ខេត្តបន្ទាយមានជ័យ​៖ ដើម្បីចូលរួមចំណែកជួយជនរងគ្រោះទឹកជំនន់ និង អនុវត្តតាមប្រសាសន៍ណែនាំរបស់ សម្តេចតេជោ ហ៊ុន សែន នាយករដ្ឋមន្ត្រី ឲ្យផ្គត់ផ្គង់ទឹកស្អាតជូន ប្រជាពលរដ្ឋរងគ្រោះទឹកជំនន់ទាំងអស់ ដែលកំពុងស្នាក់នៅ ទីទួលសុវត្ថិភាព នៅថ្ងៃទី ២៣ ខែតុលា ឆ្នាំ២០២០ លោក ទ្រឿង​ សំរិទ្ធ​ អគ្គលេខាធិការង និងជា ប្រធានសមាគមរាជសីហ៍សាខាខេត្តសៀមរាប​ តំណាង​ឲ្យ ឯកឧត្តម ស៊ូម សារឿន ប្រធានសមាគ​រាជសីហ៍ បានខិតខំកៀរគរជំនួយពីអង្គការ រួចបានដឹកនាំសហការី ចុះផ្តល់និងជួយតំឡេីងម៉ាស៊ីនចម្រោះទឹកស្អាតចល័តខ្នាតធំចំនួន០២គ្រឿង​​ ដើម្បីផ្គត់ផ្គង់ទឹកស្អាត ជូនប្រជាពលរដ្ឋរងគ្រោះដោយទឹកជំនន់ ចំនួន​៥៦១​ គ្រួសារ​ ដែលកំពុងស្នាក់នៅទីទួលសុវត្ថិភាព ២ទីតាំងផ្សេងគ្នាគឺ៖
ម៉ាស៊ីនទី១-តម្លើងនៅ ផ្លូវវៀង​ក្រុង​ ភូមិស្រះជីក​ ឃុំបត់ត្រង់​ ស្រុកមង្គលបុរី​ ខេត្តបន្ទាយមានជ័យ​ (៣២១គ្រួសារ) និង
ទី២-តម្លើងនៅ តារាងបាល់​សែសិន​ ភូមិក្បាលស្ពាន​ សង្កាត់ព្រះពន្លា​ ក្រុង​សិរីសោភ័ណ​ ខេត្តបន្ទាយមានជ័យ​ (២៤០គ្រួសារ​)។
សូមជម្រាបថា ម៉ាស៊ីនចម្រោះទឹកស្អាតចល័តខ្នាតធំទាំង២គ្រឿងនេះ មានតម្លៃជាង១០ម៉ឺនដុល្លារ និងមានសមត្ថភាពផលិតទឹកស្អាតពីប្រភពទឹកជំនន់នោះតែម្តង បាន១៥០០លីតក្នុងមួយម៉ោង​ សម្រាប់បម្រើសេចក្តីត្រូវការជូនបងប្អូនប្រជាពលរដ្ឋក្នុងគ្រាមានអាសន្ននេះ។
លោក​ ទ្រឿង​ សំរិទ្ធ​ ក៏បានពាំនាំនូវការផ្តាំផ្ញើសួរសុខទុក្ខ ពី ឯកឧត្តម ស៊ូម សារឿន ជូនបងប្អូនប្រជាពលរដ្ឋដែលរងផលប៉ះពាល់ដោយសាទឹកជំនន់​ និងបានណែនាំឲ្យយកចិត្តទុកដាក់​ចំពោះ​សុខភាព​ និងអនាម័យ​ ដើម្បីបង្ការជំងឺផ្សេងៗ​ ការពារសត្វទិចឬខាំ​ ហេីយក៏បាន​ក្រេីនរំលឹងឲ្យបងប្អូនមានស្មារតីប្រុងប្រយ័ត្ន​ខ្ពស់ មេីលថែកូនចៅតូចៗឲ្យបានល្អជៀសវៀង ហានិភ័យនានាដែលអាចកេីតឡេីងជាយថាហេតុ។ដោយ ម៉ៃទី (សូមជួយផ្តល់ដំណឹងផ្សេងៗមក សម្លេងខ្មែរពិតាមរយៈ 012 98 48 55 (Line, WhatsApp,Telegram))