ថ្ងៃអាទិត្យ ទី២៩ ខែមករា ឆ្នាំ២០២៣ អាស័យដ្ឋាន៖ ផ្ទះលេខ៤១៣ ផ្លូវលំ ភូមិក្រពើហា សង្កាត់ព្រែកឬស្សី ក្រុងតាខ្មៅ កណ្តាល / លេខទូរស័ព្ទ ៖ 088 41 41 152 / 012 98 48 55
ថ្នាក់ដឹកនាំ សមាគមរាជសីហ៍សាខាខេត្តតាកែវ អញ្ជើញប្រគល់ផ្ទះមនុស្សធម៌១ខ្នង ជូនគ្រួសារទ័លក្រ នៅស្រុកត្រាំកក់
Sat,24 December 2022 (Time 09:37 AM)
ដោយ សម្លេងខ្មែរពិត (ចំនួនអ្នកអាន: 173នាក់)


ខេត្តតាកែវ៖ លោក ទេព វណ្ណហេង ប្រធានសមាគមរាជសីហ៍សាខាខេត្តតាកែវ និងលោក ហ៊ុយ ខេមរ៉ា អនុប្រធានអចិន្ត្រៃយ៍សមាគមរាជសីហ៍សាខាខេត្តតាកែវ ជាតំណាង ឯកឧត្តម ស៊ូម សារឿន ប្រធាន សមាគមរាជសីហ៍ បានដឹកនាំសហការី ចុះប្រគល់ផ្ទះមនុស្សធម៌ ១ខ្នង ជូនគ្រួសារក្រីក្រឈ្មោះ យ៉ុន វុន និងភរិយា ស៊ីន បឿន ស្ថិតនៅភូមិតាសូ ឃុំតាភេម ស្រុកត្រាំកក់ ខេត្តតាកែវ នៅថ្ងៃទី២៣ ខែធ្នូ ឆ្នាំ២០២២។

ដោយមើលឃើញពីជីវភាព និងការលំបាករបស់គ្រួសារនេះ សមាគមរាជសីហ៍សាខាខេត្តតាកែវ រួមជាមួយ លោកមេភូមិ បានសម្រេចកសាង ផ្ទះមួយខ្នង ដែលមាន ទំហំបណ្ដោយ ៦ម៉ែត្រ និងទទឹង៥ម៉ែត្រ ខាងក្រោមរៀបឥដ្ឋកម្ពស់១ម៉ែត្រ ជញ្ជាំងសង្ក័សី និងដំបូលប្រក់សង្ក័សី ដែលចំណាយអស់ថវិកាសរុបជិត១០លានរៀល ។

ក្នុងឱកាសនោះ លោកប្រធានសាខា ទេព វណ្ណហេង បានពាំនាំការផ្តាំផ្ញើសួរសុខទុក្ខ ពី ឯកឧត្តម ស៊ូម សារឿន ប្រធាន សមាគមរាជសីហ៍ និង ជូនពរគ្រួសារ លោក យ៉ុន វុន ជួបតែសេចក្តីសុខចម្រើន ខិតខំរកស៊ីចិញ្ចឹមជីវិត រស់នៅក្រោមម្លប់សុខសន្តិភាព របស់រាជរដ្ឋាភិបាល ក្រោមការដឹកនាំដ៏ត្រឹមត្រូវរបស់ សម្តេចតេជោ ហ៊ុន សែន នាយករដ្ឋមន្ត្រី។

លោកស្រី ស៊ីន បឿន និងស្វាមី សម្តែងក្តីសប្បាយរីករាយយ៉ាងខ្លាំង និងសូមគោរពថ្លែងអំណរចំពោះ ឯកឧត្តមប្រធានសមាគមរាជសីហ៍ និង លោក ទេព វណ្ណហេង ប្រធានសមាគមរាជសីហ៍សាខាខេត្តតាកែវ និង លោកមេភូមិដែលបានយកចិត្តទុកដាក់ ក្នុងការកសាងផ្ទះមួយខ្នង ជូនពួកគាត់ សម្រាប់រស់នៅបានសមរម្យ និង
សូមគោរពជូនពរឯកឧត្តមប្រធាន ថ្នាក់ដឹកនាំ សមាជិក សមាជិកា សមាគមទាំងអស់ ឱ្យទទួលបានជោគជ័យ គ្រប់ភារកិច្ចការងារ និងពុទ្ធពរទាំងបួនប្រការ គឺ អាយុ វណ្ណៈ សុខៈពលៈ កុំបីឃ្លៀងឃ្លាតឡើយ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ