ថ្ងៃអង្គារ៍ ទី១៥ ខែមិថុនា ឆ្នាំ២០២១ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
សមាគមរាជសីហ៍ ធ្វើពិធីប្រកាសតែងតាំង លោក អ៉ឹម ឌឺប៉េរ៉េ ជាប្រធានសាខាប្រទេសជប៉ុន រួមជាមួយ សហការីជាច្រើនរូបទៀត
Mon,07 June 2021 (Time 10:10 AM)
ដោយ សម្លេងខ្មែរពិត (ចំនួនអ្នកអាន: 54នាក់)


ភ្នំពេញ៖ រសៀលថ្ងៃទី៦​ ខែមិថុនា ឆ្នាំ២០២១ នៅសាលាភាសាជប៉ុនមិរ៉ៃ សមាគមរាជសីហ៍បានប្រារព្វពិធីប្រកាសតែងតាំងប្រធានក្រុមប្រឹក្សាយោបល់ និងថ្នាក់ដឹកនាំសមាគមរាជសីហ៍សាខាប្រទេសជប៉ុន ក្រោមអធិបតីភាព​ លោក ស៊ូម សារឿន ប្រធានសមាគមរាជសីហ៍ និង លោក ទេព យុទ្ធី​ ប្រធានក្រុមប្រឹក្សាយោបល់សមាគមរាជសីហ៍ និងថ្នាក់ដឹកនាំក្រុមប្រឹក្សាយោបល់និងសមាគមរាជសីហ៍សាខារាជធានីភ្នំពេញ ខេត្តសៀមរាប ខេត្តកណ្តាល ខេត្តតាកេវ និងខេត្តកោះកុង ចំនួនសរុប ១៥ រូប ដោយគោរពបានយ៉ាងខ្ជាប់ខ្ជួននូវវិធានការ៣ការពារ និង៣កុំរបស់ប្រមុខរាជរដ្ឋាភិបាលកម្ពុជា ព្រមទាំងអនុវត្តបានល្អប្រសើរតាមវិធានសុខាភិបាលគឺការពាក់ម៉ាស់ លាងដៃនឹងទឹកអាល់កុល ការវ៉ាស់កំដៅនិងការរក្សាគម្លាតសង្គម។

បន្ទាប់ពីទទួលបានការប្រកាសតែងតាំងជាផ្លូវការពីសមាគមរាជសីហ៍រួចមក លោក អ៉ឹម ឌឺប៉េរ៉េ ប្រធានសមាគមរាជសីហ៍សាខាប្រទេសជប៉ុនបានឡើងធ្វើការប្តេជ្ញាចិត្តនឹងខិតខំប្រឹងប្រែងស្វែងរកដៃគូសហការនៅប្រទេសជប៉ុនក្នុងគោលបំណងកៀរគររកជំនួយឧបត្ថម្ភនិងគាំទ្រក្នុងវិស័យមនុស្សធម៌​ អាហារូបករណ៍ ដោះស្រាយនិងសម្រួលការលំបាកនានារបស់របស់សមាជិកសមាគម និងប្រជាជនខ្មែរដែលកំពុងរស់នៅប្រទេសជប៉ុន។

ទន្ទឹមនេះ លោក ទេព យុទ្ធី ប្រធានក្រុមប្រឹក្សាយោបល់សមាគមរាជសីហ៍ ក៏បានចូលរួមអបអរសាទរដល់ថ្នាក់ដឹកនាំ សមាជិក សមាជិកាសមាគមរាជសីហ៍សាខាប្រទេសជប៉ុន និងមានចំណាប់អារម្មណ៍មួយចំនួនសម្រាប់សមាគមរាជសីហ៍សាខាប្រទេសជប៉ុន ដោយបានផ្តល់នូវអនុសាសន៍ដ៏មានសារៈសំខាន់ចំនួន៦ចំណុច មានជាអាទិ៍:
១.សមាជិក សមាជិកាសមាគមរាជសីហ៍ត្រូវគោរពនិងអនុវត្តច្បាប់និងបទដ្ឋានគតិយុត្តនានារបស់រដ្ឋាភិបាលឲ្យបានល្អប្រសើរ

២. គោរពនិងប្រតិបត្តិឲ្យបានខ្ជាប់ខ្ជួននូវលក្ខន្តិកៈនិងបទបញ្ជាផ្ទៃក្នុងសមាគមរាជសីហ៍ ព្រមទាំងគិតគូអំពីរបៀបរបបការងារដឹកនាំនិងគ្រប់គ្រង​សមាជិកសមាគមន៍

៣. តាមដាននិងក្តាប់ឲ្យជាប់នូវស្ថានការសេដ្ឋកិច្ចនិងសង្គមដើម្បីឆ្លើយតបទៅនឹងការអនុវត្តការងារមនុស្សធម៌របស់សមាគមន៍

៤. ពង្រីកទំនាក់ទំនងនិងកិច្ចសហប្រតិបត្តិការជាមួយដៃគូជាតិនិងអន្តរជាតិ ដើម្បីឲ្យពួកគេមានទំនុកចិត្តទៅលើការងារសមាគមនិងផ្តល់ជំនួយដល់សមាគមន៍

៥. ត្រូវមានស្មារតីសាមគ្គីភាពនិងឯកភាពផ្ទៃក្នុងសមាគម និង

៦.ត្រូវគិតគូទៅដល់កម្លាំងបន្តវេន ដោយធ្វើយ៉ាងណាត្រូវធ្វើការអប់រំស្មារតីស្នេហារជាតិបរិសុទ្ធដល់ស្រទាប់យុវជន។

ជាមួយគ្នានេះដែរ លោក ស៊ូម សារឿន ប្រធានសមាគមរាជសីហ៍ បានធ្វើការអបអរសាទរទៅដល់លោក អ៊ឺម ឌឺប៉េរ៉េ ដែលទទួលបានសេចក្តីទុកចិត្តពីគណៈកម្មាធិការប្រតិបត្តិសមាគម ក្នុងការតែងតាំងរូបលោក ជាប្រធានសមាគមរាជសីហ៍សាខាប្រទេសជប៉ុន។

លោកប្រធានសមាគមរាជសីហ៍ក៏បានមានប្រសាសន៍ផ្តាំផ្ញើនិងក្រើនរំលឹកផងដែរទៅដល់ប្រធានសមាគមរាជសីហ៍សាខារាជធានីភ្នំពេញនិងគ្រប់ខេត្ត ឲ្យខិតខំប្រឹងប្រែង និងយកចិត្តទុកដាក់នឹងការងារដោយត្រូវបង្កើនការអនុវត្តសកម្មភាពការងារមនុស្សធម៌របស់ខ្លួនឲ្យរិតតែសកម្មថែមទៀត ព្រមទាំងត្រូវរួបសាមគ្គីភាពគ្នាជាធ្លុងមួយដោយធ្វើកិច្ចសហប្រតិបត្តិការដ៏ល្អប្រសើររវាងថ្នាក់ដឹកនាំសមាគមនិងថ្នាក់ដឹកនាំក្រុមប្រឹក្សាយោបល់សមាគមរាជធានី-ខេត្តក្នុងគោលដៅធ្វើឲ្យសម្រេចបានជោគជ័យនូវចក្ខុវិស័យនិងបេសកកម្មរួមរបស់សមាគមរាជសីហ៍ថ្នាក់កណ្តាល។ដោយ:ម៉ៃទី


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ