កែប ៖ នៅព្រឹកថ្ងៃទី២០ខែសីហា ឆ្នាំ២០១៨ដែលជាថ្ងៃប្រឡងបាក់ឌុប លោក កែន សត្ថា អភិបាល នៃគណៈអភិបាលខេត្តកែប អបដំណើរដោយសការីជាច្រើនរូប បានអញ្ជើញចូលរួមបើកវិញ្ញាសារសម្រាប់ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០១៧-២០១៨ នៅវិទ្យាល័យ ប៊ុន រ៉ានី ហ៊ុន សែន ចរិយាវង្ស ស្ថិតក្នុងភូមិដំណាក់ចំបក់ សង្កាត់អូរក្រសារ ក្រុងកែប។ក្នុងឱកាសនៃការប្រឡងនេះ លោក ងួន ច័ន្ទសុជាតា ប្រធានមន្ទីរអប់រំ យុវជន និងកីឡាខេត្តកែបបានបញ្ជាក់ថា សម័យប្រឡងនាថ្ងៃទី២០ ខែសីហា ឆ្នាំ២០១៨ដែលប្រព្រឹត្តឡើងនៅវិទ្យាល័យប៊ុន រ៉ានី ហ៊ុន សែន ចរិយាវង្សនេះគឺមាន២មណ្ឌល ស្មើនឹង១១បន្ទប់ មានបេក្ខជនប្រឡងចំនួន២៦៧នាក់ ស្រី១៣៦នាក់ ក្នុងនោះមានស្វៃរិន១៥នាក់ ស្រី៧នាក់។លោកប្រធានមន្ទីរបានឲ្យដឹងទៀតថា ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)នៅក្នុង២មណ្ឌលខាងលើបានបែងចែកអគារផ្នែកខាងជើងគឺផ្នែកវិទ្យាសាស្ត្រ ដែលមាន២បន្ទប់ មានសិស្សប្រឡងចំនួន៤២នាក់ ស្រី២៣នាក់។ដោយឡែកអគារខាងត្បូង ផ្នែកវិទ្យាសាស្ត្រសង្គម ស្មើ៩បន្ទប់ មានសិស្សប្រឡងចំនួន២២៥នាក់ ស្រី១១៣នាក់ ក្នុងនោះស្វៃរិន១៥នាក់។លោកប្រធានមន្ទីរបានបញ្ជាក់ទៀតថា ក្នុងចំណោមសិស្សជាបេក្ខជនប្រឡងសញ្ញាបត្រទុតិយភូមិចំនួន២៦៧នាក់ខាងលើគឺសិស្សនៅក្នុងវិទ្យាល័យ ប៊ុន រ៉ានី ហ៊ុន សែន ចរិយាវង្ស មានសិស្សចំនួន ១០៤នាក់ ស្រី៥៨នាក់ ព្រមទាំងសិស្សមកពីវិទ្យាល័យ ហ៊ុន សែន ចំការដូង មានចំនួន១៤៨នាក់ ស្រី៧១នាក់ និងស្វៃរិនចំនួន១៥នាក់ផងដែរ។សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ ក្នុងឆ្នាំសិក្សា២០១៧-២០១៨នេះ នៅខេត្តកែប បានប្រព្រឹត្តទៅដោយរលូន ក្រោមការត្រួតពិនិត្យដ៏ហ្មត់ចត់របស់គណៈកម្មាធិការប្រឡងគ្រប់លំដាប់ថ្នាក់ ព្រមទាំងមានការចូលរួមសង្កេតការណ៍របស់អង្គភាពប្រឆាំងអំពើពុករលួយ និងអ្នកសង្កេតការណ៍ស្ម័គ្រចិត្តជាច្រើនរូបផងដែរ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ