នៅថ្ងៃទី២២ ខែមិថុនា ឆ្នាំ២០២០នេះ ធនាគារ ជីប ម៉ុង បានសម្ពោធធនាគារ ជីប ម៉ុង សាខា លែនម៉ាក ២៧១ ដែលជាសាខាទី១១របស់ខ្លួន បន្ទាប់ពីដាក់ឲ្យដំណើរការនូវសាខាខេត្តបាត់ដំបង កំពង់ចាម និងសៀមរាប ស្របពេលដែលសេដ្ឋកិច្ចសកលកំពុងប្រឈមនឹងភាពមិនច្បាស់លាស់ដោយសារជំងឺរាតត្បាតកូវីដ ១៩។ការដាក់ឲ្យដំណើរការសាខាចំនួន៤បន្តបន្ទាប់គ្នានេះត្រូវបានគណៈគ្រប់គ្រងរបស់ធនាគារ ជីប ម៉ុង អះអាងថា គឺជាការរួមចំណែកជាមួយរាជរដ្ឋាភិបាលកម្ពុជាក្នុងការជំរុញចរន្តសេដ្ឋកិច្ចឲ្យកាន់តែសកម្ម និងជាការពង្រឹងទំនុកចិត្តវិនិយោគិនក្នុងការវិនិយោគក្នុងទីក្រុងភ្នំពេញ ក៏ដូចជាក្នុងប្រទេសកម្ពុជា និងបង្ហាញពីភាពរឹងមាំនៃធនាគារ ជីប ម៉ុង។លោកឧកញ៉ា លាង ម៉េង ប្រធានក្រុមប្រឹក្សាភិបាល និងជាអគ្គនាយកស្តីទីធនាគារ ជីប ម៉ុង មានប្រសាសន៍ថា៖ «ការដែលធនាគារ ជីប ម៉ុង ពង្រីកការវិនិយោគរបស់ខ្លួនជាបន្តបន្ទាប់ ទោះបីស្ថិតក្នុងអំឡុងវិបត្តិកូវីដក្ដី គឺដើម្បីពង្រឹងភាពស៊ាំរបស់ធនាគាររបស់យើងទល់នឹងស្ថានភាពលំបាកៗគ្រប់បែបយ៉ាងផង និងដើម្បីផ្តល់ជូនដំណោះស្រាយខាងហិរញ្ញវត្ថុ និងផលិតផលធនាគារប្រកបដោយភាពច្នៃប្រឌិតខ្ពស់ អាចបត់បែនបានទាន់ពេលវេលាប្រកបដោយប្រសិទ្ធភាពជូនអតិថិជនផង»។លោកឧកញ៉ា លាង ម៉េង មានប្រសាសន៍បន្ថែមថា ធនាគារ ជីប ម៉ុង កំពុងផ្តល់សេវាកម្មធនាគារយ៉ាងសម្បូរបែប និងប្រកបដោយទំនុកចិត្តខ្ពស់ ដោយរួមមានសេវាធនាគារបុគ្គល សេវាធនាគារអាជីវកម្ម ភ្នាក់ងារធនាគារជូនដល់អតិថិជន ដោយផ្តោតសំខាន់លើការប្រើប្រាស់បច្ចេកវិទ្យា ដើម្បីផ្ដល់ជូនដំណោះស្រាយហិរញ្ញវត្ថុចាំបាច់ផ្សេងៗ។មួយវិញទៀត ធនាគារ ជីប ម៉ុង កំពុងកសាងប្រព័ន្ធធនាគារពេលលេញមួយ ដែលប្រជាពលរដ្ឋទាំងអស់អាចទទួលបានសេវាហិរញ្ញវត្ថុយ៉ាងងាយស្រួល។ ធនាគារ ជីប ម៉ុង បានដាក់ឲ្យដំណើរការកម្មវិធីទូរស័ព្ទដៃBank! Bank! សម្រាប់ទាំងអ្នកមានគណនី និងអ្នកគ្មានគណនីធនាគារ ក៏អាចប្រើប្រាស់បានដូចគ្នា។ ធនាគារ ជីប ម៉ុង ក៏បានបង្កើតភ្នាក់ងារធនាគារ ដែលបច្ចុប្បន្នមានភ្នាក់ងារចំនួន៥០ទីតាំងហើយ និងគ្រោងពង្រីកឲ្យបានរហូតដល់៥០០ទីតាំងក្នុងឆ្នាំនេះ៕សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram)
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ