ខេត្តកំពង់ស្ពឺ៖ លោក ស៊ូម សារឿន ប្រធានសមាគមរាជសីហ៍ រួមជាមួយប្រតិភូអមដំណើរ ដឹកនាំសមាសភាពសមាគមរាជសីហ៍សាខាខេត្តកំពង់ស្ពឺ ដែលទើបតែត្រូវបានតែងតាំងចូលជួបសម្តែងការគួរសម និងបានពាំនាំសម្ភារមួយចំនួនឧបត្ថមរដ្ឋបាលខេត្តកំពង់ស្ពឺសម្រាប់ទ្រទ្រង់សកម្មភាពសកម្ម និងមនុស្សធម៌ជាពិសេសប្រយុទ្ធប្រឆាំងនឹងការរីករាលដាលកូវីត១៩ កាលពី ថ្ងៃព្រហស្បតិ៍ ១១កើត ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៩ ខែសីហា ឆ្នាំ២០២១។ក្នុងកិច្ចជំនួបនេះផងដែរ ឯកឧត្តមអភិបាល នៃគណអភិបាលខេត្តកំពង់ស្ពឺសូមថ្លែងអំណរគុណដល់ថ្នាក់ដឹកនាំសមាគមរាជសីហ៍ដែលបានបង្កើតអោយមានសមាគមរាជសីហ៍សាខាខេត្តកំពង់ស្ពឺ ដើម្បីក្លាយជាកំលាំងស្នូលចូលរួមក្នុងសកម្មភាពសង្គម និងមនុស្សធម៌នានាជាមួយរដ្ឋបាលខេត្តកំពង់ស្ពឺ អនុវត្តតាមយុទ្ធសាស្រ្តកាត់បន្ថយភាពក្រីក្ររបស់រដ្ឋាភិបាល។ក្នុងនោះផងដែរសមាគមរាជសីហ៍សាខាខេត្តកំពង់ស្ពឺក៏បានពាំនាំសម្ភារមួយចំនួនផ្តល់ជូនរដ្ឋបាលខេត្ត មានដូចជា៖. អង្ករ ចំនួន៣តោន. មី ចំនួន៥០កេស. អាល់កុល ចំនួន១០កាន (ស្មើនឹង៣០០លីត្រ). ម៉ាស់ ចំនួន១០កេស (ស្មើនឹង២៥០០០ម៉ាស់). ទឹកសុទ្ធ ចំនួន២០០កេស. ម៉ាស៊ីនសម្លាប់មេរោគលើឯកសារ ចំនួន០១គ្រឿងលោកប្រធាន ស៊ូម សារឿន និងប្រតិភូអមដំណើរសូមថ្លែងអំណរគុណយ៉ាងជ្រាលជ្រៅចំពោះឯកឧត្តមអភិបាល នៃគណអភិបាលខេត្តកំពង់ស្ពឺ ដែលបានចំណាយពេលដ៏មានតំលៃអនុញ្ញាតអោយសមាគមរាជសីហ៍ចូលជួបសម្តែងការគួរសម ហើយចាប់ពីពេលនេះ សមាគមរាជសីហ៍សាខាខេត្តកំពង់ស្ពឺ នឹងប្តេជ្ញាចូលរួមយ៉ាងសកម្មជាមួយរដ្ឋបាលខេត្តកំពង់ស្ពឺ បម្រើដល់ការងារសង្គម និងមនុស្សធម៌តាមរយៈការគៀងគរជំនួយឧបត្ថមពីសប្បុរជនក្នុង និងក្រៅប្រទេសនានា ចូលរួមក្នុងកិច្ចវឌ្ឍនភាពលើកមុខមាត់ខេត្តកំពង់ស្ពឺ និងការអភិវឌ្ឍក្នុងប្រទេសកម្ពុជា។
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ