ខេត្តកំពង់ឆ្នាំង៖ ដោយមានការណែនាំពី លោក ស៊ូម សារឿន ប្រធានសមាគមរាជសីហ៍ កាលពីថ្ងៃសុក្រ ៦កើត ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែឆ្នូ ឆ្នាំ២០២១ លោក រឿន ចន្ថា អនុប្រធានសមាគមរាជសីហ៍សាខាខេត្តកំពង់ឆ្នាំង តំណាង លោក ធី ចន្ថា ប្រធានសមាគមរាជសីហ៍សាខាខេត្តកំពង់ឆ្នាំង អមដំណើរចូលរួមដោយ៖
. លោក ប៊ុត តារារិទ្ធ អនុប្រធានសាខា
. លោក ហុង សៅ អនុប្រធានសាខា
. លោកស្រី ចេង ស្រីនិច អនុប្រធានក្រុមប្រឹក្សាយោបល់
. លោក ខៀវ ប៉ិច អនុប្រធានក្រុមប្រឹក្សាយោបល់
. លោក ស៊ុំ សុខហ៊ាង អនុប្រធានក្រុមប្រឹក្សាយោបល់
. លោក ធី ទីគា ហិរញ្ញិក
និងសមាជិក សមាជិកាសមាគមរាជសីហ៍សាខាខេត្តកំពង់ឆ្នាំង បានចុះធ្វើសកម្មភាពមនុស្សធម៌ដោយបានប្រគល់ជូនសម្ភារៈប្រយុទ្ធប្រឆាំងនឹងការរីករាលដាលកូវីត១៩ និងសម្ភារមួយចំនដើម្បីទុកប្រើប្រាស់តាមការចាំបាច់។

សម្ភារប្រគល់ជូនរួមមាន៖
. ម៉ាស់ ចំនួន ៥០០០ ម៉ាស់
. អាកុល ចំនួន ២កាន ស្មើនឹង ៦០លីត្រ
. ទឹកសុទ្ធ ចំនួន ១០កេស
. ក្រដាស A4 ចំនួន ២កេស

ក្នុងឱកាសនេះ លោក ប៊ុត តារារិទ្ធ ជំនួសមុខឱ្យលោកស្រី លឿង បញ្ញាវុឌ្ឍ នាយិកាស្តីទី លោកគ្រូ អ្នកគ្រូ និងប្អូនៗសិស្សានុសិស្ស សូមថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំ សមាគមរាជសីហ៍ដែលបានចាត់តាំងសមាគមរាជសីហ៍សាខាខេត្តកំពង់ឆ្នាំងចុះប្រគល់សម្ភារៈ ព្រមទាំងបានផ្សព្វផ្សាយអំពីអាហាររូបករណ៍ថ្នាក់ភាសាជប៉ុនជូនសិស្សានុសិស្ស ជាការចូលរួមអភិវឌ្ឍធនធានមនុស្សប្រកបដោយប្រសិទ្ធភាព និងគុណភាពក្នុងទីរួមខេត្តកំពង់ឆ្នាំង ក៏ដូចជាក្នុងប្រទេសកម្ពុជា។

លោក រឿន ចន្ថា អនុប្រធានសមាគមរាជសីហ៍សាខាខេត្តកំពង់ឆ្នាំង សូម ពាំនាំនូវការផ្តាំផ្ញើសួរសុខទុក្ខ ពីសំណាក់ លោក ស៊ូម សារឿន ប្រធានសមាគមរាជសីហ៍ ថ្នាក់ដឹកនាំសមាគមរាជសីហ៍ និងសូមជូនពរដល់លោកគ្រូ អ្នកគ្រូ សិស្សានុសិស្សទាំងអស់ សូមទទួលបានសុខភាពល្អ ជោគជ័យក្នុងការរៀនសូត្រ និងក្នុងវិជ្ជាជីវៈជាគ្រូបង្រៀន៕