លោក ស៊ូម សារឿន ប្រធានសមាគមរាជសីហ៍ ដឹកនាំក្រុមការងារចុះប្រគល់ជូនម៉ាសុីនចម្រុះទឹកស្អាតខ្នាតធំ២គ្រឿងដល់រដ្ឋបាលខេត្តបន្ទាយមានជ័យ សម្រាបជួយពលរដ្ឋរងគ្រោះទឹកជំនន់
(ខេត្តបន្ទាយមានជ័យ) ៖ លោក ស៊ូម សារឿន ប្រធានសមាគមរាជសីហ៍ និងថ្នាកដឹកនាំសមាគមរាជសីហ៍ និងសមាជិកសមាជិការ សមាគមរាជសីហ៍សាខាខេត្តសៀមរាប ចុះប្រគល់ ជូនម៉ាសុីនចំរោះទឹកស្អាតខ្នាតធំ០២គ្រឿងដល់សាលាខេត្តបន្ទាយមានជ័យ រួចដាក់អោយប្រេីប្រាស់ជាផ្លូវការ ម៉ាស៊ីនចំរោះទឹកស្អាតចល័តខ្នាតធំចំនួន ០២គ្រឿង នេះ ជូនដល់ប្រជាពលរដ្ឋរងគ្រោះដោយសារទឹកជំនន់ដែលកំពុងស្នាក់នៅទីទួលសុវត្ថិភាពចំនួន៥៦១គ្រួសារ ស្ថិតនៅក្នុង ស្រុកមង្គលបុរី និងក្រុងសិរីសោភ័ណ ខេត្ត បន្ទាយមានជ័យ ដែលមានទីតាំងពីរកន្លែង។
ទីតាំងពីរកន្លែងនោះ រួមមាន៖ ១-ផ្លូវវៀង ក្រុង ភូមិស្រះជីក ឃុំបត់ត្រង់ ស្រុកមង្គលបុរី ខេត្តបន្ទាយមានជ័យ (៣២១គ្រួសារ)២-តារាងបាល់ សែសិន ភូមិក្បាលស្ពាន សង្កាត់ព្រះពន្លា ក្រុង សិរីសោភ័ណ ខេត្តបន្ទាយមានជ័យ (២៤០គ្រួសារ )
គួរបញ្ជាក់ផងដែរថា ម៉ាស៊ីនចំរោះទឹកស្អាតទាំងពីរជាជំនួយឧបត្ថមពីសប្បុរសជនក្រៅប្រទេស ដែលមួយគ្រឿងតំលៃ ៥ម៉ឺនដុល្លារ(០២គ្រឿងស្មេី ១០មុឺនដុល្លារ)ដែលម៉ាស៊ីននីមួយៗ មានសមត្ថភាពចំរោះទឹកស្អាតចាប់ពី ១៥០០ ទៅ ២០០០ លីត្រ ក្នុងមួយម៉ោង ដែលជាលក្ខណៈពិសេសអាចផ្គត់ផ្គង់ទឹកស្អាតជូនដល់ប្រជាពលរដ្ឋរងគ្រោះ គ្រប់តម្រូវការ។
ដោយមានការចូលរួមជាអធិបតី ឯ.ឧ អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ ក្នុងឱកាសនេះដែរ ឯកឧត្តមអភិបាលខេត្ត សូមថ្លែងអំណរគុណយ៉ាងជ្រាលជ្រៅ ដល់សមាគមរាជសីហ៍ ដែលតែងតែគិតគូរពីសុខទុក្ខដល់ប្រជាពលរដ្ឋរងគ្រោះគ្រប់ទីកន្លែង (ជួយទឹកស្អាតដល់ប្រជាពលរដ្ឋទាន់ពេលវេលា)តាមរយៈការងារមនុស្សធម៏ និងសកម្មភាពមនុស្សធម៌នានាក្នុងសង្គម៕