(កំពត)៖ នៅរសៀលថ្ងៃអាទិត្យ ៦រោច ខែជេស្ឋ ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី៣ ខែមិថុនា ឆ្នាំ២០១៨ លោក ជួន សុភា អភិបាលរងស្រុក និងជាប្រធាន គណៈកម្មាធិការអនុសាខាកាកបាទក្រហមកម្ពុជាស្រុកកំពង់ត្រាច រួមជាមួយព្រះចៅអធិការវត្តភ្នំសាឡី លោក ទិន សម្បត្តិ សមាជិកក្រុមប្រឹក្សាស្រុក និងជាអនុប្រធានក្រុមការងារស្រុកចុះជួយឃុំ លោក ស៊ិប សៅ ក្រុមការងារស្រុកចុះជួយឃុំ និងជាសមាជិកសម្ពន្ធយុវជនស្រលាញ់សន្តិភាពស្រុក លោកមេឃុំ លោកប្រធានគណបក្សមូលដ្ឋាន និងលោក លោកស្រីសមាជិក សមាជិកា គណបក្សមូលដ្ឋានឃុំកំពង់ត្រាចខាងលិច បាន អញ្ជើញសួរសុខទុក្ខគ្រួសារសពលោកយាយ អ៊ូច ខា អាយុ៥៨ឆ្នាំ ដែលបានទទួលមរណភាព កាលពីថ្ងៃទី០២ ខែមិថុនា ឆ្នាំ២០១៨ វេលាម៉ោង ៤រសៀលកន្លងទៅ ដោយរោគាពាធ នៅភូមិកំពង់ត្រាចទី២ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។ក្នុងដំណើរសួរសុខទុក្ខនេះ ក្រុមការ ងារបាននាំយកនូវអង្ករចំនួន២បាវ ស្មើនឹង១០០ គីឡូក្រាម និងថវិកាចំនួន៣៥០.០០០រៀល ជូនដល់ គ្រួសារនៃសព ដើម្បីរៀបចំធ្វើបុណ្យទៅតាម ប្រពៃណី ហើយថវិកាទាំងអស់នេះបានមកពីរការចូលរួមរបស់ព្រះចៅអធិការវត្តភ្នំសាឡី អនុសាខាកាកបាទក្រហមស្រុក ក្រុមកាងារ សយសសស្រុកកំពង់ត្រាច និង គណបក្សមូលដ្ឋានឃុំកំពង់ត្រាចខាងលិចផងដែរ។លោកជួន សុភា ប្រធានគណៈកម្មាធិការអនុសាខាកាកបាទក្រហមកម្ពុជាស្រុកកំពង់ត្រាច បានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ខកាលសម្តេចតែងតែគិតគូរ និងរួមសុcខរួមទុក្ខប្រកបដោយចិត្តសប្បុរសធម៌ដោយគ្មានការេើសអើងពូជសាសន៍ពណ៌សម្បុរ មិនប្រកាន់និន្នាការ ពិសេសជួយដល់ជនងាយរងគ្រោះគ្រប់ប្រភេទ ដូចជាជនរងគ្រោះដោយសារគ្រោះធម្មជាតិផ្សេងៗ ចាស់ជរា ជនពិកា អ្នកផ្ទុកមេរោគអេដស៏ ស្ត្រីម៉េម៉ាយគ្មានទីពឹងជាដើម។ល។ ជាមួយនេះដែរ ក្រុមគ្រួសារនៃសព ក៏សូមគោរព ថ្លែងអំណរគុណយ៉ាងជ្រាលជ្រៅបំផុត ចំពោះ ព្រះគុណម្ចាស់ ថ្នាក់ដឹកនាំ និងសប្បុរសជន ជាម្ចាស់ទានទាំងអស់ ពិសេសក្រុមការងារអនុសាខាកាកបាទក្រហមកម្ពុជាស្រុកកំពង់ត្រាច ដែលជានិច្ចកាលតែងតែចុះសួរសុខទុក្ខ និងជួយរំលែករាល់ការលំបាករបស់បងប្អូនប្រជាពលរដ្ឋនៅតាមមូលដ្ឋាន៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ