ខេត្តឧត្តរមានជ័យ៖ រោងសិប្បកម្មធំមួយកន្លែងស្ថិតនៅចំណុច ភូមិទួលទ្រាស ឃុំលំទង ស្រុកអន្លង់វែង ខេត្តឧត្តរមានជ័យ ចូលតាមច្រកក្លោងទ្វារវត្តទួលទ្រាស ចម្ងាយប្រហែល ១៥០ ម៉ែត្រពីក្លោងទ្វារ ហើយក៏នៅជិតទីស្នាក់ការសង្កាត់រដ្ឋបាលព្រៃឈើស្រុកអន្លង់វែងផងដែរនោះ បានធ្វើសកម្មភាពបើកធ្វើអស់រយៈពេលជាច្រើនឆ្នាំកន្លងមកហើយ សង្ស័យអត់ច្បាប់ តែមិនដែលឃើញមានលោកមន្ត្រីជំនាញណាធ្វើការត្រូតពិនិត្យនិងបង្ក្រាបសោះឡើយ ដែលបណ្ដែតបណ្ដោយឲ្យសិប្បកម្មបេីកបានរលូនបែបនេះ។
ជាក់ស្តែងនៅព្រឹក ថ្ងៃច័ន្ទ ទី០៧ ខែ កញ្ញា ឆ្នាំ២០២០ វេលាម៉ោង ០៩ និង ៥៥ នាទី សារព័ត៌មានយើងបានចុះទៅថតផ្ដិតយករូបភាពនៅទីកន្លែងនោះផ្ទាល់ ឃើញមាន ម៉ាស៊ីនតាបជ្រៀកឈូស និងឈើតាប់ដុំតូចធំជាច្រើនម៉ែត្រគីប ឈើសន្លឹកមុខកាត់ធំៗជាច្រើនសន្លឹក មានជាងកំពុងធ្វើជាច្រើននាក់ លាន់ឮសម្លេងទ្រហឹងអឺងកងផ្អើលពេញភូមិ ស្ទើរតែបែកកណ្ដាស់ត្រចៀកអស់លោកមេព្រៃថែមទៀត តែបែរជាលោក មន្ត្រីជំនាញទាំងនោះធ្វើមិនដឹងមិនឮទៅវិញ។
ប្រជាពលរដ្ឋសម្ដែងការហួសចិត្តយ៉ាងខ្លាំង ចំពោះលោក គង់ សារ៉េត នាយសង្កាត់រដ្ឋបាលព្រៃឈើស្រុកអន្លង់វែង ក្នុងនាមលោកជានាយសង្កាត់រដ្ឋបាលព្រៃឈើ គួរតែធ្វើការចាប់បង្ក្រាប ហេតុអ្វីមិនបង្ក្រាប បែជាបណ្ដែតបណ្តោយឲ្យបទល្មើសធ្វើការបំផ្លាញព្រៃឈើធនធានធម្មជាតិបានយ៉ាងរលូនរបែបនេះទៅវិញពលរដ្ឋដាក់ការសង្ស័យថាទំនងជាលោកនាយសង្កាត់រដ្ឋបាលព្រៃឈើស្រុកអន្លង់វែងទទួលបានផលពីម្ចាស់សិប្បកម្មយ៉ាងមេីលទៅបានស្ងាត់ស្ងៀមយ៉ាងដូច្នេះ។ជុំវិញករណីខាងលេីនេះដែរអង្គភាពសារព័ត៌មានបំណងពលរដ្ឋ(SKP News)មិនអាចសុំការបំភ្លឺពីលោកគង់សារ៉េតនាយសង្កាត់រដ្ឋបាលព្រៃឈើស្រុកអន្លង់វែងបានទេដោយទូរសព្ទ័តេចូលគ្មានអ្នកទទួល។ប្រជាពលរដ្ឋសូមសំណូមពរដល់មន្ត្រីជំនាញពាក់ពន្ធ័ ជួយធ្វើការត្រូតពិនិត្យទីតាំងសិប្បកម្មដ៏ធំមហិមានេះផង បើនៅតែបណ្ដែតបណ្ដោយបែបនេះព្រៃឈេីពិតជារលាយមិនខាន៕