(កំពត)៖ លោក ជាវ តាវ អភិបាល នៃគណៈអភិបាលខេត្ត និងជាប្រធានកិតិ្តយសសាខាកាកបាទក្រហមកម្ពុជាខេត្តកំពត នៅព្រឹកថ្ងៃទី១០ខែមិថុនា ឆ្នាំ២០១៨នេះ បានដឹកនាំក្រុមការងារកាកបាទក្រហម ចុះសួរសុខទុក្ខ និងពាំនាំនូវអំណោយសង្គ្រោះ របស់កាកបាទក្រហមកម្ពុជា ផ្តល់ជូនដល់ប្រជាពលរដ្ឋក្រីក្រនិងប្រជាពលរដ្ឋដែលរងនឹងឥទ្ធិពលខ្យល់កន្ទ្រាក់បណ្តាលឲ្យដួលរលំ និងរបើកដំបូលលំនៅឋាន ខណៈមានភ្លៀងខ្យល់យ៉ាងកក្រើកមេឃ កាលពី០៧និងថ្ងៃទី០៩ខែមិថុនា ឆ្នាំ២០១៨ ស្ថិតក្នុងភូមិគក ឃុំម្រោម ស្រុកអង្គរជ័យ ខេត្តកំពត។អំណោយដែលសាខាកាកបាទក្រហមកម្ពុជាខេត្តកំពត ផ្តល់ជូននាពេលនេះ សម្រាប់គ្រួសារក្រីក្រ និងប្រជាពលរដ្ឋខូចខាតផ្ទះសំបែងមធ្យម គឺក្នុងមួយគ្រួសារទទួលបានអង្គរ២៥គីឡូក្រាម មី១កេស ត្រីខកំប៉ុង១យួរ និងថវិកាចំនួន២០មឺុនរៀល។ដោយឡែក ប្រជាពលរដ្ឋដែលត្រូវខ្យល់កន្ទ្រាក់វាយផ្តួលរលំលំនៅដ្ឋានទាំងស្រុង បានទទួលអង្គរ២៥គីឡូក្រាម មី១កេស ត្រីខ១យួរ និងថវិកាចំនួន៥០មឺុនរៀល។មានមតិផ្តាំផ្ញើសួរសុខទុក្ខ លោក ជាវ តាវ ប្រធានកិតិ្តយសសាខាកាកបាទក្រហមកម្ពុជាខេត្ត ក៏បានពាំនាំនូវប្រសាសន៍ផ្តាំផ្ញើពីសម្តេច កិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងគិតគូរនិងជួយទំនុកបំរុងដល់ជនងាយរងគ្រោះគ្រប់ប្រភេទ នៅគ្រប់តំបន់ទូទាំងប្រទេសដោយគ្មានការរើសអើងពូជសាសន៍ មិនប្រកាន់និន្នាការនយោបាយ ហើយទីណាមានអ្នករងគ្រោះ ទីនោះត្រូវតែមានក្រុមការងារកាកបាទក្រហមជានិច្ច ដោយសកម្មភាពមនុស្សធម៌នេះ យើងមិនទុកអ្នកណាម្នាក់ចោលឡើយ។ជាចុងក្រោយ លោក ជាវ តាយ ក៏បានក្រើនរំឭកដល់បងប្អូនប្រជាពលរដ្ឋនៅតំបន់ខាងលើត្រូវចេះថែរក្សាសុខភាព ត្រូវប្រុងប្រយ័ត្នខណៈពេលមេឃកំពុងភ្លៀង កុំធ្វេសប្រហែសនិងកុំបណ្តោយឲ្យកូនចៅដើរកាត់ភ្លៀងផ្តេសផ្តាស ព្រោះគ្រោះធម្មជាតិវាកាចសាហាវណាស់។ជាថ្មីម្តងទៀត លោកក៏បានដាស់តឿនដល់បងប្អូនប្រជាពលរដ្ឋទាំងអស់កំុភ្លេចចូលរួមទៅបោះឆ្នោតជ្រើសតាំងតំណាងរាស្ត្រនីតិកាលទី៦ ដែលប្រព្រឹទ្ធទៅនៅថ្ងៃអាទិត្យទី២៩ខែកក្កដា ឆ្នាំ២០១៨ខាងមុខឲ្យបានគ្រប់គ្នា ដើម្បីជ្រើសរើសយកអ្នកដឹកនាំប្រទេស ប្រកបដោយភាពឆ្លាតវៃ មានសុខសន្តិភាពពេញលេញ មានការអភិវឌ្ឍន៍ដូចពេលបច្ចុប្បន្ននេះ។សូមបញ្ជាក់ផងដែរថា៖ បើតាមរបាយការណ៍របស់លោក កឹម បូណា អភិបាល នៃគណៈអភិបាលស្រុកអង្គរជ័យ បានឲ្យដឹងថា ប្រជាពលរដ្ឋដែលត្រូវផ្តល់អំណោយជូននាពេលនេះ មានចំនួន២០គ្រួសារ ហើយក្នុងចំណោមនោះ មាន១៨គ្រួសាររងគ្រោះដោយសារខ្យល់កន្ទ្រាក់ កាលពីថ្ងៃទី០៧(មាន១២គ្រួសារ) និងថ្ងៃទី០៩ខែមិថុនា ឆ្នាំ២០១៨(មាន៦គ្រួសារ) ចំណែក២គ្រួសារទៀតជាគ្រួសារក្រីក្រ រស់នៅភូមិគក ឃុំម្រោម ស្រុកអង្គរជ័យ ខេត្តកំពត៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ