ថ្ងៃសុក្រ ទី០៧ ខែសីហា ឆ្នាំ២០២០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
ឯកឧត្ដម ហ៊ុន ណេង ប្រគល់ប្រាក់ជូនប្រជាពលរដ្ឋ ០៥គ្រួសារ សងផលប៉ះពាល់ផ្ទះ និងដី ដើម្បី អាជ្ញាធរយកទីតាំងសាងសង់ផ្លូវ និងស្ពាន
Tue,28 July 2020 (Time 02:56 AM)
ដោយ សម្លេងខ្មែរពិត (ចំនួនអ្នកអាន: 76នាក់)


កំពង់ចាម​៖ ដើម្បី សម្រួលដល់ប្រជាពលរដ្ឋ ក្នុងការផ្លាស់ទីនៅដ្ឋាន ទៅកាន់ទីតាំងថ្មី ព្រឹកថ្ងៃទី២៧ ខែកក្កដា ឆ្នាំ២០២០នេះ អ្នកតំណាងរាស្ត្រមណ្ឌលកំពង់ចាម ឯកឧត្ដម ហ៊ុន ណេង អមដំណើរដោយថ្នាក់ដឹកនាំ មន្ទីរអង្គភាពពាក់ព័ន្ធ និងអាជ្ញាធរមូលដ្ឋាន បានអញ្ជើញប្រគល់ប្រាក់ ជូនប្រជាពលរដ្ឋ០៥គ្រួសារ សងផលប៉ះពាល់ផ្ទះ និងដី ដើម្បី អាជ្ញាធរយកទីតាំង សាងសង់ផ្លូវ និងស្ពានបេតុង ឆ្លងកាត់​ព្រែកអាចារ្យសួន ស្ថិត​នៅ​ក្នុងភូមិទួលរកា ឃុំពាមកោះស្នា ស្រុកស្ទឹងត្រង់ ខេត្ត​កំពង់ចាម​។
សូមបញ្ជាក់ថា ផ្អែកតាមលទ្ធផល នៃការវាយតម្លៃ របស់ការងារក្រុមបច្ចេកទេស ក៏ដូចជា អាជ្ញាធរឃុំពាមកោះស្នា ទៅលើការសាងសង់ផ្លូវ និងស្ពានបេតុង ១កន្លែង ស្ថិតនៅលើទីតាំងខាងលើ បានឲ្យដឹងថា មានប្រជាពលរដ្ឋ រស់នៅសងខាងស្ពាន ចំនួន ០៥គ្រួសារ ប៉ុណ្ណោះ ដែលបានទទួលរងផលប៉ះពាល់លំនៅដ្ឋាន ហើយពួកគាត់ត្រូវផ្លាស់ទៅកាន់ទីតាំង ដើម្បី សាងសង់លំនៅដ្ឋានជាថ្មីឡើងវិញ ។ ដោយពិនិត្យឃើញស្ថានភាពលំបាក ក៏ដូចជា ផ្អែកតាមគោលនយោបាយ ក្នុងការដោះស្រាយផលប៉ះពាល់ជូនប្រជាពលរដ្ឋ ឯកឧត្ដម ហ៊ុន ណេង អ្នកតំណាងរាស្ត្រមណ្ឌលកំពង់ចាម និងក្រុមការងារ ក៏បា​នផ្ដល់ជូននូវសំណងខាងលើ ទៅតាមស្ថានភាពជាក់ស្ដែង ។
គួររំលឹកដែរថា ដើម្បី សម្រួលដល់ការធ្វើដំណើរ របស់បងប្អូនប្រជាពលរដ្ឋ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានផ្ដល់ជាងចំណងដៃ នូវស្ពានបេតុង ១កន្លែង មានទំហំបណ្ដោយប្រវែង ៩០ម៉ែត្រ គុណនិងទទឹង ៩,៦០ម៉ែត្រ ដោយតភ្ជាប់ពីភូមិទួលរកា ឆ្ពោះទៅភូមិដីលើ នៃឃុំពាមកោះស្នា ស្រុកស្ទឹងត្រង់ ។ សូមបញ្ជាក់បន្ថែមដែរថា អតីតកាល ស្ពាន ១កន្លែង នេះ ជាប្រភេទដែកបាឡេ បានកសាងឡើង តាំងពីឆ្នាំ១៩៩៣ មកម៉្លេះ ។ ផ្អែកតាមស្ថានភាពបច្ចុប្បន្ន ស្ពាននេះ មានសភាពទ្រុឌទ្រោម និងសំណើរ របស់បងប្អូនប្រជាពលរដ្ឋ សម្ដេចតេជោ ក៏បានផ្ដល់នូវស្ពានបេតុង ខាងលើនេះឡើង ។ ដោយឡែក បើទោះបីជាពេលនេះ គម្រោងស្ពានថ្មី កំពុងដំណើរការ យ៉ាងណាក៏ដោយ ក៏បងប្អូនប្រជាពលរដ្ឋ អាចធ្វើដំណើរឆ្លងកាត់ ទៅមក លើស្ពានចាស់មួយនេះ បានដូចជាធម្មតា ៕សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram)


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ