ថ្ងៃអាទិត្យ ទី០៥ ខែធ្នូ ឆ្នាំ២០២១ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
សម្ដេចតេជោ ហ៊ុន សែន ទទួលយកការនិពន្ធរបស់ម្ចាស់គណនី SamNeth Chan និងបញ្ជូនទៅឱ្យក្រុមចម្រៀងគ្រួសារខ្មែរច្រៀងសាកល្បង
Fri,19 November 2021 (Time 12:27 PM)
ដោយ សម្លេងខ្មែរពិត (ចំនួនអ្នកអាន: 134នាក់)


ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្នៃរីកម្ពុជាទទួលយកការនិពន្ធរបស់ម្ចាស់គណនី SamNeth Chan ដែលបានចូលទៅសរសេរក្នុង comment ហ្វេសបុកផេករបស់សម្ដេច និងបញ្ជូនទៅឱ្យក្រុមចម្រៀងគ្រួសារខ្មែរច្រៀងសាកល្បង បន្ទាប់ពីសម្ដេចស្នើឱ្យអ្នកនិពន្ធតែងបទមួយដែលមានចំណងជើងថា «ស្រកទឹកភ្នែកតែមិនយំ»។

នាព្រឹកនេះសម្ដេចតេជោ ហ៊ុន សែន បានបង្ហោះរូបភាពចំនួន១០សន្លឹករវាងសម្ដេចតេជោ និងចៅស្រីទី២១របស់សម្ដេច ដែលអន់ចិត្តតែសុខចិត្តសម្រក់ទឹកភ្នែកដោយមិនយំឱ្យឮនិងបានប្រកាសឱ្យអ្នកនិពន្ធនិពន្ធបទមួយដែលមានចំណងជើងថា«ស្រក់ទឹកភ្នែកតែមិនយំ» ផងដែរ។

សម្ដេចតេជោបានសរសេរលើហ្វេសបុកផេករបស់សម្ដេចនៅព្រឹកថ្ងៃទី១៩ នេះថា៖ «ម្សិលមិញត្រឡប់ពីធ្វើការមកដល់ផ្ទះឆ្លៀតដឹកចៅដើរលេង។ ចៅស្រីទី២១មិនដឹងថាអន់ចិត្តរឿងអីបានជាស្រក់ទឹកភ្នែក។ ច្រើនលើកហើយចៅមួយនេះសុខចិត្តសម្រក់ទឹកភ្នែកតែមិនយំឱយឮ។ នៅកម្ពុជាយើងតើមានបទចម្រៀងដែលមានចំណងជើង(ស្រក់ទឹកភ្នែកតែមិនយំ)ហើយឬនៅ? បើមិនទាន់មានទេសូមជួយនិពន្ធមួយបទផង»។

ប្រហែលជាមួយម៉ោងក្រោយមកមានម្ចាស់គណនីហ្វេសបុកឈ្មោះ SamNeth Chan បានចូលទៅបញ្ចេញយោបល់នូវការតែងនិពន្ធមួយដែលលោកដាក់ចំណងជើងថា ទឹកភ្នេកចៅស្រក់មិនចេញសំឡេង ដែលមានអត្ថន័យថាការស្រក់ទឹកភ្នែករបស់ចៅគឺដោយសារអាណិតលោកតាដែលបានលះបង់ខំប្រឹងប្រែងដើម្បីជាតិមាតុភូមិ និងចង់ជួយរំលែកការងាររបស់តាតែមិនអាចជួយបានដោយសារខ្លួននៅតូច។

ជាការឆ្លើយតបសម្ដេចតេជោ ហ៊ុន សែន បានកោតសរសើរនូវការតែងនិពន្ធនេះ ហើយថានឹងបញ្ជូនឱ្យក្រុមចម្រៀងគ្រួសារខ្មែរច្រៀងសាកល្បងផងដែរ។

សម្ដេចតេជោ ហ៊ុន សែន មកដល់ពេលនេះមានចៅសរុប២២នាក់ ក្នុងនោះចៅប្រុស ១២នាក់ ចៅស្រី ១០នាក់។ ជារឿយៗសម្ដេចតែងតែបង្ហាញអារម្មណ៍នឹងចៅនិងបានសរសេរបង្ហោះលើហ្វេសបុកផងដែរនូវអារម្មណ៍ទាំងនេះក្នុងនោះក៏បានលើកឡើងនូវពាក្យចាស់មួយផងដែរថា៖ «ស្រឡាញ់កូនមួយតៅស្រឡាញ់ចៅមួយថាំង» ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ