ខេត្ដស្វាយរៀង៖ ដោយមើលការធ្វើដំណើររបស់បងបងប្អូនប្រជាពលរដ្ឋមានការលំបាក លោកហែម សុីណា អភិបាលស្រុករំដួល បានសាងសង់សមិទ្ធផលថ្មីសម្រាប់ចំណងដៃថ្មីជួនបងប្អូនរស់ភូមិកណ្តាល ឃុំស្វាយចេក និងភូមិចុងព្រែក ឃុំម៉ឺនជ័យ គឺផ្លូវថ្មី និងស្តារប្រឡាយឡើងវិញសម្រាប់បងប្អូនងាយស្រួលធ្វើដំណើចំណេញពេលវេលា ងាយស្រួលក្នុងការធ្វើដំណើរ ព្រោះបានផ្លូវថ្មីចំណែកប្រឡាយទឹកក៏ត្រូវបានស្ថាបនាស្ដារសំអាតងាយស្រួលក្នុងការបញ្ចេញបញ្ចូលទឹកក្នុងរដូវវស្សា សម្រាប់បងប្អូនប្រជាពលរដ្ឋ ធ្វើកសិកម្ម និងធ្វើដំណើរប្រកបអាជីវកម្មផ្សេងៗ ផងដែរ ។

លោកហែម សុីណា បានឲ្យដឹងថា ផ្លូវថ្មី និងស្តារប្រឡាយឡើងវិញនេះ គឺលោក កែ សារ៉េន បានជួយចូលរួមចំណែកដល់រដ្ឋបាលស្រុករំដួល ផងដែរ។

លោកបានបន្ដថា ក្នុងនាមលោកជាអភិបាលស្រុករំដួល ដោយមើលឃើញអំពីទុក្ខលំបាកក្នុងការធ្វើដំណើររបស់បងប្អូនប្រជាពលរដ្ឋផងនោះ ដេីម្បីឱ្យពុកម៉ែបងប្អូន​ ប្រជាពលរដ្ឋ​មានភាពងាយស្រួលក្នុងការធ្វើ​ដំណើរ​ទៅប្របកមុខរបរកសុីផ្សេងៗ និងដើម្បីមានភាពងាយស្រួលដឹកដំណាំកសិផលទៅកាន់ទីផ្សារផងដែរ ​។

បងប្អូនប្រជាពលរដ្ឋនៅក្នុងមូលដ្ឋានកណ្តាល ឃុំស្វាយចេក និងភូមិចុងព្រែក ឃុំម៉ឺនជ័យ មានចិត្តសប្បាយរីករាយយ៉ាងក្រៃលែង ចំពោះការជួសជុលផ្លូវថ្មីនិងស្ដារប្រឡាយឡើងវិញ បងប្អូនប្រជាពលរដ្ឋសូមគោរពជូនពរដល់លោកហែម សុីណា អភិបាលស្រុករំដួល នឹងក្រុមការងារទាំងអស់សូមមានសុខភាពល្អ សំណាងល្អជោគជ័យគ្រប់ភារៈកិច្ចការងារ និងសូមសមប្រកបនូវពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕