ខេត្តកណ្តាល: ព្រឹកថ្ងៃច័ន្ទ ២រោច ខែកក្តិក ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី០២ ខែវិច្ឆិកា ឆ្នាំ២០២០
ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាល ព្រះអង្គម្ចាស់នរោត្តម ថា នុរា ឯកអគ្គរាជទូតអមព្រះរាជលេខាធិការដ្ឋាន ព្រះមហាក្សត្រ និងជាទីប្រឹក្សាផ្ទាល់ព្រះមហាក្សត្រព្រះបាទនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងលោកឧកញ៉ាស្រី ចាន់ថន អគ្គនាយកក្រុមហ៊ុន ជេតគ្រុប និងជាស្ថាបនិករមណីយដ្ឋានស្កាយលែន បានអញ្ជើញជាអធិបតីភាពក្នុងពិធីបិទការប្រកួតកីឡាប្រណាំងទូកខ្នាតតូចដើម្បីអបអរសាទរ ព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក នៅតំបន់អភិវឌ្ឍន៍ sky land ស្ថិតនៅឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។
នៅក្នុងឱកាសនោះ មានពិធីចែកពានរង្វាន់ ដល់កីឡាករប្រណាំងទូក ដែលដែលទទួលបានជ័យលាភីជាប់ចំណាត់ថ្នាក់លេខ 1 លេខ 2 និងលេខ 3 ដោយឯកឧត្តម គង់ សោភ័ណ្ឌ ព្រះអង្គម្ចាស់នរោត្តម ថា នុរា និងលោកជំទាវ លោកឧកញ៉ា ស្រី ចាន់ថន ជាចុងបញ្ចប់ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាល ក៏បានសម្ដែងមតិចូលរួមនៅក្នុងពិធីនៅជាមួយនឹងបងប្អូនកីឡាករប្រណាំងទូកខ្នាតតូចដោយភាពសប្បាយរីករាយ ដោយសារតែមានសន្តិភាពក្រោមការដឹកនាំពីប្រមុខរាជរដ្ឋាភិបាល សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឲ្យប្រទេសកម្ពុជាមានការរីកចំរើននិងអភិវឌ្ឍគ្រប់ទីកន្លែង។ដោយ ម៉ៃទី (សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram))