ថ្ងៃអាទិត្យ ទី២៩ ខែមករា ឆ្នាំ២០២៣ អាស័យដ្ឋាន៖ ផ្ទះលេខ៤១៣ ផ្លូវលំ ភូមិក្រពើហា សង្កាត់ព្រែកឬស្សី ក្រុងតាខ្មៅ កណ្តាល / លេខទូរស័ព្ទ ៖ 088 41 41 152 / 012 98 48 55
លោកស្រី ជុំ ម៉ៅលក្ខិណា អភិបាលរងស្រុកស្វាយជ្រំ បានដឹកនាំមន្ត្រីជំនាញសាលាស្រុក ចុះត្រួតពិនិត្យ ណែនាំ និងធ្វើកិច្ចសន្យា ដល់ក្រុមឈ្មួញរកសុីកាយអាចម៍ដីដឹកយកទៅលក់ នៅឃុំស្វាយយា!
Wed,21 December 2022 (Time 06:57 AM)
ដោយ សម្លេងខ្មែរពិត (ចំនួនអ្នកអាន: 149នាក់)


ស្វាយរៀង ៖ ដោយមានសេចក្តីរាយការណ៍ពីបងប្អូនប្រជាពលរដ្ឋថាមានក្រុមហ៊ុនជីករណ្តៅដីយកអាចម៍ដីទៅលក់នៅមូលដ្ឋានឃុំស្វាយយាអាជ្ញាធរស្រុកស្វាយជ្រំដឹកនាំដោយ លោកស្រី ជុំ ម៉ៅលក្ខិណា អភិបាលរងស្រុកស្វាយជ្រំ តំណាងលោកអភិបាលស្រុក និងមន្ត្រីជំនាញសាលាស្រុក បានចុះត្រួតពិនិត្យដល់កទីតាំងជីកដីតែងម្តងដែលស្ថិតនៅក្នុងភូមិកៀនតាសៀវ ឃុំស្វាយយា ស្រុកស្វាយជ្រំ ខេត្តស្វាយរៀង នៅព្រឹកថ្ងៃទី២០ ខែធ្នូ ឆ្នាំ២០២២ នេះ។

នៅក្នុងការចុះត្រួតពិនិត្យនោះដែរក៏មានការអញ្ជើញចូលរួមពីលោក គង់ សំណាង អធិការរងនៃអធិការរដ្ឋាននគរបាលស្រុកស្វាយជ្រំ លោក សុខ វ៉ាន់រឿន កម្លាំងកងរាជអាវុធហត្ថស្រុក លោកលោកស្រីដែលជាមន្ត្រីជំនាញការិយាល័យសាលាស្រុក លោកមេឃុំស្វាយយា ក្រុមប្រឹក្សាឃុំ លោកមេភូមិ លោកយាយ​ ព្រាប​ ដេ​ ម្ចាស់ដី លោក​ ជូ​ សេងហុង​ និង លោក ទេព​ មឿន​ ម្ចាស់អាជីវកម្មជីកដី​ និងដឹកដីយកទៅលក់ និងកម្លាំងប្រជាការពារភូមិឃុំស្វាយយា សរុបទាំងអស់ ១៣ នាក់ ។

លោកស្រី ជុំ ម៉ៅលក្ខិណា បានបញ្ជាក់ប្រាប់ថានៅពេលដែលលោកស្រីបានដឹកនាំមន្ត្រីជំនាញរបស់សាលាស្រុក កម្លាំងសមត្ថកិច្ច និងអាជ្ញាធរភូមិ ឃុំ ចុះពិនិត្យជាក់ស្តែងឃើញថា ការជីករណ្តៅយកអាចម៍ដី​របស់លោក ទេព​ មឿន​ និងលោក ជូ​ សេងហុង​ បានធ្វេីការកាយយកអាចម៍ពីដីស្រែរបស់លោកយាយ ព្រាប​ ដេ​
នៅក្នុងសកម្មភាពនោះមានគ្រឿងចក្រចំនួន០១គ្រឿង និងរថយន្តដឹកដីទំងន់ ២តោនកន្លះចំនួន ០៤ គ្រឿង ហើយទំហំដីដែលបានជីកមានបណ្តោយ ៤០ ម៉ែត្រ ទទឹង ៣០ ម៉ែត្រ និងជម្រៅ ៣០ ស.ម​ ប៉ុណ្ណោះ ក្រុមហ៊ុនក៏បានស្នេីអាជ្ញាប័ណ្ណបេីកអាជីវកម្មជីកអាចម៍ដី​ និងរណ្តៅដីចល័ត​ ពីរដ្ឋបាលស្រុកដែរ។

លោកស្រីបានបញ្ជាក់បន្ថែមថា ដោយពិត្យឃើញឯកសារមិនទាន់គ្រប់គ្រាន់និងផ្លូវលំដែលរថយន្តដឹកដីកាត់មានសភាពហុយខ្លាំង​ និងមានការខូចខាតជាអន្លើ មានលក្ខណៈសំបុកមាន់ ដូច្នេះក្រុមការងារបានណែនាំដល់ម្ចាស់អាជីវកម្មជីកដី​ និងដឹកដី​ ហើយបានធ្វេីកិច្ចសន្យាដូចខាងក្រោម ៖

ទី១) ត្រូវធ្វើការស្នើសុំច្បាប់កិច្ចសន្យាគាំពារបរិស្ថានពីមន្ទីរបរិស្ថានខេត្ត។
ទី២) ធ្វើការស្រោចទឹកលើផ្លូវដែលមានឆ្លងកាត់ដឹកដីជារៀងរាល់ថ្ងៃជាប្រចាំ។
ទី៣)​ទទួលខុសត្រូវជួសជុលផ្លូវ(បើមានការខូចខាត ឬប្រេះស្រាំ…។
ទី៤) មិនត្រូវដឹកដីចេញនៅលើសពីម៉ោង៥រសៀល អាចបង្កឱ្យមានគ្រោះថ្នាក់ដោយយថាហេតុ។
ទី៥) ត្រូវរៀបចំឱ្យមានសំណាញ់គ្របពីលើរថយន្ត ដើម្បីកាត់បន្ថយការធ្លាក់កម្ទេចដី ធូរលីបង្កឱ្យខូចសោភ័ណ្ឌភាពថ្នល់ និងបង្កគ្រោះថ្នាក់ចរាចរណ៍ និង ទី ៦) មិនត្រូវដឹកដីលេីសចំណុះ ត្រូវបេីកបរក្នុងល្បឿនយឺត ហើយមិនឲ្យកៀកគ្នានោះឡើយ។

លោកស្រីអភិបាលរងស្រុកក៏បានអំពាវនាវដល់បណ្តាលក្រុមឈ្មួញដែលជាអ្នករកសុីជីកយកអាចម៍ដីទៅលក់ទាំងអស់ដែលមករកសុីក្នុងមូលដ្ឋានស្រុកស្វាយជ្រំទាំងអស់ត្រូវសុំច្បាប់អនុញាតិឲ្យត្រឹមត្រូវ និងគោរពតាមគោលការណ៍របស់រដ្ឋបាលស្រុក និងធ្វើកិច្ចសន្យាជាមួយអាជ្ញាធរពាក់ព័ន្ធឲ្យបានច្បាស់លាស់ បើពុំដូច្នេះទេរដ្ឋាបាលស្រុកនិងចុះផ្អាក់សកម្មភាពជីកដីជាបណ្តោះអាសន្ននិងអនុវត្តន៍តាមផ្លូវច្បាប់ជាក់ជាពុំខានឡើយ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ