ថ្ងៃសុក្រ ទី១០ ខែមេសា ឆ្នាំ២០២០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
ក្រសួង​ព័ត៌មាន​បើក​សិក្ខាសាលា​ពង្រឹងសមត្ថភាព​អ្នកកាសែត​២០០​នាក់​ស្តីពី ការផ្សាយ​ព័ត៌មាន​ប្រកប​ដោយ​វិជ្ជាជីវៈ និង​ក្រមសីលធម៌ ក្រោម​អធិបតីភាព ឯកឧត្តម ខៀវ កាញារីទ្ធ​
Thu,13 February 2020 (Time 11:54 AM)
ដោយ សម្លេងខ្មែរពិត (ចំនួនអ្នកអាន: 274នាក់)


ភ្នំពេញ ៖ នៅ​ព្រឹក​ថ្ងៃ​ពុធ​៤​រោជ​ខែ​មាឃ​ឆ្នាំកុរ​ឯ​កស​ក័ព​.​ស​.២៥៦៣​ត្រូវ​នឹង​ថ្ងៃទី​១២​ខែ​កុម្ភៈ​ឆ្នាំ​២០២០ ក្រសួង​ព័ត៌មាន បានបេ​ី​ក​សិក្ខាសាលា​ផ្សព្វផ្សាយ ស្តីពី ការផ្សាយ​ព័ត៌មាន​ប្រកប​ដោយ​វិជ្ជាជីវៈ និង​ក្រមសីលធម៌​ក្រោម​អធិបតីភាព​ដ៏​ខ្ពង់ខ្ពស់ ឯកឧត្តម ខៀវ កាញារីទ្ធ រដ្ឋមន្ត្រីក្រសួង​ព័ត៌មាន នៅ​សាល​សត្យា​ទីស្ដីការ​ក្រសួង​ព័ត៌មាន​។

​កិច្ច​ចាប់ផ្តេីម​កម្មវីធី​នេះ ឯកឧត្ដម​ផុស​សុវណ្ណ​ប្រតិភូ​រាជរដ្ឋាភិបាល​ទទួលបន្ទុក​ជា​អគ្គនាយកដ្ឋាន​ព័ត៌មាន​និង​សោតទស្សន៍​នៃ​ក្រសួង​ព័ត៌មាន​បាន​លើកឡើង​ពី​សាវតា​នៃ​ការរៀបចំ​សិក្ខាសាលា​នេះ​មានមតិ​សំណេះសំណាល​និង​បើក​សិក្ខាសាលា​។

​សិក្ខាសាលា​នេះ​ធ្វើ​បទ​បង្ហាញ​ដោយ​វាគ្មិន​អ្នកជំនាញ​ព័ត៌មាន​២​រូប​គឺ​៖
១.​ឯកឧត្ដម​មឿន​ឈាន​ណា​រិទ្ធ​ទីប្រឹក្សា​ក្រសួង​ព័ត៌មា​ន​ធ្វើ​បទ​បង្ហាញ​ស្ដីពី​របៀប​សរសេរ​ព័ត៌មាន​និង​យុទ្ធសាស្ត្រ​ធ្វើ​បទសម្ភាសន៍​ដោយ​ជោគជ័យ​ទាក់ទង​នឹង​វិស័យ​សុខាភិបាល​ជំងឺ​កូរ៉ូណា​(COVID-19)​។​

២.​ឯកឧត្ដម​ឆាយ​សុផល​អនុរដ្ឋលេខាធិកា​រ​ក្រសួង​ព័ត៌មាន ធ្វើ​បទ​បង្ហាញ​ស្ដីពី​សេចក្ដីរាយការណ៍​ព័ត៌មាន​ពេញលេញ​និង​មាន​វិជ្ជាជីវៈ​ដែល​បង្ហាញ​៤​ចំណុច​៖

​ក​.​បរិបទ​ទូទៅ​ទាក់ទង​នឹង​ព័ត៌មាន​
​ខ​.​តើ​ព័ត៌មាន​ពេញលេញ​ត្រូវមាន​ធាតុ​អ្វីខ្លះ​?
​គ​.​ក្រមសីលធម៌​សម្រាប់​អ្នកព័ត៌មាន​
​ឃ​.​ច្បាប់​ផ្សេងៗ​ទាក់ទង​នឹង​វិស័យ​ព័ត៌មាន​

​សិក្ខាសាលា​នេះ មាន​សិក្ខាកាម​ជា​អ្នកសារព័ត៌មាន​ចូលរួម​ជាង ២០០​នាក់ មក​តាម​បណ្ដា​រាជធានី​-​ខេត្ត​ទាំង​២៥​។

​វាគ្មិន​ទាំងពីរ​បាន​ជំរុញ​អោយ​អ្នកសារព័ត៌មាន​ត្រូវ​គោរព​ក្រមសីលធម៌​និង​វិជ្ជាជីវៈ​មុននឹង​ធ្វើ​ការផ្សព្វផ្សាយ​ត្រូវ​ស៊េី​បយក​ព័ត៌មាន​ឲ្យបាន​ច្បាស់លាស់​គ្រប់​ជ្រុងជ្រោយ ជៀសវាង​ការចុះផ្សាយ​ខុស​ពី​ការពិត​និង​ត្រូវ​សរសេរ​ព័ត៌មាន​ពិត​ជៀសវាង​ព័ត៌មាន​ក្លែងក្លាយ​និង​ចូលរួម​ទប់ស្កាត់​ព័ត៌មាន​ក្លែងក្លាយ​ឲ្យបាន​ទាន់​ពេល​។​

​បន្ទាប់​មក​ឯកឧត្ដម​ញ៉ែម​ណ​យ​ទីប្រឹក្សា​ក្រសួង​ព័ត៌មាន​និង​ជា​ប្រធាន​នាយកដ្ឋាន​មណ្ឌល​ព័ត៌មាន​បាន​ឡើង​ធ្វើ​សេចក្តីរាយការណ៍​សង្ខេប​ពី​លទ្ធផល​នៃ​អង្គ​សិក្ខាសាលា​ជូន​ឯកឧត្ដម​រដ្ឋមន្ត្រីក្រសួង​ព័ត៌មាន​ជ្រាប​មុន​នឹង​ឡេីង​ថ្លែង​បិទ​កម្មវិធី​។​

​មានមតិ​សំណេះសំណាល​បិទ​កម្មវិធី​ឯកឧត្ដម​ខៀវ​កាញារីទ្ធ រដ្ឋមន្ត្រីក្រសួង​ព័ត៌មាន​បាន​ក្រើន​រំ​ឮ​ក​ដល់​អ្នកសារព័ត៌មាន​ទាំងអស់​ត្រូវ​ផ្សព្វផ្សាយ​ព័ត៌មាន​របស់​ខ្លួន​ប្រកបដោយ​វិជ្ជាជីវៈ​ក្រមសីលធម៌​និង​មាន​ប្រភព​ច្បាស់​លាស់​ការផ្សាយ​ព័ត៌មាន​ពិត​វា​នឹង​ក្លាយជា​អាវ​ក្រោះ​ការពារ​អ្នកសារព័ត៌មាន​ពី​ទណ្ឌកម្ម​ផ្លូវច្បាប់​។​

​ឯកឧត្តម​រដ្ឋមន្ត្រី​បញ្ជាក់បន្ថែម​ថា​ក្រមសីលធម៌​មាន​សារៈសំខាន់​វា​មិនមែន​មាន​លក្ខណៈ​បង្ខំ​ត្រូវ​មាន​ទោស​ទេ​ប៉ុន្តែ​ក្រមសីលធម៌​ដូចជា​ខ្យល់​នៅក្នុង​បា​ឡុង​
​ទី​១៖​រក្សា​តម្លៃ​ថ្លៃថ្នូរ​របស់​យើង​ជា​អ្នកកាសែត​ដែល​បង្ហាញ​ថា​យើង​មាន​វិជ្ជាជីវៈ​ត្រឹមត្រូវ​ពិតប្រាកដ​យើង​បាន​ឆ្លងកាត់​ការរៀនសូត្រ​
​ទី​២៖​វា​បាន​បង្ហាញ​ពី​ការផ្តល់​តម្លៃ​ទៅលើ​មនុស្ស​នៅក្នុង​សង្គម​ទាំងអស់​គ្នា​។​ការប្រើប្រាស់​ភាសា​ថ្លៃថ្នូរ​និង​ការរក្សា​ភាពថ្លៃថ្នូរ​របស់​អ្នកសារព័ត៌មាន​និង​មន្ត្រី​ព័ត៌មាន​គឺ​រក្សាបាន​នូវ​តម្លៃ​ថ្លៃថ្នូរ​ជា​ពិសេស​បាន​បង្ហាញ​ឱ្យដឹង​ពី​កម្រិត​សិក្សាអប់រំ​ការយល់ដឹង​របស់​អ្នកសារព័ត៌មាន​ព្រមទាំង​អ្នកពាក់ព័ន្ធ​ជាដើម​។​

​ជា​ចុងក្រោយ ឯកឧត្ដម​រដ្ឋមន្ត្រី បាន​ជូនពរ​ដល់​សិក្ខាកាម​ឲ្យ​ជួបប្រទះ​ពុទ្ធពរ​ទាំង​បួន​ប្រការ​គឺ​អាយុ​វណ្ណៈ​សុខៈ​ពលៈ​កុំបី​ឃ្លៀងឃ្លាត​ឡើយ​៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ