ភ្នំពេញៈ​ ទីតាំងបនល្បែងសុីសងប្រភេទហ្គេមបាញ់ត្រីយីហោមណ្ឌលកំសាន្ត វ៉ាន់ដា នៅផ្សារស្ទឹង​មាន​ជ័យថ្មីជាន់ទី៣ សង្កាត់ស្ទឹងមានជ័យទី១ ខណ្ឌមានជ័យ កំពុងតែបន្តដំ​ណើរការបើកទទួលភ្ញៀវប្រមូលផ្ដុំគ្នាអោយចូលលេងយ៉ាងគគ្រឹគគ្រេង ខណៈរាជរដ្ឋាភិបាលកំពុងបិទការជួបជុំ រឺទីតាំងKTVសប្បានានាក្ដីដែលកំពុងមានជំងឺcovid19 រាតត្បាតទូទាំងសកលលោក។
ប្រជាពលរដ្ឋបានលើឡើងថា ទីតាំងល្បែងហ្គេមបាញ់ត្រីខាងលើនេះមិនដែលឃើញអាជ្ញាធរមានសមត្ថកិច្ចលោកចាត់វិធានការចុះបង្ក្រាបឡើយបណ្ដែតបណ្ដោយអោយបើកដំណើរការបានយ៉ាងសប្បាយប្រមូលផ្ដុំដោយក្មេងទំនើងនិងក្រុមញៀនល្បែងចូលទៅលេងទាំងយប់ទាំងថ្ងៃបង្កសម្លេងរំខានផលប៉ះពាល់ដល់បងប្អូនប្រជាពលរដ្ឋដែលរស់នៅក្បែរនោះនិងមានការភ័យក្លាចកើតមានអំពើហឹង្សា ចោរកម្ម ឆក់ ប្លន់ នៅក្នុងមូលដ្ឋាន។
ពលរដ្ឋបានបន្តទៀតថា ម្ចាស់ទីតាំងហ្គេមបាញ់ត្រីប្រហែលជាមានឥទ្ធិពលខ្លាំងហើយបានជាអាជ្ញាធរមានសមត្ថកិច្ចខណ្ឌមានជ័យ លោកមិនហ៊ានចុះទៅបង្ក្រាបក្លាចបារមីម្ចាស់បនល្បែងស៊ីសង​ហ្គេមបាញ់ត្រីខាងលើនេះ។
ដោយមិនដែលឃើញអាជ្ញាធរមានសមត្ថកិច្ចណាហ៊ានចុះទៅហាមឃាត់ឬមានចំណាត់ការបង្ក្រាបឡើយដើម្បីអនុវត្តភូមិឃុំមានសុវត្ថិភាពដូចដែលរាជរដ្ឋាភិបាលបានដាក់​ចេញនោះឡើយ សង្ស័យអាជ្ញាធរមានសមត្ថកិច្ចទទួលបានលាភ​សក្ការៈពីម្ចាស់បើកបនល្បែងមួយកន្លែងនេះហើយមើលទៅ បានជាមិនហ៊ានចុះទៅធ្វើការបង្ក្រាបបែបនេះបណ្ដែតបណ្ដោយអោយកើតមានល្បែងសុីសងនៅក្នុងមូលដ្ឋានហើយមិនបង្រ្កាប។
ពលរដ្ឋបានសំណូមពរដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញនិងឧត្តមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជ​ធា​នីភ្នំពេញមេត្តាមានពិនិត្យមើលមន្រ្តីក្រោមឱវាទផង ដើម្បីមានវិធានការបង្ក្រាបទីតាំងបនល្បែងស៊ីសងហ្គេមបាញ់ត្រីខាងលើនេះជៀសវាងកើតមានករណីចោរកម្ម លួច ឆក់ ប្លន់ នៅក្នុងមូលដ្ឋានដើម្បីធានាអោយបានសុខសុវត្ថភាពជូនប្រជាពលរដ្ឋ៕សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram)