កណ្តាល៖ សមត្ថកិច្ចក្រោមការដឹកនាំរបស់លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល នៅថ្ងៃទី០៦ ខែមិថុនា ឆ្នាំ២០២១ម្សិលមិញបើកប្រតិបត្តការចុះបង្ក្រាបករណីរក្សាទុកដោយខុសច្បាប់នូវសារធាតុញៀនចំនួន២ទីតាំងផ្សេងគ្នា រួមមាន៖

*ទី១- សមត្ថកិច្ចជំនាញស្រុកអង្គស្នួលដឹកនាំដោយលោកវរសេនីយ៍ឯក មាន សំណាង ឃាត់ខ្លួនបានជនសង្ស័យចំនួន០២នាក់៖ ១-ឈ្មោះ ចន ចាន់ហេង ហៅ ឆេង ភេទស្រីអាយុ២៤ឆ្នាំ ជនជាតិខ្មែរ មុខរបរ មិនពិត មានទីលំនៅភូមិព្រៃសំរោងឃុំបែកចានស្រុកអង្គស្នួលខេត្តកណ្តាល,២-ឈ្មោះ សារិន សុខហួយ ភេទស្រី អាយុ១៨ឆ្នាំ ជនជាតិខ្មែរ មុខរបរ មិនពិត មានទីលំនៅ បច្ចុប្បន្នភូមិព្រៃសំរោងឃុំបែកចាន ស្រុកអង្គស្នួលខេត្តកណ្តាល និងដកហូតបានម្សៅក្រាមពណ៌សថ្លាសង្ស័យថាជាសារធាតុញៀនចំនួន១២កញ្ចប់តូច, ម៉ូតូចំនួន មួយគ្រឿងម៉ាក Nex ពណ៌ខ្មៅ ផ្លាកលេខ ភ្នំពេញ 1CZ- 7448 នៅចំណុចតាមផ្លូវបេតុងភូមិមនោរម្យ ឃុំបែកចាន ស្រុកអង្គស្នួល ខេត្តកណ្តាល។ នៅចំពោះមុខសមត្តកិច្ច ជនសង្ស័យបានសារភាពថា ថ្នាំញៀនជារបស់ ឈ្មោះ ខាន់ ផាន់ណា នៅភូមិស្វាយជ្រុំ ឃុំព្រែកដំបង មុខកំពូល ខេត្តកណ្តាល។ ភ្លាមនោះកំលាំងជំនាញ នឹងប៉ុស្តិ៍ចុះស្រាវជ្រាវ ឃើញឈ្មោះ ខាន់ ផាន់ណា កំពុងតែអង្គុយនៅមុខសាលាបឋមសិក្សាស្វាយជ្រុំ ភ្លាមនោះកម្លាំងសមត្ថកិច្ចក៏បានឃាត់ខ្លួនយកមកប៉ុស្តិ៍តែម្ដង។

*ទី២-សមត្ថកិច្ចជំនាញស្រុកមុខកំពូលដឹកនាំដោយលោកវរសេនីយ៍ឯក ឯក លន់ ឃាត់ខ្លួនបានជនសង្ស័យចំនួន០២នាក់៖ ១-ឈ្មោះ គង់ ស្រស់ ភេទប្រុស អាយុ៣២ឆ្នាំ មុខរបរកសិករ នៅភូមិឡឥដ្ឋឃុំព្រែកដំបងស្រុកមុខកំពូល ខេត្តកណ្ដាល,២-ឈ្មោះ ខាន់ ផាន់ណា ភេទ ប្រុស អាយុ៣២ឆ្នាំ នៅភូមិស្វាយជ្រុំ ឃុំព្រែកដំបង ស្រុកមុខកំពូល ខេត្តកណ្ដាលមុខរបរកសិករនិងដកហូតបានម្សៅក្រាមពណ៌សថ្លា សង្ស័យជាសារធាតុញៀនប្រភេទម៉ាទឹកកកចំនួន០៥កញ្ចប់តូត,កាំភ្លើងកែឆ្នៃចំនួន០១ដើម,ពូថៅដៃចំនួន០១និងស្នាប់ដៃចំនួន០១ នៅចំណុច ភូមិឡឥដ្ឋឃុំព្រែកដំបង ស្រុកមុខកំពូល ខេត្តកណ្តាល។

គួរជម្រាបថា ទាំងជនសង្ស័យនិងវត្ថុតាងត្រូវបានយកមកអធិការដ្ឋាននគរបាលស្រុកទាំង២ដើម្បីកសាងសំណុំរឿងដើម្បីចាត់ការតាមនីតិវិធីច្បាប់៕ដោយ:ម៉ៃទី