កែប ៖ កាលពីព្រឹកថ្ងៃសុក្រ ៥កើត ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៤ ខែកញ្ញា ឆ្នាំ២០១៨ នៅក្នុងបរិវេណសាលាស្រុកដំណាក់ចង្អើរ សាខាកាកបាទក្រហមខេត្តកែប បានផ្ដល់អំណោយជូនដល់ប្រជាពលរដ្ឋទីទ័លក្រ និងអ្នកផ្ទុកមេរោគអេដស៏ ជម្ងឺអេដស៏ចំនួន៤៣៣គ្រួសារ ក្រោមអធិបតីភាព លោកស្រី ម៉ែន នារីសោភ័ក អគ្គលេខាធិការរងទី១ កាកបាទក្រហមកម្ពុជា និង លោក កែន សត្ថា អភិបាល នៃគណៈអភិបាលខេត្តកែប និងជាប្រធាន គណៈកម្មាធិការសាខាកាកបាទក្រហមខេត្ត ហើយពិធីនេះក៏មានការអញ្ជើញចូលរួមពី លោក លោកស្រីអមដំណើរជាច្រើនរូបទៀត។មានមតិស្វាគមន៍ ចំពោះគណៈប្រតិភូក្នុងឱកាសនោះ លោក កែន សត្ថា អភិបាលខេត្តកែប ក៏បានគោរពថ្លែងអំណរ គុណយ៉ាងជ្រាលជ្រៅ ចំពោះសម្តេច កិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែល ជានិច្ចជាកាលតែងតែយកចិត្តទុក្ខដាក់ដល់ការលំបាក់របស់ប្រជាពលរដ្ឋ និងស្វាគមន៍យ៉ាងកក់ក្តៅចំពោះ វត្តមាន នៃការអញ្ជើញជាអធិបតីភាពរបស់លោកស្រី ម៉ែន នារីសោភ័ក ព្រមទាំងគណៈ ប្រតិភូកាកបាទក្រហមកម្ពុជាទាំងអស់ដែលមានវត្តមាននាពេលនេះ។ចូលរួមសំណេះសំណាល ជាមួយបងប្អូនក្នុងឱកាសនោះ លោកស្រី ម៉ែន នារីសោភ័ក បាន ពាំនាំនូវការផ្តាំផ្ញើសួរសុខទុក្ខដ៏ខ្ពង់ខ្ពស់ពីសំណាក់ សម្តេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម កម្ពុជា ដល់បងប្អូនទាំងអស់ ដោយក្តីនឹករឭកនិងអាណិតស្រឡាញ់ ដ៏ជ្រាលជ្រៅបំផុត។ ចុងបញ្ចប់នៃកម្មវិធីគណៈអធិបតីក៏បានប្រគល់ ជូនពួកគាត់ម្នាក់ៗនូវសម្ភារៈរួមមាន៖មុងឆ្អឹងដែកដែលជាអំណោយកាកបាទក្រហមចិន ខោអាវ និងថវិកាមួយចំនួនផងដែរ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ