(ក្រចេះ) នៅថ្ងៃទី២៧ ខែកុម្ភៈ ឆ្នាំ២០២០នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន កាកបាទក្រហមកម្ពុជា បានចាត់ឱ្យ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងសហការី រួមជាមួយសាខាកាកបាទក្រហមកម្ពុជា ខេត្តក្រចេះ ចុះសួរសុខទុក្ខ និងផ្តល់អំណោយមនុស្សធម៌ជូនប្រជាពលរដ្ឋងាយរងគ្រោះបំផុត ចំនួន ២៥១គ្រួសារ រួមមាន ចាស់គ្មានទីពឹង ស្ត្រីមេម៉ាយ កុមារកំព្រា ជនពិការ អ្នកផ្ទុកមេរោគអេដស៍ ដែលរស់នៅក្នុងស្រុកឆ្លូង ស្រុកព្រែកប្រសព្វ ស្រុកចិត្របុរី និងក្រុងក្រចេះ។ក្នុងឱកាសជួបសំណេះសំណាលនេះ លោកជំទាវអគ្គលេខាធិការ បានពាំនាំនូវប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្ដាំផ្ញើសួរសុខទុក្ខ ក្តីនឹករលឹក អាណិតស្រឡាញ់ យ៉ាងជ្រាលជ្រៅ និងនាំយកអំណោយសម្រាលការលំបាកសម្រាប់ចែកជូនប្រជាពលរដ្ឋទាំងអស់។ ជាមួយគ្នានេះ លោកជំទាវអគ្គលេខាធិការ បានពាំនាំសារអំពាវនាវរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជម្រាបជូនបងប្អូនប្រជាពលរដ្ឋទាំងអស់ឱ្យយកចិត្តទុកដាក់ថែទាំសុខភាព ពិសារទឹកឆ្អិនយ៉ាងហោចណាស់ឲ្យបាន២លីត្រក្នុងមួយថ្ងៃ ជាពិសេស សូមបងប្អូន ត្រូវសម្អាតបរិស្ថានជុំវិញផ្ទះឲ្យបានស្អាត ត្រូវចូលរួមគោរពច្បាប់ចរាចរណ៍ និងបើកបរដោយប្រុងប្រយ័ត្ន ពាក់មួកសុវត្ថិភាពឱ្យបានត្រឹមត្រូវ និងហាមដាច់ខាតការបើកបរក្រោមឥទ្ធិពលនៃគ្រឿងស្រវឹង។ ជាចុងក្រោយនេះ សូមស្ត្រីមានផ្ទៃពោះទៅពិនិត្យសុខភាពឲ្យបាន៤ដងមុនពេលសម្រាល។ លោកជំទាវ បានបញ្ជាក់ថា ក្រួសួងសុខាភិបាល បានចេញសេចក្តីប្រកាសព័ត៌មាន អំពីការបង្ការនិងការប្រុងប្រយ័ត្ន និងវិធានការឆ្លើយតបជំងឺគ្រុនផ្តាសសាយបក្សី(H5N1) សូមបងប្អូនប្រុងប្រយ័ត្ន បរិភោគសាច់មាន់ សាច់ទា ឬស៊ុតត្រូវចម្អិនឲ្យឆ្អិន។បន្ទាប់ពីបញ្ចប់ពិធីចែកអំណោយទាំងពីរកន្លែងរួចមក លោកជំទាវអគ្គលេខាធិការ បានអញ្ជើញចុះសួរសុខទុក្ខ និងនាំយកអំណោយជូនតាមខ្នងផ្ទះចំនួន ៤គ្រួសារ នៅក្នុង ៣ភូមិ មាន ឃុំឆ្លូង ស្រុកឆ្លូង និងសង្កាត់អូឫស្សី១ ក្រុងក្រចេះ ខេត្តក្រចេះ។ អំណោយដែលបានចែកជូនគ្រួសារនីមួយៗរួមមាន ៖ អង្ករ ៣០គីឡូក្រាម មី១កេស ត្រីខ ១០កំប៉ុង មុង១ ភួយ១ សារុង ១ ក្រមា១ អាវយឺត ១ និងថវិកា មួយចំនួន៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ