ថ្ងៃសុក្រ ទី២៦ ខែកុម្ភៈ ឆ្នាំ២០២១ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
អភិបាលខេត្តកំពង់ស្ពឺ ចាត់ទុកមន្ត្រីរាជការជំនាន់មុន ជាគ្រូបង្រៀនមន្ត្រីរាជការជំនាន់ក្រោយ មិនអាចខ្វះបាន
Sun,14 February 2021 (Time 02:59 PM)
ដោយ សម្លេងខ្មែរពិត (ចំនួនអ្នកអាន: 86នាក់)


(កំពង់ស្ពឺ)៖ លោក វ៉ី សំណាង អភិបាលខេត្តកំពង់ស្ពឺ បានលើកឡើងថា មន្ត្រីរាជការជំនាន់មុន គឺជាគ្រូបង្រៀនមន្ត្រីរាជការជំនាន់ក្រោយ មិនអាចខ្វះបាន។

ការលើកឡើងនេះគ្រាដែល លោក វ៉ី សំណាង ជួបនិវត្តន៍ជនដែលជាអតីតមន្ត្រីរាជការ ១៥០នាក់ នៅព្រឹកថ្ងៃទី១៤ ខែកុម្ភៈ ឆ្នាំ២០២១ ដែលពួកគាត់មកពីតាមបណ្តាក្រុង/ស្រុក និងជុំវិញសាលាខេត្តទាំងអស់។ កម្មវិធីនេះ រៀបចំឡើងដោយ សហភាពសហព័ន្ធយុវជនកម្ពុជាខេត្តកំពង់ស្ពឺ ក្រោមប្រធានបទ «រួមគ្នាដើម្បីស្នាមញញឹម»។

លោក វ៉ី សំណា ដែលជាមន្ត្រីជំនាន់ក្រោយ បានថ្លែងដោយមានន័យថា «មន្ត្រីចូលនិវត្តន៍ដែលនៅចំពោះមុខយើងនេះ គឺជាអ្នកធ្លាប់ដឹកនាំស្ថាប័នរដ្ឋ ជាអ្នកដឹកនាំយើងកន្លងមក ហើយបានផ្តល់ទាំងចំណេះ ជំនាញឲ្យពួកយើងជាអ្នកជំនាន់ក្រោយ ហើយបេសកកម្មរបស់ពួកគាត់បានចងក្រង និងបន្សល់ទុកនៅភារកិច្ចយ៉ាងច្បាស់លាស់ឲ្យយើងអនុវត្តមកដល់សព្វថ្ងៃ»។

លោកអភិបាលខេត្តថ្លែងដោយមោទនភាពបន្ថែមថា ចំណែកលើវិស័យ ស.ស.យ.ក វិញមានការសាមគ្គីភាពគ្នា ឯកភាពគ្នា រហូតធ្វើឲ្យមានការស្ងើចសរសើរជាច្រើនពីថ្នាក់ដឹកនាំ មិនតែប៉ុណ្ណោះការសាមគ្គី ឯកភាពដ៏ល្អនេះហើយ បានធ្វើឲ្យមានវិនិយោគគិនមើលឃើញពីសក្តានុពលនៃទឹកដីខេត្តកំពង់ស្ពឺ ដែលមានរោងចក្រ មានការងារធ្វើ តែបែរជាខ្វះកម្មករទៅវិញ ដែលកន្លងមកក្រុមការងារសហជីពបានធ្វើការសម្របសម្រួលជួយដល់វិនិយោគ និងកម្មករ-កម្មការិនី មិនដែលមានបាតុភាពជាមួយគ្នាឡេីយ។

ថ្លែងនៅពេលនេះ លោកអភិបាលខេត្តបានបញ្ជាក់ថា លោកបានទទួលវ៉ាក់សាំងកូវីដ-១៩ រួចហើយ មិនតែប៉ុណ្ណោះ វ៉ាក់សាំងជាជំនួយរបស់មិត្តចិន មិនមានប្រតិកម្មអ្វីទាំងអស់ ហើយលោកសំណូមពរ ឲ្យបងប្អូនចាក់វ៉ាក់សាំងការពារទាំងអស់គ្នា។

លោក សរ សុពុត្រា ប្រធានសហភាពសហព័ន្ធយុវជនកម្ពុជាខេត្តកំពង់ស្ពឺ បានលើកឡើងថា ឆ្នាំ២០២១នេះ សហភាពសហព័ន្ធយុវជនកម្ពុជាខេត្តកំពង់ស្ពឺ បានអញ្ជើញនិវត្តន៍ជននៅជុំវិញខេត្ត មានមន្ត្រីរាជការស៉ីវិល មានកងកម្លាំងដែលចូលនិវត្តន៍ មកថ្លែងអំណរគុណក្នុងទិវាក្តីស្រឡាញ់១៤ កុម្ភះ ក្រោមប្រធានបទ «រួមគ្នាដើម្បីស្នាមញញឹម»។

លោកបានបន្ថែមថា ជានិច្ចជាកាលអតីតមន្ត្រីរាជការ និវត្តន៍ជនបានកសាងធនធានមនុស្សរាប់មិនអស់ទុកដល់ក្មេងជំនាន់ក្រោយ ដែលប្រការនេះ មិនត្រូវបំភ្លេចពួកគាត់ឡើយ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ