(ភ្នំពេញ) ÷ ក្រោមការចង្អុលបង្ហាញពីលោក ស៊ូម សារឿន ប្រធានសមាគមរាជសីហ៍ នៅថ្ងៃអាទិត្យ ៤រោច ខែជេស្ឋ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី៣០ ខែឧសភា ឆ្នាំ២០២១ ក្រុមផ្នែកចលនាអប់រំ និងផ្សព្វផ្សាយ នែសមាគមរាជសីហ៍ បានដឹកនាំសមាជិក ចុះសួរសុខទុក្ខ និងនាំយកអំណោយជូនលោកយាយចាស់ជរា ជាជនពិការម្នាក់ដែលមានឈ្មោះ ទូច ឈន អាយុ៨៤ឆ្នាំ ស្ថិតនៅភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

ក្នុងចុះទៅនោះដែរដោយមានចូលរួមពី លោក ឯម សុផល ប្រធានចលនាអប់រំ និងផ្សព្បផ្សាយ លោក សឺន ជុំសុធន អនុប្រធានផ្នែកចលនាអប់រំ និងផ្សព្វផ្សាយ លោក ហុង សាម៉ីត សមាជិក លោក ឈឹម វិច្ឆរ:មុន្នី សមាជិក លោក លុយ ទី សមាជិក បាននាំយកអំណោយរួមមាន៖ កៅអីម៉ាស្សាមួយគ្រឿង ឈើច្រត់ដែរមួយ អង្ករពីរការរ៉ុងតូចចំនួន២០គីឡូ ទឹកត្រីមួយញួរ ទឹកស៊ីអ៊ីវមួយញួរ ម៉ាស់មួយប្រអប់ ជេលមួយដប់ ភួយ១ អាវរកងារមួយ ទឹកបរិសទ្ធមួយកេះ និងវិកាចំនួន២១ម៉ឺនរៀល សម្រាប់ជូនលោកយាយក្នុងការសម្រាសជីវភាពនាពេលបច្ចុប្បន្ន និងទិញស៊ីម៉ង ខ្សាច់ដើម្បីចាក់សាប់ក្នុងផ្ទះ។

ក្នុងឱកាសនោះដែរក្រុមការងារផ្នែកចលនាអប់រំ និងផ្សព្វផ្សាយ ក៏បានពាំនាំការផ្តាំផ្ញេីរសួរសុខទុក្ខពីសំណាក់ លោកស៊ូម សារឿន ប្រធានសមាគមរាជសីហ៍ និង បានអប់រំណែនាំប្រជាពលរដ្ឋយកចិត្តទុកដាក់ថែទាំសុខភាព និងអនុវត្តជាប់ជាប្រចាំនូវវិធានការ ៣កុំ និង ៣ការពារឲ្យបានខ្ជាប់ខ្ជួន ដើម្បីរួមចំណែកទប់ស្កាត់ការរាលដាលនៃជំងឺកូវីដ-១៩៕