ខេត្តកំពង់ស្ពឺ:នាព្រឹកថ្ងៃទី២២ ខែកុម្ភៈ ឆ្នាំ២០២២នេះមានពិធីសម្ភោធបើកការដ្ឋានស្ថាបនាផ្លូវ ទទឹង៣០ ម៉ែត្រ បណ្ដោយ៣៨០០ម៉ែត្ររបស់ក្រុមហ៊ុនហេងចំណូលអភិវឌ្ឍ គឺធ្វើឡើងក្រោមអធិបតីភាព ឯកឧត្តមបណ្ឌិត ណូន រ៉ន និងអាជ្ញាធរភូមិឃុំ នគរបាល នៅឃុំជំពូព្រឹក្ស ស្រុកឧដុង្គ ខេត្តកំពង់ស្ពឺ អមដំណើរដោយ អគ្គនាយក ហាក់ សំរ៉ស់និងអគ្គនាយករង ឈុន សូវៀត ព្រមទាំងមានការអញ្ជើញចូលរួមពីសំណាក់អតិថិជននិងប្រជាពលរដ្ឋយ៉ាងច្រើនកុះករផងដែរ។ ឯកឧត្តម បណ្ឌិត ណូន រ៉ន បានឲ្យដឹងថា៖ ការសម្ភោធបើកការដ្ឋានស្ថាបនាផ្លូវ ទទឹង៣០ ម៉ែត្រ បណ្ដោយ៣៨០០ម៉ែត្រ គឺមានទីតាំង ស្ថិតក្នុងភូមិក្រាំងតាសោម ឃុំជម្ពូព្រឹ ស្រុកឧដុង្គ ខេត្តកំពង់ស្ពឺ ដែលជាអំណោយដ៏ថ្លៃថ្លារបស់ក្រុមហ៊ុនហេងចំណូលអភិវឌ្ឍន៏។ឯកឧត្តម បណ្ឌិត ណូន រ៉នបានមានប្រសាសន៍ថា៖ ដោយកត្តាសន្តិភាព ទើបថ្នាក់ដឹកនាំខេត្ត មានឱកាសអភិវឌ្ឍន៍មូលដ្ឋាន ហើយជាក់ស្តែងផ្លូវ១ខ្សែនេះ គឺពិតជាបានផ្តល់នូវអត្ថប្រយោជន៍យ៉ាងខ្លាំង សម្រាប់បម្រើដល់ជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋ។ឯកឧត្ដមបន្តថា នេះគឺជាសមិទ្ធផលថ្មី១ទៀត ដែលបង្ហាញពីការគិតគូរសុខទុក្ខរបស់ប្រជាពលរដ្ឋនៅតាមមូលដ្ឋាន សម្រាប់បម្រើដល់ការរស់នៅ របស់ប្រជាពលរដ្ឋ ក្នុងការធ្វើចរាចរណ៍ទៅមក ដើម្បីចូលរួមអនុវត្តន៍នយោបាយកាត់បន្ថយភាពក្រីក្ររបស់រាជរដ្ឋាភិបាលផងដែរ ផ្លូវថ្នល់គឺជាសរសៃឈាមសេដ្ឋកិច្ចយ៉ាងសំខាន់ បើមានផ្លូវ គឺយើងបានធ្វើឱ្យសេដ្ឋកិច្ច ជីវភាពរស់នៅរបស់ប្រជាពលរដ្ឋកាន់តែប្រសើរឡើង។ក្នុងឱកាសនោះដែរឯកឧត្តមបានណែនាំឲ្យបងប្អូនប្រជាពលរដ្ឋត្រូវបង្កើនការចិញ្ចឹមសត្វគោក្របីដើម្បីបង្កើនជីវភាពគ្រួសារ និងចូលរួមដាំដើមឈើបន្ថែមទៀតដើម្បីការពារការច្រោះបាក់ដីនិងការពារប្រភពទឹកកុំឲ្យឆាប់រីងស្ងួត និងត្រូវចេះអនាម័យ ការពារខ្លួនពីជំងឺនានា ជាពិសេសជៀសឆ្ងាយពីជំងឺកូវីដ-១៩៕ ក្នុងនាមយើងខ្ញុំជាក្រុមការងារ នៃគេហទំព័រសារព័ត៌មានសំឡេងខ្មែរពិត សូមថ្លែងអំណរគុណ យ៉ាងខ្ពង់ខ្ពស់និងជ្រាវជ្រៅបំផុត ចំពោះវត្តមាន របស់ឯកឧត្តម ក៏ដូចជាអាជ្ញាធរភូមិឃុំ នគរបាល នៅឃុំជំពូព្រឹក្ស ស្រុកឧដុង្គខេត្តកំពង់ស្ពឺ ដែលបានអញ្ជើញមកចូលរួមនៅក្នុងកម្មវិធី បើកការដ្ឋានស្ថាបនាផ្លូវ ទទឹង30 ម៉ែត្រ បណ្ដោយ៣៨០០ ម៉ែត្រនៃក្រុមហ៊ុនហេងចំណូលអភិវឌ្ឍ មួយវិញទៀតយើងខ្ញុំនិងក្រុមការងារក៏សូមថ្លែងអំណរគុណទៅដល់ក្រុមការងារនិងភ្ញៀវកិត្តិយសរបស់ក្រុមហ៊ុនហេងចំណូលទាំងអស់ សូមប្រសិទ្ធពរជ័យ សិរីមង្គល វិបុលសុខគ្រប់ប្រការ មហាប្រសើរ កើតមានដល់ពុកម៉ែបងប្អូនគ្រប់ស្រទាប់ជាន់ថ្នាក់ សម្តេច ទ្រង់ ឯកឧត្តម លោកជំទាវ លោក លោកស្រី ប្រជាពលរដ្ឋទូទាំងប្រទេស ដៃគូពាណិជ្ជកម្ម និងរាល់បណ្តាក្រុមហ៊ុន សហគ្រាសទាំងអស់ សម្រាប់ឆ្នាំថ្មី ឆ្នាំសាកល ២០២២ នេះតទៅ ។(ឆ្នាំថ្មី មានគំនិតថ្មី កើនប្រាជ្ញាថ្មី បានជោគជ័យថ្មី និងជាពិសេសជូនពរមហាបវរ ជួបសំណាងល្អ សុខភាពល្អ តរៀងទៅ)
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ