ព័ត៌មានចាស់ៗ
បុរសម្នាក់បើករថយន្ត ដឹកស្វាយទម្ងន់ជាង១៥តោន ឡើងស្ពានព្រះមុនីវង្ស មិនរួចរអិលថយក្រោយ បុករះបង្កាន់ដៃស្ពាន បណ្ដាលឲ្យក្រឡាប់ផ្ងារជើង សំណាងល្អមិនមានអ្នករងរបួស
រាជធានីភ្នំពេញ៖នៅម៉ោងជាង២យប់ ថ្ងៃទី១៩ ខែកុម្ភៈ ឆ្នាំ២០១៩នេះ មានករណីគួរឲ្យភ្ញាក់ផ្អើលមួយបានកើតឡើង ដោយរថយន្តដឹកស្វាយទម្ងន់ជាង១៥តោន ម៉ាក Hyundai ពណ៌ស ពាក់ស្លាកលេខ តាកែវ 3A-2397 មួយគ្រឿង បានបើកឡើងស្ពានព្រះមុនីវង្ស មិនរួចក៏រអិលថយក្រោយបុករះបង្កាន់ដៃស្ពាន បណ្ដាលឲ្យក្រឡាប់ផ្ងារជើង សំណាងល្អមិនបណ្ដាលឲ្យនរណាម្នាក់ រងគ្រោះថ្នាក់។
បើតាមប្រភពព័ត៌មានពីម្ចាស់ស្វាយ បានឲ្យដឹងថា៖នៅមុនពេលកើតហេតុរូបគាត់និងអ្នកបើកបរម្នាក់បានដឹកស្វាយមួយឡានពេញ ដើម្បីយកទៅលក់នៅប្រទេសវៀតណាម លុះមកដល់ចំណុចកើតហេតុ ស្រាប់តែរថយន្តខាងលើបានបើកឡើងស្ពានព្រះមុនីវង្ស ក្នុងល្បឿនលឿន ជិតដល់ពាក់កណ្ដាលស្ពាន ក៏ស្រាប់តែរថយន្តទៅមុខលែងរួច ភ្លាមៗនោះគាត់បានរត់ចុះយកឈើទៅដាក់កង់រថយន្ត ដើម្បីកុំឲ្យរអិលថយក្រោយ តែដោយសាររថយន្តដឹកធ្ងន់ពេក ក៏រអិលថយក្រោយជ្រុលបុករះបង្កាន់ដៃស្ពានព្រះមុនីវង្ស តែម្តងបណ្ដាលឲ្យរងការខូចខាតអស់ចំនួន៤ផ្ទាំង។
ចំណែកឯរថយន្តវិញបានក្រឡាប់ផ្ងារជើងម្ខាង រងការខូចខាតយ៉ាងដំណំ តែសំណាងល្អមិនបណ្ដាលឲ្យមាននរណាម្នាក់រងរបួស។
ក្រោយកើតហេតុសមត្ថកិច្ចមូលដ្ឋានបានចុះមកដល់រួចធ្វើការទាក់ទង ទៅសមត្ថកិច្ចជំនាញ ចុះមកធ្វើការវាស់វែងយករថយន្តទៅរក្សាទុក នៅការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយគ្នាទៅតាមផ្លូវច្បាប់នៅពេលក្រោយ៕ អានបន្ត
សមាគមសេរីភាពអ្នកសារព័ត៌មានកម្ពុជា នាំបច្ច័យចូលរួមបុណ្យសព ចាងហ្វាង កាសែតចៅកម្សត់ នៅថ្មគោល
បាត់ដំបង៖ តំណាង សមាគមសេរីភាពអ្នកសារព័ត៌មានកម្ពុជា បានមកចូលរួមពិធីបុណ្យ និងនាំបច្ច័យរបស់ថ្នាក់ដឹកនាំ និង សមាជិកសមាជិកាសមាគម មកប្រគល់ជូន ភរិយា សពលោក មុឹង កំសត់ ចាងហ្វាងកាសែត សម្លេងចៅកម្សត់ ដែលបានទទួលមរណៈភាព ថ្មីៗនេះ កាលពីរសៀលថ្ងៃពុធ ទី១៩ ខែកុម្ភៈ ឆ្នាំ២០១៩ នៅគេហដ្ឋាននៃសព ស្ថិតនៅភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង។
លោក ស៊ុប គ្រីយ៉ា និង លោក ថាំង ប៊ុនសុង តំណាងឲ្យ លោក ទេស វិបុល ប្រធានសមាគម បានសម្តែងការសោកស្តាយ ក្តីអាឡោះអាល័យ ពាំនាំនូវការរំលែកមរណៈទុក្ខជូនគ្រួសារនៃសព និង លើកទឹកចិត្តឲ្យភរិយាសព ឲ្យពង្រឹងស្មារតី បន្តរស់នៅចិញ្ចឹមកូនទាំង៣និងម្តាយជរា រក្សាទំនាក់ទំនងល្អ និង បានប្រគល់បច្ច័យមួយចំនួនធំ ជូន ភរិយាសព លោក កំសត់។
លោក ស្រី ធីសុផល ដែលជាភរិយាសព បានថ្លែងអំណរគុណ យ៉ាងជ្រាលជ្រៅ ដល់ លោក ទេស វិបុល និង ក្រុមការងារ សមាគមសេរីភាពអ្នកសារព័ត៌មានកម្ពុជា ដែលបានចំណាយពេលវេលាអញ្ជើញចូលរួមពិធីបុណ្យ លើកទឹកចិត្ត និង ចូលបច្ច័យបុណ្យ ដោយទឹកចិត្តជ្រះថ្លា។
បងប្អូនញាតិមិត្តដែលចង់ចូលរួមបុណ្យសព សូមអញ្ជើញទៅផ្ទះនៃសពផ្ទាល់ រឺ ចូលបច្ច័យ តាមរយៈ ភរិយាលោកផ្ទាល់ គឺ លោក ស្រី ធីសុផល តាមរយៈ លេខទូរស័ព្ទ 097 82 16 111 / 061 73 59 59។
សូមបញ្ជាក់ថា លោក មុឹង កំសត់ អាយុ៤៥ឆ្នាំ ជា ចាងហ្វាង កាសែត សម្លេងចៅកម្សត់ បានជួុបគ្រោះថ្នាក់ចរាចរណ៍ កាលវេលាម៉ោង៨យប់ ថ្ងៃ១៥ ខែកុម្ហៈ ឆ្នាំ២០១៨នេះ នៅលើដងផ្លូវជាតិលេខ៥ ចំណុចភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង ជិតផ្ទះរបស់លោកតែម្តង។
តាមការបញ្ជាក់របស់ អ្នកស្រី ធី សុផល ត្រូវជាភរិយា ប្រាប់ថា មូលហេតុនៃគ្រោះថ្នាក់ចរាចរណ៍នេះ ដោយសារ លោក កំសត់ បើកម៉ូតូកង់បីចេញពីផ្ទះមកទិញទឹកកក ក្លាសេសម្ភារធ្វើចេកឆាបលក់ ក៏ត្រូវរថយន្តបុកពីក្រោយ ទើបបណ្តាលឲ្យក្រឡាប់កង់បី សង្កត់ពីលើ របួសធ្ងន់ធ្ងរ ត្រូវបានបញ្ជូនទៅសង្គ្រោះបន្ទាន់នៅមន្ទីពេទ្យបង្អែកខេត្តបាត់ដំបង។ ចំណែករថយន្តបង្កបានបើករត់គេចបាត់ស្រមោល។
ដោយរបួសធ្ងន់ធ្ងរពេក ទើបបណ្តាលអោយ លោក ចៅកម្សត់ ស្លាប់ កាលពីវេលាម៉ោង ១២យប់ ថ្ងៃទី១៧ ឈានចូល ១៨ ខែកុម្ភៈ ឆ្នាំ២០១៩នេះ នៅមន្ទីរពេទ្យ។
បច្ចុប្បន្ន សពកំពុងត្រូវបានក្រុមគ្រួសារ ធ្វើបុណ្យតាមប្រពៃណី នៅផ្ទះ លោក កំសត់ ស្ថិតនៅ ភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង ហើយនឹង បូជា នៅព្រឹកថ្ងៃទី២០ កុម្ភៈ ២០១៩ខាងមុខ៕ អានបន្ត
បង្ក្រាបបុរសម្នាក់ ដកហូតបានគ្រឿងញៀន ៣ កញ្ចប់
នៅថ្ងៃទី២៦ ខែធ្នូ ឆ្នាំ២០១៨ វេលាម៉ោង១៧h.០០នាទី ដោយអនុវត្តន៍តាមគោលការណ៍ដឹកនាំរបស់លោក សុខ ពេញវុធ អភិបាលនៃគណះអភិបាលខណ្ឌដូនពេញ អធិការដ្ឋាន ប៉ុស្តិ៍ បានបើកការស្រាវជ្រាវបង្ក្រាប ករណីរក្សាទុកដោយខុសច្បាប់នូវសារធាតុញៀន ស្ថិតនៅចំណុចផ្លូវ៩០កែងផ្លូវ៧៥ ក្រុម១០១ ភូមិ១០ សង្កាត់វត្តភ្នំ ។
ជាលទ្ធផលនៃកិច្ចប្រតិបត្តិការណ៍នេះ កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន០១នាក់រួមមាន៖
ឈ្មោះ សែម កក្កដា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់ផ្ទះលេខ៣៩E០ ផ្លូវ១៣៤ សង្កាត់ផ្សារដេប៉ូ២ ខណ្ឌទួលគោក (រក្សាទុកគ្រឿងញៀន)។
វត្ថុតាងចាប់យករួមមាន
១/ក្រាមពណ៌សរថ្លាសង្ស័យជាគ្រឿងញៀនចំនួន០៣កញ្ចប់.។
២/ថង់សំរាប់ច្រកគ្រឿងញៀនមួយចំនួន។
៣/ឧបករណ៍ប្រើប្រាស់មួយចំនួន។
៤/ម៉ូតូម៉ាកវីវា ពណ៌ខ្មៅ ពាក់ស្លាកលេខ 1FF0223។
ចំពោះមុខ កម្លាំងជំនាញខណ្ឌ ប៉ុសិ៍្ត កំពុងយកចម្លើយបន្តស្រាវជ្រាវរកបក្ខពួកនិង ក្រុមដ៏ទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
អានបន្ត
រមណីយដ្ឋានទឹកធ្លាក់៩ជាន់ ជាកន្លែងលម្ហែ កម្សាន្តប្រកបដោយសោភ័ណភាព និងផ្តល់នូវផាសុខភាព ដែលយើងមិនអាចមើលរំលង
(ខេត្តកំពត)៖ សូមភ្ញៀវទេសចរ ជាតិ និងអន្តរជាតិ ចូរទៅកម្សាន្តសប្បាយលេង នៅរម្មណីយដ្ឋានទឹកធ្លាក់ ៩ជាន់ ជាកន្លែង ផាសុកភាព ចាប់បើកឡើងវិញហើយ ពីថ្ងៃទី៣០ ខែធ្នូ ឆ្នាំ២០១៨នេះតទៅហើយ។
ទេសចរណ៍ទឹកធ្លាក់៩ជាន់ នៅខេត្តកំពត មានទេសភាពស្រស់ស្អាតគ្មានពីរដែលយើងមិនអាចមើលរំលងបានឡើយ ហើយកន្លងមក ភ្ញៀវទេសចរ ដែលចង់ទៅទស្សនាទឹកធ្លាក់ដ៏ស្រស់ស្អាត តែងតែគិតថា មានតែនៅក្នុងភូមិភាគឦសាន្តនោះទេ។ ដោយឡែក នៅពេលនេះយើងសូមនាំលោកអ្នក ទៅកាន់តំបន់ទឹកធ្លាក់មួយកន្លែង ដែលស្ថិតនៅទឹកដី ខេត្តកំពត ដែលមានសម្រស់មិនចាញ់ទឹកធ្លាក់នានា នៅតាមបណ្តាខេត្តភូមិភាគឦសានឡើយគឺ «ទឹកធ្លាក់៩ជាន់»។
ទឹកធ្លាក់ ៩ជាន់ ស្ថិតនៅក្នុងទឹកដី ភូមិអន្លង់ក្មេងលេង ឃុំតេជោអភិវឌ្ឍ ស្រុកឈូក ខេត្តកំពត ជាប់នឹងព្រំប្រទល់ស្រុកភ្នំស្រួចខេត្តកំពង់ស្ពឺ ដោយភ្ញៀវទេសចរទាំងឡាយអាចធ្វើដំណើរ ទៅកាន់ទីនោះបាន តាមផ្លូវជាតិលេខ៤លុះដល់ចំណុចត្រង់ចន្លោះគីឡូម៉ែត្រលេខ ៩៩ និង ១០០ ត្រូវបត់ឆ្វេងតាមខ្លោងទ្វារចូលតំបន់តេជោអភិវឌ្ឍន៍ ឬតំបន់យោធិនក្នុងទឹកដីតាកែនកោះស្លា ស្រុកឈូក ខេត្តកំពត។
ស្ថិតក្រោមបរិយាកាសដ៏សែនមនោរម្យ ដែលប្រមូលផ្តុំដោយធម្មជាតិស្រស់បំព្រងនោះ នៅទឹកធ្លាក់ ៩ជាន់នេះ រយៈពេលច្រើនឆ្នាំកន្លងមក មានអ្នកទេសចរជាក្រុមៗមានទាំងជនបរទេសផងដែរ បានទៅលេងកម្សាន្តស្រូបយកខ្យល់អាកាសដ៏បរិសុទ្ធ ការគយគន់មើល ទឹកធ្លាក់បណ្តែតអារម្មណ៍ និងការជួបជុំគ្នាញុាំអាហារនៅក្រោមម្លប់ឈើយ៉ាងត្រជាក់កាយ។
បច្ចុប្បន្ន ទឹកធ្លាក់ ៩ ជាន់ បាន និង កំពុងតែមានសក្តានុពលយ៉ាងខ្លាំង និងត្រូវបានគេចាត់បញ្ចូលជាចំណុចស្នូលសម្រាប់វិស័យទេសចរណ៍របស់ ខេត្តកំពតផងដែរ ដែលអាចទាក់ទាញកំណើនភ្ញៀវទេសចរជាតិ និង អន្តរជាតិមកពីគ្រប់មជ្ឈដ្ឋាន មកសម្រាក លម្ហែ កម្សាន្តនៅតំបន់នេះកាន់តែច្រើនឡើងៗពីមួយថ្ងៃទៅមួយថ្ងៃ។
នៅតំបន់ទឹកធ្លាក់ ៩ជាន់ យើងក៏ឃើញមានទេសភាពប្លែកៗជាច្រើនកន្លែង ដែលធ្វើឱ្យអារម្មណ៍ របស់អ្នកទេសចរមានភាពស្រស់ស្រាយសប្បាយជាមួយនឹងខ្យល់អាកាសត្រជាក់បរិសុទ្ធមានទឹកធ្លាក់ជាដំណាក់ៗកាត់ពីលើផ្ទាំងថ្មដាតូចធំគួរជាទីជាប់ចិត្តប្រតិព័ទ្ធ ។
សម្រស់ទេសភាពធម្មជាតិទឹកធ្លាក់ ៩ ជាន់មានភាពអស្ចារ្យខ្លាំងណាស់គឺខុសប្លែកពីតំបន់រមណីយដ្ឋានទឹកធ្លាក់ផ្សេងៗ ព្រោះនៅទីនោះមានជ្រលងភ្នំខ្ពស់ ទាប មានព្រៃព្រឹក្សា វល្លិឈើព្រៃធ្លាក់ និង ទោរទន់មានទឹកហូរ ធ្លាក់តាមបណ្តោយកម្រាលថ្មដាថ្លាដូចកញ្ចក់ ។
មិនមានអ្វីដែលជាភាពលំបាកសម្រាប់ភ្ញៀវទេសចរក្នុងការជ្រើសរើសយកដំណើរកម្សាន្តមកកាន់ទឹកធ្លាក់៩ជាន់នោះឡើយពីព្រោះរមណីយដ្ឋានធម្មជាតិមួយនេះមានផ្លូវងាយស្រួលធ្វើដំណើរមានកន្លែងសម្រាប់ជួលឱ្យអ្នកទេសចរអង្គុយលេងមានលក់ម្ហូបអាហារក៏ដូចជាផ្លែឈើព្រៃដែលដាំដោយអ្នកស្រុកនៅតំបន់នោះយ៉ាងសម្បូរបែប ហើយភ្ញៀវទេសចរទាំងអស់ ក៏អាចវេចខ្ចប់យកម្ហូបចំណីពីផ្ទះ ទៅអង្គុយញុំាជួបជុំក្រុមគ្រួសារ មិត្តភក្តិ នៅក្រោមដើមឈើបាន ផងដែរ៕ អានបន្ត
លោក ជាវ តាយ ចុះពិនិត្យស្ថានភាពជាក់ស្ដែងឆ្លើយតបតាមសំណើរបស់ប្រជាពលរដ្ឋសុំអន្តរាគមន៍សម្របសម្រួលបើកដំណើរការសាងសង់ផ្លូវក្នុងសង្កាត់កំពង់បាយក្រុងកំពតខេត្តកំពត
(ខេត្តកំពត)៖ ឆ្លើយតបនឹងសំណើរនិងសំណូមពររបស់ប្រជាពលរដ្ឋ នៅរសៀលថ្ងៃទី២៥ ខែធ្នូ ឆ្នាំ២០១៨ លោក ជាវ តាយ អភិបាលនៃគណៈអភិបាលខេត្តកំពត អមដំណើរដោយអាជ្ញាធរមូលដ្ឋាននិងមន្ត្រីជំនាញពាក់ព័ន្ធបានអញ្ជើញចុះពិនិត្យទីតាំងជាក់ស្តែង និងបានសម្របសម្រួលជាមួយប្រជាពលរដ្ឋរងផលប៉ះពាល់ដើម្បីស្វែងរកដំណោះស្រាយ ឈ្នះ ឈ្នះមួយ ដាក់ជូន ដល់ភាគីទាំងពីរឲ្យមានដំណោះស្រាយមួយដ៏សមស្របតបតាម ក្នុងលិខិតស្នើសុំរបស់ប្រជាពលរដ្ឋចំនួន ២៣គ្រួសារ នៅក្នុងភូមិកំពង់បាយខាងជើង សង្កាត់កំពង់បាយក្រុងកំពត ពីបញ្ហាការបើកផ្លូវថ្មីសាងសង់ពីបេតុងមួយខ្សែ ចាប់ពីចំណុច ផ្លូវបេតុងត្រពាំងព្រលិត ដល់ផ្លូវជាតិលេខ៣ កំពត-ភ្នំពេញ ដែលជាផ្លូវគម្រោងរបស់សង្កាត់កំពង់បាយដែលមានការរាំងស្ទះនៃដំណើរការកសាង តាំងពីឆ្នាំ១៩៩១កន្លងមកហើយនោះ។
ជាមួយគ្នានេះ មហាជនក៏ដូចជាប្រជាពលរដ្ឋក្នុងក្រុងកំពតទាំងមូលពិតជាសំដែងក្តីរីករាយ និងមានជំនឿជឿជាក់លើដំណោះស្រាយរបស់រដ្ឋបាលខេ ត្តកំពត ពិសេសមានទំនុកចិត្តលើលោកអភិបាលខេត្ត ដែលជានិច្ចកាលតែងតែពុះពារក្នុងការដោះស្រាយរាល់បញ្ហាប្រឈមនានាបានទទួលផលវិជ្ជមាននាពេលកន្លងមក។ដូច្នេះចំពោះគម្រោងស្ថាបនាផ្លូវបេតុងមួយខ្សែខាងលើដែលបាននិងកំពុងជាប់គាំងអូសបន្លាយជាង២០ឆ្នាំមកហើយនោះ មហាជនជឿជាក់ថា លោកអភិបាលខេត្តកំពតនឹងរកគន្លឹះដោះស្រាយទទួលបានជោគជ័យនាពេលនេះមិនខាន៕ អានបន្ត
ពិធីប្រកាសតែងតាំងមុខតំណែងអភិបាលរងថ្មីនៃខណ្ឌព្រែកព្នៅ...!!
ការផ្លាស់ប្តូរភារកិច្ច តែងតាំងមន្ត្រីថ្មី គឺជាជីវភាពធម្មតារបស់មន្ត្រីរាជការ ស្របតាមច្បាប់លក្ខន្តិកៈមន្ត្រីរាជការស៊ីវិល ដើម្បីរក្សាបាននូវនិរន្តរភាពការងារ និងការបម្រើសេវាជូនប្រជាពលរដ្ឋ។
នាព្រឹកថ្ងៃពុធ ៤រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែធ្នូ ឆ្នាំ២០១៨ រដ្ឋបាលខណ្ឌព្រែកព្នៅ បានរៀបចំពិធីប្រកាសតែងតាំងមុខតំណែង អភិបាលរង នៃគណៈអភិបាលខណ្ឌព្រែកព្នៅ រាជធានីភ្នំពេញ ក្រោមអធិបតីភាព ឯកឧត្តម នួន ផារ័ត្ន អភិបាលរង នៃគណៈអភិបាលរាជធានីភ្នំពេញ តំណាងដ៏ខ្ពង់ខ្ពស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ។ ដែលមានការអញ្ជើញចូលរួមពីសំណាក់អភិបាលរង នៃគណៈអភិបាលរាជធានីភ្នំពេញ តំណាងសមាជិកក្រុមប្រឹក្សារាជធានីភ្នំពេញ លោក អភិបាល-អភិបាលរង នៃគណៈអភិបាលខណ្ឌទាំង១២ លោក លោកស្រីប្រធានមន្ទីរ អង្គភាព ស្ថាប័នជុំវិញរាជធានីភ្នំពេញ លោក ប្រធាន និងសមាជិក សមាជិកាក្រុមប្រឹក្សាខណ្ឌព្រែកព្នៅ លោក លោកស្រីអភិបាលរងខណ្ឌ មន្ត្រីរាជការ លោកចៅសង្កាត់ ស្មៀន សង្កាត់ទាំង៥ ។
សូមបញ្ជាក់ថា អភិបាលរង នៃគណៈអភិបាលខណ្ឌព្រែកព្នៅ លោក ទូច សាលីន អភិបាលរង នៃគណៈអភិបាលខណ្ឌព្រែកព្នៅ ដែលត្រូវផ្លាស់ប្តូរភារកិច្ច ជំនួសដោយ លោក ជា វីរៈ វិញ៕ អានបន្ត
នាយករដ្ឋមន្ត្រី សាទរ សមិទ្ឋផល ការអភិវឌ្ឍន៍ជាប្រវត្តិសាស្ត្រវិមាន ឈ្នះ-ឈ្នះ ត្រូវបានកសាង រួចរាល់ជាស្ថាពរ លើទឹកដី សុវណ្ណភូមិ....!
រាជធានីភ្នំពេញ: វិមានឈ្នះ ឈ្នះ ដែលមានកម្ពស់ប្រមាណ ៥៤ម៉ែត្រ ទទឹង៣៦ម៉ែត្រ ត្រូវបានសាងសង់លើ ផ្ទៃដីសរុបចំនួន ៨ហិកតា ស្ថិតក្នុងសង្កាត់ ព្រែកតាសេក ខណ្ឌជ្រោយចង្វារ រាជធានីភ្នំពេញ មានចារឹកទៅដោយសកម្មភាព តស៊ូរបស់ឥស្សរជនជាន់ខ្ពស់ នៃគណបក្សប្រជាជនកម្ពុជា ជាពិសេស ចរឹកទៅដោយ សកម្មភាពតស៊ូរបស់សម្ដេចតេជោ ហ៊ុន សែន សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា បានបញ្ជាក់ថា កម្ពុជា អបអរសាទរ ចំពោះសមិទ្ឋផលប្រវត្តិសាស្ត្រនៃវិមាន ឈ្នះ-ឈ្នះ ដែលតំណាងឲ្យ នៃការបង្រួបបង្រួមជាតិត្រូវបានកសាងរួចរាល់ជាស្ថាពរ នៅលើទឹកដីសុវណ្ណភូមិ ។
យោងតាមគេហទំព័រហ្វេសប៊ុករបស់ សម្ដេចតេជោ ហ៊ុន សែន នៅថ្ងៃទី២៥ ខែធ្នូ ឆ្នាំ២០១៨ បានឲ្យដឹងថា “កម្ពុជា អបអរសាទរចំពោះសមិទ្ឋផល ប្រវត្តិសាស្ត្រនៃ វិមាន ឈ្នះ ឈ្នះ ដែលត្រូវបានកសាងរួចស្រេចជាស្ថាពរនៅលើទឹកដីសុវណ្ណភូមិ។ វិមានឈ្នះ ឈ្នះ គឺជាតំណាងនៃការបង្រួបបង្រួមជាតិ ឯករាជ្យជាតិ សាមគ្គីភាព បូរណភាពទឹកដី វឌ្ឍនភាព និងវិបុលភាពនៃកម្ពុជាទាំងមូល”។
សម្ដេចបន្ថែមថា វិមានឈ្នះ ឈ្នះ គឺបញ្ជាក់ច្បាស់ថា កម្ពុជាបានរួបរួមគ្នាជាធ្លុងមួយ ឈ្នះរួចផុតពីសង្គ្រាម ឈ្នះរួចផុតពីរបបប្រល័យពូជសាសន៍ ឈ្នះរួចផុតពីការបែងចែកទឹកដីតំបន់ ត្រួតត្រា ឈ្នះរួចផុតពីភាពក្រីក្រ និងឈ្នះរួចផុតពីការអុចអាលដោយបរទេស ដែលពេលនេះកម្ពុជាកំពុងដឹក នាំអនាគតវាសនា ប្រទេសជាតិឆ្ពោះទៅរកភាពរុងរឿងនៅក្នុងសន្តិភាព ដ៏យូរអង្វែងនេះតទៅ។
ជាមួយគ្នានេះដែរ នាយករដ្ឋមន្ដ្រី អំពាវនាវ ឲ្យពលរដ្ឋខ្មែរ និងភ្ញៀវទេសចរណ៍អន្តរជាតិ ចូលរួមសម្ពោធ វិមានឈ្នះ ឈ្នះ ដែលនឹងប្រារព្វធ្វើនៅថ្ងៃទី ២៩ ខែ ធ្នូ ឆ្នាំ ២០១៨ (រយៈពេល៣ថ្ងៃ) នៅ មហាវិថីឈ្នះ ឈ្នះ ទល់មុខពហុកីឡដ្ឋានជាតិអូឡាំពិកថ្មី នៅតំបន់អភិវឌ្ឍន៌ លីយ៉ុងផាត់៕ អានបន្ត
ក្រុមហ៊ុន សំអឿន សុវណ្ណ ខូអិលធីឌី អះអាងថា មានច្បាប់តែមិនគោរពច្បាប់…!
ខេត្តព្រះវិហារ ៖ ក្រុមហ៊ុន សំអឿន សុវណ្ណ ខូអិលធីឌី ដែលមាន លោក អ៊ឺម សំអឿន ជាប្រធានក្រុមហ៊ុន បានទទួលលិខិតអនុញ្ញាតិពីរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ និង រដ្ឋមន្ត្រីក្រសួងបរិស្ថាន ដោយយោងលើឯកសារស្របច្បាប់របស់ក្រុមហ៊ុន លោក អ៊ឺម សំអឿន បានបញ្ជាឲ្យមេការរបស់លោកដើរបញ្ចុះបញ្ចូលប្រជាពលរដ្ឋដែលរស់នៅក្នុងតំបន់ក្បែរនោះនាំគ្នាចូលទៅកាប់ឈើដើម្បីលក់ឲ្យក្រុមហ៊ុនរបស់លោកយ៉ាងអនាធិបតេយ្យ ។ គួរបញ្ជាក់ផងដែរថា ក្រុមហ៊ុន អឿន សុវណ្ណ ខូអិលធីឌីគឺពិតជាមានលិខិតអនុញ្ញាតិពីក្រសួងពាក់ព័ន្ធនិងអាជ្ញាធរខេត្តព្រះវិហារនិងមន្ទីរពាក់ព័ន្ធស្របច្បាប់តែក្រុមហ៊ុន អឿន សុវណ្ណ ខូអិលធីឌី គឺមិនបានអនុវត្តន៍តាមច្បាប់អនុញ្ញាតិរបស់ក្រសួងនិងមន្ទីរពាក់ព័ន្ធឡើយ ។
តាមប្រភពពីក្រសួងកសិកម្មបានអោយដឹងថា ក្រុមហ៊ុន សំអឿន សុវណ្ណ ខូអិលធីឌី បានបង្កើតរោងចក្រអារច្រៀក កែច្នៃ និងផលិតគ្រឿងសង្ហារឹមមួយកន្លែងក្នុងមានទីតាំងនៅចំណុចអូរស្នៀតស្ថិតក្នុងភូមិអូរ ស្នៀត ឃុំតស៊ូ ស្រុកជ័យសែន ខេត្តព្រះវិហារ ដើម្បីប្រមូលទិញផល-អនុផលព្រៃឈើដឹកចូលយ៉ាងអនាធិបតេយ្យពីគ្រប់ទីកន្លែងដោយដាក់គរដូចភ្នំក្នុងក្រុមហ៊ុន ដើម្បីអារច្រៀកកែច្នៃ សម្រាប់ដឹកចេញបន្តយកទៅលក់នៅតាមដេប៉ូឈើនានា ជាច្រើនកន្លែងក្នុងប្រទេស និងមួយចំនួនទៀតដឹកជញ្ជូនយកទៅលក់ក្រៅប្រទេសរៀងរាល់ថ្ងៃជ្រកក្រោមរូបភាពក្រុមហ៊ុន សំអឿន សុវណ្ណ ខូអិលធីឌី ស្របច្បាប់។
យោងតាមឯកសារ ដែលត្រូវបានផ្សាយដោយ ប្រព័ន្ធផ្សព្វផ្សាយមួយថ្មីៗនេះ បានឲ្យដឹងថា ក្រសួងកសិកម្ម រុក្ខាប្រមាញ់ និងនេសាទបានចេញលិខិតអនុញ្ញាតលេខ២៤៣៨កសក ចុះថ្ងៃទី០១ ខែមេសា ឆ្នាំ២០១៦ ដែលចុះហត្ថលេខា ដោយលោកបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អនុញ្ញាតឲ្យក្រុមហ៊ុនសំអឿន សុវណ្ណ ចុះកាត់ប្រមូលផលអនុផលព្រៃឈើដើម្បីបង់ពន្ធជូនរដ្ឋលើផ្ទៃដីសម្បទានសង្គមកិច្ចទំហំ ៤៣៣៤,៦១ហិកតា ស្ថិតនៅស្រុកឆែប និង ស្រុកជ័យសែន ខេត្តព្រះវិហារ ដោយយោង លើ លិខិតលេខ ២២១ លល/គអ/ទរ ចុះថ្ងៃទី២២ ខែតុលា ឆ្នាំ២០១៥ របស់សាលាខេត្តព្រះវិហារ និងមតិរបស់ រដ្ឋបាលព្រៃឈើ អនុញ្ញាត ឲ្យក្រុមហ៊ុន សំអឿន សុវណ្ណ ចុះប្រមូលផល អនុផលព្រៃឈើក្នុងដីបម្រុងទុកសម្រាប់កំណើន ប្រជាពលរដ្ឋ។
តាមប្រភពពីប្រជាពលរដ្ឋរស់នៅក្បែរក្រុមហ៊ុន សំអឿន សុវណ្ណ បានឲ្យដឹងថា ក្រុមហ៊ុនរបស់លោក អ៊ឹម សំអឿន បានដឹកជញ្ជូនឈើយ៉ាងគគ្រឹកគគ្រេងដោយបើកចំហទាំងយប់ទាំងថ្ងៃ រីឯសមត្ថកិច្ចជំនាញពាក់ព័ន្ធការបង្ក្រាបនិងទប់ស្កាត់បទល្មើសព្រៃឈើ ថ្នាក់មូលដ្ឋាននិងសន្តិសុខបានត្រឹមដាក់កំលាំងពង្រាយ នៅតាមតូបក្រោមដើមឈើរងចាំរាប់ចំនួនគោយន្តដឹកឈើនិង ឡានប៉ាកុង ឡានយីឌុក និងចាំជួយការពារសុវត្ថិភាពអ្នកដឹកឈើព្រមទាំង កត់ត្រា លេខឡានដើម្បីរាយការណ៍តាមទូរស័ព្ទទៅបក្សពួកគេដើម្បីឲ្យតាមឃ្លាំមើលរថយន្តចម្លែកដែលចូលទៅកាន់ទឹកដីក្រោយក្រុមហ៊ុនរបស់លោក អ៊ឹម សំអឿន ក្រែងមានគេចូលទៅផ្តិតរូបភាពខាងក្រោយក្រុមហ៊ុនរបស់លោកនាំអោយមានការបែកធ្លាយអាថ៍កំបាំងភាពល្មើសរបស់ក្រុមហ៊ុន។ ជារៀងរាល់យប់ថ្ងៃ គេតែងឃើញមានគោយន្តនិងឡានប៉ាកុង ឡានយីឌុបធំៗរាប់សិបគ្រឿងត្រូវបានគេបញ្ឈរត្រៀបត្រានៅតាមដងផ្លូវក្បែរក្រុមហ៊ុនសំអឿន សុវណ្ណ រងចាំចូលទៅខាងក្នុងដើម្បីដឹកឈើចេញពីរោងចក្រដើម្បីទៅផ្គត់ផ្គង់តាមដេប៉ូដោយមានមន្ត្រីជំនាញ និងកងកម្លាំងជួយការពារសម្រួលមធ្យោបាយយ៉ាងរលូនដោយមិនអោយមានការរំខានពីសមត្ថកិច្ចណាឡើយ។
ប្រជាពលរដ្ឋផ្សេងទៀតបានបន្តប្រាប់ឲ្យដឹងទៀតថា ក្រុមហ៊ុននេះសព្វថ្ងៃ បានព័ទ្ធរបងបាំងជិតកុំឲ្យគេមើលឃើញ អំពីសកម្មភាព កែច្នៃ ឈើរបស់ពួកគេ។ នៅតាមព្រៃរបោះ ជុំវិញបរិវេណ រោងចក្រអារឈើ មានកម្លាំងសន្តិសុខ កាន់វិទ្យុទាក់ទងគ្រប់ដៃដេកក្នុងអង្រឹងយាមប្រចាំការមិនឲ្យនរណាចេញចូលក្រៅពីអ្នកលក់ឈើនោះទេ បើក្រុមហ៊ុនមួយនេះមិនមានខ្នងក្រាស់ៗក៏មិនអាចជួលសន្តិសុខទៅយាមឲ្យគេឡើយហើយក៏មិនហ៊ានដាក់បង្ហាញជាសាធារណៈកណ្តាលវាលនោះដែរ។
ពេលថ្មីៗនេះ រាជរដ្ឋាភិបាលកម្ពុជាដែលដឹកនាំដោយសម្ដេចតេជោនាយករដ្ឋមន្ត្រី ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានដាក់បញ្ជានិងអោយបង្កើតឲ្យមានគណៈកម្មការទប់ស្កាត់ បង្ក្រាបបទល្មើសព្រៃឈើដោយអនុញ្ញាតឲ្យប្រើឧទ្ធម្ភាគចក្រយោធា២គ្រឿងសម្រាប់ប្រតិបត្តិការណ៍តែបែរជា ក្រុមហ៊ុន សំអឿន សុវណ្ណ នៅតែហ៊ានធ្វើសកម្មភាពប្រព្រឹត្តបទល្មើសព្រៃឈើដោយបានដំឡើងម៉ាស៊ីន អារឈើខ្នាតយក្សអារច្រៀកឈើធំៗកងរំពងពេញព្រៃនិងដឹកជញ្ជូនឈើប្រណិតនិងឈើលេខ២ស្ទើរខ្ទេចផ្លូវនៅក្នុងស្រុកឆែបជាប់ព្រំប្រទល់ស្រុកជ័យសែនខេត្តព្រះវិហារ មិនតែប៉ុណ្ណោះ ទង្វើខាងលើនេះ សបញ្ជាក់អោយឃើញថា លោក អ៊ឹម សំអឿន ជាប្រធានក្រុមហ៊ុន សំអឿន សុវណ្ណ ខូអិលធីឌី គឺមិនបានគោរពតាមបទបញ្ជារបស់នាយករដ្ឋមន្ត្រីនិងប្រមុខថ្នាក់ដឹកនាំក្រសួង មន្ទីរពាក់ព័ន្ធឡើយ។
យោងទៅតាម សៀវភៅរាជកិច្ច ដែលបាន ចេញផ្សាយថ្ងៃទី៤ ខែមករា ឆ្នាំ២០១៣ ដែលចុះហត្ថលេខាដោយនាយករដ្ឋមន្ត្រី ហ៊ុន សែន នៅថ្ងៃទី១៧ ខែធ្នូ ឆ្នាំ២០១២ បានសម្រេចកាត់ដីទំហំ ៤៣៣៤,៦១ហិកតារ នៅស្រុកជ័យសែន និង ស្រុកឆែប ខេត្តព្រះវិហារពីគម្របព្រៃឈើ និងពីដីសម្បទានសេដ្ឋកិច្ចដើម្បីធ្វើអនុប្រយោគជាដីឯកជនរបស់រដ្ឋសម្រាប់ ធ្វើប្រទានកម្មជាកម្មសិទ្ធិជូន ប្រជាពលរដ្ឋចំនួន ៧៥៨គ្រួសារ។
អង្គភាពយើងមិនអាចសុំការបំភ្លឺពីលោក អ៊ឹម សំអឿន ប្រធានក្រុមហ៊ុនសំអឿន សុវណ្ណ ខូអិលធីឌីបានឡើយ។ អង្គភាពយើងខ្ញុំនិងរង់ចាំការបកស្រាយពីលោក អ៊ឹម សំអឿនរៀងរាល់ម៉ោងធ្វើការ ៕
អានបន្ត
ឃាត់ខ្លួនបុរសម្នាក់ និងគ្រឿងញៀន ៣០កញ្ចប់
ដោយអនុវត្តន៍តាមគោលការណ៍ដឹកនាំរបស់លោក សុខ ពេញវុធ អភិបាលនៃគណះអភិបាលខណ្ឌដូនពេញ អធិការដ្ឋាន ប៉ុស្តិ៍នគរបាលរដ្ឋបាលទាំង១១ បានបន្តជំរុញការស្រាវជ្រាវបង្ក្រាបករណីចរាចរណ៍ ជួញដូរគ្រឿងញៀនលើមុខសញ្ញាសកម្ម ដែលអធិការដ្ឋាន ប៉ុស្តិ៍ បានស្រាវជ្រាវកំណត់ក្នុងវិធានការជំនាញត្រៀមប្រតិបត្តិការបង្ក្រាប បានធ្វើសកម្មភាពចរាចរណ៍ ស្ថិតនៅចំណុចសំណង់មិនរាបរយ ផ្លូវរថភ្លើង ក្រុម៣៩ ភូមិ៣ សង្កត់ស្រះចក លុះមកដល់វេលាម៉ោង១៤:៣០នាទី ថ្ងៃទី២៦ ខែ ធ្នូ ឆ្នាំ២០១៨ អធិការដ្ឋាន ប៉ុស្តិ៍បានបើករង្វង់កិច្ចប្រតិបត្តិការបង្ក្រាបក្រសោបតែម្តង។
ជាលទ្ធផលនៃកិច្ចប្រតិបត្តិការណ៍នេះ កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន០១នាក់រួមមាន៖
ឈ្មោះ ឡុង បញ្ញា ភេទប្រុស អាយុ២២ឆ្នាំ ជនជាតិខ្មែរ ស្នាក់នៅទីតាំងខាងលើ (ជួញដូរគ្រឿងញៀន។
វត្ថុតាងចាប់យករួមមាន:
១/-ក្រាមពណ័សរថ្លា(គ្រឿងញៀន)ចំនួន ៣០កញ្ចប់ ។
២/ឧបករណ៍ប្រើប្រាស់សំរាប់សេពគ្រឿងញៀនមួយចំនួន ។
៣/ថង់សំរាប់ច្រកគ្រឿងញៀនធ្វើសកម្មភាព មួយចំនួន។
៤/ប្រាក់រៀលចំនួនប្រាំមុឺនមួយពាន់(៥១.០០០)។
ចំពោះមុខ កម្លាំងជំនាញខណ្ឌ ប៉ុសិ៍្ត កំពុងយកចម្លើយបន្តស្រាវជ្រាវរកបក្ខពួកនិង ក្រុមដ៏ទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
អានបន្ត
លោក ជាវ តាយ ដឹកនាំកិច្ចប្រជុំពិភាក្សាការងាររៀបចំតាំងពិព័ណ៌ បង្ហាញសមិទ្ធផល ក្នុងពិធីសម្ពោធវិមានអនុស្សាវរីយ៍នយោបាយឈ្នះ ឈ្នះ និងការងារឆ្លងឆ្នាំសកល
ខេត្តកំពត ៖ កិច្ចប្រជុំពិភាក្សាការងាររៀបចំតាំងពិព័រណ៌បង្ហាញសមិទ្ធផល ក្នុងពិធីសម្ពោធវិមានអនុស្សារីយ៍នយោបាយ ឈ្នះ ឈ្នះ និងការងារឆ្លងឆ្នាំសកល ២០១៨ ឈានចូលឆ្នាំ២០១៩ ត្រូវបានធ្វើឡើងនៅព្រឺកថ្ងៃអង្គារ ៣រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃ២៥ ខែធ្នូ ឆ្នាំ២០១៨ ក្រោមអធិបតីភាព លោក ជាវ តាយ អភិបាលនៃគណៈអភិបាលខេត្តកំពត។
កិច្ចប្រជុំនេះក៏មានការអញ្ចើញចូលរួមពីសំណាក់ លោក លោកស្រីជាអភិបាលរងខេត្ត ប្រធាន អនុប្រធាន មន្ទីរអង្គភាពជុំវិញខេត្ត លោកនាយករដ្ឋបាលសាលាខេត្ត អភិបាលក្រុង ស្រុក និងមន្ត្រីផ្នែកពាក់ព័ន្ធក្នុងរដ្ឋបាលខេត្តកំពត ដែលមានសមាសភាពចូលរួមសរុបចំនួន៥៦រូប។
ក្នុងកិច្ចប្រជុំព្រឹកនេះ លោក ជាវ តាយ អភិបាលខេត្ត ក៏បានសង្កត់ធ្ងន់ដោយបានជំរុញ និងពន្លឿនការងាររៀបចំការដាក់តាំងពិព័រណ៌បង្ហាញនូវសមិទ្ធផលក្នុងពិធីសម្ពោធវិមានអនុស្សារីយ៍នយោបាយឈ្នះ ឈ្នះ និងការងារឆ្លងឆ្នាំសកល ២០១៨ ឈានចូលឆ្នាំ២០១៩ឲ្យបានអធិកអធមបំផុត៕ អានបន្ត
ជនសង្ស័យ៤នាក់និងត្រាក់ទ័រ២គ្រឿងត្រូវសមត្ថកិច្ចចាប់ឃាតខ្លួនបញ្ចូនទៅតុលាការពាក់ព័ន្ធនិងរំលោភដីព្រៃលិចទឹកក្នុងតំបន់៣
កំពង់ធំ ៖ នៅថ្ងៃព្រហស្បតិ៍ ១៣កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី ២០ខែធ្នូ ឆ្នាំ ២០១៨ វេលាម៉ោង ១៥និង០០ នាទី កម្លាំងជំនាញអធិការដ្ឋាននគរបាលស្រុកកំពង់ស្វាយ និង មានការចូលរួមពីលោកវរៈសេនីយ៍ទោ ស សុបិន្ត នាយការិយាល័យព្រហ្មទណ្ឌកំរិតស្រាល ក្រោមការដឹកនាំបញ្ជាផ្ទាល់ពីលោក ជា សុវណ្ណថេត ព្រះរាជអាជ្ញារង អមសាលាដំបូងខេត្តកំពង់ធំ បានចុះអនុវត្តឃាត់ត្រាក់ទ័រចំនួន ០២ គ្រឿង និងមនុស្សចំនួន ០៤ នាក់ ស្រី ០១ នាក់ កំពុងតែជាន់ដីធ្វើស្រែ នៅចំណុចវាលស្រង៉ែ តំបន់ផ្អែកដំបង(ដីតំបន់៣)ក្នុងទឹកដីឃុំផាត់សណ្តាយ ស្រុកកំពង់ស្វាយ ។
ជនសង្ស័យទី ១.ឈ្មោះ កៀម កុយ ភេទប្រុស អាយុ ៤៤ ឆ្នាំ
ទី ២.ឈ្មោះ វាន់ ណារ៉េត ភេទស្រី អាយុ ៤០ ឆ្នាំទាំង០២នាក់នៅភូមិអូរកន្ធជើង សង្កាត់អូរកន្ធរ ក្រុងស្ទឹងសែន ខេត្តកំពង់ធំ ។
៣.ឈ្មោះ សឿន ដារ៉ូ ហៅ ក្រឹង ភេទប្រុស អាយុ ២៣ ឆ្នាំ នៅភូមិក្បិល ឃុំសានគរ ស្រុកកំពង់ស្វាយ ខេត្តកំពង់ធំ ។
៤.ឈ្មោះ រួន ណារៀម ភេទប្រុស អាយុ ១៧ ឆ្នាំ នៅភូមិឬស្សីដួច ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
ជនសង្ស័យទាំង០៤នាក់និងត្រាក់ទ័រ០២គ្រឿងបាននាំយកមកអធិការដ្ឋាននគរបាលស្រុកកំពង់ស្វាយដើម្បីរៀបចំសំនុំរឿងអនុវត្តនីតិវិធី ។
លោក ខេន ឈុនគ័រ អធិការនគរបាលស្រុកកំពង់ស្វាយបានអោយដឹងថាជនសង្ស័យ៤នាក់និងត្រាក់ទ័រ២គ្រឿងត្រូវសមត្ថកិច្ចកសាងសំនុំរឿងទៅតុលាការហើយកាលពីព្រឹកថ្ងៃទី២១ ខែធ្នូឆ្នាំ២០១៨នេះ ៕ អានបន្ត
ដរាបណាស្ថេរភាពសង្គមបន្តកើតមាន នោះ អចលនទ្រព្យក្នុងខេត្តកំពតនៅតែមានតម្លៃខ្ពស់
(ខេត្តកំពត)៖ដរាបណាស្ថេរភាពសង្គមបន្តកើតមាននោះអចលនទ្រព្យក្នុងខេត្តកំពតនៅតែកើនតម្លៃខ្ពស់ឥតឈប់ឈរ។ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នដល់កម្រិតកំពូលនោះឡើយ។
លោកងៀប វៃគា ភ្នាក់ងារផ្នែកលក់នៃក្រុមហ៊ុនអចលនទ្រព្យប្ល៊ូស្តាររៀលធីអែនឌីវើឡុបមេន(Blue Star Realty & Development Co.,Ltd )បានរៀបរាប់ថាអំឡុងពេលពីរឆ្នាំចុងក្រោយ ពិសេសឆ្នាំ២០១៨នេះ តម្លៃដីនៅ ក្រុងកំពតបានឡើងដល់ចន្លោះពី៥០០ដុល្លារទៅ១.០០០ដុល្លារក្នុងមួយម៉ែត្រក្រឡា គឺកើនរាប់រយដងបើប្រៀបធៀបទៅនឹងជាង១០ឆ្នាំមុន។
លោកថា ដរាបណាស្ថេរភាពសង្គមបន្តកើតមាន ហើយសេដ្ឋកិច្ចជាតិរក្សាបាននូវភាពរីកចម្រើននោះអចលនទ្រព្យក្នុងខេត្តកំពតនឹងនៅតែឡើងថ្លៃឥតឈប់ឈរឡើយ។ ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នកើនឡើងដល់កម្រិតកំពូលនោះឡើយ។
ភ្នាក់ងារលក់ដីធ្លីដដែលបានបន្តថាឆ្លងកាត់បទពិសោធន៍លើវិស័យដីធ្លីរយៈពេល១៤ឆ្នាំកន្លងមក ក្រុមហ៊ុនសង្កេតឃើញថាទីផ្សារអចលនទ្រព្យក្នុងខេត្តកំពតឡើងថ្លៃជាបន្តបន្ទាប់ប៉ុន្តែមានការធ្លាក់ចុះបន្តិចនាឆ្នាំ២០០៩ និងដើមឆ្នាំ២០១០ ដោយសារវិបត្តិសេដ្ឋកិច្ចសកល។
លុះចាប់ពីឆ្នាំចុងឆ្នាំ២០១០សេដ្ឋកិច្ចពិភពលោកបានងើបឡើងវិញធ្វើឱ្យតម្លៃទីផ្សារដីធ្លីចាប់កើនជាលំដាប់ហើយមានកម្រិតទាបឬខ្ពស់ផ្អែកតាមតំបន់ដែលមានសក្តានុពលឬកន្លែងដាច់ស្រយាល។កាលពីជាង១០ឆ្នាំមុនតម្លៃដីនៅក្រុងនិងត្រង់កន្លែងល្អៗតម្លៃពី២០ដុល្លារទៅ៣០ដុល្លារក្នុងមួយម៉ែត្រក្រឡាតែប៉ុណ្ណោះ តែបច្ចុប្បន្ននេះមានតម្លៃចន្លោះពី៥០០ដុល្លារ ទៅ១.០០០ដុល្លារឯណោះ។
លោកងៀប វៃគា បានបន្ថែមថាតាមរយៈការអភិវឌ្ឍខេត្តដោយរូបភាពធំៗដូចជាសំណង់កម្ពស់ជាង៤០ជាន់រោងចក្រកាត់ដេរសម្លៀកបំពាក់កំពង់ផែទេសចរណ៍អន្តរជាតិរោងចក្រស៊ីម៉ងតិ៍ការស្ថាបនាពង្រីកផ្លូវជាតិលេខ៣ឱ្យធំទូលាយជាដើមនេះសង្ឃឹមថាតម្លៃដីធ្លីកម្រិតបច្ចុប្បន្ននឹងមិននៅទ្រឹងទេគឺពិតជាបន្តឡើងថ្លៃខ្ពស់ជាងនេះមិនខានឡើយ។
ពាក់ព័ន្ធនឹងករណីដីធ្លីក្នុងដែនគ្រប់គ្រងរបស់ខ្លួន លោក លាង រឿនសុធី អភិបាលក្រុងកំពតបានបញ្ជាក់ ថាដោយសារស្ថានភាពនយោបាយសន្តិសុខសណ្តាប់ធ្នាប់សង្គមមានលក្ខណៈល្អប្រសើរធ្វើឱ្យកំណើនសេដ្ឋកិច្ចឆ្ពោះទៅមុខជានិច្ច ពិសេសតម្លៃអចលនទ្រព្យក្នុងក្រុងកំពតបន្តកើនឡើងជាបន្តបន្ទាប់ផងដែរ៕ អានបន្ត
ស្ថេរភាពសង្គមបន្តកើតមាននោះ ដរាបណាអចលនទ្រព្យក្នុងខេត្តកំពតនៅតែមានតម្លៃខ្ពស់
(ខេត្តកំពត)៖ដរាបណាស្ថេរភាពសង្គមបន្តកើតមាននោះអចលនទ្រព្យក្នុងខេត្តកំពតនៅតែកើនតម្លៃខ្ពស់ឥតឈប់ឈរ។ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នដល់កម្រិតកំពូលនោះឡើយ។
លោកងៀប វៃគា ភ្នាក់ងារផ្នែកលក់នៃក្រុមហ៊ុនអចលនទ្រព្យប្ល៊ូស្តាររៀលធីអែនឌីវើឡុបមេន(Blue Star Realty & Development Co.,Ltd )បានរៀបរាប់ថាអំឡុងពេលពីរឆ្នាំចុងក្រោយ ពិសេសឆ្នាំ២០១៨នេះ តម្លៃដីនៅ ក្រុងកំពតបានឡើងដល់ចន្លោះពី៥០០ដុល្លារទៅ១.០០០ដុល្លារក្នុងមួយម៉ែត្រក្រឡា គឺកើនរាប់រយដងបើប្រៀបធៀបទៅនឹងជាង១០ឆ្នាំមុន។
លោកថា ដរាបណាស្ថេរភាពសង្គមបន្តកើតមាន ហើយសេដ្ឋកិច្ចជាតិរក្សាបាននូវភាពរីកចម្រើននោះអចលនទ្រព្យក្នុងខេត្តកំពតនឹងនៅតែឡើងថ្លៃឥតឈប់ឈរឡើយ។ ដូច្នេះមិនទាន់អាចនិយាយបានទេថាតម្លៃដីធ្លីនាពេលបច្ចុប្បន្នកើនឡើងដល់កម្រិតកំពូលនោះឡើយ។
ភ្នាក់ងារលក់ដីធ្លីដដែលបានបន្តថាឆ្លងកាត់បទពិសោធន៍លើវិស័យដីធ្លីរយៈពេល១៤ឆ្នាំកន្លងមក ក្រុមហ៊ុនសង្កេតឃើញថាទីផ្សារអចលនទ្រព្យក្នុងខេត្តកំពតឡើងថ្លៃជាបន្តបន្ទាប់ប៉ុន្តែមានការធ្លាក់ចុះបន្តិចនាឆ្នាំ២០០៩ និងដើមឆ្នាំ២០១០ ដោយសារវិបត្តិសេដ្ឋកិច្ចសកល។
លុះចាប់ពីឆ្នាំចុងឆ្នាំ២០១០សេដ្ឋកិច្ចពិភពលោកបានងើបឡើងវិញធ្វើឱ្យតម្លៃទីផ្សារដីធ្លីចាប់កើនជាលំដាប់ហើយមានកម្រិតទាបឬខ្ពស់ផ្អែកតាមតំបន់ដែលមានសក្តានុពលឬកន្លែងដាច់ស្រយាល។កាលពីជាង១០ឆ្នាំមុនតម្លៃដីនៅក្រុងនិងត្រង់កន្លែងល្អៗតម្លៃពី២០ដុល្លារទៅ៣០ដុល្លារក្នុងមួយម៉ែត្រក្រឡាតែប៉ុណ្ណោះ តែបច្ចុប្បន្ននេះមានតម្លៃចន្លោះពី៥០០ដុល្លារ ទៅ១.០០០ដុល្លារឯណោះ។
លោកងៀប វៃគា បានបន្ថែមថាតាមរយៈការអភិវឌ្ឍខេត្តដោយរូបភាពធំៗដូចជាសំណង់កម្ពស់ជាង៤០ជាន់រោងចក្រកាត់ដេរសម្លៀកបំពាក់កំពង់ផែទេសចរណ៍អន្តរជាតិរោងចក្រស៊ីម៉ងតិ៍ការស្ថាបនាពង្រីកផ្លូវជាតិលេខ៣ឱ្យធំទូលាយជាដើមនេះសង្ឃឹមថាតម្លៃដីធ្លីកម្រិតបច្ចុប្បន្ននឹងមិននៅទ្រឹងទេគឺពិតជាបន្តឡើងថ្លៃខ្ពស់ជាងនេះមិនខានឡើយ។
ពាក់ព័ន្ធនឹងករណីដីធ្លីក្នុងដែនគ្រប់គ្រងរបស់ខ្លួន លោក លាង រឿនសុធី អភិបាលក្រុងកំពតបានបញ្ជាក់ ថាដោយសារស្ថានភាពនយោបាយសន្តិសុខសណ្តាប់ធ្នាប់សង្គមមានលក្ខណៈល្អប្រសើរធ្វើឱ្យកំណើនសេដ្ឋកិច្ចឆ្ពោះទៅមុខជានិច្ច ពិសេសតម្លៃអចលនទ្រព្យក្នុងក្រុងកំពតបន្តកើនឡើងជាបន្តបន្ទាប់ផងដែរ៕ អានបន្ត
អាជ្ញាធរខេត្តកំពង់ឆ្នាំង ចុះពិនិត្យទីតាំងបន្លាស់ទីរបស់ប្រជាពលរដ្ឋក្នុងស្រុកបរិបូណ៍
(កំពង់ឆ្នាំង)៖ នៅថ្ងៃទី២១ ខែធ្នូ ឆ្នាំ២០១៨នេះ លោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្ត លោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង ចុះពិនិត្យមើលទីតាំងបន្លាស់ទីរបស់ប្រជាពលរដ្ឋ ចំនួន៥ ទីតាំងក្នុងស្រុកបរិបូណ៌ ដែលមានការចូលរួមពី លោក ចែម ភក្ភិ អភិបាលរងស្រុកបរិបូណ៌ និងលោក ផល សុភាព នាយករដ្ឋបាលសាលាស្រុកបរិបូណ៌ អនុប្រធានការិយាល័យអន្តរវិស័យ អាជ្ញាធរឃុំទាំងបី ដែលអាជ្ញាធរស្រុកកំពុងដំណើរការធ្វើការរៀបចំ ជូនប្រជាពលរដ្ឋ ឱ្យរស់នៅមានសណ្ដាប់ធ្នាប់តាមចំណុចគោលដៅ ដែលអាជ្ញាធរខេត្ត និងស្រុកបានរៀបចំរួមមាន៖
ទីតាំងទី១ នៅចំណុច ភូមិកំពង់អូរ ឃុំខុនរ៉ង ស្រុកបរិបូណ៌។
ទីតាំងទី២ នៅចំណុច ផ្លូវ សេះស្លាប់ ឃុំឆ្នុកទ្រូ ស្រុកបរិបូណ៌។
ទីតាំងទី៣ នៅចំណុច ផ្លូវជាតិលេខ៥២ ស្ថិតឃុំ ឆ្នុកទ្រូ ស្រុកបរិបូណ៌។
ទីតាំងទី៤ នៅចំណុចផ្លូវយុគន្ធ ឃុំឆ្នុកទ្រូ ស្រុកបរិបូណ៌។
ទីតាំងទី៥ នៅចំណុច ផ្លូវក្បាលដំរី ក្រចាប់ ស្ថិតក្នុងឃុំត្រពាំងចាន់ស្រុកបរិបូណ៌ខេត្តកំពង់ឆ្នាំង ៕ អានបន្ត
ឯកឧត្តម វេង សាខុន រដ្ធមន្ដ្រីក្រសួងកសិកម្ម បានអញ្ជើញបន្តដឹកនាំគណៈប្រតិភូក្រសួងទៅជួបពិភាក្សាការងារជាមួយ លោក ប្រធានក្រុមប្រឹក្សាភិបាលគម្រោងវិនិយោគវារីវប្បកម្មបង្កងនៅកម្ពុជា
នៅរសៀលថ្ងៃទី២២ ខែធ្នូ ឆ្នាំ២០១៨ ឯកឧត្តមរដ្ឋមន្ត្រី វេង សាខុន បានអញ្ជើញបន្តដឹកនាំគណប្រតិភូក្រសួង ទៅជួបពិភាក្សាការងារជាមួយ លោក Yulin Zheng ប្រធានក្រុមប្រឹក្សាភិបាលក្រុមហ៊ុន Hubei Laker Group នៅឯទីស្នាក់ការកណ្តាលក្រុមហ៊ុន នាទីក្រុង Qiangjiang ខេត្ត Hubei។ គោលបំណងនៃជំនួបនេះ គឺដើម្បីពិភាក្សាអំពីគម្រោងវិនិយោគវារីវប្បកម្មបង្កងនៅកម្ពុជា និងកិច្ចសហប្រតិបត្តិការរវាងក្រុមហ៊ុន និងក្រសួងកសិកម្ម រុក្ខាប្រមាញ់ និងនេសាទកម្ពុជា។
លោកប្រធានក្រុមប្រឹក្សាភិបាល បានបញ្ជាក់ថាការវិនិយោគរបស់ក្រុមហ៊ុននៅប្រទេសជួបបញ្ហាប្រឈមពីរធៀបនឹងកម្ពុជាគឺ ១.អាកាសធាតុនៅចិនមានស៊ីតុណ្ហភាពត្រជាក់ខ្លាំងនៅរដូវរងារ ដែលអាចធ្វើឲ្យបង្កងមិនអាចលូតលាស់បាន និង ២.ពលកម្មសម្រាប់ធ្វើការកែច្នៃមានតម្លៃខ្ពស់ដែលធ្វើឲ្យតម្លៃផលិតផលសម្រេចមានកម្រិតខ្ពស់។
ហេតុដូចនេះក្រុមហ៊ុនមានបំណងចង់ទៅបោះទុនវិនិយោគលើការចិញ្ចឹម និងកែច្នៃបង្កងនៅកម្ពុជាដោយស្នើឲ្យករសួងកសិកម្ម រុក្ខាប្រមាញ់ និងនេសាទ និងរាជរដ្ឋាភិបាលកម្ពុជាជួយគាំទ្រដល់គម្រោងនេះ។
ឯកឧត្តមរដ្ឋមន្ត្រី បានសម្តែងក្តីត្រេកអរ និសូមស្វាគមន៍គម្រោងវិនិយោគវារីវប្បកម្មបង្កងនៅកម្ពុជា ដោយការវិនិយោគនេះអាចជួយជំរុញកំណើនជីវភាពកសិករ និងសេដ្ឋកិច្ចជាតិ។
ឯកឧត្តមរដ្ឋមន្ត្រី បានស្នើឲ្យក្រុមហ៊ុនចាត់បុគ្គលិកជំនាញចុះទៅពិនិត្យ និងសិក្សាពីទីតាំងដែលមានសក្តានុពលនៅកម្ពុជា ដោយសហការជាមួយរដ្ឋបាលជលផល និងរៀបចំសេចក្តីព្រាងអនុស្សារណៈយោគយល់រវាងក្រុមហ៊ុន និងក្រសួង ដើម្បីឈានទៅអនុវត្តគម្រោងវិនិយោគនេះឲ្យបានឆាប់នាពេលខាងមុខនេះ ៕ អានបន្ត
មហាសន្និបាតមន្ត្រីសង្ឃទូទាំងប្រទេសលើកទី២៧ បានប្រារព្ធបើកនៅថ្ងៃទី២១ ខែធ្នូ ឆ្នាំ២០១៨នេះ នៅសាលសន្និសីទចតុមុខ ក្រោមអធិបតីភាពលោក សម្ដេច ហេង សំរិន
ភ្នំពេញ÷ដោយសារប្រទេសជាតិមានសុខសន្តិភាព និងការអភិវឌ្ឍន៍ បច្ចុប្បន្នកម្ពុជាមានទីវត្តអារាមក្នុងវិស័យពុទ្ធចក្រ នៅទូទាំងប្រទេសចំនួន ៤៨៧២ វត្ត មហាសន្និបាតមន្ត្រីសង្ឃទូទាំងប្រទេសលើកទី២៧ បានប្រារព្ធបើកនៅថ្ងៃទី២១ ខែធ្នូ ឆ្នាំ២០១៨នេះ នៅសាលសន្និសីទចតុមុខ ក្រោមអធិបតីភាពលោក សម្ដេច ហេង សំរិន ប្រធានរដ្ឋសភា ជាព្រះរាជតំណាងដ៏ខ្ពង់ខ្ពស់ ព្រះករុណា ព្រះបាទបរមនាថ នរោត្តម សីហមុនី ព្រះមហាក្សត្រនៃកម្ពុជា ដោយមានការចូលរួមពីតំណាងស្ថាប័ន នៃព្រះពុទ្ធសាសនា ឥស្លាមសាសនា គ្រឹស្តសាសនា និងសាសនាដទៃទៀត ព្រមទាំងភ្ញៀវកិត្តិយសជាតិ អន្តរជាតិ សរុបប្រមាណ៨០០អង្គ/នាក់។
សម្ដេច ហេង សំរិន បានមានប្រសាសន៍ថា ក្នុងក្របខ័ណ្ឌប្រវត្តិសាស្ត្រ គឺពីដំណាក់កាលមួយ ទៅដំណាក់កាលមួយទៀត ព្រះពុទ្ធសាសនាបានចាក់គ្រឹះយ៉ាងជ្រៅក្នុងសង្គមកម្ពុជា តាំងពីមុន គ.ស មកម្ល៉េះ ហើយសាសនានេះ មានការវិវឌ្ឍន៍របស់ខ្លួន តាំងពីពេលនោះរហូតមកដល់សព្វថ្ងៃ និងមានការរីកចម្រើនយ៉ាងរឹងមាំបំផុត ជាពិសេសព្រះពុទ្ធសាសនាមានឥទ្ធិពលខ្លាំង ទៅលើស្ថាប័នទាំងឡាយនៃសង្គមខ្មែរ។
សម្ដេច បានបន្តថា យើងមានការសោកស្តាយជាពន់ពេក គឺក្នុងរបបប្រល័យពូជសាសន៍ ប៉ុល ពត ដែលទីអារាមនានានៅទូទាំងប្រទេស ត្រូវបានបំផ្លិចបំផ្លាញខ្ទេចខ្ទី ស្ទើរគ្មានសេសសល់។ ក្នុងរយៈពេល ៣ឆ្នាំ ៨ខែ និង២០ថ្ងៃ នៃរបបកម្ពុជាប្រជាធិបតេយ្យវិស័យ សាសនាទាំងអស់មិនថា ព្រះពុទ្ធសាសនា អ៊ីស្លាមសាសនា គ្រឹស្តសាសនា និងសាសនាដទៃទៀត ត្រូវបានបំផ្លិចបំផ្លាញដល់ឫសគល់ ប៉ុន្តែនៅក្រោយថ្ងៃរំដោះ ៧មករា ឆ្នាំ១៩៧៩ អ្វីៗត្រូវបានស្ដារឡើងវិញជាបន្តបន្ទាប់ ដោយបច្ចុប្បន្នយើងមានទីវត្តអារាម ក្នុងវិស័យពុទ្ធចក្រ នៅទូទាំងប្រទេសចំនួន ៤៨៧២ វត្ត និងមានព្រះសង្ឃជាង ៦ម៉ឺនអង្គ។ ជាមួយគ្នានេះដែរយើង មានព្រះវិហារឥស្លាម គ្រឹស្តសាសនា និងសាសនាដទៃទៀត ក៏បានកើតឡើងព្រោងព្រាតជាបន្តបន្ទាប់។
តាមការបញ្ជាក់របស់លោកទេសរដ្ឋមន្ត្រី ហ៊ឹម ឆែម រដ្ឋមន្ត្រីក្រសួងធម្មការ និងសាសនា បានឲ្យដឹងថា អនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី២៧ នាពេលនេះ នឹងប្រព្រឹត្តទៅមានរយៈពេល២ថ្ងៃ គឺចាប់ពីថ្ងៃទី២១ ដល់ថ្ងៃទី២២ ខែធ្នូ ឆ្នាំ២០១៨ ដើម្បីបូកសរុបសកម្មភាព និងពិនិត្យមើលលទ្ធផលនៃការអនុវត្ត សង្ឃប្រកាសរបស់អនុសំវច្ឆរមហាសន្និបាតមន្ត្រីសង្ឃកាលពីឆ្នាំកន្លងទៅ ដោយមានកិច្ចពិភាក្សា និងផ្លាស់ប្តូរយោបល់លើការងារព្រះពុទ្ធសាសនានាពេលបច្ចុប្បន្ន និងលើកទិសដៅសំរាប់អនុវត្តនាឆ្នាំបន្ត សំដៅពង្រឹងការអនុវត្តរចនាសម្ព័ន្ធដឹកនាំគ្រប់គ្រង និងរាល់លិខិតបទដ្ឋានគតិយុត្ត ដែលមានស្រាប់ធ្វើអោយវិស័យព្រះពុទ្ធសាសនាមានការរីកចំរើនថ្មីៗបន្ថែមទៀត ៕ អានបន្ត
ផ្លូវជាតិលេខ៣៣ចន្លោះបង្គោលគីឡូម៉ែត្រ១៩-២០ ក្នុងភូមិសាស្ត្រខេត្តកែប ត្រូវពន្លឿនស្ថាបនាដោយមន្ទីរជំនាញខេត្ត
(ខេត្តកែប)៖ កំណាត់ផ្លូវជាតិលេខ៣៣ ចន្លោះគីឡូម៉ែត្រ(១៩-២០)នៃភូមិសាស្ត្រខេត្តកែប ដែលរងការខូចខាតយ៉ាងធ្ងន់ធ្ងរនោះ ពេលនេះត្រូវបានក្រុមជំនាញ នៃមន្ទីរសាធារណការនិងដឹកជញ្ជូនខេត្តកែប កំពុងស្ថាបនាយ៉ាងមមាញឹក កាលពីព្រឹកថ្ងៃទី១៩ខែធ្នូ ឆ្នាំ២០១៨។
គេបានកត់សម្គាល់ឃើញថា ចំណុចផ្លូវជាតិលេខ៣៣ ដែលកំពុងរងការខូចខាតរលួយវ៉ល់នោះ គឺស្ថិតត្រង់ចំណុចចាប់ពីមុខមន្ទីរសុខាភិបាលខេត្តកែប រហូតដល់ខាងលិចវិទ្យាល័យ ហ៊ុន សែន ចំការដូង ក្នុងភូមិសាស្ត្រស្រុកដំណាក់ចង្អើរ។
លោក ម៉ម ទូច ប្រធានមន្ទីរសាធារណការ និងដឹកជញ្ជូនខេត្តកែប បានឲ្យដឹងថា កំណាត់ផ្លូវនានាស្ថិតតាមភូមិសាស្ត្រខេត្តកែប ក្រោយពីរងការខូចខាតកន្លងមក មន្ត្រីជំនាញបានខិតខំយកចិត្តទុកដាក់សម្រុកជួសជុលយ៉ាងសស្រាក់សស្រាំ ប៉ុន្តែមួយរយៈមុនដោយសារមានភ្លៀងធ្លាក់កក់ខែជាបន្តបន្ទាប់ទើបបង្កឲ្យមានការរាំងស្ទះក្នុងការជួសជុល។លោកប្រធានបានបញ្ជាក់ទៀតថា ចំពោះកំណាត់ផ្លូវជាតិលេខ៣៣ ចំណុចគីឡូម៉ែត្រ១៨-១៩-២០ ដែលកំពុងរងការខូចខាតស្ទើទាំងស្រុងនោះ ពេលនេះមន្ត្រីជំនាញចាប់ផ្តើមប្រើគ្រឿងចក្រឈូសឆាយស្ថាបនាជាថ្មីចាប់ពីពេលនេះតទៅ។ លោកម៉ម ទូច បានបន្ថែមថា ដើម្បីជួយសម្រួលការធ្វើដំណើររបស់ពលរដ្ឋ ខាងមន្ទីរជំនាញក៏ត្រូវចាត់ឲ្យមានរថយន្តបាញ់ទឹកបន្សើមផ្លូវនៅចំណុចនេះ ក្នុងមួយថ្ងៃ៣ដងផងដែរ។
សូមបញ្ជាក់ថា កំណាត់ផ្លូវជាតិលេខ៣៣ ចាប់ពីទីប្រជុំជនផ្សារដំណាក់ចង្អើរ ភូមិដំណាក់ចង្អើរ សង្កាត់ព្រៃធំ ក្រុងកែប ឆ្ពោះទៅភូមិសាស្ត្រឃុំពងទឹក ស្រុកដំណាក់ចង្អើរ បច្ចុប្បន្នបាននិងកំពុងរងការខូចខាតយ៉ាងដំណំដោយសាររថយន្តធុនធ្ងន់ផ្ទុកលើសចំណុះតែងបើកឆ្លងកាត់ទាំងយប់ទាំងថ្ងៃ ហើយកន្លងមកគេសង្កេតឃើញអង្គភាពជំនាញខេត្តកែប ចាត់មន្ត្រីឲ្យធ្វើការជួសជុលជាបន្តបន្ទាប់ដោយគ្មានពេលទំនេរ។ដោយឡែកកំណាត់ផ្លូវ៣៣ ចន្លោះគីឡូម៉ែត្រ១៩-២០ ដែលរងការខូចខាតធ្ងន់ធ្ងរជាងគេនោះ មន្ទីរជំនាញនឹងត្រូវឈូសឆាយស្ថាបនាជាថ្មីក្នុងរដូវរំហើយនេះ៕ អានបន្ត
ទ្រព្យសម្បតិ្តឯកជនរបស់រដ្ឋនិងរបស់នីតិបុគ្គលសាធារណៈ អាចជាកម្មវត្ថុនៃការលក់ កាដូរ ការបែងចែកឬការផ្ទេរកម្មសិទ្ធិតាមការកំណត់ដោយច្បាប់
(ខេត្តកែប)៖ ទ្រព្យសម្បតិ្តឯកជនរបស់រដ្ឋ និងរបស់នីតិបុគ្គលសាធារណៈ អាចជាកម្មវត្ថុនៃការលក់ ការដោះដូរ ការបែងចែកឬការផ្ទេរសិទ្ធិតាមការកំណត់ដោយច្បាប់ទម្លាប់។
ពាក្យពេជន៍ខាងលើនេះ គឺជាការលើកឡើងរបស់ លោក គឹម តូ ប្រធាននាយកដ្ឋាន មកពីក្រសួងទំនាក់ទំនងជាមួយព្រឹទ្ធភា រដ្ឋសភា និងអធិការកិច្ច ថ្លែងក្នុងកម្រងសំណួរចម្លើយ ស្តីពីការយល់ដឹងនិងតម្រូវការប្រជាពលរដ្ឋ ពាក់ព័ន្ធនឹងច្បាប់ភូមិបាល នាព្រឹកថ្ងៃទី១៩ខែធ្នូ ឆ្នាំ២០១៨ នៅបរិវេណវត្តចរិយាវង្ស ស្ថិតក្នុងភូមិអូរក្រសារ សង្កាត់អូរក្រសារ ក្រុង-ខេត្តកែប ដោយពិធីនេះក៏មានការចូលរួមពីសំណាក់អាជ្ញាធរ ក្រុង និងអាជ្ញាធរមូលដ្ឋានផងដែរ។
ទាក់ទិននឹងការផ្សព្វផ្សាយក៏ដូចជាផ្តល់ប្រឹក្សាពីបញ្ហាពាក់ព័ន្ធនឹងច្បាប់ភូមិបាលនេះដែរ លោក គឹម តូ បានគូសបញ្ជាក់ថា ខ្លឹមសារនេះគឺជាទិសដៅ និងគោលបំណងដ៏សំខាន់នៃការសិក្សាស្រាវជ្រាវ វិភាគការយល់ដឹង និងតម្រូវការអំពីច្បាប់ភូមិបាល របស់ប្រជាពលរដ្ឋនៅក្នុងតំបន់គោលដៅនិមួយៗ ហើយគន្លឹះទាំងនេះ បានវិភាគរាល់បញ្ហាពាក់ព័ន្ធនឹងដីធ្លី វិភាគអំពីតម្រូវការអាទិភាពរបស់ប្រជាពលរដ្ឋ ដែលទាក់ទងនឹងច្បាប់ភូមិបាលឲ្យបានទូលំទូលាយ។
លោកបានបន្តទៀតថា ជាទូទៅបើយោងតាមមាត្រា ១៦/នៃច្បាប់ភូមិបាល ទ្រព្យសម្បតិ្តសាធារណៈរបស់រដ្ឋមិនអាចលក់ដូរបានឡើយ ហើយកម្មសិទ្ធិនៃទ្រព្យសម្បតិ្តទាំងនោះមិនអាចកំណត់អាជ្ញាយុកាលបានទេ។ហើយទ្រព្យសម្បតិ្តសាធារណៈរបស់រដ្ឋ មិនអាចស្ថិតនៅក្រោមការកាន់កាប់ដោយលទ្ធកម្មពិសេសនៃជំពូក៤បានទេ។ប៉ុន្តែទ្រព្យសម្បតិ្តសាធារណៈរបស់រដ្ឋ អាចជាកម្មវត្ថុនៃការអនុញ្ញាតឲ្យកាន់កាប់ ឬប្រើប្រាស់ជាបណ្តោះអាសន្ន មិនទៀង ហើយអាចដកហូតវិញបាន បើមិនបានបំពេញតាតព្វកិច្ចបង់ពន្ធផ្សេងៗ លើកលែងតែបានអនុញ្ញាតតាមជំពូកទី៣ នៃច្បាប់នេះ។ការអនុញ្ញាតនេះមិនអាចប្រែក្លាយទៅជាកម្មសិទ្ធិ ឬជាសិទ្ធិភណ្ឌិកជាប្រយោជន៍ដល់អ្នកកាន់កាប់ទ្រព្យទាំងនោះបានឡើយ។ទ្រព្យសម្បតិ្តសាធារណៈរបស់រដ្ឋ នៅពេលបាត់បង់ផលប្រយោជន៍សាធារណៈ អាចត្រូវចាត់បញ្ចូលជាទ្រព្យសម្បតិ្តឯកជនរបស់រដ្ឋតាមរយៈច្បាប់អនុបយោគ។
សូមជម្រាបថា៖ កម្រងសំណួរក្នុងកិច្ចសម្ភាសន៍ជាមួយប្រជាពលរដ្ឋនេះ គឺជាខ្លឹមសារមួយផ្តល់ចំណេះដឹង ផ្តល់ប្រឹក្សា និងតម្រូវការប្រជាពលរដ្ឋពាក់ព័ន្ធនឹងច្បាប់ភូមិបាល ជាពិសេសការសិក្សាស្រាជ្រាវ និងការវិភាគអំពីការយល់ដឹងរបស់ប្រជាពលរដ្ឋតាមមូលដ្ឋាន ស្តីពីគោលដៅនៃច្បាប់ភូមិបាល ហើយខ្លឹមសារនេះ ក៏ជាគ្រឹះដ៏រឹងមាំមួយជួយវិភាគអំពីតម្រូវការអាទិភាពរបស់ប្រជាពលរដ្ឋ ដែលទាក់ទងនឹងបញ្ហាដីធ្លីក្នុងតំបន់និមួយៗផងដែរ៕ អានបន្ត
ជនសង្ស័យបីនាក់រួមជាមួយថ្នាំញៀនរាប់ពាន់គ្រាប់ ត្រូវសមត្ថកិច្ចខេត្តកំពត បង្ក្រាបនៅរសៀលនេះ
(ខេត្តកំពត)៖ សមត្ថកិច្ចនៃស្នងការដ្ឋាននគរបាលខេត្តកំពត នៅវេលាម៉ោង២និង២០នាទីរសៀល ថ្ងៃទី១៨ ខែធ្នូ ឆ្នាំ២០១៨ បានចេញប្រតិបតិ្តការបង្ក្រាបករណីជួញដូរគ្រឿងញៀនទ្រង់ទ្រាយធំមួយកន្លែងស្ថិតក្នុងភូមិសាស្ត្រក្រុងកំពត ដោយឃាត់ខ្លួនជនសង្ស័យចំនួនបីនាក់(ជនបរទេសពីរនាក់ និងខ្មែរម្នាក់)ដកហូតថ្នាំញៀនប្រភេទ អិុចស្ត្រាសីុល ចំនួន១.៥០៣ គ្រាប់ ម៉ាទឹកកកចំនួនជាងពីរពាន់ក្រាម និងទឹកថ្នាំដែលសង្ស័យជាសារធាតុញៀនប្រភេទមេតំហ្វេតតាមីនមួយកញ្ចប់ធំផងដែរ។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានឲ្យដឹងថា ការបង្ល្រាបបទល្មើសគ្រឿងញៀនទ្រង់ទ្រាយធំបានជោគជ័យបែបនេះ ក្រោមការដឹកនាំ ចង្អុលបង្ហាញពី ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ទើបកម្លាំងជំនាញប្រឆាំងបទល្មើសគ្រឿងញៀនខេត្ត សហការជាមួយកម្លាំងនាយកដ្ឋានសន្តិសុខផ្ទៃក្នុង ទើបឈានទៅបង្ក្រាបករណីជួញដូរគ្រឿងញៀននៅចំណុចប្រៃសណីយ៍និងទូរគមនាគមន៍ ស្ថិតក្នុងភូមិ១ឧសភា សង្កាត់កំពង់កណ្តាល ក្រុង-ខេត្តកំពត ដោយប្រតិបតិ្តការខាងលើ កម្លាំងបានឃាត់ខ្លួនមនុស្ស ប្រុស ស្រី ចំនួន៣នាក់ ក្នុងនោះ ជនជាតិបរទេស២នាក់ និងខ្មែរម្នាក់ ព្រមទាំងដកហូតវត្ថុតាងថ្នាំញៀនបានមួយចំនួនធំ។លោកស្នងការបានបញ្ជាក់ទៀតថា ជនសង្ស័យពាក់ព័ន្ធបទល្មើសញ្រឿងញៀនទាំងបីនាក់ រួមមាន៖ ទី១/ឈ្មោះ TASDELEN ONDER ភេទប្រុស កើតនៅថ្ងៃទី១៥/០៨/១៩៨១។ទី២/ឈ្មោះ ANJELA ORIBJANOVNA ភេទស្រីឆ្នាំកំណើត ០៨/០៣/១៩៨៩។ ទី៣/ឈ្មោះ មុំ សុភា ភេទស្រី អាយុ២៨ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
ប្រភពពីលោកស្នងការដដែលបានឲ្យដឹងទៀតថា ក្រោយពីសាកសួរចម្លើយជនសង្ស័យទាំង៣នាក់រួចរាល់ នៅល្ងាចថ្ងៃដដែល កម្លាំងសមត្ថកិច្ចក៏បានបន្តទៅឆែកឆេរនៅហាង FIREFLY ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ដោយរកឃើញថ្នាំញៀនចំនួន ៥០០គ្រាប់បន្ថែមទៀត ព្រមទាំងថ្នាំញៀនរបស់ជនសង្ស័យចំនួន១៨០គ្រាប់ និងម៉ាទឹកកកទម្ងន់ ២៦៤,៨៦ក្រាមផងដែរ។
បច្ចុប្បន្ន ជនសង្ស័យប្រុស ស្រី ទាំង៣នាក់ រួមជាមួយវត្ថុតាងថ្នាំញៀន សមត្ថកិច្ចបាននិងកំពុងកសាងសំណុំរឿងបញ្ជូនទៅសាលាដំបូងខេត្តកំពត ចាត់ការតាមផ្លូវច្បាប់៕ អានបន្ត
ប្រជាសហគមលើកគ្នា៥០នាក់ ស្ទាក់ចាប់បានអារ៉េវក្រុមហ៊ុនផ្លូហាវិនលូចអាឈើររបស់សហគមន៍ពោរៀង
ព្រះវិហារ៖ ប្រជាសហគមព្រៃឈើពោរៀង ៥០នាក់ បានពួនស្ទាក់ចាប់រថយន្តដឹកឈើ របស់ក្រុមហ៊ុនផ្លូហាយវិន ដែលបាន លួចទៅកាត់ឈើរបស់សហគម ចំនួន៣គ្រឿង តែចាប់បានមួយគ្រឿង ដែលការចូលលួចកាត់ឈើរបស់សហគម ក្រោមការបញ្ជារបស់លោក សេន ឡាំ ជាមេការមើលការខុសត្រូវ ដែលកន្លងមកតាំងតែយកលេសថា ក្រុមហ៊ុនស្របច្បាប់ ប្រមូលផលអនុផលព្រៃឈើចេញពីព្រៃសម្បទានសង្គមកិច្ច តែពេលនេះត្រូវបានសហគមចាប់បាន ដោយសារលួចកាត់ឈើក្នុងសហគមរបស់ពួកគាត់។
សកម្មភាពលួចចូលកាត់ឈើចេញពីសហគម ត្រូវបានប្រជាពលរដ្ឋ ដែលជាម្ចាស់ថែរក្សាព្រៃឈើសហគម បាននាំគ្នាក្តៅក្រហាយ នាំគ្នាប្រមាណ៥០នាក់ ពួនស្ទាក់ចាប់រថយន្តអារ៉េវរបស់ក្រុមហ៊ុន ផ្លូវហាវិន នៅចំនុចចាន់ថុង ភូមិពោរៀង ឃុំគូលេនជើង ស្រុកគូលេន ខេត្តព្រះវិហារ ក្រោយពីស្ទាក់ចាប់បានរថយន្ត ដែលមាន វត្ថុតាងឈើនៅលើរថយន្ត និងរថយន្ត ត្រូវបានកំលាំងសហគមនាំយកមកទុកក្នុងសហគម ដើម្បីរងចាំឲ្យអាជ្ញាធរដោះស្រាយ។
ប្រជាសហគមបាន ឲ្យដឹងថា ក្រុមហ៊ុនផ្លូហាវិននេះ បានធ្វើសកម្មភាពបំពានច្បាប់របស់សហគមព្រៃឈើ ពោរៀង ទាំងស្រុង ដោយហ៊ានចូលមកលួចកាត់ឈើក្នុងសហគម ដោយឥតញញើតច្បាប់សហគមនោះ ឡើយ ដែលការចាប់រថយន្តដឹកឈើរបស់ ក្រុមហ៊ុនផ្លូហាវិននេះ បានធ្វើឡើងនៅវេលាម៉ោង ៣.៣០នាទី ថ្ងៃទី១១ ខែធ្នូ ឆ្នាំ ២០១៨ ។
លោកបានបន្តថា ក្រុមហ៊ុនផ្លូហាវិននេះ គឺជាក្រុមហ៊ុនប្រើល្បិឆ្ពិនភ្នែកអាជ្ញាធរ និងសមត្ថកិច្ចថ្នាក់លើ តែចំពោះថ្នាក់ក្រោមគេដឹងគ្នា ដូចត្រីនឹងទឹក ពីការលួចឈើចេញពីដែនជម្រកសត្វព្រៃគូលេនព្រហ្មទេព និងព្រៃសហគម ក្រោមការឃុបឃិតគ្នា ជាមួយនឹងមន្ត្រីបរិស្ថាន ដឹកឈើជាហូរហែរ ចូលមកអាជ្រៀកនៅក្នុងក្រុម ហ៊ុន ដើម្បីបំឡែងជាឈើស្របច្បាប់។
ប្រជាពលរដ្ឋ បានទទឹងរងចាំមើលថា ក្នុងករណីដែល ក្រុមហ៊ុនផ្លូហាវិន ចួលលួចកាត់ឈើក្នុងសហគមនេះ តើលោក អ៊ុន ចាន់ដា អភិបាលខេត្តព្រះវិហារ មានចំណាត់ការដូចម្តេច ចំពោះក្រុមហ៊ុន ក្នុងការរកដំណោះ ស្រាយជូនពួកគាត់ ខណៈពេលដែលវត្ថុតាង និងភស្តុតាង មានគ្រប់គ្រាន់ ដោយសារតែពួកគាត់ជាអ្នកអភិរក្សា ព្រៃឈើរបស់សហគម តែបែជាលោក សេន ឡាំ មកកាត់ឈើក្នុងសហគមរបស់ពួកគាត់ទៅវិញ មិនតែ ប៉ុណ្ណោះប្រជាសហគម បានសំណូមឲ្យលោក សាយ សំអាល់ រដ្ឋមន្ត្រីក្រសួងបរិស្ថាន មេត្តាជួយរឹតបន្តឹង ការអនុវត្តតួនាទីរបស់មន្ត្រីបរិស្ថានក្រោម ឳវាទផង ដោយសារតែ ដែនជម្រកសត្វព្រៃគូលេនព្រហ្មទេព និងព្រៃឈើសហគមកំពុងតែរលាយអស់ហើយ ដោយមានការសង្ស័យថា មានការឃុបឃិតគ្នា របស់លោក សេន ឡាំ មេការ ក្រុមហ៊ុន និងមន្ត្រីបរិស្ថាន ទើបបានធ្វើឲ្យព្រៃឈើដឹកចេញដោយរលូន។
ដំណឹងចុងក្រោយ ដែលទទួលបាន មានមេព្រៃ និងបរិស្ថា នាំគ្នាទៅយក រថយន្តរេវ ដឹកឈើ ដែលប្រជាសហគមចាប់ទុក តែប្រជាសហគមមិនឲ្យ ក៏នាំគ្នាត្រឡប់មកវិញ តែពេលនេះ ប្រជាសហគមបាននាំគ្នាយករថយន្តដឹកឈើហ៊ុប ដែលក្រុមហ៊ុនលួចអានៅក្នុងព្រៃសហគមពោរៀង មកទុកនៅសាលាស្រុកគូលេន ខេត្តព្រះវិហារ ទទួលបានមុននេះបន្តិច ៨.៥០នាទី ថ្ងៃទី១៤ ធ្នូ ឆ្នាំ ២០១៨ ៕ អានបន្ត