កែប ៖ មានតែគណបក្សប្រជាជនកម្ពុជាតែមួយគត់ដែលបាននាំមកនូវសុខសន្តិភាព ស្ថិរភាព និងការអភិវឌ្ឍន៍សង្គមជាតិ បានរីកចម្រើន។ដូច្នេះប្រជាពលរដ្ឋត្រូវតែមានជំនឿជឿជាក់មកលើគណបក្សប្រជាជនកម្ពុជា ដែលជានិច្ចកាលតែងផ្តល់ភាពកក់ក្តៅជូនប្រជាពលរដ្ឋ គ្រប់មជ្ឈដ្ឋាន។នេះជាប្រសាសន៍ដ៏មានអត្ថន័យរបស់ ឯកឧត្តម កិតិ្តសេដ្ឋាបណ្ឌិត ចម ប្រសិទ្ធ ប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តកែប ក្នុងពិធីសំណេះសំណាលជាមួយសមាជិក សមាជិកា គណបក្សប្រជាជនកម្ពុជា ភូមិដំណាក់ចង្អើរ ភូមិកំពង់ត្រឡាច និងភូមិថ្មី សង្កាត់ព្រៃធំ ក្រុងកែប ខេត្តកែប នៅព្រឹកថ្ងៃទី១១ ខែកក្កដា ឆ្នាំ២០១៨នេះ។ឯកឧត្តម កិត្តិសេដ្ឋាបណ្ឌិត ចម ប្រសិទ្ធ បានបញ្ជាក់ផងដែរថា គណបក្សប្រជាជនកម្ពុជា បានឈរលើគោលការណ៍គ្រឹះដ៏រឹងមាំ មានសមត្ថភាពដឹកនាំប្រទេសឆ្ពោះទៅរកការរីចម្រើនឥតឈប់ឈរ ពិសេសការពារបាននូវ សុខសន្តិភាព ស្ថេរភាព និងភាពសុខសាន្ត ជូនប្រជាពលរដ្ឋ និងសង្គមជាតិទាំងមូល ពិសេសធានាបាននូវសុខសុវត្ថិភាពជូនប្រជាពលរដ្ឋទូទាំងប្រទេស។ជាមួយគ្នានេះ ឯកឧត្តម ក៏បានក្រើនរំឭកដល់លោកតា លោកយាយ សមាជិក សមាជិកា និងបងប្អូនប្រជាពលរដ្ឋកុំចាញ់ឧបាយកលរបស់គណបក្សនយោបាយមួយចំនួន ដែលតែងតែញុះញង់និងប្រើរូបភាពផ្សេងៗ ហើយបងប្អូនប្រជាពលរដ្ឋត្រូវអញ្ជើញចូលរួមទៅបោះឆ្នោតជ្រើសតាំង តំណាងរាស្ត្រនីតិកាលទី៦ ដែលប្រព្រឹត្តទៅនៅថ្ងៃទី២៩ខែកក្កដា ឆ្នាំ២០១៨ទាំងអស់គ្នា គឺបោះឆ្នោតជូនគណបក្សប្រជាជនកម្ពុជា នៅលេខរៀលទី២០ មានរូបសញ្ញាទេវតាបាចផ្កា ដើម្បីបន្តគាំទ្រសម្តេចតេជោ ហ៊ុន សែន ដឹកនាំប្រទេសបន្តទៀត៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ