ថ្ងៃសុក្រ ទី២៩ ខែមីនា ឆ្នាំ២០២៤ អាស័យដ្ឋាន៖ ផ្ទះលេខ៤១៣ ផ្លូវលំ ភូមិក្រពើហា សង្កាត់ព្រែកឬស្សី ក្រុងតាខ្មៅ កណ្តាល / លេខទូរស័ព្ទ ៖ 088 41 41 152 / 012 98 48 55
ឯកឧត្តម ពេជ សោភ័ណ អញ្ជើញបើកសិក្ខាសាលា ផ្សព្វផ្សាយការអនុវត្តប្រព័ន្ធវាយតម្លៃ ផ្អែកលើសមត្ថភាព និងការផ្តល់គុណវុឌ្ឍិ
Wed,06 March 2019 (Time 01:53 PM)
ដោយ សម្លេងខ្មែរពិត (ចំនួនអ្នកអាន: 797នាក់)


ក្រចេះ៖ នៅព្រឹកថ្ងៃទី២៨ ខែកុម្ភះ ឆ្នាំ២០១៩នេះអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈនៃក្រសួងការងារ និងបណ្តុះវិជ្ជាជីវៈបានធ្វើការផ្សព្វផ្សាយស្តីពីការអនុវត្តប្រព័ន្ធវាយតម្លៃ ផ្អែកលើសមត្ថភាព និងការផ្តល់គុណវុឌ្ឍិ ជូនដល់មន្ត្រីរាជការ កម្មករនិយោជិត និងសិស្សានុសិស្សជាង៣០០នាក់ នៅសណ្ឋាគារ ហ៊រ បុន្នី ស្ថិតនៅក្រុងក្រចេះ ក្រោមអធិបតីភាព លោក បណ្ឌិត ពេជ្រ សោភ័ណ រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវះ និងលោក ជាក់ម៉េង ហ៊ាង អភិបាលរងខេត្តក្រចេះ។

គោលបំណងធានាដល់ការអភិវឌ្ឍធនធានមនុស្សដែលជាតម្រូវការចាំបាច់សម្រាប់ការអភិវឌ្ឍសេដ្ឋកិច្ចជាតិ ហើយផ្តល់ការទទួលស្គាល់ជាផ្លូវការនិងការពារគុណវុឌ្ឍិដែលមានតាមរយៈការសិក្សាផ្លូវការ ការសិក្សាក្នុងប្រព័ន្ធនិងការសិក្សាក្រៅប្រព័ន្ធ និងជាការគាំទ្រដំណើរការទទួលស្គាល់ជំនាញគ្នាទៅវិញទៅមកក្នុងអាស៊ាន។

លោក ហ្គ្រីស ស្ទៀន ប្រធានកម្មវិធីអភិវឌ្ឍន៍ជំនាញ កម្រោង SDP -Swisscontact ដែលជាគម្រោងមួយជួយពង្រឹងសមត្ថភាពជំនាញដល់យុវជនងាយរងគ្រោះនៅកម្ពុជាបានឲ្យដឹងថា គម្រោង SDP-Swisscontact ជាគម្រោងដែលផ្តល់ឱកាសបង្កើតមុខរបការងារសម្រាប់យុវវ័យដែលងាយរងគ្រោះ ពិសេសអ្នកដែលបានបោះបង់ការសិក្សាអាចមានឱកាសសិក្សាលើផ្នែកជំនាញផ្សេងៗ ដើម្បីឈានទៅរកការបង្កើតការងារដែលអាចប្រាក់ចំនូលសម្រាប់ខ្លួនឯង។

លោកបានបញ្ជាក់ថា គម្រោង SDP-Swisscontact ក៏រួមចំណែកផងដែរ ក្នុងការពង្រឹងការបណ្តុះបណ្តាល បច្ចេកទេសវិជ្ជាជីវៈការឆ្លើយតបទៅនឹងតម្រូងការទីផ្សារការងារក្នុងស្រុក និងក្នុងតំបន់ ជាពិសេសការទទួលស្គាល់ជំនាញគ្នាទៅមកក្នុងបណ្តាប្រទេសអាស៊ាន។

លោក ជាក់ ម៉េងហ៊ាង អភិបាលរងខេត្តក្រចេះ បានសម្តែងក្តីរីករាយដែលខេត្តក្រចេះ ត្រូវបានជ្រើសរើសជាខេត្តគោលដៅ របស់កម្មវិធីអភិវឌ្ឍន៍ជំនាញក្នុងតំណាក់កាលទី១ ។ ហើយខេត្តក្រចេះ គឺជាខេត្តមួយស្ថិតនៅតំបន់ភូមិភាគឦសាន្តនៃប្រទេស ដែលមានសក្តានុពលនៃធនធានធម្មជាតិ ដែនជម្រកសត្វព្រៃ ទន្លេមេគង្គ ព្រៃលិចទឹក ពិសេសសត្វផ្សោតកម្រដែលជាទុនសម្រាប់អភិវឌ្ឍន៍ខេត្ត ។

ក្នុងវគ្គសិក្ខាសាលានាព្រឹកនេះដែរ លោកបណ្ឌិត ពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា នេះជាឱកាសល្អសម្រាប់ពលរដ្ឋ យុវជន និងយុវវ័យទាំងអស់ ដែលមិនទាន់មានវិជ្ជាជីវៈការងារច្បាស់លាស់ ដែលអាចសិក្សារៀនសូត្រ បង្កើតឱកាសការងារ និងរៀនជំនាញវិជ្ជាជីវៈ ដើម្បីមានឱកាសស្វែងរកការងារតាមជំនាញរបស់ខ្លួន ។

លោក បន្ថែមថា បរិបថសេដ្ឋកិច្ច បច្ចេកវិទ្យា ពិភពលោកកំពុងមានការផ្លាស់ប្តូយ៉ាងខ្លាំង ដែលយើងត្រូវយកចិត្តទុកដាក់ ពិសេសទាំងប្រទេសកម្ពុជានិងបណ្តាប្រទេសនានាក្នុងសហគមអាស៊ាន កំពុងផ្លាស់ប្តូរម្តងបន្តិចៗ ដែលតម្រូវឲ្យប្រជាពលរដ្ឋមានជំនាញច្បាស់លាស់សម្រាប់បម្រើការងារ ។

លោកបានគូសបញ្ជាក់ថា តាមរយៈគម្រោងរបស់ SDP Swisscontactវាស្របនិងគោលនយោបាយរបស់រដ្ឋាភិបាលកម្ពុជាដែលមានបំណពង្រឹងវិស័យអប់រំបណ្តុះបណ្តាលបច្ចេកទេសនិងវិជ្ជាជីវៈដែលមានរួមទាំងប្រព័ន្ធវាយតម្លៃផ្អែកលើសមត្ថភាពនិងការផ្តល់គុណវុឌ្ឍិក្នុងន័យធានាគុណភាពនិងការផ្សារភ្ជាប់ទីនិងតម្រូវការទីផ្សារសម្រាប់កម្លាំងពលកម្មជំនាញ ដើម្បីបញ្ជៀសភាពក្រីក្រី ភាពក្រមាន៤យ៉ាងគឺ សង្គ្រាម, អវិជ្ជា , ផលលិត្តភាព,គ្មានការទទួលខុសត្រូវ៕


ព័ត៌មានគួរចាប់អារម្មណ៍

កសិករ​នាំគ្នា​សម្រុក​ដក​មើមដំឡូង​មី ខណ​:​តម្លៃ​ទីផ្សារ​ស្ទុះ​ហក់​ឡើង​ខ្ពស់​ជាង​ឆ្នាំ​មុនៗ​ (សម្លេងខ្មែរពិត)

ព័ត៌មានគួរចាប់អារម្មណ៍

​សម្តេច​ក្រឡាហោម ស ខេង អញ្ជីញ​ជា​គណៈអធិបតី ក្នុង​ពិធី សន្និបាត​បូកសរុប​ការងារ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៦ ឆ្នាំ​២០១៨ នៅ​ទូទាំង​ប្រទេស​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រុង​កំពត​នឹង​ត្រូវ​បាន​ចុះបញ្ជី​ជា​ក្រុង​បេតិកភណ្ឌ​ពិភពលោក​នា​ពេលខាងមុខ​នេះ​ (សម្លេងខ្មែរពិត)

ព័ត៌មានគួរចាប់អារម្មណ៍

ពិធី​សំណេះសំណាល​សិស្ស​ជ័យលាភី​ប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​សិក្សា​២០១៧-២០១៨ នៅ​ខេត្ត​កំពត​ (សម្លេងខ្មែរពិត)

ព័ត៌មានគួរចាប់អារម្មណ៍

​ក្រសួង​កសិកម្ម រុក្ខា​ប្រមាញ់ និង​នេសាទ បើក​វគ្គ​បណ្តុះបណ្តាល ស្តីពី​ការគ្រប់គ្រង និង​ភាព​ជា​អ្នកដឹកនាំ​ (សម្លេងខ្មែរពិត)

វីដែអូ