(ខេត្តកណ្តាល)៖ ព្រឹកថ្ងៃសៅរ៍ ១៥កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៣១ ខែតុលា ឆ្នាំ២០២០ ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្តាល និងលោកជំទាវ ព្រមទាំងក្រុមគ្រួសារ និងលោកជំទាវបណ្ឌិតពហុវឌ្ឍា មហាឧបាសិកាពុទ្ធសាសនូបត្ថម្ភ ម៉ែន នារីវុឌ្ឍី បានដឹកនាំប្រតិភូរដ្ឋបាលខេត្តកណ្តាល ព្រមទាំងមានការចូលរួមពីប្រជាពលរដ្ឋប្រមាណ២២១នាក់ មកពីឃុំឈើទាល ស្រុកកៀនស្វាយ ចូលរួមដង្ហែរអង្គកឋិនទាន ទៅវេរប្រគេនព្រះសង្ឃគង់ចាំព្រះវស្សាអស់ត្រីមាសក្នុងព័ទ្ធសីមាវត្តមរតកតេជោបុរីស្វរៈ ស្ថិតនៅភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ខេត្តព្រះវិហារ។
ក្នុងពិធីនេះដែរឯកឧត្តម គង់ សោភ័ណ្ឌ និង ក្រុមគ្រួសារ ព្រមទាំងប្រតិភូ និងពុទ្ធបរស័ទជិតឆ្ងាយ បានប្រមែប្រមូលបច្ច័យបានចំនួន១១១លាន ៧៩ម៉ឺនរៀល និងប្រាក់ដុល្លារចំនួន ១០,១៦៨ដុល្លារ ដើម្បីវេរប្រគេនដល់ព្រះសង្ឃគង់ចាំព្រះវស្សាអស់ត្រីមាស ទុកសម្រាប់កសាងសមិទ្ធិផលនានាក្នុងទីអារាមនេះតាមការចាំបាច់ និងបានជួយឧបត្ថម្ភថវិកាដើម្បីកសាងផ្លូវបេតុងមួយខ្សែ ចាប់ពីខ្លោងទ្វារវត្តរហូតដល់ព្រះវិហារផងដែរ៕ដោយ ម៉ៃទី (សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram))