កំពត ៖ ប៉ាណូមួយផ្ទាំងដែលកាត់ទទឹងផ្លូវ ស្ថិតនៅចំណុចឃុំបឹងទូក ស្រុកទឹកឈូ ខេត្តកំពត ក្បែរផ្លូវចូលរមណីយដ្ឋានឋានសួគ៌បូកគោ នៃកំណាត់ផ្លូវជាតិលេខ៣ ចន្លោះគីឡូម៉ែត្រ១៥៥ ត្រូវបានដាច់ធ្លាក់នៅលើដងផ្លូវ ដោយសារកម្លាំងខ្យល់កន្ទ្រាក់បោកបក់ កាលពីវេលាម៉ោង៤ទៀបភ្លឺ ថ្ងៃទី១១ខែមិថុនា ឆ្នាំ២០១៨ បណ្តាលឲ្យមានការកកស្ទះចរាចរដល់អ្នកដំណើរ ប្រហែល៣ម៉ោង។ប៉ុន្តែករណីបាក់ធ្លាក់ផ្ទាំងប៉ាណូខាងលើមិនបណ្តាលឲ្យអ្នកដំណើរណាម្នាក់រងគ្រោះថ្នាក់នោះឡើយ។ក្នុងហេតុកាណ៍ធ្លាក់ផ្ទាំងប៉ាណូនៅកណ្តាលផ្លូវជាតិលេខ៣នេះដែរ គេឃើញវត្តមាន លោក ជាវ តាយ អភិបាល នៃគណៈអភិបាលខេត្តកំពត បានចុះទៅអន្តរាគមន៍ភ្លាមៗ ដោយបានជំរុញឲ្យមន្ត្រីជំនាញស្ទូចផ្ទាំងប៉ាណូនេះចេញពីដងផ្លូវដើម្បីសម្រួលចរាចរឲ្យប្រសើរឡើងវិញ។តាមការលើកឡើងពីសំណាក់ប្រជាពលរដ្ឋរស់នៅក្បែរទីតាំងខាងលើបាននិយាយថា ផ្ទាំងប៉ាណូនេះបានធ្លាក់ចុះមកកាត់ទទឹងផ្លូវ ក្នុងខណៈពេលមានភ្លៀងធំមួយមេ លាយឡំជាមួយខ្យល់កន្ទ្រាក់ដ៏កក្រើក នៅវេលាម៉ោង៤ទៀបភ្លឺថ្ងៃទី១១ខែមិថុនា ឆ្នាំ២០១៨ព្រឹកនេះ។ពួកគាត់បាននិយាយទៀតថា បន្ទាប់ពីផ្ទាំងប៉ាណូបាក់ធ្លាក់ចុះក្រោម តាមកំណាត់ផ្លូវជាតិលេខ៣នោះ ក៏បានធ្វើឲ្យអ្នកដំណើរតាមមធ្យោបាយគ្រប់ប្រភេទត្រូវកកស្ទះចរចរនៅទីនេះប្រមាណ៣ម៉ោងឯណោះ។ជាមួយនេះដែរ បន្ទាប់ពីលោកអភិបាលខេត្តកំពត អន្តរាគមន៍យករថយន្តមកស្ទូចផ្ទាំងប៉ាណូចេញរួចរាល់នោះ ឥឡូវចរាចរបានដំណើរការធម្មតាវិញហើយ៕
ព័ត៌មានគួរចាប់អារម្មណ៍
កសិករនាំគ្នាសម្រុកដកមើមដំឡូងមី ខណ:តម្លៃទីផ្សារស្ទុះហក់ឡើងខ្ពស់ជាងឆ្នាំមុនៗ (សម្លេងខ្មែរពិត)
សម្តេចក្រឡាហោម ស ខេង អញ្ជីញជាគណៈអធិបតី ក្នុងពិធី សន្និបាតបូកសរុបការងារបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ នៅទូទាំងប្រទេស (សម្លេងខ្មែរពិត)
ក្រុងកំពតនឹងត្រូវបានចុះបញ្ជីជាក្រុងបេតិកភណ្ឌពិភពលោកនាពេលខាងមុខនេះ (សម្លេងខ្មែរពិត)
ពិធីសំណេះសំណាលសិស្សជ័យលាភីប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៧-២០១៨ នៅខេត្តកំពត (សម្លេងខ្មែរពិត)
ក្រសួងកសិកម្ម រុក្ខាប្រមាញ់ និងនេសាទ បើកវគ្គបណ្តុះបណ្តាល ស្តីពីការគ្រប់គ្រង និងភាពជាអ្នកដឹកនាំ (សម្លេងខ្មែរពិត)
វីដែអូ