ថ្ងៃអាទិត្យ ទី០៦ ខែមេសា ឆ្នាំ២០២៥ អាស័យដ្ឋាន៖ ផ្ទះលេខ៤១៣ ផ្លូវលំ ភូមិក្រពើហា សង្កាត់ព្រែកឬស្សី ក្រុងតាខ្មៅ កណ្តាល / លេខទូរស័ព្ទ ៖ 088 41 41 152 / 012 98 48 55
ឆ្នាំ២០២៤ អាជ្ញាធរផ្សព្វផ្សាយការលើកកម្ពស់ការយល់ដឹងពីបញ្ហាគ្រឿងញៀនជាង១៤ម៉ឺនលើក
Thu,06 March 2025 (Time 09:13 AM)
ដោយ សម្លេងខ្មែរពិត (ចំនួនអ្នកអាន: 74នាក់)


ភ្នំពេញ}បើតាមឯកឧត្តម បណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ ក្នុងឆ្នាំ២០២៤ ក្រសួងមហាផ្ទៃបានសហការជាមួយ អាជ្ញាធរជាតិប្រយុទ្ធប្រឆាំងគ្រឿងញៀន ក្រសួង ស្ថាប័នពាក់ព័ន្ធ និងគណៈកម្មាធិការត្រួតពិនិត្យគ្រឿងញៀន រាជធានី ខេត្ត ផ្សព្វផ្សាយអប់រំលើកកម្ពស់ការយល់ដឹងអំពីបញ្ហាគ្រឿងញៀនបានចំនួន ១៤៦.៥៦៦លើក អ្នកចូលរួមសរុបចំនួន២៤.៤៦៤.០៦០អង្គ/នាក់។

ឯកឧត្តម បណ្ឌិត ទូច សុឃៈ បានឱ្យដឹងថា ផ្អែកតាមព័ត៌មានជំនាញ និងការស្រាវជ្រាវ ស៊ើបអង្កេត ឆ្នាំ២០២៤កន្លងទៅ សមត្ថកិច្ចបើកប្រតិបត្តិការបង្ក្រាប បទល្មើសគ្រឿងញៀនបានចំនួនជាង៤ពាន់ករណី និងឃាត់ខ្លួនមនុស្សជាង១ម៉ឺននាក់ បើធៀបទៅនឹងចំណុចដៅ ដែលកំណត់ គឺស្ថិតក្នុងកម្រិតល្អប្រសើរ ដ្បិតតែចំនួននៃករណីបង្ក្រាបមានកំណើនជាងឆ្នាំ២០២៣។

អ្នកនាំពាក្យរងក្រសួងមហាផ្ទៃ បន្តទៀតថា ដើម្បីឆ្លើយតបស្ថានភាពជាក់ស្តែង ក៏ដូចជាដើម្បីពង្រឹងប្រសិទ្ធភាពនៃការប្រយុទ្ធប្រឆាំងគ្រឿងញៀនខុសច្បាប់ ក្រសួងមហាផ្ទៃ បានរៀបចំកែសម្រួលភារកិច្ច និងសមាសភាពនៃគណៈ កម្មាធិការសម្របសម្រួល ជំរុញអនុវត្ត និងត្រួតពិនិត្យការងារប្រយុទ្ធប្រឆាំងគ្រឿងញៀននៃក្រសួងមហាផ្ទៃ ឡើងវិញ ព្រមទាំងរៀបចំដាក់ឱ្យអនុវត្តផែនការសកម្មភាព និងធ្វើការផ្សព្វផ្សាយជូនដល់សមាសភាព ពាក់ព័ន្ធនៅក្រោមឱវាទក្រសួងមហាផ្ទៃសរុបចំនួន៤៥០រូប។

សូមបញ្ជាក់ថា យោងតាមរបាយការណ៍ស្ដីពី លទ្ធផលការងារឆ្នាំ២០២៤ និងលើកទិសដៅការងារបន្តឆ្នាំ២០២៥របស់ក្រសួងមហាផ្ទៃ សមត្ថកិច្ចបង្ក្រាបករណីគ្រឿងញៀនចំនួនជាង៤ពាន់ករណី សារធាតុញៀនចំនួនជាង៥តោន ឃាត់ខ្លួនបានចំនួនជាង១ម៉ឺននាក់ ជនបរទេសជាង៤រយនាក់។ ក្នុងរាជរដ្ឋាភិបាល នីតិកាលទី៧នៃរដ្ឋសភា ក្រោមការដឹកនាំរបស់សម្តេចធិបតី បានបន្តយកចិត្តទុកដាក់ជាអាទិភាពលើការប្រយុទ្ធប្រឆាំងគ្រឿងញៀនខុសច្បាប់ ទន្ទឹមគ្នានឹងការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព ដែលនិយាយអំពីបញ្ហាគ្រឿងញៀនដូចគ្នានេះដែរ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ