ថ្ងៃអាទិត្យ ទី២៩ ខែមករា ឆ្នាំ២០២៣ អាស័យដ្ឋាន៖ ផ្ទះលេខ៤១៣ ផ្លូវលំ ភូមិក្រពើហា សង្កាត់ព្រែកឬស្សី ក្រុងតាខ្មៅ កណ្តាល / លេខទូរស័ព្ទ ៖ 088 41 41 152 / 012 98 48 55
ឯកឧត្តម យ៉ែម ណ​យ ប្រធាន​នាយកដ្ឋាន​ក្រសួង​ព័ត៌មាន និង​ឯក ឧត្តម ផុស សុវណ្ណ ប្រតិភូ​រាជរដ្ឋាភិបាល ទទួលបន្ទុក​អគ្គនាយក​នៃ​អគ្គនាយកដ្ឋាន​ព័ត៌មាន និង​សោ​ទស្សន៍​ក្រសួង​ព័ត៌មាន អញ្ជើញ​ចូលរួម វេទិកា​និពន្ធ​នាយក​សារព័ត៌មាន​កម្ពុ​ជា​លើក​ទី​១៩ «​ការពង្រឹង​យន្តការ​ប្រតិបត្តិ ក្រមសីលធម៌​វិជ្ជាជីវ​:​សារព័ត៌មាន​នៅ​កម្ពុជា​»
Sun,18 December 2022 (Time 09:43 AM)
ដោយ សម្លេងខ្មែរពិត (ចំនួនអ្នកអាន: 166នាក់)


នា​ថ្ងៃ​ទី​១៧ ខែ​ធ្នូ ឆ្នាំ​២០២២ នៅ​សណ្ឋាគារ​កាំបូឌីយ៉ាណា មាន​ប្រារព្ធ​ពិធី​វេទិកា​និពន្ធ​នាយក​សារព័ត៌មាន​កម្ពុ​ជា​លើក​ទី​១៩ ក្រោម​ប្រធានបទ «​ការពង្រឹង​យន្តការ​ប្រតិបត្តិ ក្រមសីលធម៌​វិជ្ជាជីវ​:​សារព័ត៌មាន​នៅ​កម្ពុជា​» ក្រោម​អធិបតី ឯកឧត្តម កឹម គុណ​វឌ្ឍន៍ រដ្ឋលេខាធិការ​ក្រសួង​ព័ត៌មាន តំណាង​លោក ខៀវ កាញារីទ្ធ រដ្ឋមន្ត្រីក្រសួង​ព័ត៌មាន ។​

​ក្នុងឱកាស​នោះ ឯកឧត្តម យ៉ែម ណ​យ ប្រធាន​នាយកដ្ឋាន​ក្រសួង​ព័ត៌មាន និង​ឯកឧត្តម ផុស សុវណ្ណ ប្រតិភូ​រាជរដ្ឋាភិបាល ទទួលបន្ទុក​អគ្គនាយក​នៃ​អគ្គនាយកដ្ឋាន​ព័ត៌មាន និង​សោតទស្សន៍ នៃ​ក្រសួង​ព័ត៌មាន ក៏​បាន​អញ្ជើញ​ចូលរួម វេទិកា​និពន្ធ​នាយក​សារព័ត៌មាន​កម្ពុ​ជា​លើក​ទី​១៩ នេះ​ផង​ដែរ ។​

​ចូលរួម​ក្នុង​ឱកាស​នោះ មាន លោក លោកស្រី ដែលជា ចាងហ្វាង និពន្ធ​នាយក តំណាង​សមាគម និង​ថ្នាក់ដឹកនាំ​សារព័ត៌មាន​ជិត​១០០​នាក់ មកពី​៦០​ស្ថាប័ន ចូលរួម​ពិភាក្សា​ដើម្បី​ឈានដល់​ការអនុម័ត​សេចក្តីថ្លែងការណ៍​រួម​ស្តីពី «​ការពង្រឹង​យន្តការ​ប្រតិបត្តិ​ក្រមសីលធម៌​វិជ្ជាជីវៈ​សារព័ត៌មាន​នៅ​កម្ពុជា​»​។​

​នៅក្នុង​វេទិកា​និពន្ធ​នាយក​សារព័ត៌មាន​កម្ពុ​ជា​លើក​ទី​១៩ នេះ​ផង​ដែរ សម្ដេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​ផ្ដល់​អនុសាសន៍ ៥​ចំណុច ដើម្បី​ធ្វើ​ជា​មូលដ្ឋាន​ក្នុង​ការសិក្សា និង​រៀបចំ​ទិសដៅ​សម្រាប់​អនុវត្ត ដោយ​ចំណុច​សំខាន់​នោះ គឺ​សម្តេច​តេជោ ឲ្យ​រួម​គ្នា​ប្រឆាំង​ជន​ឱកាសនិយម​ជ្រក​ក្រោម​ស្លាក​សារព័ត៌មាន​។​

​តាមរយៈ​សារលិខិត​ដែល​បាន​ផ្ញើ​ជូន​វេទិកា​និពន្ធ​នាយក​សារព័ត៌មាន​កម្ពុ​ជា​លើក​ទី​១៩ នា​ថ្ងៃ​ទី​១៧ ខែ​ធ្នូ ឆ្នាំ​២០២២ សម្តេច​តេជោ ហ៊ុន សែន បាន​បញ្ជាក់​យ៉ាង​ដូច្នេះ​ថា «​ត្រូវ​ពង្រឹង​យន្តការ​ប្រតិបត្តិ​ក្រមសីលធម៌​និង​វិជ្ជាជីវៈ​ឱ្យបាន​ខ្ជាប់ខ្ជួន និង​ប្រឆាំង​ជន​ឱកាសនិយម​ជ្រក​ក្រោម​ស្លាក​សារព័ត៌មាន ដើម្បី​រក្សា​គុណ​តម្លៃ និង​សេចក្ដីថ្លៃថ្នូរ​របស់​ស្ថាប័ន​សារព័ត៌មាន​»​។​

​តាម​សារលិខិត​ដដែល សម្តេច​តេជោ ហ៊ុន សែន ក៏​ផ្តល់​អនុសាសន៍ បណ្ដុះបណ្ដាល​អ្នកសារព័ត៌មាន​ទាំង​ផ្នែក​វិជ្ជាជីវៈ និង​បច្ចេកវិទ្យា​ប្រព័ន្ធ​ផ្សព្វផ្សាយ​ឌីជីថល ដើម្បី​ឱ្យ​អ្នកសារព័ត៌មាន​នៅ​កម្ពុជា​មាន​សមត្ថភាព​ដើរ​ទាន់​ការវិវត្ត​នៃ​ប្រព័ន្ធ​ផ្សព្វផ្សាយ​ទំនើប​នាពេល​បច្ចុប្បន្ន​។ សម្តេច​តេជោ ក៏ឲ្យចូលរួម​ប្រយុទ្ធ​ប្រឆាំ​ង​ព័ត៌មាន​ក្លែងក្លាយ និង​មិន​ត្រូវ​ធ្វើជា​ភ្នាក់ងារ​ចែកចាយ​ព័ត៌មាន​ក្លែងក្លាយ​បំពុលសង្គម ដែល​ធ្វើឱ្យ​ប្រទេស​ធ្លាក់​ទៅក្នុង​ភាពចលាចល បាត់បង់​សណ្ដាប់ធ្នាប់​សង្គម​។​

​បន្ថែម​លើ​នេះ សម្តេច​តេជោ ហ៊ុន សែន ឲ្យ​បន្ត​ផ្សព្វផ្សាយ​នូវ​វិធានការ​ការពារ និង​ទប់ស្កាត់​ការឆ្លង​រីក​រាលដាល​នៃ​ជំងឺ​កូវី​ដ​១៩ ឱ្យ​កាន់តែ​សកម្ម​ថែមទៀត និង​ណែនាំ​ឱ្យ​ប្រជាពលរដ្ឋ​បាន​ទៅ​ចាក់​វ៉ាក់សាំង​កូវី​ដ​១៩ ឱ្យបាន​គ្រប់ៗ​គ្នា ៕
ដោយ:ម៉ៃទី


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ