ថ្ងៃសុក្រ ទី២៦ ខែកុម្ភៈ ឆ្នាំ២០២១ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
លោក​ សុខ​ សុខុម​ ប្រធាន​អង្គការ​ស្រាវជ្រាវ​ជាតិ​កម្ពុជា​ CNRO មាន​ប្រសាសន៍​ថា​ (បុគ្គល​ដែលរំលោភ​បំពាន​ដោយខុសច្បាប់​លើដី​ឆ្នេរសមុទ្ររបស់រដ្ឋ​ គួរតែ​ត្រូវមាន​វិធានការណ៍​តាមផ្លូវច្បាប់​)
Mon,08 February 2021 (Time 07:02 AM)
ដោយ សម្លេងខ្មែរពិត (ចំនួនអ្នកអាន: 158នាក់)


ខេត្តព្រះសីហនុ៖ បុគ្គល​ឯកជន​ដែល​កំពុង​រំលោភ​កាន់កាប់​ដី​ឆ្នេរ​សមុទ្រ​ ស្ថិតនៅ​ ពយយាយមុី​ និង​ឆ្នេរ​តាបារាំង​ ភូមិ​ឫទ្ធី​២ ឃុំកែវផុស​ ស្រុកស្ទឹងហាវ​ ខេត្ត​ព្រះសីហនុ​ ដោយថ្មីៗនេះ រដ្ឋបាល​ខេត្ត​បាន​ចេញ​សេចក្ដី​ជូនដំណឹង​ឲ្យ​រុះរើ​សំណង់ចេញ​ជា​បន្ទាន់​ នេះបើយោងតាម​សេចក្ដី​ជូនដំណឹង​លេខ​ ០៣៦/២១ សជណ​ ចុះថ្ងៃទី​ ០២ខែកុម្ភ: ឆ្នាំ​ ២០២១ និង​លិខិត​របស់​គណ:កម្មការ​ជាតិ​ គ្រប់គ្រង​និង​អភិវឌ្ឍ​តំបន់ឆ្នេរ​សមុទ្រ​កម្ពុជា​ លេខ​ ០០៥ អ/គ.អ.ឆ.ក. ចុះថ្ងៃទី​ ១២ ខែ​សីហា​ ឆ្នាំ​ ២០១៩ ជម្រាបជូន
ឯកឧត្តមអភិបាលនៃគណៈអភិបាលខេត្ត និងជា
ប្រធានគណៈកម្មាធិការគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជាខេត្តព្រះសីហនុ កម្មវត្ថុ សំណើសុំផ្តល់កិច្ចសហការ និងចាត់តាំងតំណាងរដ្ឋបាលខេត្ត មន្ទីរជំនាញពាក់ព័ន្ធ និងអាជ្ញាធរស្រុក-ឃុំ ចុះអនុវត្តវិធានការចំពោះករណីនៃការទន្ទ្រានកាន់កាប់ដីចំណីឆ្នេរសមុទ្រ នៅក្នុងភូមិសាស្រ្តស្រុកស្ទឹងហាវ ខេត្តព្រះសីហនុ ដោយយោង សារាចរណែនាំលេខ ០១ សរណន ចុះថ្ងៃទី ០៣ ខែកុម្ភៈ ឆ្នាំ២០១២ ស្តីពីការអភិវឌ្ឍតំបន់ឆ្នេរសមុទ្រនៃព្រះរាជាណាចក្រកម្ពុជា។

រហូតដល់ថ្ងៃទី០៥ ខែកុម្ភៈ ឆ្នាំ២០២១ លោក ឈុន ថុល នាយរងផ្នែករដ្ឋបាលជលផលទំនប់រលក និងលោក ខៀវ ថា ប្រធានក្រុមត្រួតពិនិត្យបទល្មើសជលផល បានចូលរួមជាមួយគណៈបញ្ជាការឯកភាពស្រុកស្ទឹងហាវ ខេត្តព្រះសីហនុ ស្តីពីការបិទផ្សាយសេចក្តីជូនដំណឹងរបស់រដ្ឋបាលខេត្តព្រះសីហនុ ការរុះរើសំណង់ផ្សេងៗដែលបានសង់រំលោភលើដី ចំណីឆ្នេរសាធារណៈ ស្ថិតក្នុងភូមិឫទ្ធី២ មានឆ្នេរ តាបារាំង ឆ្នេរ ខ្សាច់ស ឆ្នេរពយតាឈួន និងឆ្នេរយាយម៉ី ក្រោមការដឹកនាំរបស់លោក ស៊ុន ពិសី និងលោក តុប ពេញ អភិបាលរងស្រុកស្ទឹងហាវ ព្រមទាំងមានការចូលរួមពីមន្រី្តការិយាល័យជំនាញពាក់ព័ន្ធ កងកំលាំង អាជ្ញាធរមូលដ្ឋាន ជាច្រើននាក់ទៀតផងដែរ។

ជុំវិញ​និង​ការ​រំលោភ​កាន់់កាប់​ដី​ឆ្នេរ​តំបន់​ខាងលើ​នេះ​ លោក​ សុខ​ សុខុម​ ប្រធាន​អង្គការ​ ស្រាវជ្រាវ​ជាតិ​កម្ពុជា​ CNRO មាន​ប្រសាសន៍​ប្រាប់​ VD7NEWS ថា​ លោក​សូម​គាំទ្រ​នៅ​ចំណាត់ការរបស់រដ្ឋបាលខេត្តព្រះសីហនុ និង​គណ:កម្មការ​ជាតិ​ គ្រប់គ្រង​តំបន់ឆ្នេរ​សមុទ្រ​ថ្នាក់ជាតិ​ដែលខិតខំ​យកចិត្ត​ទុកដាក់​ លើឆ្នេរសមុទ្រ​ខេត្តព្រះសីហនុ​ ក៏ដូចជា​តំបន់​ផ្សេងៗ​ ឃើញ​ថា​ តំបន់​ពយយាយមុី​ និង​តំបន់​ឆ្នេរតា​បារាំងនេះ​ មាន​បុគ្គល​មួយ​ចំនួន​កំពុង​គ្រប់គ្រង​លើដីឆ្នេរ​ជា​ទ្រព្យ​សម្បត្តិ​របស់រដ្ឋ​ ទាំងដីឆ្នេរ​ និង​ដីចាក់លុប​ធ្វើជាផែនៅ​ក្នុង​សមុទ្រ​ជាដើម​ ហើយ​កន្លងមក​គណ:កម្មការ​គ្រប់គ្រង​អភិវឌ្ឍ​ថ្នាក់ជាតិ​​ចុះមក​ពិនិត្យ​និង​ឲ្យ​ចាត់វិធានការ​រួចហើយ​ ដោយឲ្យ​កាយចេញវិញ​ ប៉ុន្តែ​តាំងពី​ឆ្នាំ​ ២០១៩ រហូត​មកដល់ឆ្នាំ​ ២០២០ មិនទាន់​មាន​ចំណាត់ការ​នៅឡើយ​ទេ​ ទើបនៅ​ឆ្នាំ​ ២០២១នេះ រដ្ឋបាល​ខេត្តបានចេញលិខិតលេខ​ ០៣៦/២១ សជណ​ ចុះថ្ងៃទី​ ០២ខែកុម្ភ: ឆ្នាំ​ ២០២១ ដើម្បី​កំណត់​រុះរើ​។

លោក​សូម​គាំទ្រ​និងសូម​ឲ្យការ​អនុវត្ត​ឲ្យមាន​ប្រសិទ្ធភាព​ ដើម្បី​កុំ​ឲ្យ​បុគ្គល​មួយ​ចំនួន​មករំលោភ​ដី​សាធារណៈ​របស់​រដ្ឋ​ធ្វើជា​កម្មសិទ្ធិ​របស់ខ្លួន​បន្តទៀត។ លោកបន្តថា​ ជាក់ស្ដែង​ពយយាយមុី​នេះ​ មិនត្រឹម​រំលោភ​បំពាន​ដីលើគោកប៉ុណ្ណោះទេ​ រហូត​ដល់ដីក្នុងទឹក​ ហើយគាត់បានបិទរបងមិនឲ្យអ្នកផ្សេងចេញចូលបាននៅតំបន់នេះទេ នេះជាការ​រំលោភ​បំពាន​ដោយខុសច្បាប់​លើដី​សាធារណៈ​របស់រដ្ឋ​ អញ្ចឹង​ទេត្រូវតែ​មាន​វិធានការណ៍​តាមផ្លូវច្បាប់​ឲ្យបាន​ទាន់ពេលវេលា​ ដើម្បីកុំឲ្យ​បុគ្គល​នោះ​នៅ​បំពាន​ទ្រព្យ​សម្បត្តិ​សាធារណៈ​របស់រដ្ឋបន្តទៀត​។

លោក​បាន​សំណូមពរ​ដល់​រដ្ឋបាលខេត្ត​ព្រះសីហនុ​ក៏ដូចជា គណ:កម្មការគ្រប់គ្រង​អភិវឌ្ឍឆ្នេរសមុទ្រកម្ពុជា​ថ្នាក់ជាតិ​ ពង្រឹង​ការ​អនុវត្ត​ច្បាប់​តំបន់ឆ្នេរ​នៅតំបន់​ផ្សេងៗ​ទៀត​ក្នុងខេត្ត​ទាំង៤​ ដែល​កំពុង​រងការ​កាន់កាប់​ពី​បុគ្គល​មួយចំនួន​និង​គម្រោង​អភិវឌ្ឍ​មួយ​ចំនួន​ដែល​ចាក់ដីលុប​សមុទ្រ​ និង​ចាក់លុប​ឆ្នេរ​សមុទ្រ​ជាដើម​ គួរតែ​យើង ពិនិត្យ​ពិចារណា​ឡើងវិញ​ ហើយ​កុំឲ្យមានការ​អភិវឌ្ឍ​លើសមុទ្រ​ និង​ឆ្នេរសមុទ្រ​អញ្ចឹង​យើង​គួរតែ​រក្សាទុក​ទ្រទ្រង់​ដើម្បី​ភ្ញៀវ​ទេសចរណ៍​ជាតិ​ និង​អន្តរជាតិ​៕ ដោយ​៖ ម៉ៃទី


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ