ភ្នំពេញ ៖ ប្រជាពលរដ្ឋសូមពរដល់អាជ្ញាធរ និងសមត្ថកិច្ចខណ្ឌ៧មករា មេតាជួយចុះទៅបង្ក្រាបល្បែងស៊ីសងខុសច្បាប់ (ទូរហ្គេមបាញ់ត្រី) ក្នុងផ្ទះសំណាក់យីហោ «ភ្នំពេញ ជាំងណាន» នោះផង ព្រោះកំពុងតែបង្កភាពអាណាធិបតេយ្យរំខានដល់ការរស់នៅរបស់ពួកគាត់ខ្លាំងណាស់។ពាក់ព័ន្ធនិងករណីល្បែងស៊ីសងខាងលើនេះដែរ លោក នេន ស៊ី ថុន អធិការនគរបាលខណ្ឌ៧មករា ធ្លាប់បានប្រាប់អង្គភាព CSN Daily តាមទូរស័ព្ទនៅព្រឹកថ្ងៃទី១៧ ខែសីហា ឆ្នាំ២០២០នេះថា លោកបានឲ្យមន្ត្រីជំនាញចុះទៅពិនិត្យទីតាំងបើកល្បែងស៊ីសងក្នុងផ្ទះសំណាក់យីហោ «ភ្នំពេញ ជាំងណាន» នេះហើយ! ប៉ុន្តែរហូតមកទល់ពេលនេះ គេមិនទាន់ឃើញមានកម្លាំងអាជ្ញាធរ ក៏ដូចជាកម្លាំងសមត្ថកិច្ចក្រោមឱវាទរបស់លោកអភិបាល និងលោកអធិការណាម្នាក់ ចុះទៅពិនិត្យឬបង្ក្រាបនោះទេ ឬលោកអធិការគ្រាន់តែឆ្លើយឲ្យតែរួចពីមាត់ទេដឹង...?ដោយឡែក លោក លឹម សុភា អភិបាល នៃគណៈអភិបាលខណ្ឌ៧កមរាវិញ អង្គភាព CSN Daily ក៏ធ្លាប់បានធ្វើការសម្ភាសន៍តាមទូរស័ព្ទដែរ តែលោកឆ្លើយប្រាប់ថា លោកមានភារកិច្ចជាផ្ទាល់ខ្លួនជាមួយក្រុមគ្រួសារ រួចក៏បិតទូរស័ព្ទទៅ។សូមបញ្ជាក់ថា ទីតាំងហ្គេមបាញ់ត្រីនេះ ស្ថិតនៅផ្ទះលេខ៣០E០ ផ្លូវ១៤១ សង្កាត់បឹងព្រលឹត ខណ្ឌ៧មករា ក្នុងផ្ទះសណាក់យីហោ «ភ្នំពេញ ជាំងណាន» តែម្តង។បើទោះបីជាកន្លងមក លោក ឃួង ស្រេង អភិបាល នៃគណៈអភិបាលរាជធានីភ្នំពេញ ធ្លាប់បានប្រកាសឲ្យអាជ្ញាធរ នឹងសមត្ថកិច្ចទាំង១៤ខណ្ឌ ក្នុងរាជធានីភ្នំពេញ ធ្វើយ៉ាងណាត្រូវតែបង្ក្រាបឲ្យអស់ រាល់ល្បែងស៊ីសងខុសច្បាប់គ្រប់ប្រភេទ ជាពិសេស ហ្គេមបាញ់ត្រីនេះតែម្តង។ ប៉ុន្តែផ្ទុយទៅវិញ ម្ចាស់ទីតាំងផ្ទះសំណាក់យីហោ «ភ្នំពេញ ជាំងណាន» នៅតែបន្តលួចលាក់បើកលេងល្បែងស៊ីសងហ្គេមបាញ់ត្រីនេះ បានយ៉ាងរលូន ដោយមិនខ្វល់ពីចំណាត់ការរបស់អាជ្ញាធរ នឹងសមត្ថកិច្ចសូមបីតែបន្តិច។សេចក្តីរាយការណ៍បានឲ្យដឹងថា មួយថ្ងៃៗមានអ្នកញៀនល្បែងជាច្រើនបានចូលទៅលេង ក្នុងនោះមានទាំងជនជាតិខ្មែរ និងជនជាតិចិន។ កត្តាទាំងអស់នេះហើយទើបធ្វើឲ្យកើតមានបទល្មើសដូចជា៖ ចោរលួច, ចោរឆក់ ,ចោរប្លន់ គាស់ផ្ទះយកទ្រព្យសម្បតិ របស់ប្រជាពលរដ្ឋ ដែលអាជ្ញាធរនឹងសមត្ថកិច្ចខណ្ឌ៧មករា គួរតែមានវិធានការក្នុងការចុះបង្ក្រាបទីតាំងខាងលើនេះ ដើម្បីឆ្លើយតទៅនឹងបទបញ្ជារបស់លោក ឃួង ស្រេង អភិបាល នៃគណៈអភិបាលរាជធានីភ្នំពេញ នឹងស្របតាមគោលនយោបាយរបស់រាជរដ្ឋាភិបាលទាំងប្រាំបួនចំណុច គឺភូមិឃុំមានសុវត្ថិភាពនោះផង៕ដោយ ម៉ៃទី (សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram))
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ