តូបអាជីវករខ្មែរនៅផ្សាររោងក្លឿ ប្រទេសថៃប្រមាណជិត១០តូប ត្រូវបានអគ្គីភ័យលេបត្របាក់អស់ទាំងស្រុង
ខេត្តបន្ទាយមានជ័យ ៖ តាមសេចក្តីរាយការណ៍បានឲ្យដឹងថា នាវេលាម៉ោងប្រមាណជាង៥ល្ងាច ថ្ងៃទី១៨ ខែសីហា ឆ្នាំ២០១៨នេះ មានអគ្គីភ័យមួយបានឆាបឆេះតូបរបស់អាជីវករខ្មែរ ដែលលក់ដូរនៅនៅផ្សាររោងក្លឿ ប្រទេសថៃបង្កឲ្យមានការភ្ញាក់ផ្អើល។
សូមជំរាបដែរថា ៖ ហេតុការណ៍នេះបានកើតឡើងនៅចំណុចអាគាB ផ្សារថ្មី ផ្សាររោក្លឿ ប្រទេសថៃ។
តាមសេចក្តីរាយការណ៍ដដែរបន្តថា៖ករណីអគ្គីភ័យដែលលេបត្របាក់តូបរបស់អាជីវករខ្មែរអស់ប្រមាណជិត១០តូបនេះ រហូតមកដល់វេលាម៉ោង០៨យប់ទើបរលត់ជាស្ថាពរ ដោយមានការជួយអន្តរាគមន៍ ពីអាជ្ញាធររបស់ប្រទេសថៃ ដែលបាននាំយករថយន្តពន្លត់អគ្គីភ័យជាច្រើនគ្រឿង ព្រមទាំងយករថយន្តអេស្គាវើទ័រចំនួ២គ្រឿងមកកាយផ្តាច់ទើបបានរលត់។
ពាក់ពន្ឋ័ទៅនឹងអគ្គីភ័យឆាបឆេះនេះដែរ បើតាមប្រភពព័ត៌មានបានឲ្យដឹងដែរថា៖ការឆេះនេះមិនដឹងពីមូលហេតុនោះទេ ដោយដឹងថាកាឆេះនេះគឺផ្តើមចេញពីក្នុងតូបតែម្តង ។
បើតាមសមត្ថកិច្ចថៃប្រាប់អ្នកសារព័ត៌មានឲ្យដឹងថា ៖ ការឆេះតូបរបស់អាជីវករខ្មែរមិនបណ្តាលឲ្យមនុស្សរងគ្រោះថ្នាក់នោះទេ តែឥវ៉ាន់ប្រមាណជិត១០តូបត្រូវអគ្គីភ័យឆាបឆេះអស់ទាំងស្រុង ។ ដោយឡែកទំហំនៃការខូចខាតនូវមិនទាន់ដឹងនៅឡើយ ជំនាញកំពុងតែធ្វើការពិនិត្យ៕
![]()
![]()