លោក ថាំង ប៊ុនសុង បានណែនាំអោយប្អូនស្រីថែសុខភាព និងអនុវត្តតាមបញ្ជាគ្រូពេទ្យ ដើម្បីឆាប់ជាសះស្បើយ។ ទន្ទឹមនោះ លោកអនុប្រធាន បានពាំនាំនូវការផ្តាំផ្ញើសួរសុខទុក្ខ របស់ លោកស្រីមេធាវីប្រធាន និង សប្បុរសជនជាម្ចាស់អំណោយទាំងអស់ ព្រមទាំង សូមជូនពរឲ្យអ្នកជំងឺ ឆាប់ជាសះស្បើយ ត្រឡប់ទៅផ្ទះវិញ ប្រកបរបរចិញ្ចឹមជីវិតរស់នៅក្នុងសង្គមសន្តិភាព។

លោកអនុប្រធាន បានថ្លែងអំណរគុណ ដល់ ឯកឧត្តមប្រធានមន្ទីរពេទ្យរុស្សី និង សប្បុរសជន៖ លោកស្រីមេធាវី តាំង ស៊ីនហុង, ឯកឧត្តមឧត្តមសេនីយ៍ទោ ងួន ពិសិដ្ឋ និង លោកជំទាវ, លោក សួន វ៉ាន់ថន និង ភរិយា, លោក សន រស្មី និងភរិយា, លោក សន ស៊ីថា និងភរិយា, លោក ស៊ឹម បូញ និងភរិយា, លោក មាស សុរា និងភរិយា, លោកស្រី ជា ធូរីដា និងស្វាមី, លោក រ៉ុម ភក្តី និងលោក វង្ស ដារ៉ា។

សូមជម្រាបថា ប្អូនស្រី ហុល ណុន មានស្វាមីឈ្មោះ ធូ មានកូនតូចៗ ៥នាក់ ក្នុងបន្ទុក រស់នៅភូមិព្រៃរបោះ ឃុំត្នោត ស្រុកកំពង់រោទិ៍ ខេត្តស្វាយរៀង បាននិងកំពុងសម្រាកព្យាបាល វះកាត់ហើមជើងរលួយ រយៈពេល០១ខែហើយ នៅមន្ទីរពេទ្យរុស្សី ភ្នំពេញ។ ការសម្រាកពេទ្យយូរ ធ្វើឲ្យគាត់គ្មានលទ្ធភាពរកថវិកា ទិញអាហារហូប និង សម្ភារប្រើប្រាស់ចាំបាច់ផ្សេងៗ ព្រោះជីវភាពក្រីក្រស្រាប់ ទោះបី ឯកឧត្តមប្រធានមន្ទីរពេទ្យរុស្សីបានអនុញ្ញាតឲ្យសម្រាកព្យាបាល ឥតគិតលុយក៏ដោយ។

សូមបងប្អូនសប្បុរសជន មេត្តាបន្តជួយឧបត្តមបន្ថែម និង សាកសួរដំណឹងផ្សេងៗ តាមលេខទូរស័ព្ទផ្ទាល់ របស់ ស្វាមីគាត់ ឈ្មោះ ធូ 097 34 11 234 ។