ខេត្តប់ៃលិន)៖ នៅព្រឹកថ្ងៃទី ០៨ ខែកុម្ភៈ ឆ្នាំ២០២៣ អនុប្រធានអចិន្ត្រៃយ៍គណ:កម្មាធិការសាខាកាកបាទក្រហមកម្ពុជាខេត្តប៉ៃលិនបានប្រារព្ធពិធីប្រគល់-ទទួល សម្ភារៈបរិក្ខាសម្រាប់អនុវត្តកម្មវិធីលើកកម្ពស់សកម្មភាពមនុស្សធម៌ និងសុខភាពក្នុងសហគមន៍ដែលឧបត្ថម្ភដោយ DG-ECHO តាមរយៈកាកបាទក្រហមហ្វាំងឡង់ ក្រោមអធិបតីភាព លោកជំទាវ ពៅ សុខ អនុប្រធានអចិន្រ្តៃយ៍គណៈកម្មាធិការសាខាជាតំណាងដ៏ខ្ពង់ខ្ពស់លោកជំទាវ បាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជាខេត្តប៉ៃលិន ដោយមានការចូលរួមពីគណៈកម្មាធិការអនុសាខាក្រុង/ស្រុក មន្ទីរអង្គភាពពាក់ព័ន្ធ គណៈអភិបាលក្រុង/ស្រុក អាជ្ញាធរឃុំ/សង្កាត់ សរុបចំនួន២៦នាក់ ស្រី ០៨ នាក់។លោកជំទាវបានថ្លែងអំណរគុណយ៉ាងជ្រាលជ្រៅជូនចំពោះសម្តចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានផ្តល់ឱកាសដល់សាខាខេត្តប៉ៃលិនបានអនុវត្តកម្មវិធីលើកកម្ពស់សកម្មភាពមនុស្សធម៌ និងសុខភាពក្នុងសហគមន៍ដែលឧបត្ថម្ភដោយ DG-ECHO តាមរយៈសហព័ន្ធអន្តរជាតិ (IFRC) តាមរយៈកាកបាទក្រហមហ្វាំងឡង់រយៈពេល ៣ ឆ្នាំ ចាប់ពី (ខែឧសភា ឆ្នាំ២០២២ ដល់ ខែមេសា ឆ្នាំ២០២៥)។លោកជំទាវបានឱ្យដឹងទៀតថា កម្មវិធីនេះផ្តោតជារួមលើ ៣ផ្នែក៖១.ការត្រៀមបង្ការ/ឆ្លើយតបជំងឺរាតត្បាត ២.ការងារគ្រប់គ្រងគ្រោះមហន្តរាយ៣.ការលើកកម្ពស់ការចូលរួមរបស់សហគមន៍ ដោយសមាហរណកម្មជាមួយការងារអភិវឌ្ឍន៍សាខា/អនុសាខាក្នុងខេត្តគោលដៅដើម្បីកសាងសមត្ថភាពបច្ចេកវិទ្យាឌីជីថល បរិស្ថាន ការប្រែប្រួលអាកាសធាតុ យេនឌ័រ។ល។ ជាងនេះទៅទៀតគឺជាឱកាសក្នុងការលើកកម្ពស់កិច្ចសហប្រតិបត្តិការជាមួយដៃគូក្នុងការសម្រេចបានជោគជ័យនូវយុទ្ធសាស្រ្ត ២០៣០ របស់កាកបាទក្រហមកម្ពុជាផងដែរ។ លោកជំទាវ ក៏បានពាំនាំប្រសាសន៍ផ្តាំផ្ញើសួរសុខទុក្ខ ពីសំណាក់លោកជំទាវបណ្ឌិត បាន ស្រីមុំ ប្រធានគណៈកម្មាធិការសាខា កក្រក ខេត្តប៉ៃលិនជូនដល់មន្រ្តីប្រតិបត្តិសាខា គណៈកម្មាធិការអនុសាខាក្រុង/ស្រុក អាជ្ញាធរឃុំ/សង្កាត់គោលដៅ សហការគ្នាឱ្យបានជិតស្និទ្ធដើម្បីសម្រេចបានជោគជ័យតាមកម្មវិធីរបស់គម្រោងនេះ ។លោកជំទាវ អនុប្រធានអចិន្រ្តៃយ៍បានប្រគល់-ទទួល ម៉ូតូ និងសម្ភារៈឧបករណ៍ ការិយាល័យសម្រាប់កម្មវិធីលើកកម្ពស់កម្មភាពមនុស្សធម៌ និងសុខភាពសហគមន៍ជូនមន្រ្តីកម្មវិធីសាខា ទទួលបាន ម៉ូតូ ២គ្រឿង កុំព្យូទ័រយួរដៃ ២គ្រឿង ម៉ាស៊ីនព្រីនធើ ស្កេន កូពី ១គ្រឿង ម៉ាស៊ីនបញ្ចាំងស្លាយ ១គ្រឿង កាមេរ៉ាកាណុង ១គ្រឿង ទូដែក១គ្រឿង ទូឯកសារគ្មានទ្វារ ១គ្រឿង ទូឯកសារមានទ្វារ ១គ្រឿង និងមន្រ្តីអនុសាខាក្រុង/ស្រុក ទទួលបាន ម៉ូតូ ២គ្រឿង កុំព្យូទ័រយួរដៃ ២គ្រឿង ម៉ាស៊ីនព្រីនធើ ២គ្រឿង ទូឯកសារមានទ្វារ ២គ្រឿង៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ