កណ្តាល៖លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល នៅល្ងាចថ្ងៃទី២៨ ខែឧសភា ឆ្នាំ២០២១នេះ បានដឹកនាំកងកម្លាំងនគរបាលបង្ការ និងពន្លត់អគ្គិភ័យចុះអន្តរាគមន៍បាញ់ទឹកពន្លត់អគ្គិភ័យដោយផ្ទាល់នៅតាមបណ្តោយផ្លូវជាតិលេខ២១បេ ត្រង់ចំណុចកន្លែងលក់ឆៃប៉ូវឆ្ងាញ់ នៅភូមិព្រែកស្នង ឃុំពែកគយ ស្រុកស្អាង។

បើយោងតាមលោកវរសេនីយ៍ឯក ផាន់ វណ្ណី នាយការិយាល័យបង្ការ និងពន្លត់អគ្គិភ័យបានឲ្យសកម្មជនហ្វេសប៊ុកកម្ពុជាដឹងថា ដោយមានការបញ្ជានិងដឹកនាំផ្ទាល់ពីលោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្ដាល កម្លាំងប្រើប្រាស់រថយន្តពន្លត់អគ្គីភ័យអស់៧គ្រឿង ដោយ៤គ្រឿងរបស់ស្នងការដ្ឋានខេត្តកណ្ដាលនិង៣គ្រឿងរបស់កងអង្គរក្ស និងប្រើប្រាស់ទឹកអស់ទាំង៧គ្រឿងសរុបស្មើនឹង៥១មុឺនគីប។

លោកវរសេនីយ៍ឯកបានឲ្យដឹងទៀតថាករណីអគ្គីភ័យនេះបណ្ដាលមកទុស្សេខ្សែភ្លើង បានធ្វើឲ្យភ្លើងឆេះផ្ទះអស់ចំនួន០៣ខ្នងកាលពីវេលាម៉ោង១៦និង១៥នាទី។ដោយម្ចាស់ផ្ទះរងគ្រោះ៖

ទី១-ឈ្មោះតាត ទូច ភេទស្រី អាយុ៥១ឆ្នាំ ទីលំនៅកើតហេតុខាងលើ ឆេះអស់ទាំងស្រុង សំភារៈខូចខាតនិងទ្រព្យសម្បត្តិទាំងអស់ ជាប្រភេទឈើថ្មក្រោម ជញ្ជាំងឈើ ដំបូលប្រក់គ្បឿង ក្រាលក្តា ទទឹង៧ម៉ែត្រ មានបណ្តោយ៩ម៉ែត្រ។

ទី២-ឈ្មោះសូត្រ ថូ ភេទប្រុស អាយុ ៥២ឆ្នាំ;ទីលំនៅកើតហេតុខាងលើ ឆេះអស់ទាំងស្រុង សំភារៈខូចខាតនិងទ្រព្យសម្បត្តិទាំងអស់ ប្រភេទសំណង់ផ្ទះឈើ ជញ្ជាំងឈើ ប្រកគ្បឿងមាន ទទឹង៧ម៉ែត្រ បណ្តោយ៩ម៉ែត្រ។

ទី៣-ឈ្មោះ ហ៊ឹម សយ ភេទស្រី អាយុ៦៧ឆ្នាំ មានទីលំនៅកើតហេតុចាងលើ ឆេះអស់ទាំងស្រុង សំភារៈខូចខាតនិងទ្រព្យសម្បត្តិទាំងអស់ ប្រភេទសំណង់ផ្ទះឈើ ជញ្ជាំងឈើ ប្រកគ្បឿងមាន ទទឹង៧ម៉ែត្រ បណ្តោយ៩ម៉ែត្រ។

លោកនាយការិយាល័យបង្ការ និងពន្លត់អគ្គិភ័យបានបន្ថែមទៀតថា ក្នុងកិច្ចអន្តរាគមន៍នេះមានការចូលរួមពីនគរបាលប៉ុស្តិ៍ប៉ុស្ត៍នគរបាលរដ្ឋបាលព្រែកគយ សហការណ៍ជាមួយកម្លាំងស្រុក អាជ្ញាធរ ប្រជាការពារ បានចុះទៅដល់កន្លែងកើតហេតុភ្លាម យករថយន្តពន្លត់អគ្គីភ័យ៧គ្រឿងប្រើប្រាស់ទឹកអស់៧ឡានហើយរលត់ជាស្ថាពរនៅវេលាម៉ោង១៨និង០០នាទីរសៀលថ្ងៃនេះដដែល៕ដោយ:ម៉ៃទី