងម៉ាកស៊ុយស៊ុយគីនិច ដើរលក់ដោយគ្មានឯកសារ ត្រង់ចំណុចនៅភូមិខ្លាគ្រហ៊ឹម ឃុំតាភេម ស្រុកត្រាំកក់ ។តាមចម្លើយសារភាពរបស់ជនសង្ស័យខាងលើ កម្លាំងជំនាញបានស្រាវជ្រាវឃាត់ខ្លួនបានជនសង្ស័យទី០២មានឈ្មោះឡាយ សុភាព ភេទប្រុស អាយុ៤៧ឆ្នាំ រស់នៅភូមិដំណាក់ហ្លួង ឃុំជំរះពេន ស្រុកសំរោង នៅចំណុចភូមិត្រពាំងវែង ឃុំបឹងត្រាញ់ខាងត្បូង ស្រុកសំរោង (មុខសញ្ញាកាច់សោម៉ូតូ) ដែលមុខសញ្ញាខាងលើមានដីចាប់ខ្លួនផងដែរពាក់ព័ន្ធករណីលួចមានស្ថានទម្ងន់ទោស(ប្លន់ប្រដាប់អាវុធ) ប្រព្រឹត្តនៅឃុំបឹងត្រាញ់ខាងជើង ស្រុកសំរោង កាលពីថ្ងៃទី២៥ ខែធ្នូ ឆ្នាំ២០០១ ហើយបានរត់គេចខ្លួនដល់បច្ចុប្បន្ន ។ក្រោយឃាត់ខ្លួន កម្លាំងជំនាញដកហូតវត្ថុតាងរួមមាន៖ ម្សៅក្រាមពណ៌សថ្លា ០១កញ្ចប់ -ទូរស័ព្ទដៃ ០២គ្រឿង -ម៉ូតូ០២គ្រឿង -ផ្លាកលេខម៉ូតូចំនួន ០៣ផ្លាកនិងសម្ភារមួយចំនួនទៀត ។ បច្ចុប្បន្នជនសង្ស័យនិងវត្ថុតាងកម្លាំងជំនាញកំពុងកសាងសំណុំរឿងតាមនីតិវិធី៕ ដោយ វណ្ណាសូមផ្ដល់ព័ត៌មានមកសម្លេងខ្មែរពិតតាមរយៈ 012 984 855 រឺតាមរយៈ (Line ,What App. Telegram)
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ