ខេត្តកណ្ដាល៖ នៅរសៀលថ្ងៃអង្គារ ៤កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែកក្កដា ឆ្នាំ២០២១ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ដឹកនាំលោកស្នងការរង លោកនាយការិយាល័យ លោកអធិការនគរបាលក្រុងតាខ្មៅ និងមន្រ្តីពាក់ព័ន្ធ អញ្ជើញជួបសំណេះសំណាល ពាំនាំប្រសាសន៍ផ្តាំផ្ញើសួរសុខទុក្ខ និងនាំយកនូវគ្រឿងឧបភោគបរិភោគ និងថវិកាមួយចំនួន ដែលជាអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល ឧបត្ថម្ភដល់កងកម្លាំង ក្រុមគ្រូពេទ្យ និងប្រជាការពារ ដែលមានភារកិច្ចប្រចាំការនៅមណ្ឌលសម្រាកព្យាបាលជម្ងឺកូវីដ-១៩ សាលាគរុកោសល្យ និងវិក្រឹតការខេត្តកណ្តាល និងមណ្ឌលចត្តាឡីស័ក សាលាបឋមសិក្សាព្រែកសំរោង ស្ថិតក្នុងង្កាត់តាខ្មៅ ក្រុងតាខ្មៅ ខេត្តកណ្តាល៕