ភ្នំពេញ ៖ អគ្គិភ័យឆេះឃ្លាំងស្កុកទំនិញមួយកន្លែង យ៉ាងសន្ធោសន្ធៅ បង្កការភ្ញាក់ផ្អើល នៅម៉ោង១២៖៤៥នាទី រំលងអាធ្រាត្រ ឈានចូលថ្ងៃទី២៩ ខែមករា ឆ្នាំ២០២១ នៅចំណុចដីឡូ៍លេខ៥ ភូមិ៤ ផ្លូវ៣៥៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ហើយក្រោយភ្លើងរលត់គេរកឃើញសាកសពមនុស្ស២នាក់ត្រូវភ្លើងឆេះខ្លោចផងដែរ។នៅព្រឹកថ្ងៃទី២៩ ខែមករា ឆ្នាំ២០២១នេះ កម្លាំងសមត្ថកិច្ចបានរកឃើញសាកសពមនុស្ស២នាក់ ស្លាប់ក្នុងហេតុការណ៍អគ្គិភ័យឆេះឃ្លាំងស្ដុកទំនិញ នៅចំណុចដីឡូ៍លេខ៥ ភូមិ៤ ផ្លូវ៣៥៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ នាវេលាម៉ោង១២៖៤៥នាទី រំលងអាធ្រាត្រកន្លងទៅនេះ។សេចក្ដីរាយការណ៍បានឲ្យដឹងថា នៅពេលនេះកម្លាំងសមត្ថកិច្ចជំនាញកំពុងធ្វើការពិនិត្យសាកសពរបស់ជនរងគ្រោះទាំងពីរនាក់នេះ។ នៅកន្លែងពិនិត្យសាកសព ក៏មានវត្តមានរបស់លោក ឃួង ស្រេង អភិបាលរាជធានីភ្នំពេញ, លោក មាន ចាន់យ៉ាដា និងលោកឧត្តមសេនីយ៍ទោ សុង លី ស្នងការការរងនគរបាលរាជធានីភ្នំពេញផងដែរ។តាមប្រភពប្រជាពលរដ្ឋ ដែលនៅកន្លែងកើតហេតុបានប្រាប់ថា មុនកើតហេតុមានលឺសំលេងផ្ទុះចេញពីឃ្លាំងខាងលើ ហើយក៏ចេញជាអណ្ដាតភ្លើងឆេះ បង្កការភ្ញាក់ផ្អើលតែម្ដង ភ្លាមៗនោះក៏ប្រជាពលរដ្ឋបានរាយការណ៍ទៅសមត្ថកិច្ច ដើម្បីហៅរថយន្ដពន្លត់អគ្គិភ័យឲ្យជួយអន្ដរាគមន៍ សមត្ថកិច្ចបានបញ្ជាក់ថា ទំហំនៃការខូចខាតឃ្លាំងទាំងស្រុងតែម្តង។ចំពោះមូលហេតុនៃការឆាបឆេះ មិនទាន់មានការសន្និដ្ឋានបាននោះទេ ក្នុងការជួយអន្ដរាគមន៍ សមត្ថកិច្ចបានប្រើប្រាស់ រថយន្តអស់ចំនួន៤៥គ្រឿង សម្ភារៈខូចខាតមានថង់ប្លាស្ទិក, គ្រឿងជ័រ និងសម្ភារជាច្រើនទៀត ត្រូវបានខូចខាតទាំងស្រុង។គ្រោះអគ្គិភ័យខាងលើនេះ មិនបណ្តាលឲ្យរងគ្រោះថ្នាក់ ដល់ប្រជាពលរដ្ឋនោះទេ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ