រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ លោក អ៊ឹម វណ្ណៈ នារសៀលថ្ងៃទី៥ ខែមករា ឆ្នាំ២០២១ បានតម្រូវឲ្យអនុរក្សពន្ធនាគារព្រៃស នាំខ្លួនឧកញ៉ា សង ថន មកសាកសួរបន្ថែមពាក់ពព័ន្ធសំណុំរឿងចំនួន៤បទល្មើស ករណីទិញលក់ដីរដ្ឋនៅស្រុកគាស់ក្រឡ ខេត្តបាត់ដំបង។ ការនាំខ្លួនឧកញ៉ា សង ថន មកសាកសួរបន្ថែម ប្រយោជន៍បិទការស៊ើបអង្កេត ដើម្បីឈានទៅដាក់ការជំនុំជម្រះលើអង្គសេចក្តី។ក្រោយពីសាកសួររួចរាល់ហើយ អនុរក្សពន្ធនាគារបាននាំខ្លួនឧកញ៉ា សង ថន ទៅឃុំខ្លួនបណ្តោះអាសន្ននៅពន្ធនាគារព្រៃសវិញ នាល្ងាចថ្ងៃដដែលនេះ។ សូមរំលឹកថា កាលពីថ្ងៃទី៣ ខែសីហា ឆ្នាំ២០២០ ចៅក្រមស៊ើបសួរបានឲ្យអនុរក្សពន្ធនាគារ នាំខ្លួនឧកញ៉ា សង ថន មកសាកសួរម្តងហើយលើសំណុំរឿងចំនួន៤ករណីនេះ ប៉ុន្តែទំនងសួរមិនទាន់អស់សេចក្តីទើបតម្រូវឲ្យនាំឧកញ៉ាមកសួរបន្ថែមទៀត។ជនជាប់សង្ស័យឧកញ៉ា សង ថន ដែលមានអាយុប្រមាណ៧០ឆ្នាំ រូបនេះ ត្រូវបានតំណាងអយ្យការអមសាលាដំបូងរាជធានីភ្នំពេញ ធ្វើការចោទប្រកាន់ចំនួន៤បទល្មើសរួមមាន៖ ១- បទប្រើប្រាស់ឯកសារសាធារណៈក្លែង ២-បទផ្តើមគំនិតក្នុងបទបំផ្លិចបំផ្លាញដោយចេតនា ៣-បទគៃបំបាត់ដោយទុច្ចរិត និង៤-បទសូកប៉ាន់តាមក្រមព្រហ្មទណ្ឌ នៃព្រះរាជាណាចក្រកម្ពុជា។ក្រោយពីតំណាងអយ្យការចោទប្រកាន់ផ្លូវការហើយ ឧកញ៉ា សង ថន ត្រូវបានចៅក្រមស៊ើបសួរសម្រេចចេញដីកាឃុំខ្លួនដាក់ពន្ធនាគារព្រៃសបណ្ដោះអាសន្ន កាលពីថ្ងៃទី៧ ខែកក្កដា ឆ្នាំ២០២០ រួមជាមួយជនជាប់សង្ស័យម្នាក់ទៀត ឈ្មោះ ស៊ូ អារ៉ាហ្វាត់ អតីតជាអភិបាលរងខេត្តបាត់ដំបង ដោយជាប់ចោទពីបទបំផ្លាញដោយចេតនា និងគៃបំបាត់ដោយទុច្ចរិត និងបទស៊ីសំណូក។ ជនសង្ស័យទាំង២នាក់ត្រូវបានអង្គភាពប្រឆាំងអំពើពុករលួយ (ACU) ឃាត់ខ្លួនជាបន្តបន្ទាប់តាមពាក្យបណ្តឹងរបស់ប្រជាពលរដ្ឋ ក្នុងនោះឧកញ៉ា សង ថន មានដីប្រមាណ៥ពាន់ហិកតា ស្មើនឹង១ភាគ៤នៃផ្ទៃដីស្រុកគាស់ក្រឡ ខេត្តបាត់ដំបង។ដោយ:ម៉ៃទី
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ