ថ្ងៃពុធ ទី២៩ ខែកញ្ញា ឆ្នាំ២០២១ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
ឯកឧត្ដម គង់ សោភ័ណ្ឌ អភិបាលខេត្ត​កណ្ដាល អញ្ជើញ​ដឹកនាំ​កិច្ចប្រជុំ​ពិភាក្សា ការអនុវត្ត​សេចក្តីណែនាំ​របស់​ក្រសួង​អប់រំ​យុវជន និង​កីឡា ស្តី​ពី​ការបង្រៀន និង​រៀន​តាម​បណ្តុំ សម្រាប់​គ្រឹះស្ថាន​សិក្សា​សាធារណៈ និង​ឯកជន ក្នុង​ភូមិសាស្ត្រ​ខេត្ត​កណ្ដាល​
Tue,07 September 2021 (Time 02:55 PM)
ដោយ សម្លេងខ្មែរពិត (ចំនួនអ្នកអាន: 156នាក់)


ខេត្ត​កណ្ដាល​៖ រសៀល​ថ្ងៃ​ទី​៦ ខែ​កញ្ញា ឆ្នាំ​២០២១ ឯកឧត្ដម គង់ សោភ័ណ្ឌ អភិបាលខេត្ត​កណ្ដាល អញ្ជើញ​ដឹកនាំ​កិច្ចប្រជុំ​ពិភាក្សា ការអនុវត្ត​សេចក្តីណែនាំ​របស់​ក្រសួង​អប់រំ​យុវជន និង​កីឡា ស្តី​ពី​ការបង្រៀន និង​រៀន​តាម​បណ្តុំ សម្រាប់​គ្រឹះស្ថាន​សិក្សា​សាធារណៈ និង​ឯកជន ក្នុង​ភូមិសាស្ត្រ​ខេត្ត​កណ្ដាល ដែល​មាន​ហានិភ័យ​ទាប តាម​ប្រព័ន្ធ​Zoom ដោយ​មាន​ការចូលរួម​ពី​ឯកឧត្ដម​អភិបាលរង​ខេត្ត មន្ទីរ​អង្គភាព​ពាក់ព័ន្ធ អភិបាលក្រុង​-​ស្រុក​ទាំងអស់ នៃ​ខេត្ត​កណ្ដាល​។​

​មានប្រសាសន៍​ក្នុង​កិច្ចប្រជុំ ឯកឧត្តម គង់ សោភ័ណ្ឌ អភិបាលខេត្ត​កណ្ដាល បាន​មានប្រសាសន៍ថា ដើម្បី​ត្រៀម​បើក​សាលា​ឡើងវិញ រដ្ឋបាលខេត្ត នឹង​ជ្រើសរើស​យក​សាលា ដែល​មាន​សុវត្ថិភាព និង​រៀបចំ​សណ្តាប់ធ្នាប់​បាន​ល្អ បើក​ដំណើរការ​សាកល្បង​មុនគេ និង​ឈាន​ទៅ​បើក​សាលា​បន្តបន្ទាប់​យោង​តាម​ស្ថានភាព​សមស្រប​។​

​ក្នុងឱកាស​នោះ​ដែរ ឯកឧត្តម​អភិបាល​បាល​ខេត្ត បាន​ធ្វើ​ការណែនាំ​ដល់​ប្រធាន​មន្ទីរ​អប់រំ យុវជន និង​កីឡា ក៏ដូចជា​អាជ្ញាធរ មុន​នឹង​បើក​សាលា​សាកល្បង​ឡើងវិញ យើង​ត្រូវ​អនុវត្ត​ទៅតាម​នីតិវិធី​ស្តង់ដារ​ប្រតិបត្តិ​(SOP) ដើម្បី​ទប់ស្កាត់​ការឆ្លង​រាលដាល​ជំងឺ​កូវី​ដ​-១៩ ដូចខាងក្រោម​៖
-​ធ្វើ​សំណាក​តេស្ត​វិភាគ​រក​ជំងឺ​កូវី​ដ​-១៩ យ៉ាង​ទៀងទាត់​ចំពោះ​សិស្ស និង​គ្រូ ដើម្បី​ធានា​ថា ការបើក​សាលា​សាកល្បង​ឡើង​វិញ​របស់​យើង មិន​មាន​ហានិភ័យ​នៃ​ការឆ្លង​ជំងឺ​នេះ​។​
-​ចំពោះ​លោកគ្រូ អ្នកគ្រូ និង​សិស្ស ត្រូវបាន​ទទួល​ការចាក់​វ៉ាក់សាំង​ទាំង​ពីរ​ដូស រួចរាល់​ទើប​អនុញ្ញាត​ឱ្យ​ចូលរៀន និង​ចូល​បង្រៀន​។ ចំពោះ​សិស្ស និង​គ្រូ​ដែល​មិន​បាន​ចាក់​វ៉ាក់សាំង​មិន​អនុញ្ញាត​ឱ្យ​ចូលរៀន និង​បង្រៀន​នោះទេ ប្រសិនបើ​មិន​មាន​ការបញ្ជាក់​ហេតុផល​ច្បាស់លាស់ ។
-​ត្រូវ​មាន​ម៉ាស៊ីន​វាស់​កម្តៅ អាល់​កុល ឬ​ជែល កន្លែង​លាង​សម្អាត​ដៃ​ដាក់​នៅ​តាម​មុខ​ថ្នាក់រៀន ដើម្បី​ឱ្យ​សិស្ស និង​គ្រូ​លាង​សម្អាត​ដៃ​មុនពេល​ចូល​សាលា និង​ត្រូវ​រក្សា​គម្លាត​សុវត្ថិភាព និង​គម្លាត​សង្គម​ជា​ចំបង ត្រូវអនុវត្ត​តាម​ការ​ណែនាំ​របស់​ក្រសួង​សុខាភិបាល និង​អនុសាសន៍ ៣. ការពារ និង​៣.​កុំ របស់​សម្តេច​អគ្គ មហា​សេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​ក​ម្ពជា ។​ល​។


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ