(ភ្នំពេញ)៖រាជរដ្ឋាភិបាលចេញអនុក្រឹត្យការចុះបញ្ជីអាជីវកម្មតាមប្រព័ន្ធអនឡាញ។
មាត្រា១ នៃអនុក្រឹត្យចែងថា អនុក្រឹត្យនេះ មានគោល បំណង សម្រួល និងការបង្ក​បរិ​យា​កាស​ដល់​ការបង្កើត អាជីវកម្មតាមរយៈ ការចុះបញ្ជី អាជីវកម្ម តាមប្រ ព័ន្ធបច្ចេកវិទ្យាព័ត៌មាន (អនឡាញ) ដើម្បីចូលរួមលើក កម្ពស់បរិយាកាសធុរកិច្ច ឱ្យប្រសើឡើង និង ទាក់ទាញ​ការវិន​យោគ​នៅកម្ពុជា។
ចំពោះនិតិវិធីនៃការចុះបញ្ជីអាជីវកម្ម បុគ្គស្នើសុំត្រូវបំពេញព័ត៌មាន និងបញ្ចូលឯកសារភ្ជាប់ តា​ម​លក្ខ​​ណ្ឌតម្រូវទាំងអស់ ក្នុងទម្រង់អេឡិចត្រូនិក ដែលបានកំណត់ក្នុងគេហទំព័រចុះបញ្ជី https://​www.​registrationservices.gov.kh។
មាត្រា៦ នៃអនុក្រឹត្យចែងថា ក្រសួង-ស្ថាប័នមានសមត្ថកិច្ច ត្រួតពិនិត្យលើ​ភាពត្រឹម​ត្រូវនៃ​ព័ត៌​មាន និងឯកសារភ្ជាប់ តាមសមត្ថកិច្ចពាក់ព័ន្ធរបស់ក្រសួង-ស្ថាប័ននីមួយៗ ក្នុងករណីដែល​ព័ត៌​មាន និងឯកសារមិនត្រឹមត្រូវ ត្រូវជូនដំណឹងដល់បុគ្គល​ស្នើសុំវិញដើម្បីធ្វើការកែតម្រូវ។
ក្នុងរយៈពេល៣ថ្ងៃ បន្ទាប់ពីទទួលពាក្យស្នើសុំ ក្រសួងពាណិជ្ជកម្ម ពិនិត្យលើភាពត្រឹមត្រូវ នៃលក្ខ​ណ្ឌ​តម្រូវព័ត៌មាន និងឯកសារភ្ជាប់ដែលត្រូវបានបំពេញ គ្រប់គ្រាន់ និងត្រឹមត្រូវ។
បន្ទាប់ពីការឯកភាព លើការចុះបញ្ជីពាណិជ្ជកម្ម និងការចុះបញ្ជីពន្ធដារ ក្រសួងការងារ ត្រូវពិនិត្យ​ទទួលសេចក្តីប្រកាស ជូនដំណឹងបើកសហគ្រាស ទៅតាមលក្ខណ្ឌច្បាប់។
ចំពោះការព្យួរ ឬការដកហូតវិញ្ញាបនបត្រ និងលិខិតបញ្ជាក់ ក្រសួង-ស្ថាប័នមានសមត្ថកិច្ច អាច​ព្យូរ ឬដកហូតវិញ្ញបនបត្រ និងលិខិតបញ្ជាក់ ក្នុងករណីដែលបុគ្គលស្នើសុំ មិនគោរពទៅ​តាម​លក្ខណ្ឌ​តម្រូវ និងមិនផ្តល់ព័ត៌មានពិត ឬប្រើឯកសារក្លែងក្លាយ។
តាមអនុក្រឹត្យ ក្នុងករណីផ្តល់ព័ត៌មាន ឬឯកសារក្លែងក្លាយ ក្រសួង-ស្ថាប័នមានសមត្ថកិច្ច នឹង​ចាត់​​វិធានការតាមច្បាប់៕សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram)