ថ្ងៃព្រហស្បតិ៍ ទី១៩ ខែកក្កដា ឆ្នាំ២០១៨ គេហទំព័រសម្លេងខ្មែរពិត || ទំនាក់ទំនងចាងហ្វាងការផ្សាយ លេខទូរស័ព្ទ ៖ 088 41 41 152 / 012 98 48 55
​យោធា​មួយ​ក្រុម​ផឹកស៊ី​ស្រវឹង​នាំ​គ្នា​បាញ់​កាត់សាញ​ជិត​៥០​គ្រាប់ បណ្តាលឱ្យ​ស្ត្រី​ម្នាក់​រងរបួស​
Tue,08 May 2018 (Time 07:23 AM)
ដោយ សម្លេងខ្មែរពិត (ចំនួនអ្នកអាន: 39នាក់)


កំពត ៖ មិនដឹង​ដោយសារ​អំណាច​ជាតិ​ស្រវឹង​ឬ​មាន​ចេតនា​ផ្ទុះ​អាវុធ​នោះ​ទេ ស្រាប់តែ​កំពុង​ផឹកស៊ី ក្រុម​ទាហាន​បាន​បាញ់កាំភ្លើង​អស់​ជា​ច្រើន​គ្រាប់​បង្ក​ការភ្ញាក់ផ្អើល​ដល់​ប្រជាពលរដ្ឋ​ក្នុង​មូលដ្ឋាន ថែម​ទាំង​បណ្តាលឱ្យ​ស្ត្រី​ម្នាក់​រងរបួស​ដោយសារ​គ្រាប់កាំភ្លើង​ផងដែរ​។​

​ករណី​បាញ់​បោះ​សេរី​បង្ក​ការភ្ញាក់ផ្អើល​ខាងលើ​បាន​កើតឡើង​នៅ​វេលា​ម៉ោង​៥​និង​៤៥​នាទី​ល្ងាច ថ្ងៃទី​០៥​ខែ​ឧសភា ឆ្នាំ​២០១៨ នៅ​ចំណុច​ដី​បាក់ ក្នុង​ចំការ ឈ្មោះ​មឿន ស្ថិតក្នុង​ភូមិ​ត្រពាំង​ព្រីង​ខាងជើង ឃុំ​ត្រពាំង​ព្រីង ស្រុក​ទឹកឈូ ខេត្ត​កំពត​។​

​ដោយ​ស្រង់​ប្រភព​ពី​សមត្ថកិច្ច​ស្រុក​ទឹកឈូ​បានឱ្យដឹងថា នៅវេលា​ម៉ោង​ខាងលើ មាន​កម្លាំង​យោធា​មួយ​ក្រុម​មាន​គ្នា​ប្រមាណ​១០​នាក់ ជិះ​រថយន្ត​ធុន​តូច​-​ធំ ចំនួន​៤​គ្រឿង មក​ផឹកស៊ី​នៅ​កន្លែងកើតហេតុ លុះ​ផឹកស៊ី​ស្រវឹង​ក៏​ទាញ​អាវុធ​មក​បាញ់​បោះ​យ៉ាង​អានាធិបតេយ្យ​ចំនួន​៤៨​គ្រាប់ ធ្វើឱ្យ​ប្រជាពលរដ្ឋ​នៅ​មូលដ្ឋាន​ខាងលើ​មាន​ការភ្ញាក់ផ្អើល​យ៉ាងខ្លាំង​។​

​សមត្ថកិច្ច​បាន​បន្តថា ក្រោយ​ពី​ផ្ទុះ​អាវុធ ក្រុម​យោធា​ទាំងអស់​ក៏​បាន​ចាកចេញ​ពី​ទីនោះ​ភ្លាមៗ​តែម្តង ហើយ​ក៏​គ្មាន​អ្នកណា​ស្គាល់​អត្តសញ្ញាណ​ក្រុម​យោធា​នោះឡើយ​។​ចំពោះ​ករណី​បាញ់​បោះ​យ៉ាង​អាណាធិបតេយ្យ​នេះ បន្ទាប់​ពី​រំលង​បាន​ជាង​មួយ​ម៉ោង ស្រាប់តែ​សមត្ថកិច្ច​ទទួល​ព័ត៌មាន​ពី​ប្រជាពលរដ្ឋ​ថា ពេល​ក្រុម​យោធា​បាញ់​រំសាយកំហឹង​នេះ​គ្រាប់កាំភ្លើង​បាន​ហោះ​ត្រូវ​ស្ត្រី​ម្នាក់​បណ្តាលឱ្យ​រងរបួស​(​បៀម​គ្រាប់​)​ជាប់​នៅ​ជើង​ខាងឆ្វេង​។​ស្ត្រី​រងគ្រោះ​មាន​ឈ្មោះ សំ អ៊ូ​ញ ភេទ​ស្រី អាយុ​៤៨​ឆ្នាំ រស់នៅ​ភូមិ​ដំណាក់​ត្រាច ឃុំ​កណ្តោល ស្រុក​ទឹកឈូ ខេត្ត​កំពត​។​

​ជាមួយនេះដែរ បន្ទាប់ពី​មាន​សេចក្តីរាយការណ៍​ទាក់ទិន​នឹង​ការផ្ទុះអាវុធ​ជា​ច្រើន​គ្រាប់​នេះ កម្លាំង​សមត្ថកិច្ច​ជំនាញ បាន​ចុះទៅពិនិត្យ​នៅ​កន្លែងកើតហេតុ ក៏​ប្រទះឃើញ​សំបក​គ្រាប់​ប្រភេទ​អាកា​ចំនួន​១១​គ្រាប់ និង​ប្រភេទ​គ្រាប់​កាំភ្លើងខ្លី​(​ប្រភេទ​ឡក់​)​ចំនួន​៣៧​គ្រាប់​នៅ​ទីនោះ​ផងដែរ​។​ទោះជា​យ៉ាងណា ករណី​បាញ់​បោះ​សេរី​ផ្តើម​ដោយសារ​ក្រុម​យោធា​ដូច​ខាងលើ​នេះ កម្លាំង​សមត្ថកិច្ច​បាន​និង​កំពុង​ស្រាវជ្រាវ​រក​អត្តសញ្ញាណ​៕


ព័ត៌មានគួរចាប់អារម្មណ៍

លោក​ស្រីជា​ ខេង​ ប្រពន្ធ​លោក​ ស៊ុយ ​សែម​ រដ្ឋមន្រ្តីក្រ​សួងរ៉ែ និង​ថាមពលបូម​ខ្សាច់​នៅតំបន់​កោះថា​ស (01298855)

ព័ត៌មានគួរចាប់អារម្មណ៍

លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ​បើកភ្លើង​ខៀវ​ឲ្យ​មេ​ប៉ុស្ដិ៍​បឹង​ជ្រោង​លោក ធៀ​ម ដែន ហៅ​តក់​ធ្វើ​អ្វីៗ​តាម​អំពើ​ចិត្ត​មិន​ញញើត​និង​បទបញ្ជា​របស់​នាយករដ្ធមន្ត្រី​ហ៊ុន​សែន​? (សម្លេងខ្មែរពិត)

ព័ត៌មានគួរចាប់អារម្មណ៍

គ្រឿងចក្រ​សម្រុក​កាយ​ដី​ភ្នំ​ក្នុង​ភូមិសាស្ត្រ​ឃុំ​ភ្នំ​កុង​យ៉ាង​កក្រើក សង្ស័យ​មាន​ការឃុបឃិត​គ្នា​រវាង​អជ្ញាធរ​និង​ជំនាញ​ (សម្លេងខ្មែរពិត)

ព័ត៌មានគួរចាប់អារម្មណ៍

គ្រឿងចក្រ​កំពុង​ធ្វើ​សកម្មភាព​ជីក​កកាយ​ភ្នំ​អង្គរជ័យ​ជិត​រលាយ​ទៅហើយ ជំនាញ​អះអាងថា​កាយ​ភ្នំ​ដាំ​ដើមឈើ​វិញ​... (សម្លេងខ្មែរពិត)

ព័ត៌មានគួរចាប់អារម្មណ៍

លោកឈុន សុភមង្គល រងការរិះគន់ថា ធ្វើមិនដឹងមិនឮ ក្នុងការរកស៊ី រត់ពន្ធសាំង ហ្គាស និងទំនិញគ្រប់ប្រភេទ (សម្លេងខ្មែរពិត)

វីដែអូ