ព័ត៌មានចាស់ៗ
រាជរដ្ឋាភិបាលចេញ ស.ជ.ណ និរាករណ៍ការដោះដូរដីរដ្ឋនៃមន្ទីរកសិកម្មខេត្តកំពង់ស្ពឺ ដឹកនាំដោយ លោក ឈាង តុលា!!!
ខេត្តកំពង់ស្ពឺ៖ ដីកម្មសិទ្ធិរបស់មន្ទីរកសិកម្ម រុក្ខាប្រមាញ់និងនេសាទខេត្តកំពង់ស្ពឺជាង១០ហិកតា ដែល លោក ឈាង តុលា ប្រធានមន្ទីរ បានសុីញ៉េ ឯកភាពផ្ទេរ លក់ដោយខ្លួនឯងនោះ ឥឡូវត្រូវបានរាជរដ្ឋាភិបាលចេញ ស.ជ.ណ និរាករណ៍ចោលហើយ កាលពីថ្ងៃ១៧ ខែតុលា ឆ្នាំ២០១៩ តាមប្រសាសន៍ណែនាំរបស់ សម្តេចតេជោ ហ៊ុន សែន បន្ទាប់ពីផ្ទះុរឿងអាស្រូវនៃការលក់ ដោះដូរ ដីរដ្ឋជាច្រើនហិកតា របស់មន្ទីរក្រោមឱវាទលោក ឈាងតុលា។
តើ លោក ឈាង តុលា ប្រធានមន្ទីរដ៏មានអំណាចនិងបក្ខពួក អាចនឹងអស់តំណែង ហើយគេចរួចផុតពីសំណាញ់ច្បាប់ដែរទេ???
សូមតាមដានករណីនេះទាំងអស់គ្នារហូតដល់ទីបញ្ចប់៕ អានបន្ត
ឯកឧត្តម ម៉ៅ ហាវណ្ណាល់ អញ្ជើញសម្ពោធសមិទ្ធផលនានា នៅវត្តចិញ្ចែង ឃុំជើងគួន ស្រុកសំរោង
តាកែវ៖ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងជាសហប្រធានក្រុមការងារថ្នាក់ជាតិចុះមូលដ្ឋានស្រុកសំរោង ទទួលបន្ទុក៨ឃុំ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធព្រះគន្ធកុដិ ការិយាល័យកណ្តាល សាលាធម្មសភា និង សមិទ្ធផលនា នានៅទីអារាម វត្តជោតិរង្សី ហៅវត្តចិញ្ចែង ស្ថិតនៅភូមិថ្កូវ ឃុំជើងគួន ស្រុកសំរោង ខេត្តតាកែវ នាព្រឹកថ្ងៃចន្ទ ១រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៤ ខែតុលា ឆ្នាំ២០១៩។
ក្នុងពិធីនោះដែរ មានការអញ្ជើញអមដំណើរដោយឯកឧត្តម លោកជំទាវ ជាអនុប្រធាន និង ជាប្រធានក្រុមការងារថ្នាក់ជាតិចុះជួយស្រុក និងឃុំទាំង ០៨ លោក ញ៉េប លីប្រធានក្រុមប្រឹក្សាស្រុក លោក កេត ម៉ៅ អភិបាលស្រុក លោកមេឃុំ មេភូមិ លោកគ្រូ អ្នកគ្រូ សិស្សានុសិស្ស និងបងប្អូនប្រជាពលរដ្ឋជាច្រើនរូប៕ អានបន្ត
សម្តេចតេជោ ហ៊ុន សែន អញ្ជើញដឹកនាំគណៈប្រតិភូជាន់ខ្ពស់កម្ពុជា ទៅបំពេញទស្សនកិច្ចនៅប្រទេសចំនួនបី នៅតំបន់អឺរ៉ុប
នៅព្រឹកថ្ងៃអាទិត្យ ១៥កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៣ ខែតុលា ឆ្នាំ២០១៩ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់ អញ្ជើញបំពេញទស្សនកិច្ចនៅប្រទេសចំនួន០៣
នៅតំបន់អឺរ៉ុបគឺ៖ សាធារណរដ្ឋឆែក ហុងគ្រី និងសាធារណរដ្ឋប៊ុលហ្គារី ពីថ្ងៃទី ១៣ ដល់ថ្ងៃទី ១៧ ខែតុលា ឆ្នាំ២០១៩។
១)-ទស្សនកិច្ចផ្លូវការនៅសាធារណរដ្ឋឆែក
តបតាមការអញ្ជើញរបស់ឯកឧត្តម អេនដ្រេហ្គ បាប៊ីស (Andrej Babiš) នាយករដ្ឋមន្ត្រីនៃសាធារណរដ្ឋឆែក សម្តេចតេជោនាយករដ្ឋមន្ត្រី នឹងអញ្ជើញទៅបំពេញទស្សនកិច្ចផ្លូវការនៅសាធារណរដ្ឋឆែក ពីថ្ងៃទី ១៣ ដល់ទី ១៤ ខែតុលា ឆ្នាំ២០១៩។ ក្នុងអំឡុងពេលទស្សនកិច្ច សម្តេចតេជោនាយករដ្ឋមន្ត្រី នឹងអញ្ជើញចូលជួបសម្តែងការគួរសមជាមួយឯកឧត្តម ចារ៉ូស្លាវ គុបេរ៉ា (Jaroslav Kubera) ប្រធានព្រឹទ្ធសភានៃសាធារណរដ្ឋឆែក។ បន្ទាប់ពីកិច្ចប្រជុំចង្អៀត សម្តេចតេជោនាយករដ្ឋមន្ត្រី និងឯកឧត្តមនាយករដ្ឋមន្ត្រី អេនដ្រេហ្គ បាប៊ីស នឹងជួបពិភាក្សាទ្វេភាគីលើទិដ្ឋភាពផ្សេងៗនៃកិច្ចសហប្រតិបត្តិការទ្វេភាគី។ នាយករដ្ឋមន្ត្រីទាំងពីរ ក៏នឹងផ្លាស់ប្តូរទស្សនៈគ្នាទៅវិញទៅមកលើបញ្ហាតំបន់ និងអន្តរជាតិដែលជាការយកចិត្តទុកដាក់រួម។ ក្រោយជំនួបផ្លូវការនេះ នាយករដ្ឋមន្ត្រីទាំងពីរ នឹងអញ្ជើញជាអធិបតីក្នុងពិធីចុះហត្ថលេខាលើឯកសារមួយចំនួន ស្តីពីកិច្ចសហប្រតិបត្តិការទ្វេភាគី និង ធ្វើសេចក្តីប្រកាសព័ត៌មានរួមគ្នា។
២)-កិច្ចប្រជុំកំពូលប៊ុយដាប៉ែសស្តីពីទឹក លើកទី៣
តបតាមការអញ្ជើញរបស់ ឯកឧត្តម យ៉ាណូស អាឌ័រ (János Áder) ប្រធានាធិបតីហុងគ្រី។ សម្តេចតេជោនាយករដ្ឋមន្ត្រី នឹងអញ្ជើញចូលរួមកិច្ចប្រជុំកំពូលស្តីពីទឹក លើកទី៣ (3rd BWS) នៅថ្ងៃទី ១៥ ខែតុលា ឆ្នាំ២០១៩ នៅទីក្រុងប៊ុយដាប៉ែស ប្រទេសហុងគ្រី។ រៀបចំឡើងក្រោមប្រធានបទ «ការទប់ស្កាត់វិបត្តិទឹក» កិច្ចប្រជុំ 3rd BWS នឹងផ្តល់ឱកាសដល់ថ្នាក់ដឹកនាំ និងអ្នកចូលរួមទាំងអស់ចែករំលែកបទពិសោធន៍ និងផ្លាស់ប្តូរទស្សនៈ ដើម្បីជំនះនូវបញ្ហាប្រឈមនានា ទាំងនៅក្នុងតំបន់ និងសកលលោកនាពេលបច្ចុប្បន្ន សំដៅធ្វើយ៉ាងណាសម្រេចឲ្យបាន នូវការរីកលូតលាស់ប្រកបដោយចីរភាព និងបរិយាប័ន្ន ជាពិសេសទប់ស្កាត់វិបត្តិទឹកឲ្យបាន។ សម្តេចតេជោនាយករដ្ឋមន្ត្រី នឹងអញ្ជើញថ្លែងសុន្ទរកថានៅក្នុងពិធីបើកកិច្ចប្រជុំកំពូលនេះ ដោយផ្តោតទៅលើអាទិភាព យុទ្ធសាស្ត្រ និងកម្មវិធីការងារច្បាស់លាស់របស់កម្ពុជា ដើម្បីសម្រេចបាននូវការគ្រប់គ្រង និងការអភិវឌ្ឍធនធានទឹកប្រកបដោយប្រសិទ្ធភាព និងនិរន្តរភាព។ សម្តេចតេជោនាយករដ្ឋមន្ត្រី ក៏នឹងលើកឡើងពីភាពចាំបាច់ក្នុងកិច្ចប្រឹងប្រែងរួមគ្នាសម្រាប់សន្តិសុខទឹក និងនិរន្តរភាពបរិស្ថាន និងបញ្ហាប្រឈមដទៃទៀត ដូចជា និន្នាការនៃការឡើងកំដៅភពផែនដីកំណើនប្រជាជនក្នុងសកលលោក និងជម្លោះក្នុងការប្រើប្រាស់ទឹកឆ្លងដែន។ ក្នុងអំឡុងពេលស្នាក់នៅទីក្រុងប៊ុយដាប៉ែស សម្តេចតេជោនាយករដ្ឋមន្ត្រី នឹងអញ្ជើញចូលជួបសម្តែងការគួរសមជាមួយឯកឧត្តម យ៉ាណូស អាឌ័រ ប្រធានាធិបតីហុងគ្រី ព្រមទាំងទទួលការចូលជួបសម្តែងការគួរសមដាច់ដោយឡែកដោយ ឯកឧត្តម លី យ៉ុង (Li Yong) អគ្គនាយកអង្គការអភិវឌ្ឍឧស្សាហកម្មសហប្រជាជាតិ (UNIDO)។
៣)-ទស្សនកិច្ចផ្លូវការនៅសាធារណរដ្ឋប៊ុលហ្គារី
តបតាមការអញ្ជើញរបស់ ឯកឧត្តម បូយកូ បូរីសសុវ (Boyko Borissov) នាយករដ្ឋមន្ត្រីនៃសាធារណរដ្ឋប៊ុលហ្គារី សម្តេចតេជោនាយករដ្ឋមន្ត្រី នឹងអញ្ជើញបំពេញទស្សនកិច្ចផ្លូ វការនៅសាធារណរដ្ឋ ប៊ុលហ្គារី ពីថ្ងៃទី ១៥ ដល់ទី ១៦ ខែតុលា ឆ្នាំ២០១៩ ។ ក្នុងអំឡុងពេលទស្សនកិច្ច សម្តេចតេជោនាយករដ្ឋមន្ត្រី នឹងអញ្ជើញចូលជួបសម្តែងការគួរសមជាមួយឯកឧត្តម រូមិន រ៉ាដេវ (Rumen Radev) ប្រធានាធិបតីនៃសាធារណរដ្ឋប៊ុលហ្គារី ។
សម្តេចតេជោនាយករដ្ឋមន្ត្រី នឹងជួបពិភាក្សាទ្វេភាគីជាមួយសមភាគីប៊ុលហ្គារី ឯកឧត្តមនាយករដ្ឋមន្ត្រីបូយកូ បូរីសសុវ ដែលនៅក្នុងឱកាសនោះ នាយករដ្ឋមន្ត្រីទាំងពីរ នឹងពិភាក្សាលើបញ្ហានានាពាក់ព័ន្ធនឹងកិច្ចសហប្រតិបត្តិការទ្វេភាគី តំបន់ និងអន្តរជាតិ ដែលមានផលប្រយោជន៍ទៅវិញទៅមក និងការបារម្ភរួមគ្នា។ នៅចុងបញ្ចប់នៃជំនួបនាយករដ្ឋមន្ត្រីទាំងពីរ នឹងអញ្ជើញជាអធិបតីក្នុងពិធីចុះហត្ថលេខាលើឯកសារកិច្ចសហប្រតិបត្តិការមួយចំនួន ៕
អានបន្ត
ឈ្មួញធំៗនាំចូលទំនិញគេចពន្ធតាមច្រកកំពង់ផែកែវផុសខេត្តព្រះសីហនុតាមអំពើចិត្ត
ប្រភពដែលស្និទ្ធនឹងលោក ហេង សំហៃ ប្រធានការិយាល័យគយច្រកកំពង់ផែកែវផុស ស្រុកស្ទឹងហាវ ខេត្តព្រះសីហនុ បានឲ្យដឹងថា បច្ចុប្បន្នឈ្មួញធំៗជាច្រើននាក់សម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកកែវផុស កាន់តែច្រើនឡើងៗដើម្បីផលប្រយោជន៍ផ្ទាល់ខ្លួន។ ទន្ទឹមនឹងនេះលោក ហេង សំហៃ ប្រើតួនាទីនិងអំណាចរាប់ក្បាលរថយន្តដឹកទំនិញរបស់ឈ្មួញយកលុយតាមអំពើចិត្តរហូតដល់ឈ្មួញខ្លះអត់ធ្មត់តទៅទៀតលែងបាន ក៏បើកកកាយរឿងអាស្រូវពុករលួយរបស់លោក ហេង សំហៃ ជាបន្តបន្ទាប់។ ប្រភពពីមន្ត្រីនៅច្រកកែវផុស បានបង្ហើបឲ្យដឹងថា មួយរយៈចុងក្រោយនេះលោក ហេង សំហៃ ប្រធានការិយាល័យគយច្រកកែវផុស តែងប្រើឈ្មោះលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា ដើម្បីបិទបាំងរឿងអាស្រូវនិងអំពើពុករលួយរបស់ខ្លួនយ៉ាងគឃ្លើនបំផុត។
សេចក្ដីរាយការណ៍ពីសមត្ថកិច្ចពាក់ព័ន្ធនៅកំពង់ផែកែវផុស ស្រុកស្ទឹងហាវ ខេត្តព្រះសីហនុ បានឲ្យដឹងថា ឈ្មួញធំៗជាច្រើននាក់សម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកកំពង់ផែកែវផុស កាន់តែច្រើនឡើងៗ។ ប្រភពបានឲ្យដឹងទៀតថា ឈ្មួញធំៗដែលនាំចូលទំនិញតាមច្រកកំពង់ផែកែវផុស សុទ្ធតែមានទំនាក់ទំនងជិតស្និទ្ធជាមួយលោក ហេង សំហៃ ប្រធានការិយាល័យគយច្រកកំពង់ផែកែវផុស ដើម្បីឲ្យអាជីវកម្មរបស់ពួកគេអាចប្រព្រឹត្តទៅដោយរលូន។ ប្រភពពីមន្ត្រីគយក្នុងខេត្តព្រះសីហនុ មួយចំនួនបានឲ្យដឹងថា ករណីលោក ហេង សំហៃ ឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗតាមកំពង់ផែកែវផុស ធ្វើឲ្យរដ្ឋខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។
មន្ត្រីនៅច្រកកំពង់ផែកែវផុស មួយចំនួនបានបង្ហើបឲ្យដឹងថា មានឈ្មួញធំៗច្រើននាក់ដែលរកស៊ីនាំទំនិញចូលតាមច្រកកែវផុស ក្នុងនោះមានដូចជា ឈ្មួញឈ្មោះ តាធី ឈ្មួញឈ្មោះ ហុង ឡេងហួរ ឈ្មួញឈ្មោះ ចែវី ឈ្មួញឈ្មោះ ចែហួង ឈ្មួញឈ្មោះ តាកូ និងឈ្មួញឈ្មោះ យាយស៊ី ជាដើមកំពុងរកស៊ីនាំចូលទំនិញគេចពន្ធ និងទំនិញបង់ពន្ធមិនគ្រប់តាមច្រកកែវផុស យ៉ាងពេញបន្ទុក។ ប្រភពបានឲ្យដឹងទៀតថា ទំនិញដែលឈ្មួញធំៗនាំចូលតាមច្រកកែវផុស មានដូចជា សំបកកង់រថយន្ត ប្រេងម៉ាស៊ីន ស្រាបៀរ ភេសជ្ជៈច្រើនប្រភេទ គ្រឿងអេឡិចត្រូនិក និងគ្រឿងសង្ហារឹមជាដើម ដោយបង់ពន្ធត្រឹម៣៥ទៅ៤០ភាគរយប៉ុណ្ណោះ។ ក្រៅពីនេះគឺឈ្មួញឃុបឃិតបែងចែកផលប្រយោជន៍ជាមួយលោក ហេង សំហៃ ប្រធានការិយាល័យគយច្រកកែវផុស យ៉ាងសុខស្រួល ហើយលោក ហេង សំហៃ ថែមទាំងឃុបឃិតកែឯកសារបន្លំប្រភេទទំនិញដែលឈ្មួញនាំចូលដើម្បីប្រមូលផលប្រយោជន៍តាមរបៀបពុករលួយយ៉ាងរលូន។
មន្ត្រីគយនៅក្នុងខេត្តព្រះសីហនុ មួយចំនួនបានបង្ហើបឲ្យដឹងថា ដោយសារលោក ហេង សំហៃ ប្រធានការិយាល័យគយច្រកកែវផុស អាងមានខ្នងបង្អែករឹងមាំទើបហ៊ានធ្វើអ្វីៗតាមអំពើចិត្ត ជាពិសេសពាក់ព័ន្ធទៅនឹងការឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗ។ ប្រភពបានឲ្យដឹងទៀតថា ដើម្បីបិទបាំងរឿងអាស្រូវពុករលួយរបស់ខ្លួន គឺលោក ហេង សំហៃ តែងប្រើឈ្មោះលោក គុណ ញឹម ដែលជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ទន្ទេញជាប់មាត់ដើម្បីគាបសង្កត់ទៅលើក្រុមឈ្មួញនិងក្រុមអាជីវករមិនឲ្យតវ៉ាបានឡើយ។ ដូច្នេះហើយទើបមានសេចក្ដីអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធានការទប់ស្កាត់អំពើពុករលួយនិងទង្វើមិនប្រក្រតីរបស់លោក ហេង សំហៃ មេគយច្រកកែវផុស ខ្លះផងព្រោះបច្ចុប្បន្នលោក ហេង សំហៃ កំពុងបង្កើនសកម្មភាពប្រព្រឹត្តអំពើពុករលួយ ៕ អានបន្ត
ឯកឧត្ដម កែ គឹមយ៉ាន ដឹកនាំប្រជុំបូកសរុបលទ្ធផលការងារ ក្រុមការងារថ្នាក់ជាតិខេត្តបន្ទាយមានជ័យ និងជំរុញឲ្យបន្តដោះស្រាយបញ្ហាប្រឈមរបស់ពលរដ្ឋ
បន្ទាយមានជ័យ៖ ឯកឧត្ដម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យ បានអញ្ជើញជាអធិបតីកិច្ចប្រជុំបូកសរុបលទ្ធផលការងារ ក្រុមការងារថ្នាក់ជាតិ ចុះមូលដ្ឋានខេត្តកន្លងមក នៅសាលប្រជុំធំ រដ្ឋបាលខេត្តបន្ទាយមានជ័យ នាព្រឹកថ្ងៃទី០៩ ខែតុលា ឆ្នាំ២០១៩ ដែលមានអញ្ជើញចូលរួមពី ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ មន្ត្រីរាជការ ប្រធានមន្ទីរអង្គភាព កងកម្លាំង លោកអភិបាលស្រុក ក្រុង មេឃុំ ចៅសង្កាត់ជិត១០០០នាក់។
បន្ទាប់ពីបានស្តាប់របាយការណ៍របស់ ឯកឧត្តមអភិបាលខេត្ត ឯកឧត្តមនាយឧត្តមសេនីយ៍ កែ គឹមយ៉ាន បានមានប្រសាសន៍ពាំនាំការផ្តាំផ្ញើសួរសុខទុក្ខ និង ជូនពរពី សម្តេចតេជោ ហ៊ុន សែន នាយករដ្ឋមន្ត្រី ជូនចំពោះ ឯកឧត្តម លោកជំទាវ លោក លោកស្រី អាជ្ញាធរ គ្រប់លំដាប់ថ្នាក់ កងកម្លាំងប្រដាប់អាវុធ និងប្រជាពលរដ្ឋទូទាំង ខេត្តបន្ទាយមានជ័យទាំងអស់ និងសូមរំលែកទុក្ខចំពោះក្រុមគ្រួសារដែលរងគ្រោះដោយគ្រោះធម្មជាតិទឹកជំនន់ ជាពិសេសចំពោះ ក្រុម គ្រួសារដែលបាត់បង់សមាជិកគ្រួសារជាទីស្រឡាញ់ដោយគ្រោះទឹកជំនន់។
ជាមួយគ្នានេះ ក្នុងនាមរាជរដ្ឋាភិបាល និងក្នុងនាម សម្តេចតេជោនាយករដ្ឋមន្ត្រី ឯកឧត្តមនាយឧត្តមសេនីយ៍ កែ គឹមយ៉ាន បានសម្តែងនូវការកោត សរសើរ និងវាយតម្លៃខ្ពស់ចំពោះក្រុមការងារ ថ្នាក់ដឹកនាំ មន្ត្រីរាជការ កងកម្លាំងមានសមត្ថកិច្ច និងអាជ្ញាធរគ្រប់ថ្នាក់ នៃរដ្ឋ បា ល ថ្នាក់ ក្រោមជាតិ ដែលបាន រួមសហការគ្នា ប្រកបដោយការទទួលខុសត្រូវ និងភាពជាម្ចាស់ក្នុងការ ចូលរួមជាមួយរាជរដ្ឋាភិបាលដោះស្រាយបញ្ហាប្រឈមនានារបស់ប្រជាពលរដ្ឋនៅមូលដ្ឋាន។
ទន្ទឹមនឹងនេះ ឯកឧត្តម នាយឧត្តមសេនីយ៍ កែ គឹមយ៉ាន បានណែនាំដល់ក្រុមការងារទាំងអស់ឲ្យពិនិត្យ បញ្ជីបញ្ហាប្រឈម សំណើ សំណូមពរនានា របស់ប្រជាពលរដ្ឋ ដែលបានលើកឡើង ក្នុងវេទិការសាធារណៈ ដើម្បីរួមគ្នាកំណត់អំពីគោលការណ៍ វិធានការ រៀបចំ ជាផែនការសកម្មភាពជាក់លាក់ ដើម្បីដោះស្រាយនូវបញ្ហាដែល ប្រជាពលរដ្ឋ លើកឡើងសំដៅ លើកកម្ពស់ការចូលរួម ការគាំទ្រក្នុងការរៀបចំវេទិការសាធារណៈ លើកក្រោយៗទៀត៕ អានបន្ត
សម្តេចតេជោ ហ៊ុន សែន បានស្នើថ្នាក់ដឹកនាំចិន៣ចំណុច និងវិនិយោគិនចិនត្រកូល «ហ៊ុន» ឲ្យបន្តវិនិយោគនៅកម្ពុជា
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតឱ្យអ្នកវិនិយោគចិនមានត្រកូល «ហ៊ុន» ប្រមាណជា ៤០នាក់ ដែលជាអ្នកវិនិយោគទំហំទឹកប្រាក់ធំៗ បានចូលជួបសម្តែងការគួរសម និងពិភាក្សាពីការវិនិយោគនៅក្នុងប្រទេសកម្ពុជា នៅព្រឹកថ្ងៃទី០៨ ខែតុលា ឆ្នាំ២០១៩នេះ នៅវិមានសន្តិភាព រាជធានីភ្នំពេញ។
ក្នុងជំនួបនោះ សម្តេចតេជោ ហ៊ុន សែន បានបន្តអំពាវនាវឱ្យអ្នកវិនិយោគទាំងនេះ បន្តរកស៊ីនៅក្នុងប្រទេសកម្ពុជា ដោយកុំព្រួយបារម្ភអ្វីទាំងអស់ ដ្បិតរាជរដ្ឋាភិបាលកម្ពុជាមានគោលនយោបាយគាំពារយ៉ាងប្រសើរដល់អ្នកវិនិយោគបរទេស។ ជាពិសេសទំនាក់ទំនងដ៏ល្អប្រសើររវាងកម្ពុជា និងចិន ជាចលករដ៏សំខាន់សម្រាប់គាំពារ និងផ្តល់ឱកាសដ៏ប្រសើរសម្រាប់ការវិនិយោគចិននៅកម្ពុជា។
ជាមួយនោះ សម្តេចតេជោនាយករដ្ឋមន្ត្រី បានលើកបង្ហាញនូវចំណុចពិសេសជាច្រើន ដែលជួយឱ្យការរកស៊ីរបស់ចិននៅកម្ពុជាមានលទ្ធផលល្អប្រសើរ។ ក្នុងនោះកម្ពុជា និងចិនជាប្រទេសមានទំនាក់ទំនងដ៏ល្អជាមួយគ្នា ហើយរាជរដ្ឋាភិបាលកម្ពុជា តែប្រកាន់ខ្ជាប់នូវគោលនយោបាយចិនតែមួយ តាំងពីការចាប់ផ្តើមទំនាក់ទំនងដោយសម្តេចព្រះបរមរតនកោដ្ឋ នរោត្តម សីហនុ ព្រះវររាជបិតាជាតិខ្មែរ។
សម្តេចតេជោ ហ៊ុន សែន ក៏បានលើកឡើងផងដែរថា ក្នុងពេលបំពេញទស្សនកិច្ចនៅក្នុងប្រទេសចិន សម្តេចបានស្នើទៅប្រធានាធិបតីចិន លោក ស៊ី ជិនពីង និងនាយករដ្ឋមន្ត្រីចិន លោក លី ឃឺឈាង ៣ចំណុចសំខាន់ ៖
ទី១) សូមឲ្យក្រុមហ៊ុនចិនដែលកំពុងដាក់ទុននៅកម្ពុជាបន្ត វិនិយោគនៅកម្ពុជា ទោះបីជាមានការបញ្ហាអ្វីក៏ដោយ ជាពិសេសការដក EBA ពីកម្ពុជាក៏ដោយ គឺសម្ដេចស្នើសុំឲ្យចិននៅតែបន្តធ្វើការវិនិយោគនៅក្នុងប្រទេសកម្ពុជាជាបន្តទៀត
ទី២) សម្ដេចបានមានប្រសាសន៍ពាក់ព័ន្ធនឹងការធ្វើយ៉ាងណាឲ្យពាណិជ្ជករអ្នកវិនិយោគចិនថ្មីរបស់ចិនមកបណ្ដាក់ទុននៅប្រទេសកម្ពុជាបន្ថែម ដើម្បីធ្វើពាណិជ្ជកម្មនៅប្រទេសកម្ពុជា គឺមានន័យថាថែរក្សាចាស់និងបង្កើនការវិនិយោគថ្មី
ទី៣) សម្ដេចតេជោបានស្នើទៅថ្នាក់ដឹកនាំចិន ត្រូវធ្វើយ៉ាងណាបន្តបើកទីផ្សារចិនឲ្យកាន់តែធំជាងមុនសម្រាប់ការនាំចូលផលិតផលកសិផលរបស់ប្រទេសកម្ពុជាទៅទីផ្សាររបស់ប្រទេសចិន។
សម្តេចតេជោ ហ៊ុន សែន បានគូសបញ្ជាក់ទៀតថា បច្ចុប្បន្នកម្ពុជា និងចិន បាននឹងកំពុងប្រឹងប្រែងជំរុញការផ្លាស់ប្តូរពាណិជ្ជកម្មជាមួយគ្នាឱ្យកាន់តែធំ ពោលសម្រេចឱ្យបានប្រមាណ ១០ពាន់លានដុល្លារនៅឆ្នាំ២០២២។ ការប្រឹងប្រែងជំរុញទំហំពាណិជ្ជកម្មនេះ ជាឱកាសមួយសម្រាប់ចិនក្នុងការវិនិយោគនៅកម្ពុជា។
សម្តេចតេជោ ហ៊ុន សែន ក៏បានលើកបង្ហាញនូវកត្តាសំខាន់ៗមួយចំនួនទៀត ដែលសុទ្ធសឹងជាឱកាសរកផលចំណេញពីការវិនិយោគរបស់ចិននៅក្នុងប្រទេសកម្ពុជា។ កត្តាទាំងនោះមានដូចជា៖ ការបង្កើតតំបន់ និងអនុតំបន់មេង្គ, មេគង្គ-ឡានឆាង, អាស៊ាន-ចិន និងអាស៊ី-បូព៌ា, ការបង្កើតតំបន់សេដ្ឋកិច្ចសេរីអាស៊ាន-ចិន, ការបង្កើតតំបន់សេដ្ឋកិច្ចសេរីរវាងកម្ពុជា និងចិន, ការបង្កើតតំបន់សេដ្ឋកិច្ចអនុគ្រោះគ្រប់ជ្រុងជ្រោយរវាងប្រទេសសមាជិកអាស៊ានទាំង១០ ជាមួយចិន ជប៉ុន កូរ៉េ ឥណ្ឌា អូស្ត្រាលី នូវែលហ្សេឡង់ជាដើម៕ អានបន្ត
សម្តេចតេជោ ហ៊ុន សែន អបអរសាទរ និងប្រគល់រង្វាន់លើកទឹកចិត្ត សិស្សនិទ្ទេស (A) ចំនួន៤៤៣នាក់
សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជួបសំណេះសំណាល និងផ្ដល់រង្វាន់លើកទឹកចិត្តដល់ក្មួយៗ ចៅៗ សិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ(បាក់ឌុប)ដែលទទួលបាននិទ្ទេស(A)ចំនួន៤៤៣នាក់ នៅវិមានសន្តិភាព រាជធានីភ្នំពេញ នាព្រឹកថ្ងៃចន្ទ ៩ កើត ខែ អស្សុជ ឆ្នាំ កុរ ឯកស័កព.ស.២៥៦៣ ត្រូវនឹងថ្ងៃទី ៧ ខែតុលា ឆ្នាំ ២០១៩នេះ។
ឆ្នាំ២០១៩នេះ គឺជាឆ្នាំទី៦ហើយ ដែលសម្តេចតេជោនាយករដ្ឋមន្ត្រី បានផ្តល់កិត្តិយសជូនសិស្សជាប់និទ្ទេស (A) បានចូលជួបសំណេះសំណាលដោយផ្ទាល់។ ការផ្តល់ឱកាសឱ្យសិស្សនិទ្ទេស (A) ចួលជួបសំណេះសំណាលដោយផ្ទាល់នេះ គឺជាការផ្តល់តម្លៃ និងលើកទឹកចិត្តដ៏ឧត្តុង្គឧត្តមមួយពីសំណាក់ប្រមុខរាជរដ្ឋាភិបាលសម្រាប់អ្នកសិក្សា ជាពិសេសក្មួយៗ ចៅៗ សិស្សានុសិស្ស ដែលបានខិតចំប្រឹងប្រែរៀនសូត្រ។
ថ្ងៃនេះ សម្តេចតេជោ ហ៊ុន សែន នាយករដ្ឋមន្ត្រីសប្បាយរីករាយ និងមានមោទនភាពយ៉ាងខ្លាំងចំពោះការខិតខំប្រឹងប្រែងរបស់កូនក្មួយ និងចៅៗ ទាំងអស់ដែលបានខិតខំប្រឹងប្រែងរៀនសូត្រទទួលបាននិទ្ទេស (A) នាពេលនេះ។
ក្នុងឱកាសនេះផងដែរ សម្តេចតេជោនាយករដ្ឋមន្ត្រីបានក៏ផ្តាំផ្ញើនូវព្រះរាជបណ្តាំរបស់ ព្រះករុណាព្រះបាទសម្តេចព្រះ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនចំពោះចៅៗដែលបានទទួលបាននិន្ទេស (A) ទាំងអស់។ ហើយសម្រាប់ប្រាក់រង្វាន់នាឆ្នាំនេះ គឺមានប្រាក់កាក់ដែលជាព្រះរាជអំណោយដ៏វិសេសវិសាលបំផុតរបស់ព្រះអង្គផងដែរ ដែលម្ពុជាបានបោះពុម្ពផ្សាយ ដើម្បីអបអរសាទរខួប ១៥ឆ្នាំនៃការឡើងគ្រោងរាជសម្បត្តិរបស់ព្រះអង្គ (២០០៤-២០១៩) ហើយនៅថ្ងៃនេះផងដែរ កម្ពុជាយើងក៏បានអនុញ្ញាតអោយធ្វើចរាចរនូវក្រដាសប្រាក់១៥,០០០រៀល ដែលជាក្រដាសប្រាក់ទើបចេញថ្មី។
សម្តេចតេជោ ហ៊ុន សែន នាយករដ្ឋមន្ត្រី បានកោតសរសើរចំពោះ ក្រសួងអប់រំយុវជន និងកីឡា ដែលបានខិតខំសម្របសម្រួលក្នុងការប្រឡងបាក់ឌុបនៅទូទាំងប្រទេស ដែលទទួលបានលទ្ធផលគួរជាទីមោទនភាព។ ទន្ទឹមនឹងនេះ សម្តេចតេជោនាយករដ្ឋមន្ត្រី ក៏បានកោតសរសើរចំពោះសិស្សនារី ដែលបានប្រឡងជាប់ច្រើនជាងបុរសសម្រាប់ឆ្នាំនេះ។ សម្តេចតេជោ បានបន្តជំរុញនិងលើកទឹកចិត្តអោយសិស្សជានារីបន្តការខិតខំរៀនសូត្រអោយបានខ្លាំងថែមទៀត ដើម្បីក្លាយជាធនធានមនុស្សដ៏សំខាន់នៅក្នុងសង្គមជាតិ។
សម្តេចតេជោ ហ៊ុន សែន បានកោតសរសើរផងដែរចំពោះក្មួយៗចៅៗដែលបានខិតខំប្រឹងប្រែងរៀនសូត្រទទួលបានលទ្ធផលល្អបែបនេះ ព្រមទាំងបានថ្លែងអំណរគុណចំពោះក្រសួងអប់រំយុវជន និងកីឡា មន្ទីរអប់រំ នៅតាមបណ្តាខេត្តនានា លោកគ្រូ អ្នកគ្រូ និងអាណាព្យាបាលសិស្សទាំងអស់ ដែលបានរួមចំណែក
នាំមកនូវភាពជោគជ័យសម្រាប់ក្មួយៗ និងចៅៗ។ ជាងនេះទៅទៀត សម្តេចតេជោនាយករដ្ឋមន្ត្រីបានថ្លែងអំណរគុណនិងកោតសរសើរដល់លោកគ្រូ អ្នកគ្រូ ,អាជ្ញាធរ សហភាពសហព័ន្ធយុវជនកម្ពុជា និងអ្នកពាក់ពន្ធ័ទាំងអស់ដែលបានចូលរួមវគ្គបំប៉នដល់សិស្សានុសិស្សកន្លងមក មុនការប្រឡងនៅតាមបណ្តាខេត្តផ្សេងៗ។ ទន្ទឹមនឹងនេះដែរ សម្តេចតេជោនាយករដ្ឋមន្ត្រី បានលើកទឹកចិត្តដល់សិស្សានុសិស្សដែលប្រឡងមិនជាប់នៅឆ្នាំនេះ គឺត្រូវខិតខំបន្ថែមទៀតនៅឆ្នាំក្រោយ ឬអាចបន្តការសិក្សាថ្នាក់បរិញ្ញារង ឬអាចចូលសិក្សាជំនាញបច្ចេកទេសផ្សេងៗក៏បាន គឺក្រសួងអប់រំផ្តល់ឱកាសច្រើនសម្រាប់ក្មួយៗនិងចៅៗ។
នៅក្នុងពេលថ្លែងទៅកាន់ក្មួយៗ និងចៅៗ សម្តេចតេជោនាយករដ្ឋមន្ត្រី ក៏បានរំលឹកពីភាពខ្ទេចខ្ទាំនៃវិស័យអប់រំនៅក្នុងរបបប្រល័យពូជសាសន៍ ប៉ុល ពត ដែលពេលនោះធនធានអ្នកចេះដឹងជាច្រើនត្រូវបានសំលាប់ចោល ហើយសាលារៀនមួយចំនួនក៏ត្រូវបានក្លាយទៅជាគុក និងជាកន្លែងឃុំឃាំងដាក់មនុស្ស។ ក៏ប៉ុន្តែក្រោយពីយើងបានរំដោះប្រទេសនិងទទួលបាននូវសុខសន្តិភាព គឺយើងបានខិតខំបណ្តុះបណ្តាលធនធានមនុស្សដែលបានកើនមានឡើងជាបន្តបន្ទាប់ ជាពិសេសរាជរដ្ឋាភិបាលបានពង្រាយសាលារៀនតាំងពីទីប្រជុំជនរហូតដល់ទីជនបទដាច់ស្រយាលរាប់ពាន់ខ្នងដើម្បីទុកអោយកូនចៅប្រជាពលរដ្ឋបានសិក្សារៀនសូត្រគ្រប់ៗគ្នា។ សម្តេចតេជោនាយករដ្ឋមន្ត្រី បានស្នើសុំអោយអាជ្ញាធរយកចិត្តទុកដាក់តាមដានចំពោះសុខទុក្ខប្រជាពលរដ្ឋនៅតាមបណ្តាខេត្តនានា ជាពិសេសត្រូវពិនិត្យមើលសាលារៀនណាដែលទទួលរងការលិចលង់ដោយទឹកជំនន់ ត្រូវរៀបចំអោយបានល្អមុននឹងអោយសិស្សចូលរៀនចៀសវាងខ្លាចអគារបាក់បែកធ្លាក់ពីលើសិស្ស។
ជាថ្មីម្តងទៀត ទាក់ទងទៅនឹងរឿងនយោបាយសម្តេចតេជោបានមានប្រសាសន៍បញ្ជាក់អោយបងប្អូនប្រជាពលរដ្ឋទាំងអស់ចូលរួមទទួលទានអំបុកទាំងអស់គ្នានៅថ្ងៃទី ៩ វិច្ឆិកា ឆ្នាំ២០១៩ ខាងមុខ ដែលជាថ្ងៃបុណ្យឯករាជ្យជាតិ គឺ “ហូបអំបុកការពារជាតិ, សាសនា, ព្រះមហាក្សត្រ”។ ហើយសម្តេចតេជោ បានមានប្រសាសន៍បញ្ជាក់យ៉ាងច្បាស់ៗថា អ្នកណាក៏ដោយដែលចូលរួមក្នុងគម្រោងផ្តួលរំលំរដ្ឋាភិបាល ឬការធ្វើរដ្ឋប្រហារនៅថ្ងៃទី៩វិច្ឆិកានោះ គឺត្រូវទទួលខុសត្រូវ និងត្រូវទទួលទោសទៅតាមច្បាស់។ សម្តេចតេជោមិនអនុញ្ញាត្តិអោយក្រុមឧទ្ទាមណាមកបំផ្លាញសន្តិភាពនៅកម្ពុជាបានជាដាច់ខាត។
ចំពោះរង្វាន់លើកទឹកចិត្តដល់កូនក្មួយនិងចៅៗដែលទទួលបាននិទ្ទេស (A) ទាំង៤៤៣នាក់ គឺក្នុងម្នាក់ៗទទួលបានថវិកា ២លានរៀល, សៀវភៅអប់រំទូន្មាន២ក្បាល (សៀវភៅ ភិរម្យ អ៊ូ (ក្រម ង៉ុយ) និងបណ្ឌិត អ៊ូ ចុង) , iPad ម្នាក់មួយគ្រឿង ដែលជាអំណោយរបស់ក្រុម ហ៊ុន ជីប ម៉ុង ព្រមទាំងប្រាក់កាក់ស្លឹងខ្មែរ (បោះពុម្ពឆ្នាំ ១៥១៤ ដែលបានស្រាវជ្រាវយក ពីប្រទេសហូឡង់មកវិញ) ចំនួន១ និងប្រាក់កាក់មាស ដែលជាព្រះរាជអំណោយរបស់ ព្រះករុណាសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងម្នាក់ទទួលបាន១ផងដែរ។
ចំពោះលោកគ្រូអ្នកគ្រូដែលជា នាយកសាលា បានអញ្ជើញចូលរួមសរុបចំនួន ១៨៨នាក់ ដែលម្នាក់ៗទទួលបាន ថវិការចំនួន ១លានរៀល ជាមួយសៀវភៅអប់រំទូន្មាន២ក្បាល របស់ភិរម្យ អ៊ូ (ក្រម ង៉ុយ) និងបណ្ឌិត អ៊ូ ចុង ព្រមទាំងប្រាក់កាក់ស្លឹងខ្មែរ១គ្រឿង និងប្រាក់កាក់មាសដែលជាព្រះរាជអំណោយរបស់ ព្រះករុណាសម្តេចព្រះបរមនាថ នរោត្តម សីហមុនី ម្នាក់១ផងដែរ ហើយសាលានីមួយៗដែលមានសិស្សជាប់និន្ទេស (A) គឺក្នុងមួយសាលាទទួលបានថវិការ ៣លានរៀល។
សម្តេចតេជោ ហ៊ុន សែន បានជូនពរដល់ លោកគ្រូ អ្នកគ្រូ អាណាព្យាបាល និងកូនក្មួយ ព្រមទាំងចៅៗ សិស្សានុសិស្សទាំងអស់ជួបតែសេចក្តីសុខចម្រើន និងទទួលបានជោគជ័យថ្មីៗជាបន្តទៀតក្នុងការសិក្សារៀនសូត្រ និងក្នុងការអប់រំផ្តល់នូវចំណេះដឹងដល់កូនខ្មែរជំនាន់ក្រោយជាបន្តទៀត។
មុននឹងបញ្ចប់ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញផ្តល់កិត្តិយសថតរូប អនុស្សាវរីយ៍ជាមួយកូនក្មួយ និងចៅៗ សិស្សានុសិស្សដែលជាប់និទ្ទេស (A) ក្នុងបរិយាកាសស្និទ្ឋស្នាល និងសប្បាយរីករាយក្រៃលែង៕
អានបន្ត
ភរិយាសពមន្ត្រីនគរបាលក្រីក្រ ស្នើសុំ ឯកឧត្តម កែ គឹមយ៉ាន និង អ៊ុំ រាត្រី ជួយអន្តរាគមន៍ទៅ ចៅសង្កាត់ប៉ោយប៉ែត ឲ្យចេញលិខិតបញ្ជាក់ដី ដែលខ្លួនបានកាន់កាប់ជិត២០ឆ្នាំមកហើយ
ខេត្តបន្ទាយមានជ័យ៖ ស្ត្រីមេម៉ាយកូន៧នាក់ក្នុងបន្ទុក ឈ្មោះ នាង ស្រីម៉ៅ ដែលជាភរិយាសព លោក ទី វណ្ណថន មន្ត្រីនគរបាលវរសេនាតូចលេខ៩១១ បានឲ្យ ថ្មីពិត ដឹងថា បច្ចុប្បន្នលោកស្រីរស់នៅ ភូមិទំនប់ក៥ សង្កាត់ប៉ោយប៉ែត កំពុងរងទុក្ខលំបាកយ៉ាងខ្លាំង ដោយសារតែ លោក សុខ កុយ មេភូមិទួលប្រាសាទ និង លោក ភោគ លន់ ចៅសង្កាត់ប៉ោយប៉ែត មិនព្រមធ្វើពាក្យស្នើសុំកាន់កាប់ដីធ្លី ទំហំជាង៥ពាន់ម៉ែតការ៉េ ដែលគាត់បាននិងកំពុងអាស្រ័យផលតាំងពីឆ្នាំ២០០០មកម្លេះ ។
ឈ្មោះ នាង ស្រីម៉ៅ រៀបរាប់ថា កាលពីឆ្នាំ២០០០ លោក អ៊ូច ធឿន ជាមេរបស់ស្វាមីគាត់ បានចែកដីចំការចំនួន៣ហិកតា ឲ្យស្វាមីលោកស្រី គ្រប់គ្រងនិងអាស្រ័យផលរហូតមកដល់បច្ចុប្បន្ននេះ។
លោក អ៊ូច ធឿន បច្ចុប្បន្នជាមេបញ្ជាការរងវរការពារព្រំដែនលេខ៩១១ បានឲ្យ ថ្មីពិត ដឹងថា កាលឆ្នាំ២០០០គាត់មានតួនាទីជា មេបញ្ជាការកងពលធំលេខ១ វរសេនាតូចលេខ៩១១ ឈរជើងនៅសង្កាត់ប៉ោយប៉ែត ដោយមើលឃើញដីទំនេររបស់រដ្ឋ ស្ថិតនៅក្បែរបន្ទាយកងអនុសេនាធំ លោកក៏បានបែងចែកដីឲ្យមន្ត្រីរបស់ខ្លួនគ្រប់ៗគ្នាដើម្បីកាន់កាប់អាស្រ័យផលចិញ្ចឹមជីវិត ដោយឡែកមន្ត្រីរបស់លោកឈ្មោះ ទី វណ្ណថន បានទទួលដីទំហំ៣ហិកតា ដូចមានក្នុងលិខិតបញ្ជាក់ស្រាប់។ ក្រោយទទួលបានដីមន្ត្រីរបស់លោកបានទៅធ្វើពាក្យស្នើសុំកាន់កាប់ពីអាជ្ញាធរមូលដ្ឋានបានគ្រប់ៗគ្នា ដោយឡែកឈ្មោះ ទី វណ្ណថន បានកាប់ឆ្កាអាស្រ័យផលលើដីនោះ តែមិនដឹងយ៉ាងម៉េចទើបគ្មានពាក្យស្នើសុំកាន់កាប់ដីដូចគេ ទើបប៉ុន្មានឆ្នាំចុងក្រោយនេះទៅសុំអាជ្ញាធរ តែអាជ្ញាធរមិនព្រមធ្វើឲ្យ ទោះបីលោកចេញលិខិតបញ្ជាក់ឲ្យយ៉ាងណាក្តី។
ឈ្មោះ នាង ស្រីម៉ៅ បានបន្ថែមថា ដោយសារជីវភាពខ្វះខាត ថែមទាំងស្វាមីធ្លាក់ខ្លួនឈឺទៀត ទើបលោកស្រីនិងស្វាមី បានលក់ដីខ្លះ ដោយមានមេភូមិធ្វើលិខិតបញ្ជាក់ដឹងលឺទៀតផង និងមាន ឈ្មោះ នុត ថា បច្ចុប្បន្នជាក្រុមប្រឹក្សាសង្កាត់ប៉ោយប៉ែត បានលួចលក់ដីគាត់ខ្លះផងដែរ តែបច្ចុប្បន្ននៅសល់ជាក់ស្តែងត្រឹម៥,៥៥៨ម៉ែតការ៉េដែរ (មានជំនាញសុរិយោដីវាស់ដោយGPSត្រឹមត្រូវ) ដែលលោកស្រីកំពុងអាស្រ័យផល ដាំដំណាំ និងបានធ្វើរបងលួសព័ទ្ធជុំវិញត្រឹមត្រូវទៀតផង។
ហើយជាញឹកញាប់ថ្មីៗនេះ បន្ទាប់ពីស្វាមីអ្នកស្រីបានស្លាប់ អ្នកស្រីបានទៅជួបមេភូមិ និងចៅសង្កាត់ដើម្បីស្នើសុំធ្វើពាក្យកាន់កាប់ដី ប៉ុន្តែ លោក សុខ កុយ មេភូមិទួលប្រាសាទ មិនព្រមបញ្ជាក់ឲ្យទេ ពេលខ្លះក៏ទារលុយនិងសុំយកដីខ្លះជាថ្នូរ ប៉ុន្តែថ្មីៗនេះលោកមេភូមិបានអះអាងថា ដីនោះមិនហ៊ានបញ្ជាក់ឲ្យទេ ព្រោះជាដីរបស់ លោក ង៉ោ ម៉េងជ្រូន អតីតអភិបាលក្រុងប៉ោយប៉ែតទៅវិញ។
លោក ភោគ លន់ ចៅសង្កាត់ប៉ោយប៉ែត ក៏ធ្លាប់បានប្រាប់ឈ្មោះ នាង ស្រីម៉ៅ ថា មូលហេតុដែលគាត់មិនព្រមធ្វើពាក្យកាន់កាប់ដីឲ្យ ព្រោះដីនោះ ជារបស់ លោក ង៉ោ ម៉េងជ្រូន ដែរ ប៉ុន្តែ ថ្មីៗនេះ លោកចៅសង្កាត់ លែងហ៊ាននិយាយដូចមុនទៀតហើយ ក្រោយ ថ្មីពិត បានសុំការបំភ្លឺពី លោក ង៉ោ ម៉េង ជ្រូន តែលោកចៅសង្កាត់ បែរជាប្រាប់ថា ដីនោះជារបស់អ្នកនៅភ្នំពេញទៅវិញ ថែមទាំងមានប្លង់រឹងទៀតផង ប៉ុន្តែ លោកចៅសង្កាត់មិនហ៊ានបង្ហាញប្លង់រឹងនិងឈ្មោះម្ចាស់ប្លង់រឹងនោះ ដល់អ្នកយកព័ត៌មានយើងទេ ហាក់ដូចជាខ្លាចៗ អំណាច និងទឹកប្រាក់នរណាម្នាក់ ដោយសន្យាថានឹងកោះហៅតំណាងម្ចាស់ប្លង់រឹង មកដោះស្រាយគ្នាថ្ងៃមុខ។ ស្រាប់តែ៤ថ្ងៃក្រោយមក លោកចៅសង្កាត់ក៏ប្រែចិត្ត ព្រមផ្តល់លិខិតទិញលក់ដី ២សន្លឹក ដែលឈ្មោះ នាងស្រីម៉ៅ និង ស្វាមីបានលក់។
លោក ង៉ោ ម៉េងជ្រួន អភិបាលរងខេត្តបន្ទាយមានជ័យបានបំភ្លឺការចោទប្រកាន់ របស់មេភូមិ និង ចៅសង្កាត់ខាងលើ ឲ្យ ថ្មីពិត ដឹងថា លោកមិនជាប់ពាក់ព័ន្ធដីខាងលើទេ លោកជាអ្នកធ្វើការរាជការ មានតែដោះស្រាយបញ្ហាដីធ្លីជូនពលរដ្ឋ មិនដែលមានក្រុមហ៊ុន និង ក៏មិនដែលរកស៊ីទិញលក់ដីជាមួយនរណាដែរ។ ចុងក្រោយលោកបានសំណូមពរ ឲ្យអ្នកកាសែត ទៅជួប មេភូមិ និង ចៅសង្កាត់ ដើម្បីសួររក ឯកសារភស្តុតាងបញ្ជាក់ថា លោកអភិបាលរងមានក្រុមហ៊ុន និងការទិញលក់ដី ខាងលើ។
បន្ទាប់ពីឃើញលិខិតទិញលក់ដីនោះ ឈ្មោះ នាង ស្រីម៉ៅ បានទទួលស្គាល់ថា ពិតជាបានលក់ដីឲ្យអ្នកទាំងនោះមែនក្នុងចំណោម៣ហិកតានោះ មានទាំងមេភូមិ សុខ កុយ ធ្វើលិខិតបញ្ជាក់ដឹងលឺទៀតផង បន្ទាប់ពីទិញដីរួច អ្នកទិញបានចុះវាស់វែងព័ន្ធធ្វើរបងរួចជាស្រេច គឺមិនពាក់ព័ន្ធដីដែលនៅសល់ជាង៥ពាន់ម៉ែតការ៉េនោះទេ។
ឈ្មោះ នាង ស្រីម៉ៅ នៅតែឆ្ងល់ថា ហេតុអ្វីបានជា មេភូមិ សុខ កុយ និង ចៅសង្កាត់ ភោគ លន់ នៅតែមិនព្រមចេញលិខិតកាន់កាប់ដីជូនគាត់? តើមានអាថ៌កំបាំងអ្វីនៅពីក្រោយពិតប្រាកដ? ទោះបីជា គាត់បានទៅជួបចៅសង្កាត់ ស្នើសុំដោះស្រាយ និង សួររកនរណា ជាអ្នកជំទាស់មិនឲ្យចេញលិខិតឲ្យគាត់ ស្ទើរសឹកផ្លូវសង្កាត់អស់ទៅហើយ ក៏នៅតែគ្មានដំណោះស្រាយទាល់តែសោះ។
ចុងក្រោយ ឈ្មោះ នាង ស្រីម៉ៅ សង្ឃឹមតែលើ លោក គាត ហ៊ុល អភិបាលក្រុងប៉ោយប៉ែត ឯកឧត្តម អ៊ុំ រាត្រី ភិបាលខេត្តបន្ទាយមានជ័យ ជាពិសេស ឯកឧត្តមឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិខេត្តបន្ទាយមានជ័យ សូមមេត្តាជួយស្វែងរកការពិត និង អន្តរាគមន៍ឲ្យអាជ្ញាធរមូលដ្ឋាន មាន លោក សុខ កុយ មេភូមិទួលប្រាសាទ និង លោក ភោគ លន់ ចៅសង្កាត់ប៉ោយប៉ែត ជួយទទួលស្គាល់ និងធ្វើពាក្យស្នើសុំកាន់កាប់ដីធ្លីឲ្យបានស្របច្បាប់ដូចគេឯងផង៕ សម្លេងខ្មែរពិត អានបន្ត
សមត្ថកិច្ចបង្រ្កាប ប្រភពបង្កើតចោរកម្ម (ទីតាំង.........
សមត្ថកិច្ចបង្រ្កាប ប្រភពបង្កើតចោរកម្ម (ទីតាំងបញ្ចាំទិញ- លក់ម៉ូតូ ទទួលផលចោរកម្មគ្មានច្បាប់០១កន្លែង) ដកហូតម៉ូតូប្រមាណ៦០គ្រឿង
—- —-
ខេត្តសៀមរាប ៖ នៅវេលាម៉ោង ០២រសៀលថ្ងៃ១៩ កញ្ញា ២០១៩ កិច្ចសហប្រតិបត្តិការរវាងនាយកដ្ឋាននគរបាលព្រហ្មទណ្ឌក្រសួងមហាផ្ទៃ និងស្នងការដ្ឋាននគរបាលខេត្តសៀមរាប រួមមានការិយាល័យ ព្រណ្មទណ្ឌកំរិតធ្ងន់-ស្រាល អធិការ ដ្ឋាននគរបាលក្រុង-ប៉ុស្តិ៍រដ្ឋបាលសង្កាត់សៀមរាប ប្រជាការពារ ដឹកនាំបញ្ជាផ្ទាល់ដោយលោក ឧត្តមសេនិយ៍ទោ ប៉ុល រតនា អនុប្រធាននាយកដ្ឋានព្រណ្មទណ្ឌក្រសួង មហាផ្ទៃ ចំណែកឯខាងស្នងការដ្ឋានខេត្តសៀមរាប ដឹកនាំដោយ លោក ឧត្តមសេនិយ៍ត្រី ភឹង ចិន្តារ៉េត ស្នងការរងទទួលផែនព្រណ្មទណ្ឌ បានធ្វើការបង្រ្កាបទីតាំងបញ្ចាំនិងទទួលផលចោរកម្មដ៍សកម្មធំ ១ កន្លែងក្នុងក្រុងសៀមរាប ដោយឃាត់ខ្លួនមនុស្ស២នាក់និង ឆែកឆេរដកហូតម៉ូតូចំនួនប្រមាណ ៦០ គ្រឿង ក្នុងនោះ ៥៥ គ្រឿងមិនមានឯកសារ ហើយមានប្រភេទម៉ូតូកាច់សោ ក និងដាប់លេខ (កែច្នៃលេខម៉ាស៊ីន)មាន១៩ គ្រឿង ម៉ូតូមានកាតទ្រីត្រឹមត្រូវ ០២ គ្រឿង ម្ចាស់ទីតាំងត្រូវគេដឹងថា រកស៊ីយូរឆ្នាំ មកហើយ ពលរដ្ឋរស់នៅជិតខាង ថា ម្តាយមានឈ្មោះ ហៅ យាយ ហួរ កូនប្រុស ឈ្មោះ ហូ ។
ទោះជា យ៉ាងណាបច្ចុប្បន្នជនសង្ស័យរួមជាមួយម៉ូតូ៥៧គ្រឿងត្រូវបាននាំយកទៅអធិការដ្ឋាននគរបាលក្រុងសៀមរាប ដើម្បីចាត់ការតាមនិតិវិច្បាប់។
គួរបញ្ជាក់ថា កន្លែងកុងស៊ីបញ្ចាំ ទិញ លក់ ម៉ូតូ រថយន្ត គ្មានឯកសារត្រឹមត្រូវ គឺជាប្រភពបង្កើតនូវ អំពើលួច ប្លន់ ជារៀងរាល់ថ្ងៃ។ សូមសមត្ថកិច្ចមេត្តាស្រាវជ្រាវ និងបង្ក្រាបឲ្យដូចភ្លៀងរលឹម ជាពិសេស កន្លែងបញ្ចំម្តុំឃ្លាំងរំសេវ ភ្នំពេញ៕ សូមផ្តល់ដំណឹងមក សម្លេងខ្មែរពិត
012 98 48 55 អានបន្ត
(គំនិតគួរពិចារណា)អគ្គស្នងការនគរបាលជាតិ និងស្នងការនគរបាលគ្រប់រាជធានី-ខេត្ត-ក្រុង គួរបែងចែកអោយដាច់រវាង អ្នកសារព័ត៌មាន និងភ្នាក់ងារផ្តល់ព័ត៌មានរបស់អគ្គស្នងការននគរបាលជាតិ ពីព្រោះ÷គរបា
១.អ្នកសារព័ត៌មាន មានតួនាទីនិងវិជ្ជាជីវ:គ្រប់គ្រាន់សម្រាប់ផ្តល់ដំណឹងជូនអគ្គស្នងការនគរបាលជាតិនិងស្ថាប័នផ្សេងៗរួចហើយ
២. ភ្នាក់ងារផ្តល់ព័ត៌មានរបស់អគ្គស្នងការនគរបាលជាតិគួរជ្រើសរើសពីបុគ្គលផ្សេងក្រៅពីអ្នកសារព័ត៌មាន ដែលតំបន់នោះឬទីកន្លែងហ្នឹង គ្មានអ្នកសារព័ត៌មានទៅដល់ ជៀសវាងបុគ្គលខិលខូចធ្វើអ្នកសារព័ត៌មានផង ធ្វើជាភ្នាក់ងារផ្តល់ព័ត៌មានរបស់អគ្គស្នងការនគរបាលជាតិផងដូចករណីនេះ ធ្វើអោយខូចស្ថាប័ននគរបាលជាតិដែលជាមន្រ្តីនគរបាលយុត្តិធម៌ ប្រសិនបើពួកគេដើរបោកប្រាស់ បែបជម្រឹតយកប្រាក់លើពលរដ្ឋមែន។ សម្លេងខ្មែរពិត អានបន្ត
![]()
ឧបនាយករដ្ឋមន្ត្រី កែ គឹមយ៉ាន និងលោកជំទាវ សម្ពោធស្ពាន និងប្រគល់ទទួលគ្រឿងចក្រសម្រាប់ជួសជុសប្រាសាទបន្ទាយឆ្មារ ស្រុកថ្មពួក
ខេត្តបន្ទាយមានជ័យ៖ ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និង ជាប្រធានក្រុមការងារថ្នាក់ជាតិចុះខេត្តបន្ទាយមានជ័យ និងលោកជំទាវ ម៉ៅ ម៉ាល័យ អញ្ជេីញជាគណៈធិបតីដ៏ខ្ពង់ខ្ពស់ក្នុងពិធីសម្ពោធស្ពានភ្ជាប់និស្ស័យបារាយណ៍មេបុណ្យ និងប្រគល់ទទួលគ្រឿងចក្រសម្រាប់ជួសជុសប្រាសាទបន្ទាយឆ្មារ និងពិធីចែកអំណោយ ព្រមទាំងពិធីរាប់បាត្រព្រះសង្ឃចំនួន១២១អង្គ រួមទាំងមានការអញ្ជេីញចូលរួមពីប្រតិភូអមដំណេីរ ឯកឧត្ដម លោកជំទាវ សមាជិកព្រឹទ្ធសភា រដ្ឋសភា ទីប្រឹក្សាអាជ្ញាធរគ្រឿងញៀន ឯកឧត្ដម ប្រធានក្រុមប្រឹក្សាខេត្ត និងសមាជិក ឯកឧត្ដម លោកជំទាវ អភិបាលនៃគណៈអភិបាលខេត្ត មន្ទីរអង្គភាព កងកម្លំាង ព្រមទាំងមានគណៈប្រតិភូថៃជាប់ព្រំដែន តំណាងយុវនិស្សិតខេត្តបន្ទាយមានជ័យ យុវជនសសយក ប្រជាពលរដ្ឋ ឃុំបន្ទាយឆ្មារ ស្រុកថ្មពួក
នាព្រឹកថ្ងៃព្រហស្បតិ៍១៤រោច ខែស្រាពណ៍ ឆ្នាំកុរ ឯកស័ក ព.ស២៥៦៣ ថ្ងៃទី២៩ ខែសីហា ឆ្នាំ២០១៩៕ សម្លេងខ្មែរពិត អានបន្ត
ឃាតកម្ម បាញ់បុរសម្នាក់ ជាគ្រួបង្រៀនចំនួន៣គ្រាប់ បណ្តាលឲ្យស្លាប់ នៅក្បែរម៉ូតូ រួចគេចខ្លួនបាត់នៅខណ្ឌសែនសុខ
ភ្នំពេញ ៖ ហេតុការណ៍នេះបង្ករភ្ញាក់ផ្អើលកាលវេលាម៉ោង១១យប់ ថ្ងៃទី២៧ ខែសីហា ឆ្នាំ២០១៩ ស្ថិតតាមបណ្ដោយផ្លូវបេតុងច្រកចូលឪកាសខ្ញុំប្រមាណ៥០០ម៉ែត្រក្នុងសង្កាតឃ្មួញ ខណ្ឌសែនសុខ រាជធានីភ្នំពេញ។
សពជនរងគ្រោះមានឈ្មោះរឿន រតនាភេទប្រុសអាយុ៣៤ឆ្នាំ ជនជាតិខ្មែរ មុខរបគ្រូបង្រៀន អនុវិទ្យាល័យទួលប្រសាទសង្កាត់ឃ្មួញ ខណ្ឌសែនសុខ ស្នាក់នៅភូមិសែនសុខ៥សង្កាត់ឃ្មួញ ខណ្ឌសែនសខ។
ជនរងគ្រោះជិះម៉ូតូស្គុបពីពណ័ស ពាក់ស្លាកលេខរតនៈគីរី1E 7838ធ្វើដំណើរតាមបណ្ដោយផ្លូវបេតុងក្នុងទិសដៅពីកើតទៅលិច។ ខណៈមកដល់ចំណុចកើតហេតុខាងលើត្រូវជនមិនស្គាល់មុខបាញ់ប្រហាចំនួន៣គ្រាប់ស្លាប់ភ្លាមៗនៅលើដងផ្លូវ ជិតម៉ូតូ ក្រោយពីបាញ់រួចហើយជនបង្កបានចេញពីកន្លែងកើតហេតុបាត់ស្រមោលបន្សល់នៅសំបកកាទុស្សចំនួនមួយ និងជនរងគ្រោះដេកស្លាប់នៅក្បែរម៉ូតូគួរឲ្យសង្វេគ។
សមត្ថកិច្ចខណ្ឌសែនសុខ បានចុះមកដល់ចំនុចកើតហេតុបានយកខ្សែចង់ហ៊ុមពទ្ធ័ជុំវិញកន្លែងកើត រង់ចាំជំនាញមកពិនិត្យពេលជំនាញមកដល់បានឲ្យរថយន្តដឹកសពយកទៅតម្កល់ទុកនៅវត្តសែនសុខ ងាយស្រួល និងពិនិត្យនិងធ្វើកោសល្យវិច្ច័យ ក្រោយពីនិត្យរួចរាល់កប្រគល់សពឲ្យក្រុមគ្រួសារធ្វើបុណ្យតាមប្រពៃណី៕ សម្លេងខ្មែរពិត អានបន្ត
សម្តេចក្រឡាហោម ស ខេង ផ្តល់អនុសាសន៍ ៥ចំណុច ដល់អង្គការសមាគម ជាង៥ពាន់ ដើម្បីពង្រឹងការងាររបស់ខ្លួន ក្នុងភាពជាដៃគូរ ចូលរួមអភិវឌ្ឍន៍ សង្គមជាតិឲ្យកាន់តែរីកចម្រើន
ភ្នំពេញ៖ ក្នុងវេទិកាភាពជាដៃគូរវាងរាជរដ្ឋាភិបាល និងអង្គការសង្គមស៊ីវិល លើកទី៣ នាព្រឹកថ្ងៃព្រហស្បតិ៍ ទី២៩ ខែ សីហា ឆ្នាំ២០១៩ នៅទីស្តីការក្រសួងមហាផ្ទៃ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួង មហាផ្ទៃ បានអំពាវនាវដល់សមាគម និងអង្គការមិនមែនរដ្ឋាភិបាលទាំងអស់ត្រូវអនុវត្តសកម្មភាពរបស់ខ្លួនប្រកបដោយ ភាពទទួលខុសត្រូវ ដើម្បីធ្វើយ៉ាងណាឲ្យស្របតាមច្បាប់ដែលបានកំណត់ ដោយសម្តេច ក្រឡាហោម បាន ដាក់ ចេញនូវចំនុចមួយចំនួនរួមមាន៖
១.ត្រូវអនុវត្តសកម្មភាពរបស់ខ្លួនឱ្យបានត្រឹមត្រូវ ស្របតាមបទប្បញ្ញត្តិនៃ ច្បាប់ស្តីពី សមាគម និងអង្គការមិនមែនរដ្ឋាភិបាល ជាពិសេសត្រូវប្រកាន់ខ្ជាប់នូវអព្យាក្រឹត្យភាព ក្នុងការធ្វើ សកម្មភាព របស់ខ្លួន
២.សមាគម និងអង្គការមិនមែនរដ្ឋាភិបាលដែលធ្វើសកម្មភាពនៅក្នុងវិស័យ មីក្រូហិរញ្ញវត្ថុត្រូវស្នើសុំចុះបញ្ជី និង ស្នើ សុំ អាជ្ញាប័ណ្ណប្រកបអាជីវកម្មក្នុងវិស័យនេះពីស្ថាប័នមានសមត្ថកិច្ច និងត្រូវអនុវត្តសិទ្ធិ និង កាតព្វកិច្ចរបស់ខ្លួនឲ្យស្របតាមច្បាប់ និងបទដ្ឋានគតិយុត្តជាធរមាន,
៣.ស្នើដល់ ដៃគូរអភិវឌ្ឍន៍ អង្គការ សង្គមស៊ីវិលបន្តផ្តល់ ការគាំទ្រ និងចូលរួមជាមួយ រាជរដ្ឋាភិបាលកម្ពុជា ក្នុងការ លើកកម្ពស់ លទ្ធិប្រជាធិបតេយ្យ សេរីពហុបក្សនៅកម្ពុជា និងការអភិវឌ្ឍ សេដ្ឋកិច្ចជាតិឲ្យកាន់តែមានភាពរីកច ម្រើន និង រុងរឿង ជាពិសេសចូលរួម គាំទ្រដល់ដំណើរការកំណែទម្រង់នៅរដ្ឋបាលថ្នាក់ក្រោមជាតិ,
៤.សមាគម និងអង្គការមិនមែនរដ្ឋាភិបាលទាំងអស់ ត្រូវយកចិត្តទុកដាក់បំពេញកាតព្វកិច្ច តាមច្បាប់កំណត់ ដូចជាការផ្តល់របាយការណ៍ប្រចាំឆ្នាំ លេខ គណនីនៅ ធនាគារ។ល។,
៥.សមាគម និងអង្គការមិនមែនរដ្ឋាភិបាលត្រូវរាយការណ៍ ឱ្យបានច្បាស់លាស់ អំពី ថវិកា និងហិរញ្ញវត្ថុដែលទទួលបានពីប្រភពនានា ដើម្បីធានាថា ថវិកាទទួលបានពីប្រភ ពស្របច្បាប់ ត្រូវជៀស វាងដាច់ខាតចំពោះការធ្វើសកម្មភាព ដែលពាក់ព័ន្ធ នឹង ការលាងសម្អាតប្រាក់ ហិរញ្ញប្បទានភេរវកម្ម និង ហិរញ្ញប្រទានអាវុធមហាប្រល័យ។
សម្តេចក្រឡាហោម បានបន្ថែមថា អង្គការ សង្គមស៊ីវិលទាំងក្នុងស្រុក និងបរទេស បានដើរតួនាទីយ៉ាងសំខា ន់ ក្នុងការផ្តល់ និងគាំទ្រ ដល់សេវាសង្គមនៅតាមមូលដ្ឋានជនបទ និង សហគមន៍ ដាច់ស្រយ៉ាល និង ធ្វើសកម្មភាព នៅគ្រ ប់ រាជធានី-ខេត្តទូទាំងប្រទេស ក្នុងវិស័យសំខាន់ៗ ដែលពាក់ព័ន្ធ នឹងសេដ្ឋកិច្ច សង្គម នៅក្នុងប្រទេសកម្ពុជា និងបានចូលរួមផងដែរ ក្នុងការតស៊ូមតិ ទាមទារឲ្យមានកំណែទម្រង់រដ្ឋ ដើម្បីលើកកម្ពស់សុខភាព ការអប់រំ អភិបាលកិច្ច សិទ្ធិមនុស្ស ប្រព័ន្ធយុត្តិធម៌ ធនធាន ធម្មជាតិ បរិស្ថាន និងសេវាសង្គម ផងដែរ។
សូមជម្រាបថា គិតត្រឹមថ្ងៃទី២៦ ខែសីហា ឆ្នាំ២០១៩នេះ មាន សមាគម និង អង្គការមិនមែនរដ្ឋាភិបាល ក្នុងស្រុក ដែលបាន តម្កល់សំណុំឯកសារ និងចុះបញ្ជីចំនួនសរុប ៥.៤៨៣ ក្នុងនោះសមាគ ម ចំនួន ២.២០៣ និង អង្គការមិនមែន រដ្ឋាភិបាលចំនួន ៣.២៨០ ។
ជាងនេះទៅទៀតក្រោយពីច្បាប់ស្តីពីសមាគម និងអង្គការមិនមែន រដ្ឋាភិបាលត្រូវបានប្រកាសឲ្យប្រើ មានសមាគម និងអង្គការមិនមែនរដ្ឋាភិបាលក្នុងស្រុកបានសុំចុះបញ្ជីនៅក្រសួង មហាផ្ទៃ ស្របតាម ច្បាប់ ស្តីពី សមាគម និង អង្គការមិនមែនរដ្ឋាភិបាល ចំនួន សរុប៨៣៨ ក្នុងនោះ សមាគម ចំនួន៤០៦ និង អង្គការ មិន មែ ន រដ្ឋាភិបាល ចំនួន៤៣២។ ស្របគ្នានោះដែរក៏មានសមាគម និង អង្គការ មិនមែន រដ្ឋាភិបាលចំនួន៨១ ត្រូវបានលុបឈ្មោះ ចេញពី បញ្ជី នៅក្រសួងមហាផ្ទៃ តាមសំណើរបស់សាមីសមាគម និង អង្គការមិនមែនរដ្ឋាភិបាល៕ សម្លេងខ្មែរពិត អានបន្ត
សាហាវណាស់! ព្រះចៅអធិការវត្ដដីថ្មី សម្លាប់បុរសម្នាក់យ៉ាងព្រៃផ្សៃព្រោះខឹងជនរងគ្រោះដឹងថាខ្លួនលួចមានស្រីស្នេហ៍ និងគ្មាន៤០០០ដុល្លារដើម្បីសង…
ដោយយោងតាមផេកហ្វេសប៊ុកមួយដែលមានឈ្មោះថា «ព័ត៌មានប្រចាំថ្ងៃ» បានសរសេរបង្ហោះថា៖ «ព្រះសង្ឃដែលជាព្រះចៅអធិការវត្ដដីថ្មី ស្រុកអន្លង់វែង ខេត្តឧត្តរមានជ័យ ខឹងជនរងគ្រោះដែលជាអ្នករត់ម៉ូតូឌុបដឹងថាខ្លួនលួចមានស្រីស្នេហ៍ និងហេតុផលមួយទៀត ខ្ចីលុយជនរងគ្រោះជាង៤០០០ដុល្លារប៉ុន្ដែគ្មានលុយសង។ក៏ធ្វើសកម្មភាពសម្លាប់បុរសម្នាក់យ៉ាងសាហាវព្រៃផ្សៃរួចយកទៅបោះចោលនៅក្នុងព្រៃ ក្នុងគោលបំណងបំបាត់ភ័ស្ដុតាង។ នេះបើតាមស្នងការនគរបាលខេត្តឧត្តរមានជ័យ ។ តើនៅមានបែបនេះប៉ុន្មានទៀត?»។ក្នុងហេតុការណ៍នេះផងដែរ បើមើលតាមទិដ្ឋភាពនេះគឺពិតជាគួរឲ្យរន្ធត់ខ្លាំងណាស់ ក្នុងនោះក៏មានការចុះអន្តរាគមន៍ពីសំណាក់កម្លាំងមានសមត្ថកិច្ចផងដែរ៕ សម្លេងខ្មែរពិត អានបន្ត
អភិបាលនៃគណៈអភិបាលរាជធានីភ្នំពេញ លោកឃួង ស្រេង បានធ្វើការអំពាវនាវឲ្យបងប្អូនប្រជាពលរដ្ឋដែលបើកអាជីវកម្មសិប្បកម្ម រោងចក្រ សហក្រាស ឲ្យទៅបើកទីតាំងនៅក្រៅក្រុង ដោយហេតុថានៅ ក្រៅក្រុងពេលនេះយើងមានបណ្ដាញទឹក ភ្លើងគ្រប់គ្រាន់ហើយដែរ។
ភ្នំពេញ ៖ អភិបាលនៃគណៈអភិបាលរាជធានីភ្នំពេញ លោកឃួង ស្រេង បានធ្វើការអំពាវនាវឲ្យបងប្អូនប្រជាពលរដ្ឋដែលបើកអាជីវកម្មសិប្បកម្ម រោងចក្រ សហក្រាស ឲ្យទៅបើកទីតាំងនៅក្រៅក្រុង ដោយហេតុថានៅ ក្រៅក្រុងពេលនេះយើងមានបណ្ដាញទឹក ភ្លើងគ្រប់គ្រាន់ហើយដែរ។
ការអំពាវនាវបែបនេះបានធ្វើឡើង ខណៈដែលលោកអភិបាលបានអញ្ជើញចុះត្រួតពិនិត្យស្ថានភាពជាក់ស្តែងនៃការវាយរំលំអគារសិប្បកម្មពួកស្ថិតតាមបណ្តោយផ្លូវលេខ៨បេតេ កែងនឹងផ្លូវលេខ៣បេតេ ក្រុម៤ ភូមិចំរើនផល១ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ កាលពីពេលថ្មីៗនេះ។
លោកឃួង ស្រេង បានលើកឡើងថា សិប្បកម្ម រោងចក្រ សហក្រាស នៅក្រៅក្រុង វាមិនប៉ះពាល់ដល់ការរស់នៅនិងរំខានបងប្អូនប្រជាពលរដ្ឋ ហើយបើមានបញ្ហាអ្វីកើតឡើង យើងអាចអន្តរាគមទាន់ពេលវេលាដោយហេតុថា មុននៃការសាងសង់រោងចក្រ សហក្រាសនានានៅក្រៅក្រុងនោះ គឺយើងត្រូវបានឆ្លងកាត់ការត្រួតពិនិត្យពីនគរូបនីយបញ្ញត្តិរួចហើយ ដូច្នេះទេពេលដែលមានបញ្ហាកើតឡើងដូចជាគ្រោះអគ្គិភ័យជាដើមនោះយើងអាចជួយសង្គ្រោះបានទាន់ពេលវេលា ដោយសារតែយើងមានផ្លូវធំអាចចេញចូលរថយន្តពន្លត់អគ្គីភ័យបានស្រួលជាងនៅក្នុងក្រុង ខណៈដែល នៅក្នុងក្រុងមានលក្ខណៈចង្អៀតស្ទះចរាចរណ៍ពិបាកក្នុងការជួយអន្តរាគមន៍។ ជាក់ស្ដែងដូចជាហេតុការណ៍កើតឡើងអ្នកអគ្គិភ័យឆេះសិប្បកម្មពូកខាងលើនេះគឺបានបង្កឲ្យខូចខាតទ្រព្យសម្បត្តិនិងរោងចក្រទាំងស្រុងនិងបង្កភ័យខ្លាចដល់ប្រជាពលរដ្ឋក្បែរថែមទៀត។
គួរបញ្ជាក់ថា កាលពីវេលាម៉ោង១រសៀល ថ្ងៃទី២៣ ខែសីហា ឆ្នាំ២០១៩ អគ្គិភ័យបានឆាបឆេះសិប្បកម្មផលិតពូកទ្រង់ទ្រាយធំ ស្ថិតតាមបណ្តោយផ្លូវលេខ៨បេតេ កែងនឹងផ្លូវលេខ៣បេតេ ក្រុម៤ ភូមិចំរើនផល១ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ដោយឆេះ រហូតដល់ម៉ោង៥ទៀបភ្លឺ ឈានចូលថ្ងៃទី២៤ ខែសីហា ឆ្នាំ២០១៩ ទើបសមត្ថកិច្ចគ្រប់គ្រងស្ថានការណ៍អគ្គិភ័យនេះបាន ដោយបានបំផ្លាញអគារកម្ពស់៦ជាន់និងសម្ភារៈ គ្រឿងម៉ាស៊ីនទាំងស្រុង បើសរុបទឹកប្រាក់ប្រមាណជាង៣លានដុល្លារ៕ សម្លេងខ្មែរពិត អានបន្ត
លោក ផែង វណ្ណៈ អត្តលេខ១៦៥៧៤៧ ជានាយទាហានរង់ចាំការងារ ទីចាត់ការបុគ្គលិក អគ្គបញ្ជាការដ្ឋាន ត្រូវលុបឈ្មោះ ចេញពីក្របខ័ណ្ឌ នៃកងយោធពលខេមរភូមិន្ទ ។ មូលហេតុប្រព្រឹត្តខុសនឹងច្បាប់លក្ខន្តិកៈទូទៅ ចំពោះយោធិននៃកងយោធពលខេមរភូមិន្ទ និងបទវិន័យទូទៅសម្រាប់កងយោធពលខេមរភូមិន្ទ។
លោក ផែង វណ្ណៈ អត្តលេខ១៦៥៧៤៧
ជានាយទាហានរង់ចាំការងារ ទីចាត់ការបុគ្គលិក អគ្គបញ្ជាការដ្ឋាន ត្រូវលុបឈ្មោះ ចេញពីក្របខ័ណ្ឌ នៃកងយោធពលខេមរភូមិន្ទ ។ មូលហេតុប្រព្រឹត្តខុសនឹងច្បាប់លក្ខន្តិកៈទូទៅ ចំពោះយោធិននៃកងយោធពលខេមរភូមិន្ទ និងបទវិន័យទូទៅសម្រាប់កងយោធពលខេមរភូមិន្ទ។ អានបន្ត
រតនគិរី ៖ លោក លី ឧសភា ត្រូវបានប្រកាសតែងតាំងចូលកាន់តំណែងប្រធានមន្ទីររៀបចំដែនដី នគរូបនីកម្ម សំណងនិងសុរិយោដីខេត្តរតនគិរីថ្មី កាលពីព្រឹកថ្ងៃទី២៧ ខែសីហា ឆ្នាំ២០១៩នេះ នៅសាលប្រជុំសាលាខេត្ត លោក ឆាន់ សុផាន់ រដ្ឋលេខាធិការប្រចាំការតំណាងដ៏ខ្ពង់ខ្ពស់ ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម សំណង់និងសុរិយោដី បានអញ្ជើញជាអធិបតីក្នុងពិធីប្រកាសតែងតាំងចូលកាន់តំណែងលោក លី ឧសភា ជាប្រធានថ្មី នៃមន្ទីររៀបចំដែនដីនគរូបនីយកម្មសំណង់និងសុរិយោដី ខេត្តរតនគិរី ជំនួសលោក ទឹម ស៊ីណាតប្រធានមន្ទីរចាស់ដែលត្រូវបានផ្ទេភារកិច្ចទៅបម្រើការងារនៅក្រសួងវិញ។
ពិធីប្រកាសប្រធានមន្ទីររៀបចំដែនដីនគរូបនីយកម្មសំណង់និងសុរិយោដីរូបនេះក៏មានការអញ្ជើញចូលរួមជាកិត្តិយសពីសំណាក់លោក ណាប់ ប៊ុន ហេង ប្រធានក្រុមប្រឹក្សាខេត្ត លោក ថង សាវុន អភិបាលខេត្ត ព្រមទាំងអស់លោក លោកស្រីប្រធានអនុប្រធានមន្ទីរអង្គភាពជុំវិញខេត្ត អភិបាល អភិបាលរងក្រុង ស្រុកទាំង៩ក្នុងខេត្តនិងមន្ត្រីរាជការក្រោមឱវាទ មន្ទីររៀបចំដែនដីនគរូបនីយកម្មសំណង់និងសុរិយោដីជាច្រើនរូបទៀតផងដែរ។
បន្ទាប់ពីប្រសាសន៍ស្វាគមន៍ របស់លោក ថង សាវុន រួចមកលោក ឆាន់ សុផាន់ បានផ្ដាំផ្ញើមួយចំនួនដល់លោក លី ឧសភា ដែលទើបប្រកាសចូលកាន់មុខតំណែងថ្មី ត្រូវ បន្តយកចិត្តទុកដាក់ពង្រឹងគុណភាពការងារ ដើម្បីលើកកម្ពស់ប្រសិទ្ធភាពការងារនៃការផ្ដល់សេវាសាធារណៈ ជាពិសេសផ្ដោតលើសេវាសាធារណៈ ដែលជាតម្រូវការចាំបាច់របស់ប្រជាពលរដ្ឋ ពាក់ព័ន្ធនឹងការងារដីធ្លី និងការសាងសង់សំណង់ផ្សេងៗ ដើម្បីសម្រេចការងារនេះ ទាមទារនូវកិច្ចសហប្រតិបត្តិការពីគ្រប់ផ្នែកពាក់ព័ន្ធ ដែលត្រូវពន្លឿនការងារឲ្យបានស្មើដៃគ្នាក្នុងគោលបំណងសម្រេចការផ្ដល់សេវាទៅតាមបរិបទពេលវេលាដែលបានកំណត់។
ប្រធានមន្ទីរ និងប្រធានអង្គភាពគ្រប់គ្រងផ្ទាល់ ត្រូវគ្រប់គ្រងមន្ត្រីឲ្យបានហ្មត់ចត់ និងមានវិធានការម៉ឺងម៉ាត់ចំពោះមន្ត្រីអសកម្ម និងមានវិធានការលើកទឹកចិត្តដល់មន្ត្រី បុគ្គលិក ដែលធ្វើការទៀងទាត់ និងមានគុណផលការងារល្អ។ ពាក់ព័ន្ធ លើការងាររដ្ឋបាលដីធ្លី ត្រូវបន្តខិតខំជម្រះទិន្នន័យក្បាលដីកកស្ទះកន្លងមក ក្នុងកម្មវិធីចុះបញ្ជីដីធ្លីទូទៅ ក៏ដូចជាការចុះបញ្ជីដីតាមបទបញ្ជាលេខ ១បប។ ជាមួយគ្នានេះក៏ស្នើដល់គណៈកម្មការរដ្ឋបាល ជួយពន្លឿនការពិនិត្យសម្រេចឯកសារវិនិច្ឆ័យក្បាលដី ពិសេសទាក់ទងនឹងការសម្រេចពាក់ព័ន្ធនឹងហេដ្ឋារចនាសម្ព័ន្ធផ្សេងៗ ដើម្បីអាចចែកប័ណ្ណជូនប្រជាពលរដ្ឋទាន់ពេលវេលា។ គណៈកម្មាធិការសុរិយោដីថ្នាក់ក្រុង ស្រុក និងខេត្ត ត្រូវបន្តជំរុញដោះស្រាយឲ្យអស់នូវទំនាស់ដែលនៅសេសសល់។ ទន្ទឹមហ្នឹងនេះ ត្រូវជំរុញដោះស្រាយបណ្ដឹងដែលអង្គភាពជំនាញបានទទួល។ លើការងាររៀបចំដែនដី លោក រដ្ឋលេខាធិការបានជំរុញមន្ទីររៀបចំដែនដីនគរូបនីកម្មសំណង់និងសុរិយោដីខេត្តរតនគិរីត្រូវបញ្ចប់ផែនការរៀបចំដីខេត្ត និងប្លង់គោលប្រើប្រាស់ដីស្រុកអូរយ៉ាដាវ និងស្រុកកូនមុំ។ ទប់ស្កាត់ និងរុះរើសំណង់ខុសច្បាប់ដែលរំលោភលើដីសាធារណៈដូចជាដីចំណីផ្លូវសាធារណៈ និងសួនច្បារសាធារណៈ ដែលធ្វើឲ្យប៉ះពាល់ដល់សោភណភាព សណ្ដាប់ធ្នាប់ និងសុវត្ថិភាពសាធារណៈ ពិសេសនៅតាមទីក្រុង ទីប្រជុំជន និងទប់ស្កាត់ឲ្យខាងតែបានរាល់ការសាងសង់សំណង់ខុសច្បាប់រំលោភលើដីសាធារណៈ តទៅមុខទៀត។
ចំពោះការងារសំណង់ ត្រូវបន្តផ្សព្វផ្សាយ និងធ្វើការណែនាំដល់ប្រជាពលរដ្ឋ ពិសេសដល់ម្ចាស់សំណង់ និងអ្នកអភិវឌ្ឍអចលវត្ថុឲ្យយល់ដឹងអំពីច្បាប់ និងលិខិតបទដ្ឋានគតិយុត្តិពាក់ព័ន្ធវិស័យសំណង់។ ត្រូវសហការជាមួយអាជ្ញាធរពាក់ព័ន្ធ និងជាមួយមហាជន ប្រជាជន ធ្វើការតាមដានគ្រប់ការដ្ឋានដែលត្រូវចាប់ផ្ដើមរៀបចំការសាងសង់។ ក្នុងករណីពិនិត្យឃើញមានការខុសឆ្គងនឹងបទបញ្ញត្តិសំណង់ ទោះចំពោះអ្នកមាន ឬគ្មានលិខិតអនុញ្ញាតសាងសង់ ត្រូវការហាមឃាត់ផ្អាកការសាងសង់ជាបណ្ដោះអាសន្នភ្លាម បន្ទាប់មកត្រូវបំពេញបែបបទតាមនីតិវិធី និងគោលការណ៍ជាធរមាន៕ សម្លេងខ្មែរពិត អានបន្ត
នៅព្រឹកថ្ងៃទី២៥ ខែសីហា ឆ្នាំ២០១៩ នេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ...
នៅព្រឹកថ្ងៃទី២៥ ខែសីហា ឆ្នាំ២០១៩ នេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញចូលរួមក្នុងពិធីបើកការដ្ឋានស្ថាបនា ផ្លូវ ក្រាលកៅស៊ូប្រវែង ១២គីឡូម៉ែត្រ ចាប់ពីផ្លូវជាតិលេខ ៧១ ភូមិតាអុង ឆ្ពោះទៅភូមិសំព័រ ឃុំតាអុង ស្រុកចំការលើ ខេត្តកំពង់ចាម ក្រោមអធិបតីភាព ឯកឧត្តម ហ៊ុន ម៉ានិត នាយករង ខុទ្ទការល័យសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដោយមានការចូលរួមពីមន្រ្ដីរាជការ កងកម្លាំង លោកគ្រូ អ្នកគ្រូ ប្រជាពលរដ្ឋ សិស្សានុសិស្សជាច្រើនយ៉ាងច្រើនកោះករ។
បន្ទាប់ពីពិធីបើកការដ្ឋានខាងលើបានបញ្ចប់ ឯកឧត្តម អ៊ុន ចាន់ដា អភិបាលខេត្តកំពង់ចាម បានបន្តដឹកនាំមន្រ្តីជំនាញ អញ្ជើញចុះពនិត្យមើលក្រុមការងារបូបខ្សាច់ដាក់បាវដើម្បីទប់ការពារច្រាំងទន្លេកុំឲ្យបាក់-ស្រុត ស្ថិតនៅក្នុងឃុំពាមកោះស្នា និងឃុំព្រះអណ្តូង ស្រុកស្ទឹងត្រង់ផងដែរ៕ សម្លេងខ្មែរពិត អានបន្ត
លោក គាត ហ៊ុល អភិបាលក្រុងប៉ោយប៉ែត អញ្ជើញជាអធិបតីភាពក្នុងពិធី បូកសរុបលទ្ធផលការងារអប់រំ និងប្រគល់ ប័ណ្ណសរសើរជូនសិស្សានុសិស្សនៅសាលារៀន ម៉េង ហួ ណ័រវ៉េស្ទ ប្រចាំឆ្នាំសិក្សា ២០១៨ - ២០១៩
បន្ទាយមានជ័យ៖ ពិធីនេះប្រារព្វកាលពីព្រឹក ថ្ងៃទី២៤ ខែសីហា ឆ្នាំ២០១៩ ក្នុងបរិវេណសាលារៀន ម៉េង ហួ ណ័រវ៉េស្ទ ស្ថិតក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
លោកអភិបាលក្រុងបានថ្លែងកោតសរសើរខ្ពស់ចំពោះគណៈគ្រប់គ្រងសាលា លោកគ្រូ អ្នកគ្រូ ទាំងអស់ដែលបានខិតខំប្រឹងប្រែងបណ្តុះបណ្តាលក្មួយៗសិស្សានុសិស្សនារយៈកាលកន្លងមក រហូតទទួលបានជ័យលាភីជាសិស្សពូកែ ទាំងគុណភាព និងបរិមាណ ដែលនេះជាការរួមចំណែកដ៏មានសារៈសំខាន់ជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លើការលើកកម្ពស់វិស័យអប់រំ ធនធានមនុស្សនៅកម្ពុជា។
លោកអភិបាលក្រុង បានថ្លែងបន្តថា បើពឹងតែលើថ្នាលបណ្តុះបណ្តាលសាលាតែមួយមុខមិនគ្រប់គ្រាន់ទេ ដើម្បីឱ្យបុត្រធីតារបស់លោកអ្នកក្លាយខ្លួនជាកូនល្អ សិស្សល្អ ជាទំពាំងស្នងឫស្សីដ៏រឹងមាំ ជាសសរទ្រូងដ៏សំខាន់សម្រាប់គ្រួសារ និងសង្គមជាតិទាំងមូល នាពេលបច្ចុប្បន្ន និងទៅថ្ងៃអនាគតនោះគឺត្រូវការចូលរួមយ៉ាងសកម្មពីលោក លោកស្រីដែលជាអាណាព្យាបាលផងដែរ។
លោក គាត ហ៊ុល បានសង្កត់ធ្ងន់ថា លោក លោកស្រី ជាឪពុកម្តាយ និងអាណាព្យាបាលត្រូវធ្វើយ៉ាងណាជំរុញបុត្រធីតារបស់ខ្លួនឱ្យបានចូលសិក្សារៀនសូត្រគ្រប់ៗគ្នា និងធ្វើការស្វ័យសិក្សារៀនសូត្រក្រៅម៉ោងសិក្សានៅសាលាឱ្យបានជាប្រចាំ ជាពិសេសអប់រំបុត្រធីតាឱ្យចៀសឆ្ងាយពីគ្រឿងញៀន និងល្បែងឧបាយមុខផ្សេងៗ គ្រប់ប្រភេទ៕ សម្លេងខ្មែរពិត អានបន្ត
ដ្ឋមន្ត្រី ក្រសួងយុត្តិធម៌ និង ក្រសួងសេដ្ឋកិច្ច និងហិរញ្ញវត្ថុ ចេញប្រកាសរួម ស្តីពីការបង្កើតគណៈកម្មការគ្រប់គ្រង និងចាត់ចែងវត្ថុតាង(គ.គ.ច.វ)៖
គណៈកម្មការគ្រប់គ្រង និងចាត់ចែងវត្ថុតាង(គ.គ.ច.វ) ត្រូវបានបង្កើតឡើងរវាងក្រសូងសេដ្ឋកិច្ច និងហិរញ្ញវត្ថុ និងក្រសួងយុត្តិធម៌ ដើម្បីគ្រប់គ្រង និងចាត់ចែងវត្ថុតាងដែលត្រូវបានរឹបអូសជាទ្រព្យសម្បត្តិរដ្ឋដោយស្ថាប័នតុលាការ។
គណៈកម្មការនេះដឹកនាំដោយឯកឧត្តម គឹម សន្តិភាព រដ្ឋលេខាធិការក្រសួងយុត្តិធម៌ ជាប្រធាន និងមានឯកឧត្តម សួង ម៉េងគា អនុរដ្ឋលេខាធិការក្រសួងេសដ្ឋកិច្ច និងហិរញ្ញវត្ថុឯកឧត្តម អ៊ូ រ៉ាស៊ី អនុរដ្ឋលេខាធិការក្រសូងយុត្តិធម៌ ជាអនុប្រធាន និងឯកឧត្តម ខាន់ វណ្ណៈ អគ្គាធិការកិច្ចការតុលាការនៃក្រសួងយុត្តិធម៌ ជាអនុប្រធានប្រចាំការ ព្រមទាំងសមាជិក សមាជិកា ជាមន្ត្រីជាន់ខ្ពស់នៃក្រសួងទាំងពីរមួយចំនួនទៀ។ សម្លេងខ្មែរពិត អានបន្ត