ថ្ងៃអង្គារ៍ ទី០២ ខែមិថុនា ឆ្នាំ២០២០ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
រដ្ឋបាល​ខេត្ត​កណ្តាល បើក​កិច្ចប្រជុំ​គណៈ​អភិបាលខេត្ត​កណ្តាល​លើកដំបូង​
Wed,11 March 2020 (Time 08:25 PM)
ដោយ សម្លេងខ្មែរពិត (ចំនួនអ្នកអាន: 193នាក់)


​កណ្ដាល​៖ ឯកឧត្តម គង់ សោភ័ណ្ឌ អភិបាល​នៃ​គណៈ​អភិបាលខេត្ត​កណ្ដាល​បាន​ដឹកនាំ​កិច្ចប្រជុំ​គណៈ​អភិបាលខេត្ត​កណ្ដាល​ជា​លើកដំបូង ក្រោយ​ឯកឧត្តម​ត្រូវបាន​ប្រកាស​ឲ្យចូល​កាន់​មុខតំណែង​ជា​អភិបាល នៃ​គណៈ​អភិបាលខេត្ត​កណ្ដាល នា​ថ្ងៃ​ទី​៩ ខែ​មីនា ឆ្នាំ​២០២០​។​

​ក្នុង​កិច្ចប្រជុំ​គណៈ​អភិបាលខេត្ត​កណ្ដាល ឯកឧត្តម​អភិបាលខេត្ត បាន​ស្នើ​ដល់​អភិបាលក្រុង​-​ស្រុក ទាំង​១១ ក្នុង​ខេត្ត​កណ្ដាល ត្រូវ​ធើ្វ​ការអភិវឌ្ឍន៍លើ​ផ្នែក​ហេដ្ឋារចនាសម្ព័ន្ធ តាម​ដងផ្លូវ តាម​សួនច្បារ សាលារៀន និង​ពង្រឹង​ការអនុវត្ត សន្តិសុខ សណ្ដាប់ធ្នាប់ សាធារណៈ អោយបាន​ល្អ​ប្រសើរ មុនពេល​បុណ្យចូលឆ្នាំ​ថ្មី​ប្រពៃណី​ខ្មែរ​ដែល​នឹង​ឈាន​ចូល​មក​ដល់​នៅពេល​ខាងមុខ​នេះ​។​

​ឯកឧត្តម​អភិបាលខេត្ត បញ្ជាក់ថា ការអភិវឌ្ឍន៍​ហេដ្ឋារចនាសម្ព័ន្ធ ពិត​ជា​សំខាន់​ណាស់ នៅតាម​បណ្ដាល​ក្រុង​-​ស្រុក ដែល​នេះ​ជា​ការឆ្លុះបញ្ចាំង​អោយឃើញ​ពី​ការអភិវឌ្ឍន៍​ក្នុង​មូលដ្ឋាន និង​ប្រទេសជាតិ​ទាំងមូល ព្រមទាំង​ស​បញ្ជក់​ពី​ការយកចិត្តទុកដាក់​លើ​សោភ័ណ្ឌភាព​ក្រុង​-​ស្រុក ផងដែរ​។​

​ដើម្បី​អភិវឌ្ឍន៍​ហេដ្ឋារចនាសម្ព័ន្ធ​ប្រកបដោយ​ប្រសិទ្ធភាព ឯកឧត្តម​អភិបាលខេត្ត បាន​ដាក់ចេញ​នូវ​ការប្រកួតប្រជែង ក្នុង​ការអភិវឌ្ឍន៍​ហេដ្ឋារចនាសម្ព័ន្ធ​តាម​បណ្ដាល​ក្រុង​-​ស្រុក ទាំង​១១ ដើម្បី​តាមដាន និង​ពិនិត្យមើល តើ​ក្រុង​-​ស្រុក​ណាមួយ ដែល​មាន​ការអភិវឌ្ឍ​ន៍​រីកចំរើន​ជាងគេ និង​យក​ធើ្វ​ជា​គំរូ អោយ​ស្រុក​-​ក្រុង ផ្សែងៗ​ទៀត​អនុវត្តតាម​។​

​ក្នុង​កិច្ចប្រជុំ​នោះ ឯកឧត្តម​អភិបាលខេត្ត ក៏​បាន​ជំរុញ​ដល់​កងកម្លាំង​មន្ត្រីនគរបាល​ទាំងអស់ ត្រូវ​ទប់ស្កាត់​បទល្មើស​នានា ជាពិសេស​បទល្មើស​គ្រឿងញៀន ដែល​ភាគច្រើន​កើត​នៅ​តាម​ព្រំដែន ដូច្នេះ​ត្រូវ​ការពារ ទប់ស្កាត់​អោយបាន​ជា​ដាច់ខាត ដើម្បី​សុវត្ថិភាព និង​សេចក្ដីសុខ​របស់​ប្រជាពលរដ្ឋ និង​សង្គមជាតិ​របស់​យើងទាំងអស់គ្នា​៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ